GÉNESIS 33
33
Jacobhuan Esauhuan alli tucunacushcami
1Jacobca paipaj huauqui Esautaca, 400 gentecunata pushashca shamucujta ricushpami, paipaj huarmi Leatapish paipaj huahuacunandij, Raqueltapish paipaj huahuacunandij, paicunapajta ruraj ishqui huarmicunatapish paicunapaj huahuacunandij ch'ican ch'icanpi churarca. 2Chai q'uipaca, Jacobpaj huarmicunapajta ruraj huarmicunatami paicunapaj huahuacunandij puntapi churarca. Chai huashapica Leatami paipaj huahuacunandij churarca. Chaicunapaj q'uipataca Raqueltami paipaj churi Josendij churarca. 3Jacobca paicunapaj puntapi rishpami, paipaj huauquipajman chayangacama canchis cutin pambaman tupajta cumurihuan cumurihuan rirca. 4Ashtahuanpish Esauca Jacobta tupanaman callpashpa rishpaca paipaj cungapi ugllarishpa muchashpami ishquindijtaj huacanacurca. 5Esauca, chai huarmicunatapish, huahuacunatapish ricushpami:
–¿Paicunaca picunataj?– nijpi Jacobca:
–Cambajta rurajman, Taita Dios cushca ñuca huahuacunami– nirca.
6Chai q'uipaca Jacobpaj huarmicunapajta ruraj huarmicunami paicunapaj churicunandij Esaupajman c'uchuyashpa pambaman tupajta cumurircacuna. 7Leapish paipaj churicunandij Esaupajman c'uchuyamushpami pambaman tupajta cumurirca. Raquelpish paipaj churi Josendij Esaupajman c'uchuyamushpami pambaman tupajta cumurirca. 8Chai q'uipami Esauca Jacobtaca:
–¿Imata yuyashpataj, chai tucui animalcunataca ñaupachishpa cacharcanguiyari?– nijpi Jacobca:
–Can ñuca amopi alli ricuringapajmi chashna cacharcani– nirca.
9Chaimi Esauca:
–Ñucaca pajtatami charini. Ñuca huauquilla, cambaj cashcaca cambajllataj cachun– nirca.
10Shina nijpipish Jacobca:
–Cambaj ñahuipi ñuca alli ricurishca cajpica, ñuca canman convidashcacunataca chasquipailla nishpami rogapani. Cambaj ñahuita ricushpaca, Taita Diosta ricushca shinamari cushicuni. Canca ñucataca jatun c'uyaihuanmari chasquihuangui. 11Canman convidangapaj ñuca apamushcacunataca chasquipailla. Taita Dios ñucaman cushcamanta tucui caicunaca ñucapajmi– nicujllapimi, Esauca japirca. 12Esauca:
–Cunanca ñucaca ñaupashpa risha. Tucuicuna ñucahuan jacuchijlla– nircami.
13Jacobca, Esautaca:
–Ñuca amitolla ñuca huahuacunapish uchillaraj cashcataca canllataj yachanguimi. Ovejacunapish, vacacunapish cunanlla huachashcatamari charini. Ovejacunaca shaicushpa shuj punllallapimari tucui huañunga. 14Cunanca ñuca amito cambajta ruraj ñucata ñaupashpa ripailla. Ñucaca animalcunapish, ñuca huahuacunapish purishcallapi allimantalla purishpa Seir pambapi caj can ñuca amopajman chayangacama catimushallami– nirca.
15Chaimi Esauca:
–Allimi, shina cajpipish ñucahuan shamuj gentecunamanta maijancunataca canta pushamuchun saquisha– nijpimi Jacobca:
–Ñuca amito, cambaj ñahuipi ñuca alli ricurishca cajpica, chaitapish ama ruraichu– nirca.
16Esauca chai punllallatajmi Seirman tigrashpa rircalla. 17Jacobca, Sucotmanmi rirca. Chaipimi pai causanapaj shuj huasitapish, animalcunapaj ramadacunatapish rurarca. Chaimi chai pambataca Sucotta shutichirca.
18Jacobca Padan-arammanta tigrashpaca Canaanpi caj Siquem puebloman ima mana tucushca alli chayashcamantami, chai pueblo ch'imbapurallapi causanata callarirca. 19Paipaj carpa huasicunata shayachishca pamba allpataca, Siquempaj yaya Hamorpaj churicunamanmi patsaj cullquipi randirca. 20Shuj altarta chaipi rurashpaca, “El-Elohe-Israeltami” shutichirca.
Currently Selected:
GÉNESIS 33: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
GÉNESIS 33
33
Jacobhuan Esauhuan alli tucunacushcami
1Jacobca paipaj huauqui Esautaca, 400 gentecunata pushashca shamucujta ricushpami, paipaj huarmi Leatapish paipaj huahuacunandij, Raqueltapish paipaj huahuacunandij, paicunapajta ruraj ishqui huarmicunatapish paicunapaj huahuacunandij ch'ican ch'icanpi churarca. 2Chai q'uipaca, Jacobpaj huarmicunapajta ruraj huarmicunatami paicunapaj huahuacunandij puntapi churarca. Chai huashapica Leatami paipaj huahuacunandij churarca. Chaicunapaj q'uipataca Raqueltami paipaj churi Josendij churarca. 3Jacobca paicunapaj puntapi rishpami, paipaj huauquipajman chayangacama canchis cutin pambaman tupajta cumurihuan cumurihuan rirca. 4Ashtahuanpish Esauca Jacobta tupanaman callpashpa rishpaca paipaj cungapi ugllarishpa muchashpami ishquindijtaj huacanacurca. 5Esauca, chai huarmicunatapish, huahuacunatapish ricushpami:
–¿Paicunaca picunataj?– nijpi Jacobca:
–Cambajta rurajman, Taita Dios cushca ñuca huahuacunami– nirca.
6Chai q'uipaca Jacobpaj huarmicunapajta ruraj huarmicunami paicunapaj churicunandij Esaupajman c'uchuyashpa pambaman tupajta cumurircacuna. 7Leapish paipaj churicunandij Esaupajman c'uchuyamushpami pambaman tupajta cumurirca. Raquelpish paipaj churi Josendij Esaupajman c'uchuyamushpami pambaman tupajta cumurirca. 8Chai q'uipami Esauca Jacobtaca:
–¿Imata yuyashpataj, chai tucui animalcunataca ñaupachishpa cacharcanguiyari?– nijpi Jacobca:
–Can ñuca amopi alli ricuringapajmi chashna cacharcani– nirca.
9Chaimi Esauca:
–Ñucaca pajtatami charini. Ñuca huauquilla, cambaj cashcaca cambajllataj cachun– nirca.
10Shina nijpipish Jacobca:
–Cambaj ñahuipi ñuca alli ricurishca cajpica, ñuca canman convidashcacunataca chasquipailla nishpami rogapani. Cambaj ñahuita ricushpaca, Taita Diosta ricushca shinamari cushicuni. Canca ñucataca jatun c'uyaihuanmari chasquihuangui. 11Canman convidangapaj ñuca apamushcacunataca chasquipailla. Taita Dios ñucaman cushcamanta tucui caicunaca ñucapajmi– nicujllapimi, Esauca japirca. 12Esauca:
–Cunanca ñucaca ñaupashpa risha. Tucuicuna ñucahuan jacuchijlla– nircami.
13Jacobca, Esautaca:
–Ñuca amitolla ñuca huahuacunapish uchillaraj cashcataca canllataj yachanguimi. Ovejacunapish, vacacunapish cunanlla huachashcatamari charini. Ovejacunaca shaicushpa shuj punllallapimari tucui huañunga. 14Cunanca ñuca amito cambajta ruraj ñucata ñaupashpa ripailla. Ñucaca animalcunapish, ñuca huahuacunapish purishcallapi allimantalla purishpa Seir pambapi caj can ñuca amopajman chayangacama catimushallami– nirca.
15Chaimi Esauca:
–Allimi, shina cajpipish ñucahuan shamuj gentecunamanta maijancunataca canta pushamuchun saquisha– nijpimi Jacobca:
–Ñuca amito, cambaj ñahuipi ñuca alli ricurishca cajpica, chaitapish ama ruraichu– nirca.
16Esauca chai punllallatajmi Seirman tigrashpa rircalla. 17Jacobca, Sucotmanmi rirca. Chaipimi pai causanapaj shuj huasitapish, animalcunapaj ramadacunatapish rurarca. Chaimi chai pambataca Sucotta shutichirca.
18Jacobca Padan-arammanta tigrashpaca Canaanpi caj Siquem puebloman ima mana tucushca alli chayashcamantami, chai pueblo ch'imbapurallapi causanata callarirca. 19Paipaj carpa huasicunata shayachishca pamba allpataca, Siquempaj yaya Hamorpaj churicunamanmi patsaj cullquipi randirca. 20Shuj altarta chaipi rurashpaca, “El-Elohe-Israeltami” shutichirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.