Yọọn 10
10
Eti akpemedọñ ye edọñ amọ
1 “Ke ata akpanikọ ami ntañ inọ ndufo mme Farisi, awo a-mmiisañake inuaatob idʌk ufọk edọñ, ado asaña usʌñ mfen adʌk, ado inọ ye awo ñwo. 2Anye a-asañake inuaatob adʌk ado akpemedọñ. 3Akpeme inuaatob akʌkkọ usʌñ anọ anye adʌk, ndin mme edọñ ekpañ utọñ ekop uyo amọ. Anye akood edọñ amọ ke anyịñ anyʌñ akoono ammọ awuọ esiin. 4Ke anye amaakesio afịd se ido ake amọ, anye aboiyo ammọ iso, ndin mme edọñ ekeene anye sia ediọọñọ uyo amọ. 5Ammọ idiikeeneke asenawo, ado ediifefeghe ikpọñ anye, sia ammọ idiọọñọke uyo isenawo.” 6Yisọs amaatañ mbʌk ñke ami anọ mme Farisi ado ikinwañake ammọ se anye aketañ abaña.
7Anam Yisọs amaana abo ammọ ate: “Ke ata akpanikọ ami ntañ inọ ndufo, ami ndo inuaatob atu edọñ. 8Afịd mbon se ikimbem iso idi ekedoñño inọ ye ñwo, ado mme edọñ ikikpañña utọñ inọ ammọ. 9Ami ndo inuaatob, awo a-asañake anto miin adʌk ayaabọ adinyaaña. Utọ awo ado ayaadʌk anyʌñ awuọ anyʌñ akịd mbid ufene. 10Inọ adi adiyịp ñkpọ ñnyʌñ ñwot awo ñnyʌñ nsobo, ado ami mmedi nọ ammọ enie uwem, enyʌñ enie anye ayọhọ-ayọhọ.
11 “Ami ndo eti akpemedọñ. Eti akpemedọñ ayaak uwem amọ anọ edọñ. 12Anye e-ekpeeghekpe, idooho akpemedọñ, inyʌññọ ido anye anie edọñ. Ke ntodo, anye afeghe akpọñ edọñ ke ini anye akịtte ewaikọd naña adi. Ndin ewaikọd akịm mme edọñ anyʌñ asuan ammọ. 13Anye afeghe sia ekpekpe anye, anam anye ikereke ñkpọ ntekeed ibaña mme edọñ.
14 “Ami ndo eti akpemedọñ; ami mmediọọñọ mme edọñ mmi, mme edọñ mmi enyʌñ endiọọñọ miin, 15kpa daña Ete andiọọñọ miin, ami ñko ñnyʌñ ndiọọñọ Ete; ñnyʌñ ñyaak uwem mmi nnọ edọñ mmi. 16Ami mmenie mme edọñ mfen e-mmiisịneke ke atu ami, ndin ana ami mben ammọ ndi ñko. Ammọ ñko eyaekpañ utọñ ekop uyo mmi, ndin atu edọñ keed ye akpemedọñ keed adiiba. 17Ntak e-Ete mmi ammaaha ado ke mmeduọọk uwem mmi–nọ ato odo mmaana mben anye. 18Awo nte keed imbọọhọ, ami nduọọk anye ke unyịmme esịd mmi. Ami mmenie adudu adiduọọk anye, ñnyʌñ nnie adudu adimaana mben anye; ndin ami ado uyo a-ami mbọọhọ nto Ete mmi.”
19Mme ikọ ami amaamaana asịn ubakka ke atu mme Yuu. 20Uwak ammọ ete, “Anye ado awo ñkpọnsọb, ataa uyagha idaad. Ntak a-ndufo ekpañña utọñ enọ-ọ anye-e?”
21Mbon mfen ete, “Mme ikọ ami idooho ikọ awo ñkpọnsọb. Nte dimọn akeme aditat nnan anyen?”
Mme ntuagha ke abaña se Yisọs aketañ
22Akedo ini usọrọ Adiyaak Nnọ ke Ñwaidem ke Yerusedem. Akedo ini ekarika, 23ndin Yisọs akeba ke afe tembịd, asaaña ke Mbenesa Sọdọmọn. 24Mme Yuu edikanna anye ekʌk enyʌñ ebo ete, “Afo abo inịm ñnyịn ke eyịghe ikpeene die? Akpedo afo ado Mesaya, tañ inọ ñnyịn añwa-añwa.”
25Yisọs amaabọọrọ ate: “Ami mmaatañ inọ ndufo, ado ndufo inịmme. Mme utom a-ami nnamma ke anyịñ Ete mmi edo ntiense ennọ miin, 26ado ndufo innịmme ke akpanikọ sia ndufo idooho mme edọñ mmi. 27Mme edọñ mmi ekpañ utọñ ekop uyo mmi; ami mmediọọñọ ammọ, ammọ enyʌñ eñkeene miin. 28Ami nnọ ammọ uwem nsi-nsi, ammọ idiisoppo tutu amama; ñko awo ndomokeed idiiwappake ammọ insio miin ke ubọk. 29Ete mmi, a-akennọọhọ ammọ, akpon akan afịd awo, ñko awo ndomokeed ikemeke adiyịp ammọ nto ubọk Ete mmi. 30Ami ye Ete mmi ido keed.”
31Mme Yuu emaemaana ekoono itiad aditọọñ anye, 32ado Yisọs abo ammọ, “Ami mmiwọt ndufo uwak nti utom a-atooho Ete mmi. Ake-e ke atu ami anam nọ ndufo entọọñ ke itiad?”
33Mme Yuu emaebọọrọ, “Ñnyịn utọọñọ fiin ke itiad ke ntak nti utom mfo, utọọñ sia amesappa anyịñ Abasi; afo ado ñkaña awo, ado afo abo ke ido Abasi.”
34Yisọs abọọrọ ate, “Nte iwereke ke Ibed ndufo, ‘Ami mmebo ke ndufo edoñño mme “abasi” ’? 35Anam edieeke anye akekoodo ammọ, ‘abasi,’ mbon ado ekewette ikọ Abasi enọ ndin awo ikanna ikpọnnọ ikọ Abasi inịm 36maama dise ndin anye a-Abasi akesiooho anịm saña-saña nte akemọ anyʌñ anọ adi ke ederimbod? Ntagha a-ndufo ebooho ke mmesappa anyịñ Abasi ke ami adibo, ‘Ami ndo Ayịn Abasi’? 37Ikiinnịm miin ke akpanikọ ibọhọke ami nnam utom Ete mmi. 38Ado akpedo mmenam, akpesʌk ado a-ndufo idiinnịmme miin ke akpanikọ, isʌk ikap inịm mme utịbe utom a-ami nnamma ke akpanikọ, ma ndufo ediọọñọ ma anyʌñ inwaña ke Ete aba ke ami, ami ñko ñnyʌñ mba ke Ete.” 39Ammọ emaemaana eyem adimʌm anye, ado anye amaafiọnnọ abọkkọ ammọ.
40Ndin Yisọs amaatịmme aka edem Yọdan utịd ñkañ a-Yọọn akesiduọkkọ mme awo mmọọñ ke ntọọñọ ini ado. Anye amaaba do, 41ndin uwak awo emaedi ebịne anye. Ammọ emaebo anye ete, “Akpesʌk ado a-Yọọn ikidiinọọhọ mme idiọọñọ, afịd se anye aketañ abaña awo ami akedo akpanikọ.” 42Ndin uwak ammọ do emaenịm anye ke akpanikọ.
Currently Selected:
Yọọn 10: NAAM
Highlight
Share
Copy
Want to have your highlights saved across all your devices? Sign up or sign in
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.
Yọọn 10
10
Eti akpemedọñ ye edọñ amọ
1 “Ke ata akpanikọ ami ntañ inọ ndufo mme Farisi, awo a-mmiisañake inuaatob idʌk ufọk edọñ, ado asaña usʌñ mfen adʌk, ado inọ ye awo ñwo. 2Anye a-asañake inuaatob adʌk ado akpemedọñ. 3Akpeme inuaatob akʌkkọ usʌñ anọ anye adʌk, ndin mme edọñ ekpañ utọñ ekop uyo amọ. Anye akood edọñ amọ ke anyịñ anyʌñ akoono ammọ awuọ esiin. 4Ke anye amaakesio afịd se ido ake amọ, anye aboiyo ammọ iso, ndin mme edọñ ekeene anye sia ediọọñọ uyo amọ. 5Ammọ idiikeeneke asenawo, ado ediifefeghe ikpọñ anye, sia ammọ idiọọñọke uyo isenawo.” 6Yisọs amaatañ mbʌk ñke ami anọ mme Farisi ado ikinwañake ammọ se anye aketañ abaña.
7Anam Yisọs amaana abo ammọ ate: “Ke ata akpanikọ ami ntañ inọ ndufo, ami ndo inuaatob atu edọñ. 8Afịd mbon se ikimbem iso idi ekedoñño inọ ye ñwo, ado mme edọñ ikikpañña utọñ inọ ammọ. 9Ami ndo inuaatob, awo a-asañake anto miin adʌk ayaabọ adinyaaña. Utọ awo ado ayaadʌk anyʌñ awuọ anyʌñ akịd mbid ufene. 10Inọ adi adiyịp ñkpọ ñnyʌñ ñwot awo ñnyʌñ nsobo, ado ami mmedi nọ ammọ enie uwem, enyʌñ enie anye ayọhọ-ayọhọ.
11 “Ami ndo eti akpemedọñ. Eti akpemedọñ ayaak uwem amọ anọ edọñ. 12Anye e-ekpeeghekpe, idooho akpemedọñ, inyʌññọ ido anye anie edọñ. Ke ntodo, anye afeghe akpọñ edọñ ke ini anye akịtte ewaikọd naña adi. Ndin ewaikọd akịm mme edọñ anyʌñ asuan ammọ. 13Anye afeghe sia ekpekpe anye, anam anye ikereke ñkpọ ntekeed ibaña mme edọñ.
14 “Ami ndo eti akpemedọñ; ami mmediọọñọ mme edọñ mmi, mme edọñ mmi enyʌñ endiọọñọ miin, 15kpa daña Ete andiọọñọ miin, ami ñko ñnyʌñ ndiọọñọ Ete; ñnyʌñ ñyaak uwem mmi nnọ edọñ mmi. 16Ami mmenie mme edọñ mfen e-mmiisịneke ke atu ami, ndin ana ami mben ammọ ndi ñko. Ammọ ñko eyaekpañ utọñ ekop uyo mmi, ndin atu edọñ keed ye akpemedọñ keed adiiba. 17Ntak e-Ete mmi ammaaha ado ke mmeduọọk uwem mmi–nọ ato odo mmaana mben anye. 18Awo nte keed imbọọhọ, ami nduọọk anye ke unyịmme esịd mmi. Ami mmenie adudu adiduọọk anye, ñnyʌñ nnie adudu adimaana mben anye; ndin ami ado uyo a-ami mbọọhọ nto Ete mmi.”
19Mme ikọ ami amaamaana asịn ubakka ke atu mme Yuu. 20Uwak ammọ ete, “Anye ado awo ñkpọnsọb, ataa uyagha idaad. Ntak a-ndufo ekpañña utọñ enọ-ọ anye-e?”
21Mbon mfen ete, “Mme ikọ ami idooho ikọ awo ñkpọnsọb. Nte dimọn akeme aditat nnan anyen?”
Mme ntuagha ke abaña se Yisọs aketañ
22Akedo ini usọrọ Adiyaak Nnọ ke Ñwaidem ke Yerusedem. Akedo ini ekarika, 23ndin Yisọs akeba ke afe tembịd, asaaña ke Mbenesa Sọdọmọn. 24Mme Yuu edikanna anye ekʌk enyʌñ ebo ete, “Afo abo inịm ñnyịn ke eyịghe ikpeene die? Akpedo afo ado Mesaya, tañ inọ ñnyịn añwa-añwa.”
25Yisọs amaabọọrọ ate: “Ami mmaatañ inọ ndufo, ado ndufo inịmme. Mme utom a-ami nnamma ke anyịñ Ete mmi edo ntiense ennọ miin, 26ado ndufo innịmme ke akpanikọ sia ndufo idooho mme edọñ mmi. 27Mme edọñ mmi ekpañ utọñ ekop uyo mmi; ami mmediọọñọ ammọ, ammọ enyʌñ eñkeene miin. 28Ami nnọ ammọ uwem nsi-nsi, ammọ idiisoppo tutu amama; ñko awo ndomokeed idiiwappake ammọ insio miin ke ubọk. 29Ete mmi, a-akennọọhọ ammọ, akpon akan afịd awo, ñko awo ndomokeed ikemeke adiyịp ammọ nto ubọk Ete mmi. 30Ami ye Ete mmi ido keed.”
31Mme Yuu emaemaana ekoono itiad aditọọñ anye, 32ado Yisọs abo ammọ, “Ami mmiwọt ndufo uwak nti utom a-atooho Ete mmi. Ake-e ke atu ami anam nọ ndufo entọọñ ke itiad?”
33Mme Yuu emaebọọrọ, “Ñnyịn utọọñọ fiin ke itiad ke ntak nti utom mfo, utọọñ sia amesappa anyịñ Abasi; afo ado ñkaña awo, ado afo abo ke ido Abasi.”
34Yisọs abọọrọ ate, “Nte iwereke ke Ibed ndufo, ‘Ami mmebo ke ndufo edoñño mme “abasi” ’? 35Anam edieeke anye akekoodo ammọ, ‘abasi,’ mbon ado ekewette ikọ Abasi enọ ndin awo ikanna ikpọnnọ ikọ Abasi inịm 36maama dise ndin anye a-Abasi akesiooho anịm saña-saña nte akemọ anyʌñ anọ adi ke ederimbod? Ntagha a-ndufo ebooho ke mmesappa anyịñ Abasi ke ami adibo, ‘Ami ndo Ayịn Abasi’? 37Ikiinnịm miin ke akpanikọ ibọhọke ami nnam utom Ete mmi. 38Ado akpedo mmenam, akpesʌk ado a-ndufo idiinnịmme miin ke akpanikọ, isʌk ikap inịm mme utịbe utom a-ami nnamma ke akpanikọ, ma ndufo ediọọñọ ma anyʌñ inwaña ke Ete aba ke ami, ami ñko ñnyʌñ mba ke Ete.” 39Ammọ emaemaana eyem adimʌm anye, ado anye amaafiọnnọ abọkkọ ammọ.
40Ndin Yisọs amaatịmme aka edem Yọdan utịd ñkañ a-Yọọn akesiduọkkọ mme awo mmọọñ ke ntọọñọ ini ado. Anye amaaba do, 41ndin uwak awo emaedi ebịne anye. Ammọ emaebo anye ete, “Akpesʌk ado a-Yọọn ikidiinọọhọ mme idiọọñọ, afịd se anye aketañ abaña awo ami akedo akpanikọ.” 42Ndin uwak ammọ do emaenịm anye ke akpanikọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ñwed Abasi Ke Ikọ Ibibio Ayo Mfịn™
Mme anie unen ñwed ami tọọñọ ke isua © 2020 ado Biblica, Inc.
Ebọ unyịmme eto Biblica, Inc. Emʌm afịd unen ke afịd ederimbod enọ Biblica.
Ibibio Contemporary Bible™
Copyright © 2020 by Biblica, Inc.
Used with permission. All rights reserved worldwide.