Zabúr 50
50
PACHÁSWÍṈ ZABÚR.
Is zabúr meṉ Áhkam-ul-hákimín ạddlat meṉ házir hoke makkároṉ kí riyákárí ko sábit karke unheṉ malámat kartá hai, aur apni sharíạt ke mạne bayán kartá hai. Jo Ḳhudá Koh i Síná par apní sharíạt dene ke liye záhir húá, wahí Ḳhudá ab riyákároṉ ke muqábale meṉ us ká bayán karne ke liye apní sukúnatgáh se, jo Koh i Saihún par thí, baṛí hashmat ke sáth zahir hotá hai (1—6). Apní sharíạt ke pahle hisse ke bayán meṉ riyákáron ko is sabab se malámat kartá hai, ki wuh samajhte haiṉ ki us kí ịbádat sirf záhirí qurbáníoṉ aur zabíhoṉ se hotí hai, aur bayán kartá hai ki wuh rúhání aur dilí qurbání, yạne, shukrguzárí aur mahabbat cháhtá hai (7—15). Aur dúsre hisse ke bayán meṉ un badkáron ko malámat kartá hai jo sharíạt kí báteṉ zabán par rakhke apne bháíoṉ aur hamsáyoṉ se ḳharábí ke kám karte haiṉ (16—21), aur sanjída taur se unheṉ ágáh karke aur fazl ká wạda karke apne kalám ko ḳhatm kartá hai (22, 23).
Ásaf kí Zabúr.
1Qádir i Mutlaq, Ḳhudá, Yahowáh ne kalam kiyá hai, aur zamín ko áftáb ke matlẹ se us ke mag̣rib tak buláyá hai. 2Saihún se, jo husn ká kamál hai, Ḳhudá jalwagar húá hai. 3Hamárá Ḳhudá áegá — aur ḳhámosh na rahe — ág us ke sámhne khá jáegí, aur us ke gird-á-gird niháyat tez o tund hogí. 4Wuh úpar ásmánoṉ ko aur zamín ko buláegá, táki apní ummat ká insáf kare. 5“Mere muqaddasoṉ ko, jo zabíhe par mujh se ạhd bándhte haiṉ, mere liye jama karo.” 6Aur ab ásmánoṉ ne us kí sadáqat ká bayán kiyá hai, kyúṉki Ḳhudá áp hí munsif hai. Siláh.
7“Ai merí ummat sun, aur main kalam karúṉgá; Ai Isráíl, aur maiṉ tujh par gawáhí dúṉgá. Ḳhudá, terá Ḳhudá Maiṉ hí húṉ. 8Maiṉ tere zabíhoṉ aur terí soḳhtaní qurbáníoṉ ke waste, jo hamesha mere sámhne hotí haiṉ, tujhe malámat na karúṉgá. 9Maiṉ tere ghar se bail aur tere bheṛsáloṉ se bakre na lúṉgá. 10Kyúṉki jangal ke sáre jánwar aur paháṛoṉ par hazároṉ baháim mere haiṉ. 11Maiṉ paháṛoṉ ke har parand ko jántá húṉ, aur maidán ke haiwán mere pás haiṉ. 12Agar maiṉ bhukhá hún, to tujh se na kahúṉgá, kyúṉki jahán aur us ki bharpúrí merí hai. 13Kyá maiṉ bailoṉ ká gosht kháúṉgá aur bakroṉ ká lahú píúṉgá? 14Ḳhudá ke liye shukrguzárí ke zabíhe guzrán, aur Haqq Taạ́lá ke liye apní nazreṉ adá kar: 15aur tangí ke din mujhe pukár; maiṉ tujhe chhuṛáúṉgá aur tu mera jalál zahir karegá.”
16Aur Ḳhudá ne sharír se kahá hai, ki “Tujhe kyá hai ki mere huqúq bayán kare, aur mere ạhd ko apní zabán par lae? 17Aur tú ne tarbiyat se ạdáwat rakhí, aur merí bátoṉ ko apne píchhe ḍál diyá hai. 18Jab tú ne chor ko dekhá, to us se rází húá, aur záníoṉ ká sharík húá. 19Tú ne apná muṉh badí ke sipurd kiyá hai, aur terí zabán dag̣á ká munsúba bándhegí. 20Tú baiṭhke apne bháí ke barḳhiláf báteṉ kartá hai; apní má ke beṭe ko dhakká detá hai. 21Túne yih kám kie, aur maiṉ ḳhámosh ho rahá; tú ne samjhá ki maiṉ bilkull tere mánind húṉ. Maiṉ tujhe malámat karúṉgá aur tere gunáhoṉ ko terí ánkhoṉ ke sámhne murattab karúṉgá.”
22Ai Ḳhudá ke farámosh karnewálo, kásh ki ise socho, mabádá maiṉ pháṛúṉ, aur koí riháí karnewálá na ho. 23Jo shukrguzárí ke zabíhe guzrántá hai, wuh mera jalál zahir karegá; aur jo apní rah durust rakhtá hai, maiṉ use Ḳhudá kí naját dikhláúṉgá.
Currently Selected:
Zabúr 50: URDRPS
Highlight
Share
Copy
Want to have your highlights saved across all your devices? Sign up or sign in
Historical text first published in 1863, and maintained by the British and Foreign Bible Society.
Zabúr 50
50
PACHÁSWÍṈ ZABÚR.
Is zabúr meṉ Áhkam-ul-hákimín ạddlat meṉ házir hoke makkároṉ kí riyákárí ko sábit karke unheṉ malámat kartá hai, aur apni sharíạt ke mạne bayán kartá hai. Jo Ḳhudá Koh i Síná par apní sharíạt dene ke liye záhir húá, wahí Ḳhudá ab riyákároṉ ke muqábale meṉ us ká bayán karne ke liye apní sukúnatgáh se, jo Koh i Saihún par thí, baṛí hashmat ke sáth zahir hotá hai (1—6). Apní sharíạt ke pahle hisse ke bayán meṉ riyákáron ko is sabab se malámat kartá hai, ki wuh samajhte haiṉ ki us kí ịbádat sirf záhirí qurbáníoṉ aur zabíhoṉ se hotí hai, aur bayán kartá hai ki wuh rúhání aur dilí qurbání, yạne, shukrguzárí aur mahabbat cháhtá hai (7—15). Aur dúsre hisse ke bayán meṉ un badkáron ko malámat kartá hai jo sharíạt kí báteṉ zabán par rakhke apne bháíoṉ aur hamsáyoṉ se ḳharábí ke kám karte haiṉ (16—21), aur sanjída taur se unheṉ ágáh karke aur fazl ká wạda karke apne kalám ko ḳhatm kartá hai (22, 23).
Ásaf kí Zabúr.
1Qádir i Mutlaq, Ḳhudá, Yahowáh ne kalam kiyá hai, aur zamín ko áftáb ke matlẹ se us ke mag̣rib tak buláyá hai. 2Saihún se, jo husn ká kamál hai, Ḳhudá jalwagar húá hai. 3Hamárá Ḳhudá áegá — aur ḳhámosh na rahe — ág us ke sámhne khá jáegí, aur us ke gird-á-gird niháyat tez o tund hogí. 4Wuh úpar ásmánoṉ ko aur zamín ko buláegá, táki apní ummat ká insáf kare. 5“Mere muqaddasoṉ ko, jo zabíhe par mujh se ạhd bándhte haiṉ, mere liye jama karo.” 6Aur ab ásmánoṉ ne us kí sadáqat ká bayán kiyá hai, kyúṉki Ḳhudá áp hí munsif hai. Siláh.
7“Ai merí ummat sun, aur main kalam karúṉgá; Ai Isráíl, aur maiṉ tujh par gawáhí dúṉgá. Ḳhudá, terá Ḳhudá Maiṉ hí húṉ. 8Maiṉ tere zabíhoṉ aur terí soḳhtaní qurbáníoṉ ke waste, jo hamesha mere sámhne hotí haiṉ, tujhe malámat na karúṉgá. 9Maiṉ tere ghar se bail aur tere bheṛsáloṉ se bakre na lúṉgá. 10Kyúṉki jangal ke sáre jánwar aur paháṛoṉ par hazároṉ baháim mere haiṉ. 11Maiṉ paháṛoṉ ke har parand ko jántá húṉ, aur maidán ke haiwán mere pás haiṉ. 12Agar maiṉ bhukhá hún, to tujh se na kahúṉgá, kyúṉki jahán aur us ki bharpúrí merí hai. 13Kyá maiṉ bailoṉ ká gosht kháúṉgá aur bakroṉ ká lahú píúṉgá? 14Ḳhudá ke liye shukrguzárí ke zabíhe guzrán, aur Haqq Taạ́lá ke liye apní nazreṉ adá kar: 15aur tangí ke din mujhe pukár; maiṉ tujhe chhuṛáúṉgá aur tu mera jalál zahir karegá.”
16Aur Ḳhudá ne sharír se kahá hai, ki “Tujhe kyá hai ki mere huqúq bayán kare, aur mere ạhd ko apní zabán par lae? 17Aur tú ne tarbiyat se ạdáwat rakhí, aur merí bátoṉ ko apne píchhe ḍál diyá hai. 18Jab tú ne chor ko dekhá, to us se rází húá, aur záníoṉ ká sharík húá. 19Tú ne apná muṉh badí ke sipurd kiyá hai, aur terí zabán dag̣á ká munsúba bándhegí. 20Tú baiṭhke apne bháí ke barḳhiláf báteṉ kartá hai; apní má ke beṭe ko dhakká detá hai. 21Túne yih kám kie, aur maiṉ ḳhámosh ho rahá; tú ne samjhá ki maiṉ bilkull tere mánind húṉ. Maiṉ tujhe malámat karúṉgá aur tere gunáhoṉ ko terí ánkhoṉ ke sámhne murattab karúṉgá.”
22Ai Ḳhudá ke farámosh karnewálo, kásh ki ise socho, mabádá maiṉ pháṛúṉ, aur koí riháí karnewálá na ho. 23Jo shukrguzárí ke zabíhe guzrántá hai, wuh mera jalál zahir karegá; aur jo apní rah durust rakhtá hai, maiṉ use Ḳhudá kí naját dikhláúṉgá.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Historical text first published in 1863, and maintained by the British and Foreign Bible Society.