NUMBERS 21
21
Nditɔ Israel Eŋwana Ekan Mbon Canaan ye Urukikɔt Okpoho
1NDIEN adaŋemi edidem Arad eyen Canaan, emi oduŋde ke edem usuk, okopde nte Israel edide ke usuŋ Atharim; enye aka akaŋwana ekɔŋ ye Israel, onyuŋ omum ndusuk mmɔ. 2Ndien Israel ekaŋa akaŋa enɔ Jehovah, ete, Afo ama ayak mme mmɔ emi esin mi ke ubɔk, nyesɔhi mme obio mmɔ mfep. 3Ndien Jehovah okop uyo Israel, onyuŋ ayak mme Canaanite ɔnɔ mmɔ; ndien mmɔ esɔhi mmɔ ye mme obio mmɔ efep: ndien enye osio ebiet oro enyiŋ Hormah (nsobo).
4Ekem mmɔ edaŋa ke obot o Hor esaŋa usuŋ Ididuot Inyaŋ, man ekan ekabare isɔŋ Edom ke edem; ndien usuŋ odoro mmɔ ifem. 5Ndien kpukpru owo enam ikɔ ye Abasi ye Moses, ete, Nsinam mbufo edade nnyin ke Egypt ewɔrɔ, ete nnyin idikpaŋa ke wilderness emi? koro uyo ye mmɔŋ miduhe; obukpo uyo emi onyuŋ efek nnyin. 6Ndien Jehovah ɔdɔŋ mme idiɔk urukikɔt eduk ke otu mmɔ, enyuŋ edom mmɔ; ndien ediwak owo Israel ekpaŋa.
7Ndien kpukpru owo etiene Moses, ekedɔhɔ ete, Nnyin imenam idiɔk: koro nnyin inamde ikɔ ye Jehovah ye afo; kpe Jehovah ubɔk ete enye ɔbɔ nnyin urukikɔt emi efep. 8Ndien Moses anam mkpe-ubɔk ɔnɔ kpukpru owo. Ndien Jehovah ɔdɔhɔ Moses, ete, Nam idiɔk urukikɔt kiet, kɔŋ ke enyɔŋ anyan eto: ndien ama ekem, owo ekededi eke urukikɔt odomde enye, ama ese enye, eyedu uwem. 9Ndien Moses ada okpoho anam urukikɔt, emen ɔkɔŋ ke enyɔŋ anyan eto, ndien ekem, ke adaŋoro urukikɔt odomde owo, ndien enye ese urukikɔt okpoho oro, enye odu uwem.
10Ekem nditɔ Israel edaŋa ekena ke Oboth. 11Ndien mmɔ edaŋa ke Oboth, eka ekana ke Iye-abarim ke wilderness emi anade ke iso Moab, ke edem usiaha-utin.
12Ndien mmɔ edaŋa do, eka ekena ke itihere Zered. 13Mmɔ enyuŋ edaŋa do ŋko, eka ekena ke edem Arnon oko, emi odude ke wilderness, onyuŋ otode ke adaŋa mme Amorite: koro Arnon edide adaŋa Moab, ke ufɔt Moab ye mme Amorite. 14Mmɔdo edɔhɔde ke ŋwed mme ekɔŋ Jehovah, ete: “(Jehovah ada) Vaheb ke oyobio, ye mme idim, 15Arnon, ye usuhɔre mme idim emi ekabarede ese itie Ar, onyuŋ anade ke adaŋa Moab.”
16Ndien mmɔ edaŋa do eka Beer: oro edi obube mmɔŋ emi Jehovah ɔkɔdɔhɔde Moses abaŋa, ete, Nam kpukpru owo esop ke ɔtɔ kiet, ndien nyenɔ mmɔ mmɔŋ. 17Ndien Israel ekwɔ ikwɔ emi, ete, O obube, wɔrɔ mmɔŋ; mbufo ekwɔ enɔ enye: 18O obube, emi ikpɔ owo eketibide, emi mbɔŋ obio ekedade eto ye esaŋ mmɔ edɔk enye.
19Ndien mmɔ edaŋa ke wilderness oro eka Mattanah: mmɔ enyuŋ edaŋa ke Mattanah ŋko eka Nahaliel: ndien ekpɔŋ Nahaliel ewɔrɔ ke Bamoth: 20Ndien mmɔ edaŋa ke Bamoth ekesim ke itihere emi odude ke isɔŋ Moab ese ibuot Pisgah, onyuŋ ese edem wilderness.
21Ndien Israel ɔdɔŋ mme isuŋ-utom ke ɔtɔ Sihon ɔbɔŋ mme Amorite, ete, Mbɔk, yak nsaŋa ke isɔŋ fo mbe: 22nnyin idiwahake iduk ke iŋwaŋ, ye ke iŋwaŋ vine; nnyin idiŋwɔŋke mmɔŋ obube: nnyin iyesaŋa ke ɔkpɔ-usuŋ edidem, tutu nnyin ibe adaŋa fo. 23Ndien Sihon inyimeke Israel asaŋa ke adaŋa esie ebe: edi Sihon otim kpukpru ikɔt esie ɔtɔ kiet, ndien ɔwɔrɔ ɔkɔbiɔŋɔ Israel ke wilderness; ndien aka ke Jahaz, akaŋwana ekɔŋ ye Israel. 24Ndien Israel asuan enye ke iso ofut, onyuŋ ada isɔŋ esie, ɔtɔŋɔde ke Arnon tutu osim ke Jabbok, ye nditɔ Ammon: koro adaŋa nditɔ Ammon ɔsɔŋde. 25Israel onyuŋ ada kpukpru obio emi, Israel onyuŋ oduŋ ke kpukpru obio mme Amorite, ke Heshbon, ye ke kpukpru obio iŋwaŋ mmɔ. 26Koro Heshbon ekedide obio Sihon ɔbɔŋ mme Amorite, enye okonyuŋ aŋwana ekɔŋ ye akpa edidem Moab, onyuŋ ɔbɔ enye ofuri isɔŋ esie ke ubɔk, tutu osim ke Arnon. 27Mmɔdo mme mmɔ emi ekede ŋke edɔhɔ, ete, Mbufo eduk ke Heshbon, yak ebɔp obio Sihon, enyuŋ enam enye ɔsɔŋ: 28Koro ikaŋ ama oto ke Heshbon, edem-ikaŋ oto ke obio Sihon: enye ama ata Ar Moab, ata mme andinyene edikoŋ ebiet Arnon. 29Osuk ɔdɔdiɔk ɔnɔ fi, Moab! mbio Chemosh mbufo emetak. Enye ama ada nditɔ-eren esie ye nditɔ esie iban emi ebɔhɔde, ɔnɔ Sihon ɔbɔŋ mme Armorite ke ifin. 30Nnyin imenyuŋ itop mmɔ; Heshbon amatak tutu osim ke Dibon; nnyin imenyuŋ ibiat mmɔ tutu osim ke Nophah, emi etuakde ke Medeba.
31Ntem ke Israel etie ke isɔŋ mme Amorite. 32Ndien Moses ɔdɔŋ ekeyep Jazer, ndien mmɔ eda obio iŋwaŋ mmɔ, enyuŋ ebin mme Amorite emi edude do efep.
33Ndien mmɔ ewɔŋɔre edɔk ke usuŋ Bashan: ndien Og edidem Bashan ye kpukpru ikɔt esie ewɔŋɔ ekebiɔŋ mmɔ, eka ekɔŋ ye mmɔ ke Edrei. 34Ndien Jehovah ɔdɔhɔ Moses, ete, Kufehe enye: koro mmada enye, ye kpukpru ikɔt esie, ye isɔŋ esie, nsin fi ke ubɔk; ndien afo eyenam enye kpa nte akanamde Sihon ɔbɔŋ mme Amorite emi oduŋde ke Heshbon. 35Ntem ke mmɔ ekan enye, ye nditɔ-iren esie, ye kpukpru ikɔt esie, tutu baba owo esie kiet isuhɔke: ndien mmɔ eda isɔŋ esie enyene.
Currently Selected:
NUMBERS 21: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
NUMBERS 21
21
Nditɔ Israel Eŋwana Ekan Mbon Canaan ye Urukikɔt Okpoho
1NDIEN adaŋemi edidem Arad eyen Canaan, emi oduŋde ke edem usuk, okopde nte Israel edide ke usuŋ Atharim; enye aka akaŋwana ekɔŋ ye Israel, onyuŋ omum ndusuk mmɔ. 2Ndien Israel ekaŋa akaŋa enɔ Jehovah, ete, Afo ama ayak mme mmɔ emi esin mi ke ubɔk, nyesɔhi mme obio mmɔ mfep. 3Ndien Jehovah okop uyo Israel, onyuŋ ayak mme Canaanite ɔnɔ mmɔ; ndien mmɔ esɔhi mmɔ ye mme obio mmɔ efep: ndien enye osio ebiet oro enyiŋ Hormah (nsobo).
4Ekem mmɔ edaŋa ke obot o Hor esaŋa usuŋ Ididuot Inyaŋ, man ekan ekabare isɔŋ Edom ke edem; ndien usuŋ odoro mmɔ ifem. 5Ndien kpukpru owo enam ikɔ ye Abasi ye Moses, ete, Nsinam mbufo edade nnyin ke Egypt ewɔrɔ, ete nnyin idikpaŋa ke wilderness emi? koro uyo ye mmɔŋ miduhe; obukpo uyo emi onyuŋ efek nnyin. 6Ndien Jehovah ɔdɔŋ mme idiɔk urukikɔt eduk ke otu mmɔ, enyuŋ edom mmɔ; ndien ediwak owo Israel ekpaŋa.
7Ndien kpukpru owo etiene Moses, ekedɔhɔ ete, Nnyin imenam idiɔk: koro nnyin inamde ikɔ ye Jehovah ye afo; kpe Jehovah ubɔk ete enye ɔbɔ nnyin urukikɔt emi efep. 8Ndien Moses anam mkpe-ubɔk ɔnɔ kpukpru owo. Ndien Jehovah ɔdɔhɔ Moses, ete, Nam idiɔk urukikɔt kiet, kɔŋ ke enyɔŋ anyan eto: ndien ama ekem, owo ekededi eke urukikɔt odomde enye, ama ese enye, eyedu uwem. 9Ndien Moses ada okpoho anam urukikɔt, emen ɔkɔŋ ke enyɔŋ anyan eto, ndien ekem, ke adaŋoro urukikɔt odomde owo, ndien enye ese urukikɔt okpoho oro, enye odu uwem.
10Ekem nditɔ Israel edaŋa ekena ke Oboth. 11Ndien mmɔ edaŋa ke Oboth, eka ekana ke Iye-abarim ke wilderness emi anade ke iso Moab, ke edem usiaha-utin.
12Ndien mmɔ edaŋa do, eka ekena ke itihere Zered. 13Mmɔ enyuŋ edaŋa do ŋko, eka ekena ke edem Arnon oko, emi odude ke wilderness, onyuŋ otode ke adaŋa mme Amorite: koro Arnon edide adaŋa Moab, ke ufɔt Moab ye mme Amorite. 14Mmɔdo edɔhɔde ke ŋwed mme ekɔŋ Jehovah, ete: “(Jehovah ada) Vaheb ke oyobio, ye mme idim, 15Arnon, ye usuhɔre mme idim emi ekabarede ese itie Ar, onyuŋ anade ke adaŋa Moab.”
16Ndien mmɔ edaŋa do eka Beer: oro edi obube mmɔŋ emi Jehovah ɔkɔdɔhɔde Moses abaŋa, ete, Nam kpukpru owo esop ke ɔtɔ kiet, ndien nyenɔ mmɔ mmɔŋ. 17Ndien Israel ekwɔ ikwɔ emi, ete, O obube, wɔrɔ mmɔŋ; mbufo ekwɔ enɔ enye: 18O obube, emi ikpɔ owo eketibide, emi mbɔŋ obio ekedade eto ye esaŋ mmɔ edɔk enye.
19Ndien mmɔ edaŋa ke wilderness oro eka Mattanah: mmɔ enyuŋ edaŋa ke Mattanah ŋko eka Nahaliel: ndien ekpɔŋ Nahaliel ewɔrɔ ke Bamoth: 20Ndien mmɔ edaŋa ke Bamoth ekesim ke itihere emi odude ke isɔŋ Moab ese ibuot Pisgah, onyuŋ ese edem wilderness.
21Ndien Israel ɔdɔŋ mme isuŋ-utom ke ɔtɔ Sihon ɔbɔŋ mme Amorite, ete, Mbɔk, yak nsaŋa ke isɔŋ fo mbe: 22nnyin idiwahake iduk ke iŋwaŋ, ye ke iŋwaŋ vine; nnyin idiŋwɔŋke mmɔŋ obube: nnyin iyesaŋa ke ɔkpɔ-usuŋ edidem, tutu nnyin ibe adaŋa fo. 23Ndien Sihon inyimeke Israel asaŋa ke adaŋa esie ebe: edi Sihon otim kpukpru ikɔt esie ɔtɔ kiet, ndien ɔwɔrɔ ɔkɔbiɔŋɔ Israel ke wilderness; ndien aka ke Jahaz, akaŋwana ekɔŋ ye Israel. 24Ndien Israel asuan enye ke iso ofut, onyuŋ ada isɔŋ esie, ɔtɔŋɔde ke Arnon tutu osim ke Jabbok, ye nditɔ Ammon: koro adaŋa nditɔ Ammon ɔsɔŋde. 25Israel onyuŋ ada kpukpru obio emi, Israel onyuŋ oduŋ ke kpukpru obio mme Amorite, ke Heshbon, ye ke kpukpru obio iŋwaŋ mmɔ. 26Koro Heshbon ekedide obio Sihon ɔbɔŋ mme Amorite, enye okonyuŋ aŋwana ekɔŋ ye akpa edidem Moab, onyuŋ ɔbɔ enye ofuri isɔŋ esie ke ubɔk, tutu osim ke Arnon. 27Mmɔdo mme mmɔ emi ekede ŋke edɔhɔ, ete, Mbufo eduk ke Heshbon, yak ebɔp obio Sihon, enyuŋ enam enye ɔsɔŋ: 28Koro ikaŋ ama oto ke Heshbon, edem-ikaŋ oto ke obio Sihon: enye ama ata Ar Moab, ata mme andinyene edikoŋ ebiet Arnon. 29Osuk ɔdɔdiɔk ɔnɔ fi, Moab! mbio Chemosh mbufo emetak. Enye ama ada nditɔ-eren esie ye nditɔ esie iban emi ebɔhɔde, ɔnɔ Sihon ɔbɔŋ mme Armorite ke ifin. 30Nnyin imenyuŋ itop mmɔ; Heshbon amatak tutu osim ke Dibon; nnyin imenyuŋ ibiat mmɔ tutu osim ke Nophah, emi etuakde ke Medeba.
31Ntem ke Israel etie ke isɔŋ mme Amorite. 32Ndien Moses ɔdɔŋ ekeyep Jazer, ndien mmɔ eda obio iŋwaŋ mmɔ, enyuŋ ebin mme Amorite emi edude do efep.
33Ndien mmɔ ewɔŋɔre edɔk ke usuŋ Bashan: ndien Og edidem Bashan ye kpukpru ikɔt esie ewɔŋɔ ekebiɔŋ mmɔ, eka ekɔŋ ye mmɔ ke Edrei. 34Ndien Jehovah ɔdɔhɔ Moses, ete, Kufehe enye: koro mmada enye, ye kpukpru ikɔt esie, ye isɔŋ esie, nsin fi ke ubɔk; ndien afo eyenam enye kpa nte akanamde Sihon ɔbɔŋ mme Amorite emi oduŋde ke Heshbon. 35Ntem ke mmɔ ekan enye, ye nditɔ-iren esie, ye kpukpru ikɔt esie, tutu baba owo esie kiet isuhɔke: ndien mmɔ eda isɔŋ esie enyene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.