LUKE 3
3
Ukwɔrɔ Ikɔ John
(Mt 3.1-12; Mk 1.1-8; Jn 1.19-28)
1KE ɔyɔhɔ isua efut emi Tiberius Caesar adade ubɔŋ, ke ini Pontius Pilate edide andikara Judaea, Herod onyuŋ edide tetrarch Galilee, Philip eyen-ete esie onyuŋ edide tetrarch edem Ituraea ye Trachonitis, Lysanias onyuŋ edide tetrarch Abilene; 2ke ini Annas ye Caiaphas edide ikpɔ oku; uyo Abasi osim John eyen Zechariah ke desert. 3Ndien enye asaŋa ke ofuri ŋkan-ŋkuk Jordan edikwɔrɔ baptism erikabare esit, man efen mme idiɔk-ŋkpɔ; 4nte ewetde ke ŋwed prophet Isaiah, ete,
Uyo andifiori ke desert, ete,
Mbufo ediɔŋ usuŋ Jehovah,
Eneŋere ɔkpɔusuŋ Esie.
5Eyemenere kpukpru itihere ebiet ke enyɔŋ,
Eyenyuŋ enam kpukpru ikpɔ ye ŋkpri obot esuhɔre,
Se ikwaŋade eyekabare enen,
Ŋkputuk-ŋkputuk usuŋ eyedɔnɔ;
6Kpukpru owo eyenyuŋ ekut erinyaŋa Jehovah.
7Ntre ke enye ɔdɔhɔ mme otu owo emi ewɔŋɔde edi edina baptism ke ubɔk esie, ete, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide? 8Esioŋo naŋa ndien mfri eke odotde erikabare esit; ekunyuŋ etɔŋɔ ndidɔhɔ ke esit mbufo ete, Ŋkɔm imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham. 9Edi kpa idahemi emenim ekudi ke etak eto: ntre ke ekpi kpukpru eto eke miŋwomke eti mfri eduɔk, emen, esin ke ikaŋ. 10Mme otu owo ebup enye ete, Nnyin inyene ndinam nso? 11Enye ɔbɔrɔ mmɔ ete, Yak owo eke enyenede ɔfɔŋidem iba ada kiet ɔnɔ owo eke minyeneke; yak owo eke enyenede udia onyuŋ anam kpa ntre. 12Edi mme publican nde edi ndina baptism, mmɔ enyuŋ edɔhɔ enye ete, Andikpep, nnyin inyene ndinam nso? 13Enye ete mmɔ, Ekubɔ owo ŋkpɔ ekan se ekonimde enɔ mbufo ndibɔ. 14Mbonekɔŋ nde ebup enye ete, Nnyin inyene ndinam nso? Enye ete mmɔ, Ekutuk owo, ekunyuŋ edori owo ikɔ ke nsu, enyuŋ enemesit ye ŋkpɔ-eyen-utom mbufo.
15Edi ke ini mbio-obio etiede ke idori-enyin, kpukpru owo enyuŋ enenide ebaŋa John ke esit mmɔ ete, me enye ekpedi Christ; 16John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ. 17Usak-ŋkpɔ Esie odu Enye ke ubɔk, ndida nnam itie-ubek-ibokpot Esie otim asana, Enye eyenyuŋ obon ibokpot Esie ke ubet; edi eyefɔp mbio ke ikaŋ eke midinimeke.
18Ntem ke John ada ediwak ikɔ item eŋwen ekpe ye mbio-obio, onyuŋ ɔkwɔrɔ gospel ɔnɔ mmɔ; edi, 19sia enye asuade ɔnɔ Herod terarch abaŋa Herodias, ŋwan eyen-ete esie, ye kpukpru mme idiɔk-ŋkpɔ eke enye akanamde, 20Herod ɔkɔrɔ idiɔk-ŋkpɔ emi ke kpukpru mmɔ eken, ɔkɔbi John abaha ke ufɔk-ŋkpɔkɔbi.
John Ɔduɔk Jesus Mmɔŋ
(Mt 3.13-17; Mk 1.9-11)
21Edikem, ke ini kpukpru owo enade baptism ema, Jesus onyuŋ anade baptism onyuŋ ɔbɔŋde akam, 22enyɔŋ eberere, ndien Edisana Spirit ɔsuhɔre ke mbiet ibiom edidoro Enye ke idem: ndien uyo oto ke enyɔŋ, ete, Afo edi edima eyen Mi; mmenem esit eti-eti ye Afo.
Mme Ete Ete Jesus
(Mt 1.1-17)
23Ndien Jesus ke Idem Esie edi ŋkpɔ nte isua edip ye duop ke ini ɔtɔŋɔde ndikpep owo ŋkpɔ; owo enyuŋ ese ete, Enye edi eyen Joseph, eyen Heli, 24eyen Matthat, eyen Levi, eyen Melchi, eyen Jannai, eyen Joseph, 25eyen Mattathias, eyen Amos, eyen Nahum, eyen Esli, eyen Naggai, 26eyen Maath, eyen Mattathias, eyen Semein, eyen Josech, eyen Joda, 27eyen Joanan, eyen Rhesa, eyen Zerubbabel, eyen Shealtiel, eyen Neri, 28eyen Melchi, eyen Addi, eyen Cosam, eyen Elmadam, eyen Er, 29eyen Jesus, eyen Eliezer, eyen Jorim, eyen Matthat, eyen Levi, 30eyen Simeon, eyen Judah, eyen Joseph, eyen Jonam, eyen Eliakim, 31eyen Melea, eyen Menna, eyen Mattatha, eyen Nathan, eyen David, 32eyen Jesse, eyen Obed, eyen Boaz, eyen Sala, eyen Nahshon, 33eyen Amminadab, eyen Admin, eyen Arni, eyen Hezron, eyen Perez, eyen Judah, 34eyen Jacob, eyen Isaac, eyen Abraham, eyen Terah, eyen Nahor, 35eyen Serug, eyen Rue, eyen Peleg, eyen Eber, eyen Sala, 36eyen Cainan, eyen Arphaxad, eyen Shem, eyen Noah, eyen Lamech, 37eyen Methuselah, eyen Enoch, eyen Jared, eyen Mahalaleel eyen Cainan, 38eyen Enos, eyen Seth, eyen Adam, eyen Abasi.
Currently Selected:
LUKE 3: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
LUKE 3
3
Ukwɔrɔ Ikɔ John
(Mt 3.1-12; Mk 1.1-8; Jn 1.19-28)
1KE ɔyɔhɔ isua efut emi Tiberius Caesar adade ubɔŋ, ke ini Pontius Pilate edide andikara Judaea, Herod onyuŋ edide tetrarch Galilee, Philip eyen-ete esie onyuŋ edide tetrarch edem Ituraea ye Trachonitis, Lysanias onyuŋ edide tetrarch Abilene; 2ke ini Annas ye Caiaphas edide ikpɔ oku; uyo Abasi osim John eyen Zechariah ke desert. 3Ndien enye asaŋa ke ofuri ŋkan-ŋkuk Jordan edikwɔrɔ baptism erikabare esit, man efen mme idiɔk-ŋkpɔ; 4nte ewetde ke ŋwed prophet Isaiah, ete,
Uyo andifiori ke desert, ete,
Mbufo ediɔŋ usuŋ Jehovah,
Eneŋere ɔkpɔusuŋ Esie.
5Eyemenere kpukpru itihere ebiet ke enyɔŋ,
Eyenyuŋ enam kpukpru ikpɔ ye ŋkpri obot esuhɔre,
Se ikwaŋade eyekabare enen,
Ŋkputuk-ŋkputuk usuŋ eyedɔnɔ;
6Kpukpru owo eyenyuŋ ekut erinyaŋa Jehovah.
7Ntre ke enye ɔdɔhɔ mme otu owo emi ewɔŋɔde edi edina baptism ke ubɔk esie, ete, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide? 8Esioŋo naŋa ndien mfri eke odotde erikabare esit; ekunyuŋ etɔŋɔ ndidɔhɔ ke esit mbufo ete, Ŋkɔm imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham. 9Edi kpa idahemi emenim ekudi ke etak eto: ntre ke ekpi kpukpru eto eke miŋwomke eti mfri eduɔk, emen, esin ke ikaŋ. 10Mme otu owo ebup enye ete, Nnyin inyene ndinam nso? 11Enye ɔbɔrɔ mmɔ ete, Yak owo eke enyenede ɔfɔŋidem iba ada kiet ɔnɔ owo eke minyeneke; yak owo eke enyenede udia onyuŋ anam kpa ntre. 12Edi mme publican nde edi ndina baptism, mmɔ enyuŋ edɔhɔ enye ete, Andikpep, nnyin inyene ndinam nso? 13Enye ete mmɔ, Ekubɔ owo ŋkpɔ ekan se ekonimde enɔ mbufo ndibɔ. 14Mbonekɔŋ nde ebup enye ete, Nnyin inyene ndinam nso? Enye ete mmɔ, Ekutuk owo, ekunyuŋ edori owo ikɔ ke nsu, enyuŋ enemesit ye ŋkpɔ-eyen-utom mbufo.
15Edi ke ini mbio-obio etiede ke idori-enyin, kpukpru owo enyuŋ enenide ebaŋa John ke esit mmɔ ete, me enye ekpedi Christ; 16John ɔbɔrɔ mmɔ kpukpru ete, Ami nda mmɔŋ nnim mbufo baptism; edi Enye emi enyenede odudu akan mi ɔmɔŋ edi, emi mmendotke nditat ikpaukot Esie: Enye eyenim mbufo baptism ke Edisana Spirit ye ikaŋ. 17Usak-ŋkpɔ Esie odu Enye ke ubɔk, ndida nnam itie-ubek-ibokpot Esie otim asana, Enye eyenyuŋ obon ibokpot Esie ke ubet; edi eyefɔp mbio ke ikaŋ eke midinimeke.
18Ntem ke John ada ediwak ikɔ item eŋwen ekpe ye mbio-obio, onyuŋ ɔkwɔrɔ gospel ɔnɔ mmɔ; edi, 19sia enye asuade ɔnɔ Herod terarch abaŋa Herodias, ŋwan eyen-ete esie, ye kpukpru mme idiɔk-ŋkpɔ eke enye akanamde, 20Herod ɔkɔrɔ idiɔk-ŋkpɔ emi ke kpukpru mmɔ eken, ɔkɔbi John abaha ke ufɔk-ŋkpɔkɔbi.
John Ɔduɔk Jesus Mmɔŋ
(Mt 3.13-17; Mk 1.9-11)
21Edikem, ke ini kpukpru owo enade baptism ema, Jesus onyuŋ anade baptism onyuŋ ɔbɔŋde akam, 22enyɔŋ eberere, ndien Edisana Spirit ɔsuhɔre ke mbiet ibiom edidoro Enye ke idem: ndien uyo oto ke enyɔŋ, ete, Afo edi edima eyen Mi; mmenem esit eti-eti ye Afo.
Mme Ete Ete Jesus
(Mt 1.1-17)
23Ndien Jesus ke Idem Esie edi ŋkpɔ nte isua edip ye duop ke ini ɔtɔŋɔde ndikpep owo ŋkpɔ; owo enyuŋ ese ete, Enye edi eyen Joseph, eyen Heli, 24eyen Matthat, eyen Levi, eyen Melchi, eyen Jannai, eyen Joseph, 25eyen Mattathias, eyen Amos, eyen Nahum, eyen Esli, eyen Naggai, 26eyen Maath, eyen Mattathias, eyen Semein, eyen Josech, eyen Joda, 27eyen Joanan, eyen Rhesa, eyen Zerubbabel, eyen Shealtiel, eyen Neri, 28eyen Melchi, eyen Addi, eyen Cosam, eyen Elmadam, eyen Er, 29eyen Jesus, eyen Eliezer, eyen Jorim, eyen Matthat, eyen Levi, 30eyen Simeon, eyen Judah, eyen Joseph, eyen Jonam, eyen Eliakim, 31eyen Melea, eyen Menna, eyen Mattatha, eyen Nathan, eyen David, 32eyen Jesse, eyen Obed, eyen Boaz, eyen Sala, eyen Nahshon, 33eyen Amminadab, eyen Admin, eyen Arni, eyen Hezron, eyen Perez, eyen Judah, 34eyen Jacob, eyen Isaac, eyen Abraham, eyen Terah, eyen Nahor, 35eyen Serug, eyen Rue, eyen Peleg, eyen Eber, eyen Sala, 36eyen Cainan, eyen Arphaxad, eyen Shem, eyen Noah, eyen Lamech, 37eyen Methuselah, eyen Enoch, eyen Jared, eyen Mahalaleel eyen Cainan, 38eyen Enos, eyen Seth, eyen Adam, eyen Abasi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.