Madius 15
15
1Eris ahes Jerusalem a ilpu atimi esege im ilpu Farisi, um apan ehele Iesu, um ika, 2Era auri a ilpu atimi atahaijeg euc par imyipalea intas alep o ilpu atimi tas alep? era eti upyi ahisjim ara, ja par hag. 3Is tas aien, um ika ehele ra, Eka auri aijaua par imyipalea intas alep o Atua an tas alep unyimia? 4Is tas alep a Atua, um ika, “Namu eccen vai etmam im risum aiek:” im lep ineig, “Aien et asan tas has aien vai etman im risin, etpu idim mas aien.” 5Ja eka ika aijaua, Aien et ika ehele etman aien ka risin, Et itaup vai euc niji itai unyak; 6um eti eccen vai etman ka risin, inyi ti mas aien. Eka imyipalea intas alep o Atua aijaua an tas alep unyimia. 7Ak ilpu atimi efaifa, et inivaijec intas is upyi asaig vai caua a Aiseya, um ika, 8“Era eteuc ubutpotet ehelek a nup igcaki an nipjineucsera; ja et itac acen inliinmopura ara vai nyak. 9Et takitai nimyiahpas nyak ura, era esege tas alep o atimi ache ara.”
10Is ahlaig va atimi is ahinag aien, um ika ehele ra, Akumu atahaijeg aijaua, um ato: 11et eti auahas atimi niji itai et apan an nipjineucsera; ja et auahas atimi niji itai et ateucrad an nipjineucsera. 12Eris apan ehelen a ilpu atimi atahaijeg yin, um ika, Na mun ato aiek, ka o’o, nikavaig, eris wat atahaijeg intas iyehki a ilpu Farisi, eris edemda ara? 13Is tas aien, um ika, Uhpu auorohos nefelelicai asega is eti ahoaig a Etmak an nohatag: 14akumu ude ra aijaua: era aupat ara, um atau ira ra era aupat ara: el era atau irai ilpu atimi aupat nesganimtara a ilpu atimi aupat nesganimtara, erupu eropropse ara asega an nehpanitai. 15Is tas a Pitrus, um ika ehelen, Asuptecnaig ehelema aiek nesgan tas ecsipece ineigki. 16Is ika a Iesu, Et echamecha inliinmopomia aijaua? 17eka ato aijaua, nikavaig, nitai iji eigki era ikni an nipjineucsera atimi et asuol an nipjinetgara, er erekhaig an nuarin ikni niji itai has iran. 18Ja et ehlohos anliinmopoi atimi nitai iji eigki et ateucrad an nipjineucsera, um auahas ra. 19Et ehlohos anliinmopoi atimi naktaktai has, natgei atmas, ingaijid, nedo has, nehneg itai, intas ahcil, intas has: 20et idim auahas atimi nitai iji eigki: jam eti auahas atimi neti ahisjim ja par hag.
21Is ahes eahki a Iesu um atga o un, um apan irai iji uari pece Tairus im Saiton. 22Is ahes an pece iyehki intakata Kenan is ethi, um ahlaig vai yin, um ika, Ak Natimarid, Mapoi Tevit, aiheuc vai nyak aiek; et ohocred alupas inhalav atahaig unyak va nagelo has. 23Ja is eti tas aien. Eris apan ehelen a ilpu atimi atahaijeg yin um ugni yin, um ika, Abrai yin mika yi atga o un; et ahlaig vai caija aien. 24Ja is tas aien, um ika, Eris eti abrai nyak vai tak atimi, ja vai siip ahnag irai nupu Isreel ache. 25Is apan aien, um atpuse an nuhup o un, um ika, Ak Natimarid, aiheuc vai nyak aiek. 26Is tas aien, um ika, Et eti upene inlehvaig nitai caig o ilpu halav, um alayi kuri. 27Is ika aien, Et idim inivaijec, ak Natimarid: ja era hegaig nahri itai kuri, et etjose an nitai hag o natimi ohuun ra. 28Is tas a Iesu, um ika ehelen, Ak intakata ineigki, et esjilid nimyiisjis ninivaijec unyum: namu leh nitai ineig aiek nai merit vaig aiek. Is um cehcehe a inhal o un an nuarin -- nadiat iyehki.
29Is ahes eahki a Iesu, um apan ubutpotet u injop Calili; is aridjai aien an nedoon is ethi, um ateucse. 30Eris ahtag pan ehelen natimi is ahinag, um apos ilpu atimi asvahteuc neduora, im ilpu atimi aupat nesgaimtara, im ilpu atimi pop, im ilpu atimi ighin, im hal ra is ahinag, um ikni ra u eduei Iesu; is ago cehcehe ra aien. 31Eris imyiali natimi is ahinag, eris wat alum ilpu atimi pop ara intasvaig, im ilpu atimi ighin nupenevaig nohura, im ilpu atimi asvahteuc neduora natgavaig, im ilpu atimi aupat nesgaimtara nalum itai vaig: eris um imyiahpas Atua o nupu Isreel ara.
32Is asjapicnaig ilpu atimi atahaijeg yin a Iesu, um ika, Ek aiheuc va atimi et ahinag ainyak, eris amen ehelek ara an nadiat is eseij, et ti nitai caig ura incara: inki ti abrai ra ainyak mika eri atga ura ara nehtele ra vaig, va yi jim isji ra numlaig an nefalaig. 33Eris ika ehelen a ilpu atimi atahaijeg yin, Inti leh nitai caig eda akaija an namasacen ineigki yi ahinag par alaa atimi iji eigki, era ahinag acen ara? 34Is um ika ehele ra a Iesu, Et ehed nareto unyimia? Eris ika ara, Et seven, im inhakli numu et eti elpat. 35Is um ika ehele atimi aien, eri ateucse ara an nobohtan. 36Is leh nareto is seven aien im numu, um naaurineig, um iswoplecoplec, um alupai ilpu atimi atahaijeg yin, eris um alaa atimi is ahinag a ilpu atimi atahaijeg yin. 37Eris hag ara asega, um gaije: eris asjapicnaig nuari itai hegaig ara eris eti ahtahni, um atohoaig irai cat is seven, is um ohua. 38Ara eris hag ara um gaije, eris for dausant ara, um aled ilpu takata im ilpu halav. 39Is abrai atimi iji ehki aien mika eri atga ura ara, ja is apan aien an nelcau, um apahai an pece Mactala.
Currently Selected:
Madius 15: ATY1863
Highlight
Share
Copy
Want to have your highlights saved across all your devices? Sign up or sign in
historic text maintained by the British and Foreign Bible Society
Madius 15
15
1Eris ahes Jerusalem a ilpu atimi esege im ilpu Farisi, um apan ehele Iesu, um ika, 2Era auri a ilpu atimi atahaijeg euc par imyipalea intas alep o ilpu atimi tas alep? era eti upyi ahisjim ara, ja par hag. 3Is tas aien, um ika ehele ra, Eka auri aijaua par imyipalea intas alep o Atua an tas alep unyimia? 4Is tas alep a Atua, um ika, “Namu eccen vai etmam im risum aiek:” im lep ineig, “Aien et asan tas has aien vai etman im risin, etpu idim mas aien.” 5Ja eka ika aijaua, Aien et ika ehele etman aien ka risin, Et itaup vai euc niji itai unyak; 6um eti eccen vai etman ka risin, inyi ti mas aien. Eka imyipalea intas alep o Atua aijaua an tas alep unyimia. 7Ak ilpu atimi efaifa, et inivaijec intas is upyi asaig vai caua a Aiseya, um ika, 8“Era eteuc ubutpotet ehelek a nup igcaki an nipjineucsera; ja et itac acen inliinmopura ara vai nyak. 9Et takitai nimyiahpas nyak ura, era esege tas alep o atimi ache ara.”
10Is ahlaig va atimi is ahinag aien, um ika ehele ra, Akumu atahaijeg aijaua, um ato: 11et eti auahas atimi niji itai et apan an nipjineucsera; ja et auahas atimi niji itai et ateucrad an nipjineucsera. 12Eris apan ehelen a ilpu atimi atahaijeg yin, um ika, Na mun ato aiek, ka o’o, nikavaig, eris wat atahaijeg intas iyehki a ilpu Farisi, eris edemda ara? 13Is tas aien, um ika, Uhpu auorohos nefelelicai asega is eti ahoaig a Etmak an nohatag: 14akumu ude ra aijaua: era aupat ara, um atau ira ra era aupat ara: el era atau irai ilpu atimi aupat nesganimtara a ilpu atimi aupat nesganimtara, erupu eropropse ara asega an nehpanitai. 15Is tas a Pitrus, um ika ehelen, Asuptecnaig ehelema aiek nesgan tas ecsipece ineigki. 16Is ika a Iesu, Et echamecha inliinmopomia aijaua? 17eka ato aijaua, nikavaig, nitai iji eigki era ikni an nipjineucsera atimi et asuol an nipjinetgara, er erekhaig an nuarin ikni niji itai has iran. 18Ja et ehlohos anliinmopoi atimi nitai iji eigki et ateucrad an nipjineucsera, um auahas ra. 19Et ehlohos anliinmopoi atimi naktaktai has, natgei atmas, ingaijid, nedo has, nehneg itai, intas ahcil, intas has: 20et idim auahas atimi nitai iji eigki: jam eti auahas atimi neti ahisjim ja par hag.
21Is ahes eahki a Iesu um atga o un, um apan irai iji uari pece Tairus im Saiton. 22Is ahes an pece iyehki intakata Kenan is ethi, um ahlaig vai yin, um ika, Ak Natimarid, Mapoi Tevit, aiheuc vai nyak aiek; et ohocred alupas inhalav atahaig unyak va nagelo has. 23Ja is eti tas aien. Eris apan ehelen a ilpu atimi atahaijeg yin um ugni yin, um ika, Abrai yin mika yi atga o un; et ahlaig vai caija aien. 24Ja is tas aien, um ika, Eris eti abrai nyak vai tak atimi, ja vai siip ahnag irai nupu Isreel ache. 25Is apan aien, um atpuse an nuhup o un, um ika, Ak Natimarid, aiheuc vai nyak aiek. 26Is tas aien, um ika, Et eti upene inlehvaig nitai caig o ilpu halav, um alayi kuri. 27Is ika aien, Et idim inivaijec, ak Natimarid: ja era hegaig nahri itai kuri, et etjose an nitai hag o natimi ohuun ra. 28Is tas a Iesu, um ika ehelen, Ak intakata ineigki, et esjilid nimyiisjis ninivaijec unyum: namu leh nitai ineig aiek nai merit vaig aiek. Is um cehcehe a inhal o un an nuarin -- nadiat iyehki.
29Is ahes eahki a Iesu, um apan ubutpotet u injop Calili; is aridjai aien an nedoon is ethi, um ateucse. 30Eris ahtag pan ehelen natimi is ahinag, um apos ilpu atimi asvahteuc neduora, im ilpu atimi aupat nesgaimtara, im ilpu atimi pop, im ilpu atimi ighin, im hal ra is ahinag, um ikni ra u eduei Iesu; is ago cehcehe ra aien. 31Eris imyiali natimi is ahinag, eris wat alum ilpu atimi pop ara intasvaig, im ilpu atimi ighin nupenevaig nohura, im ilpu atimi asvahteuc neduora natgavaig, im ilpu atimi aupat nesgaimtara nalum itai vaig: eris um imyiahpas Atua o nupu Isreel ara.
32Is asjapicnaig ilpu atimi atahaijeg yin a Iesu, um ika, Ek aiheuc va atimi et ahinag ainyak, eris amen ehelek ara an nadiat is eseij, et ti nitai caig ura incara: inki ti abrai ra ainyak mika eri atga ura ara nehtele ra vaig, va yi jim isji ra numlaig an nefalaig. 33Eris ika ehelen a ilpu atimi atahaijeg yin, Inti leh nitai caig eda akaija an namasacen ineigki yi ahinag par alaa atimi iji eigki, era ahinag acen ara? 34Is um ika ehele ra a Iesu, Et ehed nareto unyimia? Eris ika ara, Et seven, im inhakli numu et eti elpat. 35Is um ika ehele atimi aien, eri ateucse ara an nobohtan. 36Is leh nareto is seven aien im numu, um naaurineig, um iswoplecoplec, um alupai ilpu atimi atahaijeg yin, eris um alaa atimi is ahinag a ilpu atimi atahaijeg yin. 37Eris hag ara asega, um gaije: eris asjapicnaig nuari itai hegaig ara eris eti ahtahni, um atohoaig irai cat is seven, is um ohua. 38Ara eris hag ara um gaije, eris for dausant ara, um aled ilpu takata im ilpu halav. 39Is abrai atimi iji ehki aien mika eri atga ura ara, ja is apan aien an nelcau, um apahai an pece Mactala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
historic text maintained by the British and Foreign Bible Society