Matthew 28
28
KETH TOANGNULĂ‹MENRAH, XXVIII.
1YEH sabbath tre ngho ehang kë nu foy ësho u tripeh hun, kë pall nseh n tre, Mary Magdala nu Mary poom tre woa uborr ubull, ngha kon lehly lotook u tre.
2Nlehly! lehly tre leh packen ëgbir. Angel u Foy woa tull ko kë foy nu gbunkilleh pay tre kë fongfoll lotook u tre, nu chall kë pay tre atook.
3Follehte woa ta cheh kë manleh pillpill u tre, nyërick ntroyah woa ngho cheh dinteh dinteh.
4Ahboomur lotook u tre ngha woa wui, ngha packil, ngha peh woo.
5Angel tre u yoom, nghaleh ko kë ahlakan u tre, ngha ma wui: ah shëë la rë ngha tun Jesus peh bang woa kë ëtock n chantah.
6U cheh nghan; u poh kë manelh lanah u pehnkeh foh yeo, nhun ka, nlehly yin ah tre ko loa yeome hineh kull.
7Nkoh mpaman, n kunan ahperren ah woa, leh u pohry kë wooly tre; nlehly u kon no ëboll ko Galilee; moa woa koh keh kull, nlehly, ah kung la fohm.
8Ngha pamah hinkeh ko lotook u tre, nquat ma cheh ngha, ngha hvoy, ngha gburrikan hallë chëë lum kë ahperren ah tre.
9Yeh ngha kohry hallë kunan ahperren ah tre Jesus bum nghan nghaleh, shenoh! ngha hun ngha yetty woa tëbeng, ngha chum pëah.
10Jesus nghaleh ko ko ngha m ma wui: nkoh nkunan ëpintre më ngha koh ko Galilee loa nloa më keh yeo.
11Mbah; yeh ngha kon kë, nlehly ahboomur lotook ahpoom tre, ngha koh ko turr, ngha kunan ko kë ahsukoh ahpriest ah tre nyërick n tre buleing manah peh nghan yeo.
12Yeh ngha bony kë aniah ben ah tre uborr ubull, ngha foh ayin a bull, ngha kah feh ëgbir kë ahboomur ah tre.
13Ngha nghaleh, n nghaleh ahperren ah woa tre ngha hun chall, ngha dui woa, trim tre nghoneh hë lull yeo.
14Lo peh sukono tre tui la gbo hë woa kah sum u tengul, m boaehn bë chëërah.
15Ngha kui feh tre ngha nghah lanah peh fohm oh ngha yeo. Ah Jew ah tre ngha foh peh dyah bull tre kë ënang ë to.
16Ahperren ah woa woanglëbull ngha kon kë Galilëë, ko nrong atook ko loa Jesus u ku ngha kull.
17Yeh ngha kyo woa kë, ngha chum pëah: kereh ahpoom ah tre ngha kehn rong.
18Jesus hun nu fohm ngha, nghaleh; Fossoh buleing peh kah më ngho rë, ko kë foy oh, ko leh oh.
19Nkoh, m menghë ramtë buleing; n toak ngha bull; kë ilillë papah oh, traak oh pomul yahmung oh;
20M menghë ngha hallë beel nyërick n tre buleing manah ah kuna nghan yeo: nlehly, yah choe no uborr ubull trim o trim, ko kë upock u tre ukissy. Ameena.
Currently Selected:
Matthew 28: BUY1816
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.
