Luka 7:7-9

ka nahan man m fe mer, m kuma u van hen We iyol yam ga ye; kpa ôr a ôr kwagh tsô, wanakiriki wam kpaa á wanger un iyol. Gadia mo kpaa, m ngu sha ikev i mbautahav mbagenev je; mo iyol yam kpaa m ngu a mbautyav sha ikev yam; ka mea kaa a ugen mer: Za, kpa nan za je; man shi a ugen mer: Va kpa nan va di je; man shi mea kaa a wanakiriki wam mer: Er nahan, kpa nan er je. Er Yesu ungwa akaa ne yô, kpiligh Un iyol a na; A gema A kaa a ikpelaior i i lu van Un ken ijime la er: M ngu kaan ne, ken Iserael je kpaa mayange M ngu a zua a jighjigh u vesen nahan ga.