Iruo rẹ Iyinkọn na 2
2
Erha rẹ Erhi Ọfuanfon na
1Rẹ ẹdẹ ri Pẹntikọst na vwo te, ayen ejobi de koko asan ọvo. 2Kpregede na edo ọvo de do nẹ obo odjuvwu rhe kerẹ ogirobo ọ da rhe vọn uwevwi na ejobi rẹ ayen tidia na. 3Ọ da phia kẹ ayen kerẹsiẹ ra mrẹ imwerhanre sansan, o de she mu uyovwi rẹ ayen ọvuọvo. 4Erhi Ọfuanfon na da ro ayen oma kẹ ayen jẹ ephẹrẹ efa, kirobo rẹ Erhi na mu ayen vwọ ta.
5Ọke yena ihwo ri Ju re dia Jerusalẹm, ẹyọnrọn irhi ri nẹ ẹgborho kẹgborho rẹ akpọ na rhe. 6Fiki rẹ edo nana urogho na ejobi de rhi bi koko, o de gbe ayen unu, fikiridie ayen ohwo ọvuọvo nyo eta rẹ ayen ta vwẹ ephẹrẹ re de vwiẹ ayen. 7Oshọ de mu ayen o de ji gbe ayen unu, ta nẹ, Enana ejobi re ta eta na dia ihwo ri Galili? 8Kemavọ ayen ghwa vwọ jẹ ephẹrẹ re de vwiẹ avwanre? 9Ihwo ri Patia kugbe Mid kugbe Elam kugbe ihwo re dia Mẹsopotemia, Judia kugbe Kapadosha, Pọntus kugbe Esha. 10Frigia kugbe Pamfilia, Ijipt kugbe ubrotọ ri Libia re hẹ Saeren, kugbe erhorha ri nẹ Rom rhe, ihwo rẹ Ju kugbe i ri kurhẹriẹ. 11Ihwo ri Krit kugbe Arebia, avwanre de nyo rẹ ayen vwọ jẹ ephẹrẹ rẹ avwanre vwo gbe ikun rẹ iruo egangan rẹ Ọghẹnẹ. 12Udidi de mu ayen o de gbe ayen unu, ayen ke ta kẹ ohwohwo nẹ otọ rẹ emu nana rhọ? 13Ẹkẹvuọvo otuẹvo ke vwẹ ayen jehwẹ nẹ, udi ọkpokpọ ri mu ayen.
Ovuẹ ri Pita vwi Pẹntikọst
14Ẹkẹvuọvo Pita, vẹ uhwọvo na vwo mudia, ọ da ta kẹ ayen nẹ, ihwo ri Judia kugbe ihwo re dia Jerusalẹm ejobi, wa gba riẹn ọnana, rere ovwan kerhọn rẹ eta mẹ. 15Ihwo nana da udi-i, kirobo rẹ ovwan roro na ọnana irhioke vwobọ; 16ẹkẹvuọvo ọnana ota ri Joẹl rẹ ọmraro na tare. 17Ọghẹnẹ tare nẹ, oba rẹ ọke na de rhi tere ki mi ku Erhi mẹ na phihọ oma rẹ ihwo ejobi, emeshare vẹ emetẹ rẹ ovwan ke cha mraro,
imighene rẹ ovwan ke cha mrorẹ,
ekpako re ovwan ke cha vwerhẹ evwerhẹ
18uyota, ki mi ku Erhi mẹ phihọ oma
rẹ idibo mẹ rẹ eshare vẹ idibo
me rẹ emetẹ vwẹ ọke yena;
kẹ ayen cha mraro.
19Ke me cha vwẹ igbunu phia
vwẹ obo odjuvwu
eka buebu ke cha phia vwẹ
akpọ na,
ọbara, kugbe erhanre, kugbe
ighworighwo rẹ ivwirhi;
20ọnre na ko che mu ebri
emeranvwe na ko che hirhe phihọ ọbara,
kẹsiẹye ẹdẹ rẹ Ọrovwohwo na ki rhi te,
ẹdẹ rode na kọ vwẹ oma phia.
21O de ru nure kohwo kohwo
ro se odẹ rẹ Ọrovwohwo na
kọ cha rhọ.
22Ihwo rẹ Izrẹl, Ovwan nyo eta nana: Jesu ri Nazarẹt, ohwo rẹ Ọghẹnẹ rhọvwe kẹ ro ji mu ovwan ẹro vwẹ iruo ride vẹ igbunu rẹ eka buebu ro ruru vwẹ ohri rẹ ovwan kirobo rẹ ekpuyovwi rẹ ovwan riẹnre. 23Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe. 24Ẹkẹvuọvo Ọghẹnẹ kpaerọ vrẹn, a rhanrọ nẹ obi rẹ ughwu, fikiridie ughwu sa daji-i.
25Fikiridie Devid mraro rọye,
Me mrẹ Ọrovwohwo na vwẹ obaro mẹ vwẹ ọke ejobi,
udu bru vwe-e kidie ọ hẹ obọrhe mẹ;
26eriyin na oma da vwerhe udu mẹ,
ẹrẹnvwe mẹ da ghọghọ;
ugboma mẹ kọ dia vwẹ evun rẹ iphiẹrohọ.
27Fikiridie wọ cha yan jẹn erhi
mẹ vwo vwẹ evun rẹ ushi-i,
eyẹ wo che se siobo nẹ
Ọvuọvo Ọfuanfon wẹn na
nẹ o gbo-o.
28Wo ru uvwe vwọ riẹn idjerhe
rẹ arhọ na nure;
vwẹ aro wẹ wo de che ru
uvwe vọn vẹ omavwerhovwẹ.
29Imoni, ju vwe ta kẹ ovwan
phephẹ nẹ Devid osẹ rẹ avwanre
rode ji ghwu ede ji sho, ushi
rọye je herọ te ọke nana.
30Ọmraro o ruẹ, ọ riẹnre nẹ.
Ọghẹnẹ ji vẹ kẹ nẹ vwẹ uvwiẹ rọye na a da cha reyọ ohwo ọvo vwo tidia ekete rọye na. 31Ọ da mraro ta ota kpahe evrẹnushi ri Kristi na, nẹ a yan jovwo vwẹ ushi-i, eyẹrẹ ugboma rọye gbori-i. 32Jesu nana ọye Ọghẹnẹ kpare vrẹn, avwanre ejobi nana iseri kẹ. 33Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na. 34Kidie Devid yeri kpo idjuvwu-u; ẹkẹvuọvo ekpuyovwi rọye tare nẹ,
Ọrovwohwo ta kẹ Ọrovwovwe nẹ,
tidia vwẹ obọrhe mẹ,
35bẹsiẹye me vwọ vwẹ ivwighrẹ wẹn
hwaọtọ kẹ wẹ chiyi.
36Jẹ uwevwi rẹ Izrẹl ejobi riẹn ọnana gbagba nẹ Jesu rẹ ovwan kanre mu agbagba na, ọye Ọghẹnẹ vwo mu Ọrovwohwo kugbe Kristi.
37Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru? 38Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ. 39Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ. 40Ji kugbe eta efa ọtiọye na buebu o vwo bru ayen uche, tanẹ, ovwan sioma rẹ ovwan nẹ edje nana ri ghwruru na. 41Ọtiọye na a da vwẹ ame kẹ ihwo re reyọ ota rọye na, ayen otu re keri kugbe ukoko na vwẹ ẹdẹ yena na da dia ihwo uriori erha.
42Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.
Eyere vwẹ ohri rẹ Ihwo ri Segbuyota
43Oshọ de mu kohwo kohwo; otu rẹ iyinkọn na de ru emu rẹ igbunu kugbe eka buebu. 44Uche ihwo ri segbuyota na de kuoma vẹ eyere rayen kugbe ọvo. 45Ayen da shẹ etọ vẹ ekuakua rẹ ayen ejobi, ayen da ghare ayen kẹ ihwo na ejobi, kirobo rẹ ohwo ọvuọvo guọnọre. 46Kẹdẹ kẹdẹ kọye ayen vwo koko vwẹ uwevwi rẹ ega kugbe ọre kugbe vwẹ iwevwi rayen, re ayen vwọ ria emu vẹ aghọghọ vẹ udu esiri. 47Kẹ ayen jiri Ọghẹnẹ ayen ohwohwo ke vwẹ ẹro esiri ni ohwo. Kẹdẹ kẹdẹ kọye Ọrovwohwo vwọ vwẹ ihwo re sivwi rhọ vwọ ba ayen.
Currently Selected:
Iruo rẹ Iyinkọn na 2: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Iruo rẹ Iyinkọn na 2
2
Erha rẹ Erhi Ọfuanfon na
1Rẹ ẹdẹ ri Pẹntikọst na vwo te, ayen ejobi de koko asan ọvo. 2Kpregede na edo ọvo de do nẹ obo odjuvwu rhe kerẹ ogirobo ọ da rhe vọn uwevwi na ejobi rẹ ayen tidia na. 3Ọ da phia kẹ ayen kerẹsiẹ ra mrẹ imwerhanre sansan, o de she mu uyovwi rẹ ayen ọvuọvo. 4Erhi Ọfuanfon na da ro ayen oma kẹ ayen jẹ ephẹrẹ efa, kirobo rẹ Erhi na mu ayen vwọ ta.
5Ọke yena ihwo ri Ju re dia Jerusalẹm, ẹyọnrọn irhi ri nẹ ẹgborho kẹgborho rẹ akpọ na rhe. 6Fiki rẹ edo nana urogho na ejobi de rhi bi koko, o de gbe ayen unu, fikiridie ayen ohwo ọvuọvo nyo eta rẹ ayen ta vwẹ ephẹrẹ re de vwiẹ ayen. 7Oshọ de mu ayen o de ji gbe ayen unu, ta nẹ, Enana ejobi re ta eta na dia ihwo ri Galili? 8Kemavọ ayen ghwa vwọ jẹ ephẹrẹ re de vwiẹ avwanre? 9Ihwo ri Patia kugbe Mid kugbe Elam kugbe ihwo re dia Mẹsopotemia, Judia kugbe Kapadosha, Pọntus kugbe Esha. 10Frigia kugbe Pamfilia, Ijipt kugbe ubrotọ ri Libia re hẹ Saeren, kugbe erhorha ri nẹ Rom rhe, ihwo rẹ Ju kugbe i ri kurhẹriẹ. 11Ihwo ri Krit kugbe Arebia, avwanre de nyo rẹ ayen vwọ jẹ ephẹrẹ rẹ avwanre vwo gbe ikun rẹ iruo egangan rẹ Ọghẹnẹ. 12Udidi de mu ayen o de gbe ayen unu, ayen ke ta kẹ ohwohwo nẹ otọ rẹ emu nana rhọ? 13Ẹkẹvuọvo otuẹvo ke vwẹ ayen jehwẹ nẹ, udi ọkpokpọ ri mu ayen.
Ovuẹ ri Pita vwi Pẹntikọst
14Ẹkẹvuọvo Pita, vẹ uhwọvo na vwo mudia, ọ da ta kẹ ayen nẹ, ihwo ri Judia kugbe ihwo re dia Jerusalẹm ejobi, wa gba riẹn ọnana, rere ovwan kerhọn rẹ eta mẹ. 15Ihwo nana da udi-i, kirobo rẹ ovwan roro na ọnana irhioke vwobọ; 16ẹkẹvuọvo ọnana ota ri Joẹl rẹ ọmraro na tare. 17Ọghẹnẹ tare nẹ, oba rẹ ọke na de rhi tere ki mi ku Erhi mẹ na phihọ oma rẹ ihwo ejobi, emeshare vẹ emetẹ rẹ ovwan ke cha mraro,
imighene rẹ ovwan ke cha mrorẹ,
ekpako re ovwan ke cha vwerhẹ evwerhẹ
18uyota, ki mi ku Erhi mẹ phihọ oma
rẹ idibo mẹ rẹ eshare vẹ idibo
me rẹ emetẹ vwẹ ọke yena;
kẹ ayen cha mraro.
19Ke me cha vwẹ igbunu phia
vwẹ obo odjuvwu
eka buebu ke cha phia vwẹ
akpọ na,
ọbara, kugbe erhanre, kugbe
ighworighwo rẹ ivwirhi;
20ọnre na ko che mu ebri
emeranvwe na ko che hirhe phihọ ọbara,
kẹsiẹye ẹdẹ rẹ Ọrovwohwo na ki rhi te,
ẹdẹ rode na kọ vwẹ oma phia.
21O de ru nure kohwo kohwo
ro se odẹ rẹ Ọrovwohwo na
kọ cha rhọ.
22Ihwo rẹ Izrẹl, Ovwan nyo eta nana: Jesu ri Nazarẹt, ohwo rẹ Ọghẹnẹ rhọvwe kẹ ro ji mu ovwan ẹro vwẹ iruo ride vẹ igbunu rẹ eka buebu ro ruru vwẹ ohri rẹ ovwan kirobo rẹ ekpuyovwi rẹ ovwan riẹnre. 23Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe. 24Ẹkẹvuọvo Ọghẹnẹ kpaerọ vrẹn, a rhanrọ nẹ obi rẹ ughwu, fikiridie ughwu sa daji-i.
25Fikiridie Devid mraro rọye,
Me mrẹ Ọrovwohwo na vwẹ obaro mẹ vwẹ ọke ejobi,
udu bru vwe-e kidie ọ hẹ obọrhe mẹ;
26eriyin na oma da vwerhe udu mẹ,
ẹrẹnvwe mẹ da ghọghọ;
ugboma mẹ kọ dia vwẹ evun rẹ iphiẹrohọ.
27Fikiridie wọ cha yan jẹn erhi
mẹ vwo vwẹ evun rẹ ushi-i,
eyẹ wo che se siobo nẹ
Ọvuọvo Ọfuanfon wẹn na
nẹ o gbo-o.
28Wo ru uvwe vwọ riẹn idjerhe
rẹ arhọ na nure;
vwẹ aro wẹ wo de che ru
uvwe vọn vẹ omavwerhovwẹ.
29Imoni, ju vwe ta kẹ ovwan
phephẹ nẹ Devid osẹ rẹ avwanre
rode ji ghwu ede ji sho, ushi
rọye je herọ te ọke nana.
30Ọmraro o ruẹ, ọ riẹnre nẹ.
Ọghẹnẹ ji vẹ kẹ nẹ vwẹ uvwiẹ rọye na a da cha reyọ ohwo ọvo vwo tidia ekete rọye na. 31Ọ da mraro ta ota kpahe evrẹnushi ri Kristi na, nẹ a yan jovwo vwẹ ushi-i, eyẹrẹ ugboma rọye gbori-i. 32Jesu nana ọye Ọghẹnẹ kpare vrẹn, avwanre ejobi nana iseri kẹ. 33Eriyin na a da kparọ kpenu vwẹ obọrhe rẹ Ọghẹnẹ Ọsẹ na ro ji ru ive rẹ Erhi Ọfuanfon na kẹ, kọye o ji kuẹ avwanre rẹ ovwan mrẹ na re ovwan ji nyo na. 34Kidie Devid yeri kpo idjuvwu-u; ẹkẹvuọvo ekpuyovwi rọye tare nẹ,
Ọrovwohwo ta kẹ Ọrovwovwe nẹ,
tidia vwẹ obọrhe mẹ,
35bẹsiẹye me vwọ vwẹ ivwighrẹ wẹn
hwaọtọ kẹ wẹ chiyi.
36Jẹ uwevwi rẹ Izrẹl ejobi riẹn ọnana gbagba nẹ Jesu rẹ ovwan kanre mu agbagba na, ọye Ọghẹnẹ vwo mu Ọrovwohwo kugbe Kristi.
37Ọke rẹ ayen vwo nyo onana udu de bru ayen, ayen da ta kẹ Pita vẹ iyinkọn ri chekọ na nẹ, Imoni, Kidie avwanre che ru? 38Pita da ta kẹ ayen nẹ, Kurhẹriẹ rere ovwan ohwo ọvuọvo reyọ ame vwẹ odẹ ri Jesu Kristi fiki rẹ evwoghovwo rẹ imwemwu rẹ ovwan; ovwan ke cha mrẹ okẹ rẹ Erhi Ọfuanfon na reyọ. 39Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ. 40Ji kugbe eta efa ọtiọye na buebu o vwo bru ayen uche, tanẹ, ovwan sioma rẹ ovwan nẹ edje nana ri ghwruru na. 41Ọtiọye na a da vwẹ ame kẹ ihwo re reyọ ota rọye na, ayen otu re keri kugbe ukoko na vwẹ ẹdẹ yena na da dia ihwo uriori erha.
42Kọke kọke ayen vwo koko vwẹ uyono rẹ iyinkọn na ayen me re kugbe ayen me nẹ ẹrhovwo kugbe.
Eyere vwẹ ohri rẹ Ihwo ri Segbuyota
43Oshọ de mu kohwo kohwo; otu rẹ iyinkọn na de ru emu rẹ igbunu kugbe eka buebu. 44Uche ihwo ri segbuyota na de kuoma vẹ eyere rayen kugbe ọvo. 45Ayen da shẹ etọ vẹ ekuakua rẹ ayen ejobi, ayen da ghare ayen kẹ ihwo na ejobi, kirobo rẹ ohwo ọvuọvo guọnọre. 46Kẹdẹ kẹdẹ kọye ayen vwo koko vwẹ uwevwi rẹ ega kugbe ọre kugbe vwẹ iwevwi rayen, re ayen vwọ ria emu vẹ aghọghọ vẹ udu esiri. 47Kẹ ayen jiri Ọghẹnẹ ayen ohwohwo ke vwẹ ẹro esiri ni ohwo. Kẹdẹ kẹdẹ kọye Ọrovwohwo vwọ vwẹ ihwo re sivwi rhọ vwọ ba ayen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.