Genese 35
35
1KE Khong ame ha kö Jekob, ka habe, Todrö, he thö Bethela ai, ke laba e: me otilâ e tabon hut ka Khong, at ame manen köu, waleji hnyi hnâm hna kec ga Esau a tuhâm. 2Ke Jekob ame ha ka anyin lap, mʼ ödra hia a tha e më, ka habe, Hna but ta je hnatheat kanyua unyibun, me obosoi öbun, me khaû ju öbun: 3kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin. 4Ke ödrin e ham kö Jekob ta je hnatheat kanyua hia unyidra, me je wen ûnyi hnyi ta je hnyikonyödrin; ke Jekob ame ikhâlâ je ûnyi e hmelen iwajo hnyi haten Sekema. 5Kʼ adre me he but: ke e gan hmâ hna outen hnyi ta je hnyei igigili ödra, kʼ adre me ca hnu hoton je laku Jekob. 6Ke Jekob ame o but hnyi Luza hnyi hnyei Kanana, (wale Bethela), e me tavat hia unyin. 7Ke e ame otilâ taben but e, me hwenyi ien dok eling Ele-bethela: anyin a Khong ame manen kâu e, hnyi ûen e ame kec ge tuhan. 8Ke a mokcu Debora at ame hat Rebeka, kʼ adre konâm hmelen Bethela, eû hmelen iwajo: kʼ adre hwenyi ien e Alona-bakota.
9Ke Khong ame manen hmetu kö Jekob, hnyi ûen e ame he ûheny Padanarama, me hahnahicâ e. 10Ke Khong ame ha kâu, ka habe, Jekob iâm: kʼ adre me ca he hmetu ka hao u Jekob, ke Isaraela bi iâm: ke e ame hwenyi ien e Isaraela. 11Ke Khong ame ha kâu, ka habe, Inya Khong Aekhanahia: dudu but me si but; ame he ka o unyâm ke hnyei me ta je hnyei, ke ame he ka o ûnyi gam ta je than; 12ke haba hnyei waleji oge ham kö Aberahama me Isaaka oge me he ka ham köu, kʼ oge me he ka ham hnyei ka ta je mâtrânâm a hwâbâni. 13Ke Khong ame ölö thö ûnyi gan hnyi dok e ame fuc kâu hnyin. 14Ke Jekob ame otilâ haten hnyi dok e ame fuc kâu hnyin, veto a haten: ke e ame hingâlâ hon e hudiny hic, me hingâlâ wakaco hon. 15Ke Jekob ame hwenyi ien dok Khong ame fuc kâu hnyin, Bethela. 16Ke adre me he ûhedrin Bethela; ke tiga ca sâkâû bi Eferatha: kʼ ame vec hnyeku Rakela ke vec hmönyin. 17Ke e ame tiga vec hmönyin, me haingen kâu momo ame hok wanakat, ka habe, Ca ot; anyin a u ma he ka hnokoâ ke da. 18Ke ame tiga he ka he but banon (anyin a mokcu) me e ame hwenyi ien e Benoni: ke haba kamen ame hwenyi ien, me Beniamina. 19Ke a mokcu Rakela, me adre me konâm hnyi gethen ka he Eferatha ai, wale (Bethelema). 20Ke Jekob ame otilâ ke haten hon: wale haten hu Rakela ke ne o but hnyi bong ang. 21Ke Isaraela ame he but, me e ame otilâ umen uma mano hnyi hoton tap ae beû göranyai hnyi Edera. 22Ke ame tiga laba Isaraela hnyi hnyei eling, me haba Reubena ame tha mokut me Bila, ke momo anyin kamen: ke a löng ut Isaraela. Ke ödrin twelv ta laku Jekob a baga; 23haba je laku Lea; Reubena, nöku Jekob a bân, me Simeona, me Levi, me Juda, me Isakara, me Zebulona: 24ke haba li laku Rakela; Josefa, me Beniamina: 25ke haba li laku Bila, a athnyabai Rakela; Dana, me Nafatali: 26ke haba li laku Zilepa, a athnyabai Lea; Gada me Asera: wale je laku Jekob a hnokoâ e Padanarama. 27Ke Jekob ame o kö Isaaka a kamen e Mamere, hnyi Kiriath-areba (wale Heberona), waleji hnö Aberahama me Isaaka hna laba kanyua hnyin. 28Ke haba je bong bongu Isaaka, me khaca haded ke eite ta je huna. 29Ke Isaaka ame khûö homenâ me mokcu, me e ame ûkhacaköu me lakamen, a hingat ut ke se hia bongon je bong; ke a konâm e hnö Esau me Jekob a li lakon.
Currently Selected:
Genese 35: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
Genese 35
35
1KE Khong ame ha kö Jekob, ka habe, Todrö, he thö Bethela ai, ke laba e: me otilâ e tabon hut ka Khong, at ame manen köu, waleji hnyi hnâm hna kec ga Esau a tuhâm. 2Ke Jekob ame ha ka anyin lap, mʼ ödra hia a tha e më, ka habe, Hna but ta je hnatheat kanyua unyibun, me obosoi öbun, me khaû ju öbun: 3kʼ ate me tot me he thö Bethela ai; kʼ oge me he ka otilâ taben hut eling ka Khong, at ame ling nya hnyi bong oge me vec hnyin, me tha e mönya eû hnyi gethen oge me he hnyin. 4Ke ödrin e ham kö Jekob ta je hnatheat kanyua hia unyidra, me je wen ûnyi hnyi ta je hnyikonyödrin; ke Jekob ame ikhâlâ je ûnyi e hmelen iwajo hnyi haten Sekema. 5Kʼ adre me he but: ke e gan hmâ hna outen hnyi ta je hnyei igigili ödra, kʼ adre me ca hnu hoton je laku Jekob. 6Ke Jekob ame o but hnyi Luza hnyi hnyei Kanana, (wale Bethela), e me tavat hia unyin. 7Ke e ame otilâ taben but e, me hwenyi ien dok eling Ele-bethela: anyin a Khong ame manen kâu e, hnyi ûen e ame kec ge tuhan. 8Ke a mokcu Debora at ame hat Rebeka, kʼ adre konâm hmelen Bethela, eû hmelen iwajo: kʼ adre hwenyi ien e Alona-bakota.
9Ke Khong ame manen hmetu kö Jekob, hnyi ûen e ame he ûheny Padanarama, me hahnahicâ e. 10Ke Khong ame ha kâu, ka habe, Jekob iâm: kʼ adre me ca he hmetu ka hao u Jekob, ke Isaraela bi iâm: ke e ame hwenyi ien e Isaraela. 11Ke Khong ame ha kâu, ka habe, Inya Khong Aekhanahia: dudu but me si but; ame he ka o unyâm ke hnyei me ta je hnyei, ke ame he ka o ûnyi gam ta je than; 12ke haba hnyei waleji oge ham kö Aberahama me Isaaka oge me he ka ham köu, kʼ oge me he ka ham hnyei ka ta je mâtrânâm a hwâbâni. 13Ke Khong ame ölö thö ûnyi gan hnyi dok e ame fuc kâu hnyin. 14Ke Jekob ame otilâ haten hnyi dok e ame fuc kâu hnyin, veto a haten: ke e ame hingâlâ hon e hudiny hic, me hingâlâ wakaco hon. 15Ke Jekob ame hwenyi ien dok Khong ame fuc kâu hnyin, Bethela. 16Ke adre me he ûhedrin Bethela; ke tiga ca sâkâû bi Eferatha: kʼ ame vec hnyeku Rakela ke vec hmönyin. 17Ke e ame tiga vec hmönyin, me haingen kâu momo ame hok wanakat, ka habe, Ca ot; anyin a u ma he ka hnokoâ ke da. 18Ke ame tiga he ka he but banon (anyin a mokcu) me e ame hwenyi ien e Benoni: ke haba kamen ame hwenyi ien, me Beniamina. 19Ke a mokcu Rakela, me adre me konâm hnyi gethen ka he Eferatha ai, wale (Bethelema). 20Ke Jekob ame otilâ ke haten hon: wale haten hu Rakela ke ne o but hnyi bong ang. 21Ke Isaraela ame he but, me e ame otilâ umen uma mano hnyi hoton tap ae beû göranyai hnyi Edera. 22Ke ame tiga laba Isaraela hnyi hnyei eling, me haba Reubena ame tha mokut me Bila, ke momo anyin kamen: ke a löng ut Isaraela. Ke ödrin twelv ta laku Jekob a baga; 23haba je laku Lea; Reubena, nöku Jekob a bân, me Simeona, me Levi, me Juda, me Isakara, me Zebulona: 24ke haba li laku Rakela; Josefa, me Beniamina: 25ke haba li laku Bila, a athnyabai Rakela; Dana, me Nafatali: 26ke haba li laku Zilepa, a athnyabai Lea; Gada me Asera: wale je laku Jekob a hnokoâ e Padanarama. 27Ke Jekob ame o kö Isaaka a kamen e Mamere, hnyi Kiriath-areba (wale Heberona), waleji hnö Aberahama me Isaaka hna laba kanyua hnyin. 28Ke haba je bong bongu Isaaka, me khaca haded ke eite ta je huna. 29Ke Isaaka ame khûö homenâ me mokcu, me e ame ûkhacaköu me lakamen, a hingat ut ke se hia bongon je bong; ke a konâm e hnö Esau me Jekob a li lakon.
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society