Jẹnẹsis 25
25
Uvwiẹ rẹ Ebraham rọ wan Oma ri Kẹtura rhe
1Ebraham da reyọ aye ọfa, re se odẹ rọye Kẹtura. 2O de vwiẹ Zimran, Jokshan, Medan, Midian, Ishbak, kugbe Shua. 3Jokshan kọye ọsẹ ri Sheba kugbe Dedan. Emọ ri Dedan kẹ Asshurim, Letushim kugbe Le-ummim. 4Emọ ri Midian kẹ Ephah, Epher, Hanọk, Abida kugbe Eldah. Enana ejobi na kẹ emọ ri Kẹtura. 5Ebraham da vwẹ emu ro vwori ejobi vwọ kẹ Aizik. 6Ẹkẹvuọvo emọ rẹ ayeobọ na ejobi ẹse kọye o di ru kẹ ayen, ọke rẹ ekpuyovwi rọye vwọ akpọ na ọ da hẹriẹ ayen abọ nẹ oma rẹ Aizik, vwo kpo orho rọ abọ rẹ ọnre da vacha.
Ughwu kugbe Esho rẹ Ebraham
7Enana keye ẹdẹ rẹ ikpe rẹ akpọ rẹ Ebraham, ikpe iyori nuro vwẹ ujurhiri. 8Ebraham de phi ẹnwẹ họ o de ghwu, ọ ghworo hẹrẹn hẹrẹn, ọmare rọ mrẹ ikpe buebu, o de bru ihwo rọye. 9Aizik kugbe Ishmael rẹ emọ rọye de sho phihọ ẹmwa ri Mak-pela, vwẹ otọ ri Ephron ọmọ ri Zohar rẹ ohwo ri Hẹt, rọ obọrhe ri Mamre, 10otọ rẹ Ebraham dẹ mie ihwo ri Hẹt. Etiyin kọye e shi Ebraham phihọ kugbe Sera rẹ aye rọye. 11Rẹ Ebraham vwo ghwunu Ọghẹnẹ de bruphihọ kẹ Aizik rẹ ọmọ rọye. Aizik da dia Beer-lahai-roi.
Uvwiẹ rẹ Ishmael
(1 Ikun rẹ Ivie 1.28-31)
12Enana keye uvwiẹ rẹ Ishmael, ọmọ rẹ Ebraham, ri Hagar rẹ ohwo rẹ Ijipt, rẹ ọviẹn ri Sera, vwiẹ kẹ Ebraham. 13Enana edẹ rẹ emọ rẹ Ishmael, re vwiẹri ohwohwo kpahe ohwo: Nebaioth, ọmọ ọkpako rẹ Ishmael, kugbe Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, kugbe Kedemah. 16Enana keye emọ rẹ Ishmael, enana keye odẹ rayen, ọkuọko rayen kugbe orho rayen, ivie ihwivẹ kirobo rẹ ẹgborho rayen epha.
17(Enana keye ikpe rẹ akpọ rẹ Ishmael, ikpe erha nuro vwẹ ujughwrẹ, o de phi ẹnwẹn họ, o de ghwu, o de bru uvwiẹ rọye.) 18Ayen da dia nẹ Havilah rhi te Shur, ro hirhe opharo ku Ijipt vwẹ ọke re de kpo Asiria; ọ da dia hirhe uko ku ihwo rọye.
Evwiẹ rẹ Isọ kugbe Jekọp
19Enana ke rha uvwiẹ rẹ Aizik, ọmọ rẹ Ebraham, Ebraham kọye ọsẹ rẹ Aizik, 20Aizik ghwo te ikpe ujuvẹ, tavwe ọ ke reyọ Rebeka vwọ rọvwọ, ọmọtẹ ri Bẹtuẹl ohwo rẹ Aram rẹ orere ri Padanaram, oniọvo ri Laban rẹ ohwo rẹ Aram. 21Aizik da nẹ ẹrhovwo kẹ Ọghẹnẹ fiki rẹ aye rọye, kidie ẹga oruẹ, Ọrovwohwo de nyo ẹrhovwo rọye, Rebeka rẹ aye rọye da rhi mrevun. 22Emọ na ki phre vwẹ evun na, o da ta, Ọ da dia enẹ, kidie Me guọnọ vwẹ akpọ? Etiyin o de re duotọ rọye vwẹ obọ rẹ Ọrovwohwo. 23Ọrovwohwo da ta kẹ,
Ẹgborho ivẹ ri evun wẹn,
oka rẹ ihwo ivẹ, ru wo che vwiẹ na,
ke ghare oma;
Ọvo cha goma nọ ọrivẹ,
oro ọkpako cha ga oro otete.
24Ẹdẹ rẹ uvwiẹ rọye vwọ gba, nighe, agbava evun rọye. 25Orẹ ẹsosuọ vwo shotọ ọvwara wei, oma rọye ejobi ẹtuẹnto yafu, kọye e de se odẹ rọye Isọ. 26Emerha oniọvo rọye de rhi shotọ, ọ da vwẹ obọ yọnrọn uchuku owọ rẹ Isọ, Etiyin e de se odẹ rọye Jekọp. Aizik ikpe ujorha vwẹ ọke ro vwo vwiẹ emọ na.
Isọ shẹ Ọkpako rọye
27Ọke rẹ emọ na vwọ ghwanre re, Isọ kẹ ọgba oruẹ, ohwo rẹ aghwa, Jekọp kẹ ohwo dẹndẹn rọ dia itughẹ. 28Ivun rẹ Isọ vwerhe Aizik gangan, fikiridie o hwe eranvwe kẹ na; ẹkẹvuọvo ivun ri Jekọp da rha vwerhe Rebeka.
29Ẹdẹ ọvo ri Jekọp vwo chere ukodo, Isọ de nẹ ibefi rhe, owẹvwe ko hwe gangan. 30Isọ da ta kẹ Jekọp, Ju vwe re umu ukodo ọvwavware wẹn na, kidie owẹvwe na hwe vwe gangan (Fiki rẹ ọtiọye na kọye e vwo se odẹ rọye Idọm.) 31Jekọp da ta, Gba shẹ ọkpako wẹn kẹ vwẹ tavwe. 32Isọ da ta, Mi muegbe rẹ ughwu na kidie Me vwẹ ọkpako ru? 33Jekọp da ta, Gbe duvwu iyori tavwe. Etiyin o de duvwu iyori, ọ da shẹ ọkpako rọye ki Jekọp. 34Jekọp da vwẹ ikara kugbe ukodo rẹ ifọn vwọ kẹ Isọ, ọ da re ọ da da, o vreri ọ da yanran. Kẹnẹ Isọ ni ọkpako rọye saka.
Currently Selected:
Jẹnẹsis 25: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Jẹnẹsis 25
25
Uvwiẹ rẹ Ebraham rọ wan Oma ri Kẹtura rhe
1Ebraham da reyọ aye ọfa, re se odẹ rọye Kẹtura. 2O de vwiẹ Zimran, Jokshan, Medan, Midian, Ishbak, kugbe Shua. 3Jokshan kọye ọsẹ ri Sheba kugbe Dedan. Emọ ri Dedan kẹ Asshurim, Letushim kugbe Le-ummim. 4Emọ ri Midian kẹ Ephah, Epher, Hanọk, Abida kugbe Eldah. Enana ejobi na kẹ emọ ri Kẹtura. 5Ebraham da vwẹ emu ro vwori ejobi vwọ kẹ Aizik. 6Ẹkẹvuọvo emọ rẹ ayeobọ na ejobi ẹse kọye o di ru kẹ ayen, ọke rẹ ekpuyovwi rọye vwọ akpọ na ọ da hẹriẹ ayen abọ nẹ oma rẹ Aizik, vwo kpo orho rọ abọ rẹ ọnre da vacha.
Ughwu kugbe Esho rẹ Ebraham
7Enana keye ẹdẹ rẹ ikpe rẹ akpọ rẹ Ebraham, ikpe iyori nuro vwẹ ujurhiri. 8Ebraham de phi ẹnwẹ họ o de ghwu, ọ ghworo hẹrẹn hẹrẹn, ọmare rọ mrẹ ikpe buebu, o de bru ihwo rọye. 9Aizik kugbe Ishmael rẹ emọ rọye de sho phihọ ẹmwa ri Mak-pela, vwẹ otọ ri Ephron ọmọ ri Zohar rẹ ohwo ri Hẹt, rọ obọrhe ri Mamre, 10otọ rẹ Ebraham dẹ mie ihwo ri Hẹt. Etiyin kọye e shi Ebraham phihọ kugbe Sera rẹ aye rọye. 11Rẹ Ebraham vwo ghwunu Ọghẹnẹ de bruphihọ kẹ Aizik rẹ ọmọ rọye. Aizik da dia Beer-lahai-roi.
Uvwiẹ rẹ Ishmael
(1 Ikun rẹ Ivie 1.28-31)
12Enana keye uvwiẹ rẹ Ishmael, ọmọ rẹ Ebraham, ri Hagar rẹ ohwo rẹ Ijipt, rẹ ọviẹn ri Sera, vwiẹ kẹ Ebraham. 13Enana edẹ rẹ emọ rẹ Ishmael, re vwiẹri ohwohwo kpahe ohwo: Nebaioth, ọmọ ọkpako rẹ Ishmael, kugbe Kedar, Adbeel, Mibsam, 14Mishma, Dumah, Massa, 15Hadad, Tema, Jetur, Naphish, kugbe Kedemah. 16Enana keye emọ rẹ Ishmael, enana keye odẹ rayen, ọkuọko rayen kugbe orho rayen, ivie ihwivẹ kirobo rẹ ẹgborho rayen epha.
17(Enana keye ikpe rẹ akpọ rẹ Ishmael, ikpe erha nuro vwẹ ujughwrẹ, o de phi ẹnwẹn họ, o de ghwu, o de bru uvwiẹ rọye.) 18Ayen da dia nẹ Havilah rhi te Shur, ro hirhe opharo ku Ijipt vwẹ ọke re de kpo Asiria; ọ da dia hirhe uko ku ihwo rọye.
Evwiẹ rẹ Isọ kugbe Jekọp
19Enana ke rha uvwiẹ rẹ Aizik, ọmọ rẹ Ebraham, Ebraham kọye ọsẹ rẹ Aizik, 20Aizik ghwo te ikpe ujuvẹ, tavwe ọ ke reyọ Rebeka vwọ rọvwọ, ọmọtẹ ri Bẹtuẹl ohwo rẹ Aram rẹ orere ri Padanaram, oniọvo ri Laban rẹ ohwo rẹ Aram. 21Aizik da nẹ ẹrhovwo kẹ Ọghẹnẹ fiki rẹ aye rọye, kidie ẹga oruẹ, Ọrovwohwo de nyo ẹrhovwo rọye, Rebeka rẹ aye rọye da rhi mrevun. 22Emọ na ki phre vwẹ evun na, o da ta, Ọ da dia enẹ, kidie Me guọnọ vwẹ akpọ? Etiyin o de re duotọ rọye vwẹ obọ rẹ Ọrovwohwo. 23Ọrovwohwo da ta kẹ,
Ẹgborho ivẹ ri evun wẹn,
oka rẹ ihwo ivẹ, ru wo che vwiẹ na,
ke ghare oma;
Ọvo cha goma nọ ọrivẹ,
oro ọkpako cha ga oro otete.
24Ẹdẹ rẹ uvwiẹ rọye vwọ gba, nighe, agbava evun rọye. 25Orẹ ẹsosuọ vwo shotọ ọvwara wei, oma rọye ejobi ẹtuẹnto yafu, kọye e de se odẹ rọye Isọ. 26Emerha oniọvo rọye de rhi shotọ, ọ da vwẹ obọ yọnrọn uchuku owọ rẹ Isọ, Etiyin e de se odẹ rọye Jekọp. Aizik ikpe ujorha vwẹ ọke ro vwo vwiẹ emọ na.
Isọ shẹ Ọkpako rọye
27Ọke rẹ emọ na vwọ ghwanre re, Isọ kẹ ọgba oruẹ, ohwo rẹ aghwa, Jekọp kẹ ohwo dẹndẹn rọ dia itughẹ. 28Ivun rẹ Isọ vwerhe Aizik gangan, fikiridie o hwe eranvwe kẹ na; ẹkẹvuọvo ivun ri Jekọp da rha vwerhe Rebeka.
29Ẹdẹ ọvo ri Jekọp vwo chere ukodo, Isọ de nẹ ibefi rhe, owẹvwe ko hwe gangan. 30Isọ da ta kẹ Jekọp, Ju vwe re umu ukodo ọvwavware wẹn na, kidie owẹvwe na hwe vwe gangan (Fiki rẹ ọtiọye na kọye e vwo se odẹ rọye Idọm.) 31Jekọp da ta, Gba shẹ ọkpako wẹn kẹ vwẹ tavwe. 32Isọ da ta, Mi muegbe rẹ ughwu na kidie Me vwẹ ọkpako ru? 33Jekọp da ta, Gbe duvwu iyori tavwe. Etiyin o de duvwu iyori, ọ da shẹ ọkpako rọye ki Jekọp. 34Jekọp da vwẹ ikara kugbe ukodo rẹ ifọn vwọ kẹ Isọ, ọ da re ọ da da, o vreri ọ da yanran. Kẹnẹ Isọ ni ọkpako rọye saka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.