HECHOS 8
8
1Estebanta huañuchicta Saulo ricushpaca: “Allitami ruhuanguichic” nishpami cushicurca.
Tandanacushca criccunata Saulo llaquichishcamanta
Chai punzhacunapica Jerusalén pueblo criccunataca yallitami llaquichi callarirca. Chaimantami criccunaca Judea llactata, Samaria llactata miticushpa rircacuna. Ashtahuanpish apostolcunallami mana maiman rishpa saquirirca. 2Dios yuyailla causac runacunami yallita huacashpa, Estebantaca enterrarca. 3Ashtahuanpish Sauloca tandanacushca criccunata tucui chingachinata munashpami, huasi huasi yaicushpa, caricunatapish, huarmicunatapish, carcelman cachac carca.
Samaria llactapi alli huillaita huillashcamanta
4Ashtahuanpish Jerusalenmanta miticushpa ric criccunaca maita rishpapish, quishpirinamanta alli huillaita huillashpami purirca. 5Felipepish Samaria puebloman rishpami, Jesucristomanta huillarca. 6Tucui gentecunami Felipe milagrocunata ruhuacta ricushpaca, pai huillashcata sumacta uyac carca. 7Taucacunamantami llaquichic supaicunata llucchishpa cacharca. Chai supaicunaca caparishpami llucshic carca. Tauca paralisis ungushcacunatapish, suchucunatapish alliyachircami. 8Chaimantami chai pueblopica yallita cushicurcacuna.
9Chai pueblopica, Simón shuti runami causarca. Paica ñaupaca brujomi carca. Chaimantami chai llactapi causaccunataca “alli runami cani” nishpa, umashpa, crichishpa causac carca. 10Chai runa yachachishcataca uchillacunapish, jatuncunapish uyacmi carca. Chai uyaccunaca: «Cai runaca poderyuc Dios shinami» nic carca.
11Tauca huatacunata brujeriata ruhuashpa causashcamantami, tucui chai llactapi causaccunaca paita sumacta uyac carca. 12Chashna cacpipish, Jesucristomanta, Dios mandacucmanta Felipe huillacpica, caricunapish, huarmicunapish crishpami bautizarirca. 13Chai brujo Simonpish Jesusta crishpa, bautizarishpami Felipehuan puricurca. Paica milagrocunata, mancharinacunata ruhuacta ricushpami, mancharishpa puric carca.
14Jerusalenpi cac apostolcunaca Samaria pueblopi causaccunapish alli huillaita uyashpa crishcata yachashpami Pedrotapish, Juantapish chaiman cacharca. 15Paicuna chaiman chayashpaca, criccuna Diospac Espirituta chasquichunmi, paicunamanta Diosta mañarca. 16Paicunapacman Diospac Espíritu manarac shamushca cacpimi, Apunchic Jesuspac shutillapi bautizashca carcacuna. 17Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.
18Apostolcuna criccunapac uma jahuapi maquita churacpi, criccuna Diospac Espirituta chasquicta Simón ricushpami, cullquihuan randinata munarca. 19Chashna munashpami:
—Ñucapish maijanpac uma jahuapi maquita churashpa, Diospac Espirituta chasquichingapac, ñucamanpish poderta cuichic— nirca.
20Chaimantami Pedroca:
—¡Can Diospac poderta cullquihuan randisha nishcamantaca, cambac cullquindimi chingarigringui! 21Cambac shungu Dios-huan mana alli cashcamantami, paipac podertaca canman mana cun. 22Can mana allita yuyanata saquishpa, Diosta mañai. Chashna mañacpica, cambac shungu mana allita yuyashcataca perdonangapishchari. 23Cambac shungupica hiel shina jayacmi jundashca. Chaimantami juchapi huatashca shina cangui— nirca.
24Chashna nicpimi Simonca:
—Can nishca shina ama pactachun, Mandac Diosta ñucamanta mañaichic— nirca.
25Pedropish, Juanpish Jesucristomanta huillashpa, Dios rimashcacunata yachachishpaca, Samaria llacta tauca uchilla pueblocunapipish alli huillaita huillashpami, Jerusalenman cutircacuna.
Etiopía llacta runaman Felipe huillashcamanta
26Mandac Diospac angelca Felipetaca: «Jatarishpa, Jerusalenmanta shitashca pamba ñanta Gaza puebloman ri» nirca. 27Chashna nicpimi, Felipe jatarishpa rirca. Chashna ricushpami, Etiopía llactamanta eunuco runahuan tuparca. Paica Etiopía llactata jatun mandac Candace huarmipac charishcacunata cuidacmi carca. Paica Jerusalenpi Diosta alli nishpami, paipac llactaman cuticurca. 28Paica Jerusalenmantami carretapi tiyashpa, Dios ima nishcata huillac Isaías quillcashcata rezashpa cuticurca. 29Diospac Espirituca Felipetaca: «Chai carretaman cuchuyai» nirca. 30Felipe cuchuyashpa, Dios ima nishcata huillac Isaías quillcashcata rezacucta uyashpaca:
—¿Can rezacushcataca entendinguichu?— nirca.
31Chashna nicpimi, chai runaca:
—Pipish mana yachachicpica, ¿ima shinatac entendishayari?— nirca.
Shina nishpami, carretaman huichicushpa, tiyarichun mañarca.
32Pai rezacushca Dios quillcachishcaca:
«Paitaca maltón ovejata
shinami huañuchingapac aparca.
Ovejata rutucucpi,
upalla cac shinami,
paica upalla carca.
33Paita yanga juchanchishpa
llaquichicucpipish,
pi mana misarcachu.
Cai pachapi huañuchircami.
Paipac, huahua huahuacunamantaca
pi mana huillangachu» nicushca carca.
34Chaimanta eunuco runa Felipeta tapushpaca:
—Dios ima nishcata huillacca, ¿paimantachu, mana cashpaca, maijan shucmantachu nicun? Huillaiyari— nirca.
35Shina nicpimi, Felipeca pai rezacushca quillcallatatac japishpa ricushpaca, Jesusmanta alli huillaita callaimanta huillarca. 36Yacu cuchuta ricushpami, chai runaca:
—Caipica yacu tiyanmi. ¿Manachu ñucaca bautizari pudini?— nirca.
37Shina nicpimi Felipeca:
—Can tucui shunguhuan crishpaca, bautizari pudinguimi— nirca.
Chashna nicpimi, chai runaca:
—Ari, Jesucristoca Diospac Churi cashcata crinimi— nirca.
38Chashna nishpami, carretata chaillapi shayachishpa, ishcaita yacuman yaicurca. Chaipimi Felipeca eunuco runata bautizarca. 39Yacumanta llucshicpica, Diospac Espiritumi Felipeta aparca. Chaimantami eunuco runaca Felipetaca mana ricurca. Chashna cacpipish, cushicushpami rirca. 40Ashtahuanpish Felipeca Azoto pueblopimi taririrca. Chaimanta callarishpami, Cesarea puebloman chayangacaman, tucui pueblocunapi alli huillaita huillashpa rirca.
Currently Selected:
HECHOS 8: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
HECHOS 8
8
1Estebanta huañuchicta Saulo ricushpaca: “Allitami ruhuanguichic” nishpami cushicurca.
Tandanacushca criccunata Saulo llaquichishcamanta
Chai punzhacunapica Jerusalén pueblo criccunataca yallitami llaquichi callarirca. Chaimantami criccunaca Judea llactata, Samaria llactata miticushpa rircacuna. Ashtahuanpish apostolcunallami mana maiman rishpa saquirirca. 2Dios yuyailla causac runacunami yallita huacashpa, Estebantaca enterrarca. 3Ashtahuanpish Sauloca tandanacushca criccunata tucui chingachinata munashpami, huasi huasi yaicushpa, caricunatapish, huarmicunatapish, carcelman cachac carca.
Samaria llactapi alli huillaita huillashcamanta
4Ashtahuanpish Jerusalenmanta miticushpa ric criccunaca maita rishpapish, quishpirinamanta alli huillaita huillashpami purirca. 5Felipepish Samaria puebloman rishpami, Jesucristomanta huillarca. 6Tucui gentecunami Felipe milagrocunata ruhuacta ricushpaca, pai huillashcata sumacta uyac carca. 7Taucacunamantami llaquichic supaicunata llucchishpa cacharca. Chai supaicunaca caparishpami llucshic carca. Tauca paralisis ungushcacunatapish, suchucunatapish alliyachircami. 8Chaimantami chai pueblopica yallita cushicurcacuna.
9Chai pueblopica, Simón shuti runami causarca. Paica ñaupaca brujomi carca. Chaimantami chai llactapi causaccunataca “alli runami cani” nishpa, umashpa, crichishpa causac carca. 10Chai runa yachachishcataca uchillacunapish, jatuncunapish uyacmi carca. Chai uyaccunaca: «Cai runaca poderyuc Dios shinami» nic carca.
11Tauca huatacunata brujeriata ruhuashpa causashcamantami, tucui chai llactapi causaccunaca paita sumacta uyac carca. 12Chashna cacpipish, Jesucristomanta, Dios mandacucmanta Felipe huillacpica, caricunapish, huarmicunapish crishpami bautizarirca. 13Chai brujo Simonpish Jesusta crishpa, bautizarishpami Felipehuan puricurca. Paica milagrocunata, mancharinacunata ruhuacta ricushpami, mancharishpa puric carca.
14Jerusalenpi cac apostolcunaca Samaria pueblopi causaccunapish alli huillaita uyashpa crishcata yachashpami Pedrotapish, Juantapish chaiman cacharca. 15Paicuna chaiman chayashpaca, criccuna Diospac Espirituta chasquichunmi, paicunamanta Diosta mañarca. 16Paicunapacman Diospac Espíritu manarac shamushca cacpimi, Apunchic Jesuspac shutillapi bautizashca carcacuna. 17Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.
18Apostolcuna criccunapac uma jahuapi maquita churacpi, criccuna Diospac Espirituta chasquicta Simón ricushpami, cullquihuan randinata munarca. 19Chashna munashpami:
—Ñucapish maijanpac uma jahuapi maquita churashpa, Diospac Espirituta chasquichingapac, ñucamanpish poderta cuichic— nirca.
20Chaimantami Pedroca:
—¡Can Diospac poderta cullquihuan randisha nishcamantaca, cambac cullquindimi chingarigringui! 21Cambac shungu Dios-huan mana alli cashcamantami, paipac podertaca canman mana cun. 22Can mana allita yuyanata saquishpa, Diosta mañai. Chashna mañacpica, cambac shungu mana allita yuyashcataca perdonangapishchari. 23Cambac shungupica hiel shina jayacmi jundashca. Chaimantami juchapi huatashca shina cangui— nirca.
24Chashna nicpimi Simonca:
—Can nishca shina ama pactachun, Mandac Diosta ñucamanta mañaichic— nirca.
25Pedropish, Juanpish Jesucristomanta huillashpa, Dios rimashcacunata yachachishpaca, Samaria llacta tauca uchilla pueblocunapipish alli huillaita huillashpami, Jerusalenman cutircacuna.
Etiopía llacta runaman Felipe huillashcamanta
26Mandac Diospac angelca Felipetaca: «Jatarishpa, Jerusalenmanta shitashca pamba ñanta Gaza puebloman ri» nirca. 27Chashna nicpimi, Felipe jatarishpa rirca. Chashna ricushpami, Etiopía llactamanta eunuco runahuan tuparca. Paica Etiopía llactata jatun mandac Candace huarmipac charishcacunata cuidacmi carca. Paica Jerusalenpi Diosta alli nishpami, paipac llactaman cuticurca. 28Paica Jerusalenmantami carretapi tiyashpa, Dios ima nishcata huillac Isaías quillcashcata rezashpa cuticurca. 29Diospac Espirituca Felipetaca: «Chai carretaman cuchuyai» nirca. 30Felipe cuchuyashpa, Dios ima nishcata huillac Isaías quillcashcata rezacucta uyashpaca:
—¿Can rezacushcataca entendinguichu?— nirca.
31Chashna nicpimi, chai runaca:
—Pipish mana yachachicpica, ¿ima shinatac entendishayari?— nirca.
Shina nishpami, carretaman huichicushpa, tiyarichun mañarca.
32Pai rezacushca Dios quillcachishcaca:
«Paitaca maltón ovejata
shinami huañuchingapac aparca.
Ovejata rutucucpi,
upalla cac shinami,
paica upalla carca.
33Paita yanga juchanchishpa
llaquichicucpipish,
pi mana misarcachu.
Cai pachapi huañuchircami.
Paipac, huahua huahuacunamantaca
pi mana huillangachu» nicushca carca.
34Chaimanta eunuco runa Felipeta tapushpaca:
—Dios ima nishcata huillacca, ¿paimantachu, mana cashpaca, maijan shucmantachu nicun? Huillaiyari— nirca.
35Shina nicpimi, Felipeca pai rezacushca quillcallatatac japishpa ricushpaca, Jesusmanta alli huillaita callaimanta huillarca. 36Yacu cuchuta ricushpami, chai runaca:
—Caipica yacu tiyanmi. ¿Manachu ñucaca bautizari pudini?— nirca.
37Shina nicpimi Felipeca:
—Can tucui shunguhuan crishpaca, bautizari pudinguimi— nirca.
Chashna nicpimi, chai runaca:
—Ari, Jesucristoca Diospac Churi cashcata crinimi— nirca.
38Chashna nishpami, carretata chaillapi shayachishpa, ishcaita yacuman yaicurca. Chaipimi Felipeca eunuco runata bautizarca. 39Yacumanta llucshicpica, Diospac Espiritumi Felipeta aparca. Chaimantami eunuco runaca Felipetaca mana ricurca. Chashna cacpipish, cushicushpami rirca. 40Ashtahuanpish Felipeca Azoto pueblopimi taririrca. Chaimanta callarishpami, Cesarea puebloman chayangacaman, tucui pueblocunapi alli huillaita huillashpa rirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.