HECHOS 24
24
Pablo mandac Felixhuan rimashcamanta
1Pichca punzha quipami, Ananías curaca pushac yuyaccunahuan, yachac Tertulohuan Pablota mandac Felixpac ñaupapi juchanchingapac rirca. 2Pablota apamucpi, yachac Tértulo Pablota juchanchishpa, mandac Felixtaca:
—Jatun Felixlla, can allita mandacucpimi, cushilla causanchic. Canca yachac cashpami, ñucanchictaca alli mandacungui. 3Chaimantami maipipish, ima horaspish pagui nicunchiclla. 4Chaica mana ashtahuan piñachisha ninichu. Cai nishcallata uyashpa cui. 5Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi. 6Diosta mañana huasita yangapi churagricucpimi, paita japishpa, ñucanchicta mandashcacunapi nishca shina juchanchishun nircanchic. 7Chashna cacpipish, soldadocunata mandac Lisiasmi piñarishpa, ñucanchic maquimanta quichurca. 8Chashnami, paita juchanchiccunataca can mandac Felixpac ñaupapi tapuchun nirca. Cunanca canllatac ñucanchic imamanta juchanchicushcataca tapuilla— nirca.
9Chaipi cac israelcunapish:
—Ari, chashnatacmi— nircami.
10Chaimanta mandac Pablota maquihuan señata ruhuacpimi Pabloca:
—Canca tauca huatacunatami cai llactata alli mandac cangui. Chaimantami mana manchashpa, rimasha nini. 11Jerusalenpi Diosta mañangapac ñuca rishcaca, chunga ishcai punzhacunallami tucun. Chaitaca caipi caccunamanpish tapuilla. 12Caipi juchanchiccunaca Diosta mañana huasipipish, tandanacuna huasicunapipish, mai pueblocunapipish ñuca pihuan rimanacucta, bullapi churacucta mana japishcachu. 13Shinallatac pi mana “chaica chashnatacmi” ningachu. 14Caillatami canman huillagrini: Ñucaca Jesusta catic, ñaupa taitacuna shinallatac Diosta mañacmi cani. Moisés mandashcacunapi quillcachishcatapish, Dios ima nishcata huillaccuna quillcachishcatapish tucuitami crini. Chaitami paicunaca: “Mana allita caticcunapurami” nincuna. 15Paicuna shinallatacmi ñucapish Dios cashcata ruhuaccunatapish, mana allita ruhuaccunatapish, huañushcapuramanta causachina cashcata shuyacuni. 16Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.
17Unai huatacuna quipami, ñuca llactapi causac huacchacunaman cullquita cungapac, ofrendata cungapac Jerusalenman rircani. 18Diospac ñaupapi alli ricuringapac armarishca quipami, Asia llacta maijan israelcuna Diosta mañana huasi ucupi ricurirca. Chaipica mana tauca gentecunahuanchu carcani, mana pita bullapi churacurcanichu. 19Chai runacunami ñucata imata juchanchina cacpica, cambacman shamunman carca. 20Mana cashpaca, caipi caccunallatac tandanacushca mandaccunapacman ñucata apashpa, ima mana allita tarishcata huillachun. 21Paicunapac ñaupapi: “Huañushcacuna causarinata crishcallamantami, cunan juchanchicunguichic” nishpa, caparishcamantami juchanchicun— nirca.
22Mandac Felixca Jesusta criccunamanta allimi yacharca. Chaimantami chashna nicta uyashpaca:
—Huaranga soldadocunata mandac Lisias shamucpimi, caimanta ashtahuan yachashpa, imatapish nisha— nishpami saquirca.
23Chaimantami Felixca pasac soldadocunata mandactaca:
—Pablotaca cuidangui. Maijan paita ricungapac shamuccunatapish, paita ayudaccunatapish ama jarcanguichu— nishpa mandarca.
24Asha punzhacuna quipami, Felixca Israelmanta paipac huarmi Drusilahuan shamushpa, Pablota cayashpa, Jesucristota ima shina crinamanta tapurca. 25Pabloca Dios munashca shina causanamanta, mana alli munaita jarcarinamanta, Dios taripanamanta huillacpimi, Felixca mancharishpa Pablotaca:
—Cunanca rilla. Cutin uyasha nishpaca, cayachishallami— nirca.
26Mandac Felixca: “Cacharichun cullquita cungami” yuyashpami, tauca cutin Pablohuan parlanacungapac cayachic carca. 27Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.
Currently Selected:
HECHOS 24: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
HECHOS 24
24
Pablo mandac Felixhuan rimashcamanta
1Pichca punzha quipami, Ananías curaca pushac yuyaccunahuan, yachac Tertulohuan Pablota mandac Felixpac ñaupapi juchanchingapac rirca. 2Pablota apamucpi, yachac Tértulo Pablota juchanchishpa, mandac Felixtaca:
—Jatun Felixlla, can allita mandacucpimi, cushilla causanchic. Canca yachac cashpami, ñucanchictaca alli mandacungui. 3Chaimantami maipipish, ima horaspish pagui nicunchiclla. 4Chaica mana ashtahuan piñachisha ninichu. Cai nishcallata uyashpa cui. 5Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi. 6Diosta mañana huasita yangapi churagricucpimi, paita japishpa, ñucanchicta mandashcacunapi nishca shina juchanchishun nircanchic. 7Chashna cacpipish, soldadocunata mandac Lisiasmi piñarishpa, ñucanchic maquimanta quichurca. 8Chashnami, paita juchanchiccunataca can mandac Felixpac ñaupapi tapuchun nirca. Cunanca canllatac ñucanchic imamanta juchanchicushcataca tapuilla— nirca.
9Chaipi cac israelcunapish:
—Ari, chashnatacmi— nircami.
10Chaimanta mandac Pablota maquihuan señata ruhuacpimi Pabloca:
—Canca tauca huatacunatami cai llactata alli mandac cangui. Chaimantami mana manchashpa, rimasha nini. 11Jerusalenpi Diosta mañangapac ñuca rishcaca, chunga ishcai punzhacunallami tucun. Chaitaca caipi caccunamanpish tapuilla. 12Caipi juchanchiccunaca Diosta mañana huasipipish, tandanacuna huasicunapipish, mai pueblocunapipish ñuca pihuan rimanacucta, bullapi churacucta mana japishcachu. 13Shinallatac pi mana “chaica chashnatacmi” ningachu. 14Caillatami canman huillagrini: Ñucaca Jesusta catic, ñaupa taitacuna shinallatac Diosta mañacmi cani. Moisés mandashcacunapi quillcachishcatapish, Dios ima nishcata huillaccuna quillcachishcatapish tucuitami crini. Chaitami paicunaca: “Mana allita caticcunapurami” nincuna. 15Paicuna shinallatacmi ñucapish Dios cashcata ruhuaccunatapish, mana allita ruhuaccunatapish, huañushcapuramanta causachina cashcata shuyacuni. 16Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.
17Unai huatacuna quipami, ñuca llactapi causac huacchacunaman cullquita cungapac, ofrendata cungapac Jerusalenman rircani. 18Diospac ñaupapi alli ricuringapac armarishca quipami, Asia llacta maijan israelcuna Diosta mañana huasi ucupi ricurirca. Chaipica mana tauca gentecunahuanchu carcani, mana pita bullapi churacurcanichu. 19Chai runacunami ñucata imata juchanchina cacpica, cambacman shamunman carca. 20Mana cashpaca, caipi caccunallatac tandanacushca mandaccunapacman ñucata apashpa, ima mana allita tarishcata huillachun. 21Paicunapac ñaupapi: “Huañushcacuna causarinata crishcallamantami, cunan juchanchicunguichic” nishpa, caparishcamantami juchanchicun— nirca.
22Mandac Felixca Jesusta criccunamanta allimi yacharca. Chaimantami chashna nicta uyashpaca:
—Huaranga soldadocunata mandac Lisias shamucpimi, caimanta ashtahuan yachashpa, imatapish nisha— nishpami saquirca.
23Chaimantami Felixca pasac soldadocunata mandactaca:
—Pablotaca cuidangui. Maijan paita ricungapac shamuccunatapish, paita ayudaccunatapish ama jarcanguichu— nishpa mandarca.
24Asha punzhacuna quipami, Felixca Israelmanta paipac huarmi Drusilahuan shamushpa, Pablota cayashpa, Jesucristota ima shina crinamanta tapurca. 25Pabloca Dios munashca shina causanamanta, mana alli munaita jarcarinamanta, Dios taripanamanta huillacpimi, Felixca mancharishpa Pablotaca:
—Cunanca rilla. Cutin uyasha nishpaca, cayachishallami— nirca.
26Mandac Felixca: “Cacharichun cullquita cungami” yuyashpami, tauca cutin Pablohuan parlanacungapac cayachic carca. 27Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.