Joanes 15
15
1EK ohui vaine inivaijec ainyak, et atimi aminjinaig vaine a Etmak. 2Et atipagki inran asega aien et amen ehelek, jam eti ohou: et lep ahped ran asega aien et ohou, mika yi ahinag nohoan. 3Eh mun ahped upene caua an tas ineigki ek mun asuptecnaig ehelemia ainyak. 4Akumu amen ehelek aijaua, ekpu lep amen ehelemia ainyak. Et ehka vai ran nohouvaig, et wat eti amen irai ohui vaine; et um ucco vai caua, el eka eti amen ehelek aijaua. 5Ek ohui vaine ainyak, eka ran aijaua: aien et amen ehelek aien, um amen ehelen ainyak, et ohou aien um ahinag nohoan; el ek eti amen ehelemia ainyak, inyi ehka vai caua nagovaig tah nitai. 6El et eti amen ehelek tah natimi, uhpu ethaig pan itac yin et idivaig inran, etpu mese; era asjapicnaig natimi, um atijai an cop, um atnamud. 7El eka amen ehelek aijaua, um lep amen ehlemia niji tas unyak, aku wit ugni nitai iji eigki aijaua, eka merit vaig aijaua, uhpu alupai caua. 8Aku wit ohou aijaua um ahinag nohoamia, uhpu imyiahpas Etmak; akupu lep ilpu atimi atahaijeg nyak aijaua. 9Et idim aiyu inliinmopoi Etmak vai nyak, et um ucco et aiyu inliinmopok ainyak vai caua: akumu amen aijaua an naiyu u inliinmopok vai caua. 10El eka imyiaiji niji tas alep unyak aijaua, etpu amen naiyu u inliinmopok ainyak vai caua; et idivaig kis imyiaiji niji tas alep o Etmak ainyak, et lep amen naiyu u inliinmopon aien vai nyak. 11Ek mun asuptecnaig nitai iji eigki imi caua ainyak, mika yi amen ehelemia nimyiacitak unyak, um lep esjilid nimyiacitak unyimia. 12Intas alep unyak ineigki, mika yi aiyu jipe inliinmopomia aijaua vai caua, et idivaig naiyu u inliinmopok vai caua. 13Et eti esjilid naiheuc o un tah natimi iran neigki, mika yi mas tah natimi vai ilpu etoan. 14Eka ilpu etoak aijaua, el eka ago nitai iji eigki aijaua ek asaig ehelemia ainyak. 15Inki ti lep ika vai caua ainyak, eka ilpu aheca aijaua; et eti ato tah naheca nitai ineig et ago a natimi alupas o un: ja ek ika vai caua ainyak, eka ilpu etoak aijaua; ek mun asuptecnaig ehelemia ainyak nitai iji eigki asega kis atahaijeg vaig ehele Etmak ainyak. 16Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak. 17Ek tas alep ehelemia ainyak irai itai iji eigki, mika yi aiyu jipe inliinmopomia aijaua vai caua. 18El era amcel vai caua natimi an nobohtan, eka ato aijaua mika eris upyi uhup ara um amcel vai nyak, ja par amcel vai caua. 19El eka atimi an nobohtan aijaua, el et aiyu inliinmopoi atimi an nobohtan vai caua atimi ura: ja eka eti atimi an nobohtan aijaua, kis ehtai caua ira atimi an nobohtan ainyak, va nitai ineigki, era amcel vai caua natimi an nobohtan. 20Akumu imyiehva aijaua intas ineig kis asaig ehelemia ainyak mika, Et eti esjilid tah naheca irai natimi alupas o un. El era edemda vai nyak ara, erupu lep edemda vai caua ara; el era imyiaiji intas unyak ara, erupu lep imyiaiji intas unyimia ara. 21Erupu ago nitai iji eigki asega vai caua ara va nidak, va nitai ineigki, nikavaig, era eti ato yin ara is abrai nyak aien. 22El ekis eti ham ainyak um tas ehele ra, el et ti nedo has ura: ja eh ti nitai adahpoi nedo has ura an naopan ineig. 23Aien et amcel vai nyak aien, et lep amcel vai Etmak aien. 24El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak. 25Ja et mun yetpam nitai iji eigki mika yi ehneijid intas ineig eris upyi aged an tas alep ura, um ika, “Eris ispura amcel vai nyak ara.” 26Et wit ham a Natimi atau iramia ineig, ekpu abraig pan yin ainyak ehelemia, et ahes ehele Etmak aien, etpu asuptecnai nyak aien, et Esgan inivaijec aien, et ahes ehele Etmak aien um apam: 27akupu lep asuptecnai nyak aijaua, akis upyi hup aijaua, um amen ehelek um uhum pam an naopan ineig.
Currently Selected:
Joanes 15: ATY1863
Highlight
Share
Copy
Want to have your highlights saved across all your devices? Sign up or sign in
historic text maintained by the British and Foreign Bible Society
Joanes 15
15
1EK ohui vaine inivaijec ainyak, et atimi aminjinaig vaine a Etmak. 2Et atipagki inran asega aien et amen ehelek, jam eti ohou: et lep ahped ran asega aien et ohou, mika yi ahinag nohoan. 3Eh mun ahped upene caua an tas ineigki ek mun asuptecnaig ehelemia ainyak. 4Akumu amen ehelek aijaua, ekpu lep amen ehelemia ainyak. Et ehka vai ran nohouvaig, et wat eti amen irai ohui vaine; et um ucco vai caua, el eka eti amen ehelek aijaua. 5Ek ohui vaine ainyak, eka ran aijaua: aien et amen ehelek aien, um amen ehelen ainyak, et ohou aien um ahinag nohoan; el ek eti amen ehelemia ainyak, inyi ehka vai caua nagovaig tah nitai. 6El et eti amen ehelek tah natimi, uhpu ethaig pan itac yin et idivaig inran, etpu mese; era asjapicnaig natimi, um atijai an cop, um atnamud. 7El eka amen ehelek aijaua, um lep amen ehlemia niji tas unyak, aku wit ugni nitai iji eigki aijaua, eka merit vaig aijaua, uhpu alupai caua. 8Aku wit ohou aijaua um ahinag nohoamia, uhpu imyiahpas Etmak; akupu lep ilpu atimi atahaijeg nyak aijaua. 9Et idim aiyu inliinmopoi Etmak vai nyak, et um ucco et aiyu inliinmopok ainyak vai caua: akumu amen aijaua an naiyu u inliinmopok vai caua. 10El eka imyiaiji niji tas alep unyak aijaua, etpu amen naiyu u inliinmopok ainyak vai caua; et idivaig kis imyiaiji niji tas alep o Etmak ainyak, et lep amen naiyu u inliinmopon aien vai nyak. 11Ek mun asuptecnaig nitai iji eigki imi caua ainyak, mika yi amen ehelemia nimyiacitak unyak, um lep esjilid nimyiacitak unyimia. 12Intas alep unyak ineigki, mika yi aiyu jipe inliinmopomia aijaua vai caua, et idivaig naiyu u inliinmopok vai caua. 13Et eti esjilid naiheuc o un tah natimi iran neigki, mika yi mas tah natimi vai ilpu etoan. 14Eka ilpu etoak aijaua, el eka ago nitai iji eigki aijaua ek asaig ehelemia ainyak. 15Inki ti lep ika vai caua ainyak, eka ilpu aheca aijaua; et eti ato tah naheca nitai ineig et ago a natimi alupas o un: ja ek ika vai caua ainyak, eka ilpu etoak aijaua; ek mun asuptecnaig ehelemia ainyak nitai iji eigki asega kis atahaijeg vaig ehele Etmak ainyak. 16Akis eti ahilek nyak aijaua, ja kis ahilek caua ainyak, um ati caua, mika aki ohou aijaua, yi amen lau nohoamia: va etpu alupai caua nitai iji eigki a Etmak eka ugni yin vaig aijaua an nidak. 17Ek tas alep ehelemia ainyak irai itai iji eigki, mika yi aiyu jipe inliinmopomia aijaua vai caua. 18El era amcel vai caua natimi an nobohtan, eka ato aijaua mika eris upyi uhup ara um amcel vai nyak, ja par amcel vai caua. 19El eka atimi an nobohtan aijaua, el et aiyu inliinmopoi atimi an nobohtan vai caua atimi ura: ja eka eti atimi an nobohtan aijaua, kis ehtai caua ira atimi an nobohtan ainyak, va nitai ineigki, era amcel vai caua natimi an nobohtan. 20Akumu imyiehva aijaua intas ineig kis asaig ehelemia ainyak mika, Et eti esjilid tah naheca irai natimi alupas o un. El era edemda vai nyak ara, erupu lep edemda vai caua ara; el era imyiaiji intas unyak ara, erupu lep imyiaiji intas unyimia ara. 21Erupu ago nitai iji eigki asega vai caua ara va nidak, va nitai ineigki, nikavaig, era eti ato yin ara is abrai nyak aien. 22El ekis eti ham ainyak um tas ehele ra, el et ti nedo has ura: ja eh ti nitai adahpoi nedo has ura an naopan ineig. 23Aien et amcel vai nyak aien, et lep amcel vai Etmak aien. 24El ekis eti ago nauritai iji eigki ainyak an nuhup ura is eti ago tah natimi et eche, el et ti nedo has ura: ja eris almoi nauritai iji eigki ara, jam amcel vai Etmak im lep nyak. 25Ja et mun yetpam nitai iji eigki mika yi ehneijid intas ineig eris upyi aged an tas alep ura, um ika, “Eris ispura amcel vai nyak ara.” 26Et wit ham a Natimi atau iramia ineig, ekpu abraig pan yin ainyak ehelemia, et ahes ehele Etmak aien, etpu asuptecnai nyak aien, et Esgan inivaijec aien, et ahes ehele Etmak aien um apam: 27akupu lep asuptecnai nyak aijaua, akis upyi hup aijaua, um amen ehelek um uhum pam an naopan ineig.
Currently Selected:
:
Highlight
Share
Copy
Want to have your highlights saved across all your devices? Sign up or sign in
historic text maintained by the British and Foreign Bible Society