NSANJUA 21:15-17

Nu mi ua ntacoꞌʉ ra Jesu bi ꞌyambabi ra Simu Pedro ne bi ꞌñembi: ―Nugue Simu, rá tꞌʉꞌi ra Joná, ¿ha gue maꞌna go grí ma̱cagui de guehyʉ maꞌra? Ha nuꞌá̱ bi ꞌñembabi: ―Ha̱ha̱, ma zi Hmuꞌi, nuꞌi guí pa̱di gue drí ma̱ꞌi. Ne nuꞌá̱ bi ꞌñembabi: ―Supca ma zi tꞌʉca dɛti. Nepʉ rá ñoꞌqui ra Jesu bi ꞌyambabi maꞌnaꞌqui, bi ꞌñembabi: ―Nugue Simu, rá tꞌʉꞌi ra Joná, ¿ha grí ma̱cagui? Ra Pedro bi da̱di ne bi ꞌñembi: ―Ha̱ha̱, ma zi Hmuꞌi, nuꞌi guí pa̱di gue drí ma̱ꞌi. Ne nuꞌá̱ bi ꞌñembabi: ―Supca xá hño ma zi dɛti. Nepʉ rá hñuꞌqui bi ꞌyambabi maꞌnaꞌqui, ne bi ꞌñembabi: ―Nugue Simu, rá tꞌʉꞌi ra Joná, ¿ha grí ma̱cagui? Ra oraꞌa̱ bi du rá mʉi ra Pedro ngueꞌa̱ ya rá hñuꞌqui bi ꞌyambabi ua mi ma̱diꞌa̱, ne bi ꞌñembabi: ―Ma zi Hmuꞌi, nuꞌi gatho go guí pa̱di, ne guí pa̱di gue xi drí ma̱ꞌi. Nuꞌbʉ́ ra Jesu bi ꞌñembabi: ―Supca xá hño ma zi dɛti.