HECHOS 5
5
Ananiaspish Safirapish llullashcami
1Ananías shuti runapish, paipaj huarmi Safirahuanmi paicunapaj allpata c'aturca. 2Chai c'atushca cullquitaca, chaupishpami huaquichirca. Chaitaca paipaj huarmipish yacharcami. Caishuj asha cullquitaca tucuita apamuj shinami apostolcunaman curca. 3Chaimi Pedroca:
–Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui? 4Allpaca ¿manachu cambaj carca? C'atujpipish cullquica ¿manachu cambaj maquipi carca? ¿Ima nishpataj cambaj shungupi chashna millaita ruranata yuyarircangui? Mana runacunamanchu llullarcangui, Taita Diosmanmi llullarcangui– nircami.
5Pedro chashna nijta uyashcahuan Ananiasca pambaman urmashpa huañurcallami. Chashna tucushcata uyajcunapish tucuicunami achcata mancharircacuna. 6Chaipi caj q'uipa huiñaicunami Ananiastaca pilluchishpa pambagrircacuna.
7Quimsa horas shina q'uipaca Ananiaspaj huarmipish chaimanmi yaicurca. Paica paipaj cusa ima tucushcataca mana yacharcachu. 8Chaimi Pedroca:
–¿Allpataca cancunaca chaillapichu c'aturcanguichij?– nishpa tapujpi, paica:
–Ari, chaillapimi c'aturcanchij– nijpi,
9Pedroca:
–¿Ima nishpataj ishquindij shuj yuyailla tucushpa, Jatun Diospaj Espirituta umashun nishpa llullarcanguichij? Riqui, ñami canlla punguta cambaj cusata pambajcunaca yaicumucun. Cantapish paicunallatajmi apangacuna– nircami.
10Pedro cashna nincami chai huarmipish paipaj ñaupajpi urmashpa huañurca. Chai q'uipa huiñaicunallataj yaicushpaca, chai huarmitaca huañushcata japishpami cusapaj c'uchullapitaj pambarcacuna. 11Chashna tucushcata tucui uyajcunapajca tandanacushca crijcunapajpish, shujtajcunapajpish yallitaj manchaimi shamurca.
Pi mana ruraipajcunatapish ricuchinacunatapish apostolcuna achcata rurashcami
12Apostolcunataca pi mana ruraipajcunatapish mancharinacunatapish tucuicunapaj ñaupajpimi Taita Diosca achcata rurachirca. Crijcunaca Salomonpaj nishca corredorpimi, tucuicuna shuj yuyailla tandanacuj carca. 13Shujtajcunaca paicunahuan tandanacunataca mancharcami. Shina cajpipish chai llajtapi causajcunaca tucuicunami paicunataca allicunami nijcuna carca. 14C'aricunapish huarmicunapish Mandaj Jesusta crishpaca, achcacunami ashtahuan mirarircacuna. 15Pedro pasacujpi paipaj llandu ungushcacunapaj jahuata pasashpa alliyachichunmi, ungushcacunataca camacunapi huanducunapi churashpa ñancunaman apamushpa churarcacuna. 16Chai c'uchulla pueblocunamantapish ungushcacunata, mapa espiritucuna llaquichicushcacunatapish apashpami, achcacuna Jerusalenman shamurcacuna. Chaicunaca tucuicunatami alliyachirca.
Pedrotapish Juantapish carcelpi churashcami
17Chaipimi curacunata jatun pushajca paihuan caj saduceocunandij yallitaj p'iñarishpaca, 18apostolcunata japishpa tucuicunata churana carcelpi churarcacuna. 19Ashtahuanpish Jatun Diospaj shuj angelmi cárcel pungucunata tuta pascashpa, paicunata llujshichishpaca: 20“Richij, Taita Diospaj huasipi shayarishpa, ima shina mushuj causaiyuj tucunata huillaichij” nirca.
21Chaita uyashpaca manaraj alli pacarijpimi, Taita Diospaj huasiman rishpa yachachircacuna. Chaicamaca curacunata jatun pushajca, tucui paihuan cajcunandij mandajcunapuralla tandanacushcapi tandanacungapajmi israelcunata, cunaj yuyajcunata tandachirca. Chai q'uipami, apostolcunata carcelmanta pushamuchun cacharca. 22Ashtahuanpish guardiacuna chayashpa, paicunata carcelpi mana japishpa huillanaman tigrashpami, 23cashna nircacuna. “Carceltaca alli huichcashcatami japircanchij. Carcelta cuidajcunapish canlla pungucuna ñaupajpimi shayacushcacuna carca. Carcel punguta pascashpaca, pita mana chai ucupica japircanchijchu” nircacunami.
24Chashna huillashcata uyashpaca, curacunata jatun pushajpish, Taita Diospaj huasita cuidajcunata mandajpish, curacunata pushajcunapish achcata mancharishpami caishuj chaishuj:
–Chai runacunaca ¿imashi tucurca?– nishpa tapunacurcacuna. 25Ashtahuanpish paicuna chashna ninacucujpirajmi shuj runa ñapish chayamushpaca: “Cancuna carcelpi churashca runacunaca, Taita Diospaj huasipimari tucuicunaman yachachicuncuna” nirca.
26Chaimi Taita Diospaj huasipi mandajca chaipi cuidajcunata pushashpa paicunata japinaman rishpaca chaipi cajcuna rumicunahuan shitanata manchashcamanta mana imata nishpalla pushamurcacuna. 27Paicunata pushamushpaca, mandajcunapuralla tandanacushcapaj ñaupajmanmi pushamurcacuna. Chaipimi curacunata mandajca,
28cashna nirca:
–Ñucanchijca cancunataca chai runamantaca amataj yachachinguichij nishpami mandarcanchij. Ashtahuanpish chashna nishca jahuami cunanca, tucui Jerusalenpi cancunapaj yachachinata yachachishcanguichij. Chai runatapish cancunami huañuchircanguichij nishpami ñucanchijta juchachicunguichij– nircami.
29Chaimi Pedropish, caishuj apostolcunapish cashna nirca:
–Runacunata cazunapaj randica, Taita Diostami cazuna canchij. 30Cancunami Jesustaca caspipi huarcushpa huañuchircanguichij. Paitaca ñucanchij ñaupa yayacunapaj Taita Diosmi causachirca. 31Paitami Taita Diosca jatunyachishpa Mandaj cachun, Quishpichij cachunpish paipaj alli ladopi tiyachirca. Taita Diosca israelcunata Diosman cutirijta rurashpa paicunapaj juchacunata perdonangapajmi chashna rurarca. 32Ñucanchijca caicunata ricushcata huillajcunami canchij, jucha illaj Espiritupish chaillatatajmi huillacun. Taita Diosca paita cazujcunamanmi, chai Espiritutaca cushca– nircami.
33Shina nijta chai mandajcuna uyashpaca, yallitaj p'iñarishpami huañuchinata yuyarcacuna. 34Mandajcunapuralla tandanacushcapica, Gamaliel nishca fariseomi tiyacurca. Paica Mandashcata jatun yachachij, tucuicuna alli nishcami carca. Pai shayarishpaca, apostolcunata ashacama canllaman llujshichichishpaca, 35cashnami nirca:
–Israelcuna, cai runacunata imata ruranataca alli yuyaringuichij. 36Sarun ima tucushcata alli yuyarichij. Teudas shuti runa alli yachajmi cani nijpi paitaca chuscu patsaj shina runacunami catirca. Paita huañuchijpica tucui paita catijcunaca caita chaitami rircacuna. Pai yachachishcapish chingarircallami. 37Chai q'uipaca shuticunata yupacui punllacunapimi, Galileamanta Judaspish yachachinata callarirca. Paitapish achcacunami catirca. Paita huañuchijpica, paita catijcunapish caita chaita rishpa chingarircallacunami. 38Chaimanta cunanca cai runacunataca ama imata nishpa saquichijlla ninimi. Paicuna yachachicushcapish, imata ruracushcapish runallamanta cashpaca chingaringallami. 39Taita Diosmanta cajpica, mana chingachi tucunguichijchu. Ñataj Taita Dioshuan macanacucunguichijman– nircami.
40Gamaliel chashna nishcaca paicunapaj yuyaipica alli yuyachijpimi tucuicuna alli nircacuna. Chaimi apostolcunata cutin cayashpa macashpaca:
–Chai Jesusmantaca cutinca ña amataj huillanguichijchu– nishpa mandashpaca cacharishpa cacharcallacunami. 41Paicunaca mandajcunapuralla tandanacushcacunapaj ñaupajmantaca, Jesucristomanta llaquita apajcunatajmi cashcanchij nishpami cushicushpa llujshircacuna. 42Chashna cashpami paicunaca Taita Diospaj huasipipish, huasin huasintapish Jesucristomi Quishpichij nishpa punllanta yachachinata huillanataca mana saquircacuna.
Currently Selected:
HECHOS 5: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
HECHOS 5
5
Ananiaspish Safirapish llullashcami
1Ananías shuti runapish, paipaj huarmi Safirahuanmi paicunapaj allpata c'aturca. 2Chai c'atushca cullquitaca, chaupishpami huaquichirca. Chaitaca paipaj huarmipish yacharcami. Caishuj asha cullquitaca tucuita apamuj shinami apostolcunaman curca. 3Chaimi Pedroca:
–Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui? 4Allpaca ¿manachu cambaj carca? C'atujpipish cullquica ¿manachu cambaj maquipi carca? ¿Ima nishpataj cambaj shungupi chashna millaita ruranata yuyarircangui? Mana runacunamanchu llullarcangui, Taita Diosmanmi llullarcangui– nircami.
5Pedro chashna nijta uyashcahuan Ananiasca pambaman urmashpa huañurcallami. Chashna tucushcata uyajcunapish tucuicunami achcata mancharircacuna. 6Chaipi caj q'uipa huiñaicunami Ananiastaca pilluchishpa pambagrircacuna.
7Quimsa horas shina q'uipaca Ananiaspaj huarmipish chaimanmi yaicurca. Paica paipaj cusa ima tucushcataca mana yacharcachu. 8Chaimi Pedroca:
–¿Allpataca cancunaca chaillapichu c'aturcanguichij?– nishpa tapujpi, paica:
–Ari, chaillapimi c'aturcanchij– nijpi,
9Pedroca:
–¿Ima nishpataj ishquindij shuj yuyailla tucushpa, Jatun Diospaj Espirituta umashun nishpa llullarcanguichij? Riqui, ñami canlla punguta cambaj cusata pambajcunaca yaicumucun. Cantapish paicunallatajmi apangacuna– nircami.
10Pedro cashna nincami chai huarmipish paipaj ñaupajpi urmashpa huañurca. Chai q'uipa huiñaicunallataj yaicushpaca, chai huarmitaca huañushcata japishpami cusapaj c'uchullapitaj pambarcacuna. 11Chashna tucushcata tucui uyajcunapajca tandanacushca crijcunapajpish, shujtajcunapajpish yallitaj manchaimi shamurca.
Pi mana ruraipajcunatapish ricuchinacunatapish apostolcuna achcata rurashcami
12Apostolcunataca pi mana ruraipajcunatapish mancharinacunatapish tucuicunapaj ñaupajpimi Taita Diosca achcata rurachirca. Crijcunaca Salomonpaj nishca corredorpimi, tucuicuna shuj yuyailla tandanacuj carca. 13Shujtajcunaca paicunahuan tandanacunataca mancharcami. Shina cajpipish chai llajtapi causajcunaca tucuicunami paicunataca allicunami nijcuna carca. 14C'aricunapish huarmicunapish Mandaj Jesusta crishpaca, achcacunami ashtahuan mirarircacuna. 15Pedro pasacujpi paipaj llandu ungushcacunapaj jahuata pasashpa alliyachichunmi, ungushcacunataca camacunapi huanducunapi churashpa ñancunaman apamushpa churarcacuna. 16Chai c'uchulla pueblocunamantapish ungushcacunata, mapa espiritucuna llaquichicushcacunatapish apashpami, achcacuna Jerusalenman shamurcacuna. Chaicunaca tucuicunatami alliyachirca.
Pedrotapish Juantapish carcelpi churashcami
17Chaipimi curacunata jatun pushajca paihuan caj saduceocunandij yallitaj p'iñarishpaca, 18apostolcunata japishpa tucuicunata churana carcelpi churarcacuna. 19Ashtahuanpish Jatun Diospaj shuj angelmi cárcel pungucunata tuta pascashpa, paicunata llujshichishpaca: 20“Richij, Taita Diospaj huasipi shayarishpa, ima shina mushuj causaiyuj tucunata huillaichij” nirca.
21Chaita uyashpaca manaraj alli pacarijpimi, Taita Diospaj huasiman rishpa yachachircacuna. Chaicamaca curacunata jatun pushajca, tucui paihuan cajcunandij mandajcunapuralla tandanacushcapi tandanacungapajmi israelcunata, cunaj yuyajcunata tandachirca. Chai q'uipami, apostolcunata carcelmanta pushamuchun cacharca. 22Ashtahuanpish guardiacuna chayashpa, paicunata carcelpi mana japishpa huillanaman tigrashpami, 23cashna nircacuna. “Carceltaca alli huichcashcatami japircanchij. Carcelta cuidajcunapish canlla pungucuna ñaupajpimi shayacushcacuna carca. Carcel punguta pascashpaca, pita mana chai ucupica japircanchijchu” nircacunami.
24Chashna huillashcata uyashpaca, curacunata jatun pushajpish, Taita Diospaj huasita cuidajcunata mandajpish, curacunata pushajcunapish achcata mancharishpami caishuj chaishuj:
–Chai runacunaca ¿imashi tucurca?– nishpa tapunacurcacuna. 25Ashtahuanpish paicuna chashna ninacucujpirajmi shuj runa ñapish chayamushpaca: “Cancuna carcelpi churashca runacunaca, Taita Diospaj huasipimari tucuicunaman yachachicuncuna” nirca.
26Chaimi Taita Diospaj huasipi mandajca chaipi cuidajcunata pushashpa paicunata japinaman rishpaca chaipi cajcuna rumicunahuan shitanata manchashcamanta mana imata nishpalla pushamurcacuna. 27Paicunata pushamushpaca, mandajcunapuralla tandanacushcapaj ñaupajmanmi pushamurcacuna. Chaipimi curacunata mandajca,
28cashna nirca:
–Ñucanchijca cancunataca chai runamantaca amataj yachachinguichij nishpami mandarcanchij. Ashtahuanpish chashna nishca jahuami cunanca, tucui Jerusalenpi cancunapaj yachachinata yachachishcanguichij. Chai runatapish cancunami huañuchircanguichij nishpami ñucanchijta juchachicunguichij– nircami.
29Chaimi Pedropish, caishuj apostolcunapish cashna nirca:
–Runacunata cazunapaj randica, Taita Diostami cazuna canchij. 30Cancunami Jesustaca caspipi huarcushpa huañuchircanguichij. Paitaca ñucanchij ñaupa yayacunapaj Taita Diosmi causachirca. 31Paitami Taita Diosca jatunyachishpa Mandaj cachun, Quishpichij cachunpish paipaj alli ladopi tiyachirca. Taita Diosca israelcunata Diosman cutirijta rurashpa paicunapaj juchacunata perdonangapajmi chashna rurarca. 32Ñucanchijca caicunata ricushcata huillajcunami canchij, jucha illaj Espiritupish chaillatatajmi huillacun. Taita Diosca paita cazujcunamanmi, chai Espiritutaca cushca– nircami.
33Shina nijta chai mandajcuna uyashpaca, yallitaj p'iñarishpami huañuchinata yuyarcacuna. 34Mandajcunapuralla tandanacushcapica, Gamaliel nishca fariseomi tiyacurca. Paica Mandashcata jatun yachachij, tucuicuna alli nishcami carca. Pai shayarishpaca, apostolcunata ashacama canllaman llujshichichishpaca, 35cashnami nirca:
–Israelcuna, cai runacunata imata ruranataca alli yuyaringuichij. 36Sarun ima tucushcata alli yuyarichij. Teudas shuti runa alli yachajmi cani nijpi paitaca chuscu patsaj shina runacunami catirca. Paita huañuchijpica tucui paita catijcunaca caita chaitami rircacuna. Pai yachachishcapish chingarircallami. 37Chai q'uipaca shuticunata yupacui punllacunapimi, Galileamanta Judaspish yachachinata callarirca. Paitapish achcacunami catirca. Paita huañuchijpica, paita catijcunapish caita chaita rishpa chingarircallacunami. 38Chaimanta cunanca cai runacunataca ama imata nishpa saquichijlla ninimi. Paicuna yachachicushcapish, imata ruracushcapish runallamanta cashpaca chingaringallami. 39Taita Diosmanta cajpica, mana chingachi tucunguichijchu. Ñataj Taita Dioshuan macanacucunguichijman– nircami.
40Gamaliel chashna nishcaca paicunapaj yuyaipica alli yuyachijpimi tucuicuna alli nircacuna. Chaimi apostolcunata cutin cayashpa macashpaca:
–Chai Jesusmantaca cutinca ña amataj huillanguichijchu– nishpa mandashpaca cacharishpa cacharcallacunami. 41Paicunaca mandajcunapuralla tandanacushcacunapaj ñaupajmantaca, Jesucristomanta llaquita apajcunatajmi cashcanchij nishpami cushicushpa llujshircacuna. 42Chashna cashpami paicunaca Taita Diospaj huasipipish, huasin huasintapish Jesucristomi Quishpichij nishpa punllanta yachachinata huillanataca mana saquircacuna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.