Hanana Enjil 21
21
Bag. 21.
1Inin aharro owittiged Yesu tennewertigi shehretidirsum tenna hiranigi, Tiberyana essin dogor. Ahan mine:
2Siman Butruskon, Tuma Tawam an awerangon, Natanael Kana Jelildindigon, Zabadina tonigon, wide hiran owi echeli werigon jamebusan. 3Siman Butrus tirgi wetidirsum: „Ai jurgi kareg barrin.“ Tekki wetirsan: „Argon ekkodon bijuru.“ Belligi kubir tosan. 4Man turki urti wekki arkomnan. Fejirkodon Yesu abdogor ta kute tebsum. Ama hirani iyirkomnan ter Yesu ter esingi. 5Yesu tirgi wetidirsum: „Wo toni, innai milahkiri beltakkina?“ 6Rudetirsan: „Ilah“ an. Tirgi wetidirsum: „Inna tiligi kubna iyinneged lufekrun, teddo bellun.“ Lufergon wide tiligi osarki marossan karena digrikaneged. 7Man hiran Yesu adolsin Butruski wetirsum: „In Yesu teran.“ Siman Butrus Yesu ter engi gijred tenna kadegi amajed, wirijbusinged, essir war bel tosum. 8Ama hirani echeli kubked tasan — barirton warichiy ekomnan, kew iml owig anmenkin — tiligi toled agrangon kareged. 9Barir bel tasanna wattigi urusan kare wer kenid werdogor kujbungi. Widegon kal wekkon busum. 10Yesu wetidirsum: „Kare iri eleken arsundoton attawe!“ 11Siman Butrus kubir torgi tiligi aridtir tolossum, kare dulged eyebungon. Kare imil weri wide hamsini toskum. In digrikane maleged tili urbijtakkikomnum. 12Yesu wetidirsum: „Ta gadagi gadtakkiwe!“ Wala wekkon hiranirton eske tekki isigkomnum er ni ter engi. Iyirsan ter Yesu ter esingi. Wide Yesu targi wide kalgi 13arrigi tidirsum, wide karertongon. 14In gir toskitti teran Yesu tenna hiranigi shehre tennewertigi amintidirsum diarroton imbolossinn aharro.
15Gadagi gadtakkessann aharro Yesu Siman Butruski, wetirsum: „Wo Siman, Yunana tod, er aigi ingun dogor adolna?“ Tekki wetirsum: „Eyo, wo tirti, er iyirin ai ekk adollingi.“ Tekki wetirsum: „Anna katichigi iwiru!“ 16Wide owittiged wetirsum: „Wo Siman, Yunana tod, er aig adolna?“ Tekki wetirsum: „Eyo, wo arti, er iyirin ai ekk adollingi.“ 17Tekki wetirsum: „Anna egedigi iwiru!“ Toskittiged wetirsum: „Wo Siman, Yunana tod, er aig adolna?“ Butrus musulsum tenna in wereged gir toskigi awetiringi: Er aigi adolnay an. Wide wetirsum: „Wo arti, er haja malegi aïyirin. Er iyirin ai ekki adollingi.“ Yesu tekki wetirsum: „Anna egedigi iwiru! 18Aleged, aleged ekki wetirrin, er kinay esinna wattigi ennewertigi amajegred, abirginn agarkir ajusum. Ama durwaninna wattigi enna igi bisoketirin, wide echel wer ekki amajegros er abirigmeninn agarkir bikiyejjukanin.“ 19Ingi wesum, Butruski amdiry an minin diarked dirgi artigi bimejidengi. Ikke werossir wetirsum: „Aigi tebae!“
20Butrus dire urusum hiran Yesu adolsin tebaedangi. Wide ter ter esum ashana wattigi Yesuna āndogor tekyebuel wide werel: „Wo arti, ni terre ekki biselimel?“ 21Butrus ingi nalos Yesugi wetirsum: „Wo arti, ingon mina?“ 22Yesu wetirsum: „Ai on abirigkirin ter kewdingi ai tarinbokon, er mina? Er aigi tebae!“ 23In were shiesum timbesina barer, man hiran bidimeningi. Ama Yesu tekki wetirkomnum „Bidimnum“ an, ama: „Ai on birigkirin ter kewdingi ai tarinbokon, er mina?“
24In teran hiran in kitabked ashehedel wide tekki bajel. Wide argon iyirrun tenna shahada aley engi.
25Haja digri wekkon Yesu awsum. Ter on wer wekked bajtakkikokin, haryemnim alam eskergi kitabi bajtakkiligi binjingi.
Bajsum.
Currently Selected:
Hanana Enjil 21: XNZ1912
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.
Hanana Enjil 21
21
Bag. 21.
1Inin aharro owittiged Yesu tennewertigi shehretidirsum tenna hiranigi, Tiberyana essin dogor. Ahan mine:
2Siman Butruskon, Tuma Tawam an awerangon, Natanael Kana Jelildindigon, Zabadina tonigon, wide hiran owi echeli werigon jamebusan. 3Siman Butrus tirgi wetidirsum: „Ai jurgi kareg barrin.“ Tekki wetirsan: „Argon ekkodon bijuru.“ Belligi kubir tosan. 4Man turki urti wekki arkomnan. Fejirkodon Yesu abdogor ta kute tebsum. Ama hirani iyirkomnan ter Yesu ter esingi. 5Yesu tirgi wetidirsum: „Wo toni, innai milahkiri beltakkina?“ 6Rudetirsan: „Ilah“ an. Tirgi wetidirsum: „Inna tiligi kubna iyinneged lufekrun, teddo bellun.“ Lufergon wide tiligi osarki marossan karena digrikaneged. 7Man hiran Yesu adolsin Butruski wetirsum: „In Yesu teran.“ Siman Butrus Yesu ter engi gijred tenna kadegi amajed, wirijbusinged, essir war bel tosum. 8Ama hirani echeli kubked tasan — barirton warichiy ekomnan, kew iml owig anmenkin — tiligi toled agrangon kareged. 9Barir bel tasanna wattigi urusan kare wer kenid werdogor kujbungi. Widegon kal wekkon busum. 10Yesu wetidirsum: „Kare iri eleken arsundoton attawe!“ 11Siman Butrus kubir torgi tiligi aridtir tolossum, kare dulged eyebungon. Kare imil weri wide hamsini toskum. In digrikane maleged tili urbijtakkikomnum. 12Yesu wetidirsum: „Ta gadagi gadtakkiwe!“ Wala wekkon hiranirton eske tekki isigkomnum er ni ter engi. Iyirsan ter Yesu ter esingi. Wide Yesu targi wide kalgi 13arrigi tidirsum, wide karertongon. 14In gir toskitti teran Yesu tenna hiranigi shehre tennewertigi amintidirsum diarroton imbolossinn aharro.
15Gadagi gadtakkessann aharro Yesu Siman Butruski, wetirsum: „Wo Siman, Yunana tod, er aigi ingun dogor adolna?“ Tekki wetirsum: „Eyo, wo tirti, er iyirin ai ekk adollingi.“ Tekki wetirsum: „Anna katichigi iwiru!“ 16Wide owittiged wetirsum: „Wo Siman, Yunana tod, er aig adolna?“ Tekki wetirsum: „Eyo, wo arti, er iyirin ai ekk adollingi.“ 17Tekki wetirsum: „Anna egedigi iwiru!“ Toskittiged wetirsum: „Wo Siman, Yunana tod, er aig adolna?“ Butrus musulsum tenna in wereged gir toskigi awetiringi: Er aigi adolnay an. Wide wetirsum: „Wo arti, er haja malegi aïyirin. Er iyirin ai ekki adollingi.“ Yesu tekki wetirsum: „Anna egedigi iwiru! 18Aleged, aleged ekki wetirrin, er kinay esinna wattigi ennewertigi amajegred, abirginn agarkir ajusum. Ama durwaninna wattigi enna igi bisoketirin, wide echel wer ekki amajegros er abirigmeninn agarkir bikiyejjukanin.“ 19Ingi wesum, Butruski amdiry an minin diarked dirgi artigi bimejidengi. Ikke werossir wetirsum: „Aigi tebae!“
20Butrus dire urusum hiran Yesu adolsin tebaedangi. Wide ter ter esum ashana wattigi Yesuna āndogor tekyebuel wide werel: „Wo arti, ni terre ekki biselimel?“ 21Butrus ingi nalos Yesugi wetirsum: „Wo arti, ingon mina?“ 22Yesu wetirsum: „Ai on abirigkirin ter kewdingi ai tarinbokon, er mina? Er aigi tebae!“ 23In were shiesum timbesina barer, man hiran bidimeningi. Ama Yesu tekki wetirkomnum „Bidimnum“ an, ama: „Ai on birigkirin ter kewdingi ai tarinbokon, er mina?“
24In teran hiran in kitabked ashehedel wide tekki bajel. Wide argon iyirrun tenna shahada aley engi.
25Haja digri wekkon Yesu awsum. Ter on wer wekked bajtakkikokin, haryemnim alam eskergi kitabi bajtakkiligi binjingi.
Bajsum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1912.