Dzɔ̌n 21
21
Yɛso gbə̀nsə kɔʼ an sə kə tsə̀təndə̄ghā tə wə̄n sə̀ghàmbəgha
1Aletsùuŋ tsughu, Yɛso m bùghò dè fughu sə kpeʼe wò ghue u wə̄n â tsə̀təndə̄ghā tə wə̄n to an Nyʉ̀ e Tàebɛlìa; ù fə̀ ghue u wə̄n de sə wo an dziī zən enyə. 2tsə̀təndə̄ghā tə Yɛso tə̀ li tə n dzeŋe dôʼ, tɔɔŋ Sǎemòn Pità, Tɔ̀mâs, tɔɔŋ Ŋgɔ̀ɔŋmbɛ, Nàtanɛl, tɔɔŋ ghùw Kànà an Galèlîi, wɛ a Zɛbàdīi à nûu ghò àsùghò tsə̀təndə̄ghā tə Yɛso tə̀ li to tə bə̀ghà. 3#Lûk 5:5 Sǎemòn Pità n dzɛ â ghee enyəa, “M̀ fɛ ndùuw tsəgha tə̀ kwuun to.” Ghe n dzɛ â wə̄n enyəa, “Ghàʼ bughò sùghò nù.” Ghe dzeŋe sə̀ ndùw nyə kɔʼ alo kəkwə̀n, ghe ŋ kè sô kuūwn kwu kəfəgha â tsuʼ wo è vʉ̀.
4A m bùghò tsuʼ u zuūw nyəā wo, Yɛso m bùghò tème wò â ŋgùŋ è enyʉ̀, tsə̀təndə̄ghā tə̀ ŋ kè kuūwn koʼòkɛlɛ enyəa à lò Yɛso. 5Yɛso m bvʉ â ghee enyəa, “Fən ghaŋā gho, ghɛ̀ sô yia ki nu tsəgha to a fiā a?”
Ghe m bɛ̀lɛ̀ ndùw wə̄n enyəa, “Ɛ̂ŋgaŋ dzə̂”
6 #
Lûk 5:6
Ù n dzɛ â ghee enyəa, “Aŋghəa ghɛ̀ lo fi alo kəkwə̀n, màʼa tsughu nlò ghuūw tɛʼɛ to am bà kə kwe wɛʼɛ ù təma wo alo enyʉ̀ ghɛ̀ so koʼ tsəgha tə̀ li to.” Ghe m màʼà nyə̀ tsùghù sùghò tə̀ghuūw, kòom bùʼ yò alesèe səā kɔʼ, bòʼ tsəgha tə màʼà fə̀ lo mo tə nyə̀ dùw tsəghàsò a te.
7Tsə̀ndə̄ghā zəla Yɛso fə̀ ləgha tsəgha n dzɛ̀ â Pità enyəa, “A lo Mughu ù te!” A m bùghò Pità zuw tsughu êzə̀, ù n nì dzə̀la kɔʼ ndzʉ tə wə̄n (ù mò lo mò ù n tsɔɔn naŋa ndzʉ̄, ù màʼa fə̀ lô alo kəfwàʼ), tɛ̀ nyə tsughu an ndzughù təgha sə kəŋo ndùw â ŋgùŋ. 8Tsə̀təndə̄ghā tə̀ li ti ŋ kuuwn sə kəŋo wò ko alo kəkwə̀n, sèe wò ghuūw tə ghee à tsəgha to a te ndə̀m; bòʼ ghe ka fə lɔʼso dòʼò nyə kəŋo ndùw dzə̀ alebùghò tɛ a ŋgùŋ è ènyʉ̀; gha kə te kə fə̀ daā yo.
9A m bùghò ghe sə tee wo a ŋgùŋ è enyʉ̀, ghe ŋ kôʼ ndùw chia tə ŋwə̀n àsùghò tsəgha zo e gaʼ a te, àsùghò bɛ ko. 10Yɛso n dzɛ â ghee enyəa, “An tsəgha təla ghɛ̀ kwu, nìi wo nlò tə li to a te.”
11Sàemòn Pità n nyə kɔʼ ebàm alo kəkwə̀n, sè sə̀ tsùghù wò tə̀ghuūw a ŋgùŋ è ènyʉ̀, ù n taŋ tsughu tsəgha tə te to, tə n lo fəbɔm à ghə̄m mò ŋ tɛ̀ à ghè tò tə təgha. Ghə̂a tə fə̀ bûʼ lo ko an ndə̀m êzə̀, ghuūw ù ka fə te. 12Yɛso n dzɛ â ghee enyəa, “Ghɛ̀ bugho doʼo tsughu nlò êzə̄ŋ to sɛ̀ zə təgbə̀làgbə̀la.” Tsə̀təndə̄ghā e mɔ̀ʼ fughu ŋ kè tsoō bvʉ â wə̄n enyəa, “Ghù lò ndugho?” Bòʼ ghe fə̀ kwo nû enyəa à lò Mughu ù te. 13Yɛso n ndùw è bugho, nì kɔ̀ʼ bɛ kə te ko, à tsəgha e te zo, fùghù ndùw â tsə̀təndə̄ghā tə wə̄n to.
14Zən êzə̄ŋ mò fɛ ghəəŋ tsughu tənəghā tə təgha aŋghəa Yɛso bùghò dêe ko ghue wo â tsə̀təndə̄ghā tə wə̄n to aŋghəa ù mò kɔʼ sə kɔʼ alo evʉ̄.
15Ghəa ghe gbə̄n zə mɛʼɛ̀ kɔʼ, Yɛso m bvʉ â Sàemòn Pità enyəa, “Sàemòn, wɛ ù Dzɔ̌n, ghù ləghaa nù mugho tsəghàsə ghî ghə̀n a?”
Sàemòn m bɛ̀lɛ̀ ndùw wə̄n enyəa, “Ghù kwò nû enyəa Ǹ ləghaa nù ghû.”
Yɛso n dzɛ â wə̄n enyəa, “Etsʉa ndzì taŋa to.” 16Yɛso m bvʉ kpeʼe ndùw â wə̄n enyəa, “Sàemòn, wɛ ù Dzɔ̌n, ghù lə̀ghaa nù mugho a?”
Sàemòn m bɛ̀lɛ̀ ndùw wə̄n enyəa, “Mughu ù te, ghù kwò nû enyəa Ǹ ləghaa nù ghû.”
Yɛso n dzɛ̀ â wə̄n enyəa, “E lɛnlo â ndzì taŋa to.” 17Yɛso ŋ kòom bvʉ kpeʼe ndùw â wə̄n alendùw sə alo tənə̀gha tə təgha enyəa, “Sàemòn, wɛ ù Dzɔ̌n, ghù lə̀ghaa nù mugho a?”
Tuw kə m kpuw Pità aŋghəa Yɛso mgbɛɛ̄ bvʉa ko wə̄n â ghəa è mɔʼɔ zo alekɔʼɔ sə alo tənəghā tə təgha enyəa, “Ghù lə̀ghaa nù mugho a?” Ù m bɛ̀lɛ̀ ndùw wə̄n enyəa, “Mughu ù te, ghù kwò aghəa a dzə̀m; ghù vʉ̀a ghù kwo sugho enyəa Ǹ ləghaa nù ghû.”
Yɛso n dzɛ̀ ndùw â wə̄n enyəa, “E lɛnlo â ndzì taŋa to.” 18Kùmkùm, Ǹ dzâ wô â ghɛ̀ enyəa, ghəa ghù mò naām lo wɛ̂ɛtùghu, ghù n dzə̂ən ndzʉ təghà ghù â nəŋ ko; ndùuw luʼū təla ghù ləghaa alendùw; à kuuwn lò ko enyəa abugho ghù lo dwə̂n tsughu, ghù lo e nəghaan səa nduw kwe zo, ghùw ù nùghù ù lì n dzə̀là fughu tsughu ndzʉ təghà, mbuŋ kɔʼ ghû, nì ndùw ghù an lùʼù kəla ghù mò buʼù ləghaa yo alendùw. 19(Yɛso fə̀ ghəa ghən kəa tsughu aledè ŋgôʼ è èvʉ zəla Pità lo kpuūw ghè zò, zəla e lo fughu kɔʼso mò a te â Zə̀ kò). Yɛso n daŋso dzɛ â wə̄n enyəa, “Dzûum wò mugho.” 20#Dzn 13:25 Pità mo e baŋà lɛ̌ɛn tsughu nù, kòʼ ndùw tsə̀ndə̄ghā zəla Yɛso fə̀ ŋgeē ləghaa mò zə̀ è bùgho a bǎa ghee. Wəla ù fə̀ doʼò kuʼso nduw an bughu e Yɛso aŋ nəgha zəla ghe fə̀ lo an chìndùghu zəa, ghəa ù fə̀ kwə̄n bvʉ kɔʼ â Yɛso enyəa, “Mughùbè, à ghù so e fêe fughu ndugho a?” 21Ghəa Pità kôʼ nduw wə̄n, ù m bvʉ â Yɛso enyəa, “Mughùbè, ghù lò aledzɛ̀ êndūghō kùu ndùw ghùw wən a?”
22Yɛso m bɛ̀lɛ̀ ndùw wə̄n enyəa, “Abugho Ǹ ləghaa enyəa ù dòʼòdoʼò tò Ŋ̀ kê telè bughò èbàm, à ghù a te fəmso kə̀ kwò? Bùghò a bâà mùghò!”
23Zwɔ̂ŋ wə̀ m fùŋ mìasò ndùw aŋ ghùe e ghee enyəa, Tsə̀ndə̄ghā zən lo kpuuw yo; dèe êzə̀ mò Yɛso ka fə dzɛ̂ dzə̀ â Pità enyəa, tsə̀ndə̄ghā e te lo kpuw yo. Ù fə̀ laam dzɛ enyəa, “Abugho Ǹ ləghaa enyəa ù dòʼòdoʼò, tò Ǹ lo telè bughò èbàm, à ghù a te fəmsô kə̀ kwò?”
24Zən lo tsə̀təndə̄ghā zəla e fə̀ kôʼ ghəa ghən gho tɔ̀m è naŋa, yia kwo enyəa ghəa ghəlà ù teso dzâa wo lǒ èsəŋò.
25Mo êzə lo, mò ndə̀mà tə aghəa tə̀ li tə lo nû Yɛso fə̀ fwaʼ mo ghe kâ tɔm naŋa; mo mbī e dzə̀m mò yò alekwuū kele mɛʼɛ̀ mwàʼsò u te wo u dzə̀m abugho ghe mò tɔɔ̄ mɛʼn tsughu ghəa ghəla Yɛso fə̀ ghəŋlo.
Currently Selected:
Dzɔ̌n 21: agq
Highlight
Share
Copy
Want to have your highlights saved across all your devices? Sign up or sign in
Dzɔ̌n 21
21
Yɛso gbə̀nsə kɔʼ an sə kə tsə̀təndə̄ghā tə wə̄n sə̀ghàmbəgha
1Aletsùuŋ tsughu, Yɛso m bùghò dè fughu sə kpeʼe wò ghue u wə̄n â tsə̀təndə̄ghā tə wə̄n to an Nyʉ̀ e Tàebɛlìa; ù fə̀ ghue u wə̄n de sə wo an dziī zən enyə. 2tsə̀təndə̄ghā tə Yɛso tə̀ li tə n dzeŋe dôʼ, tɔɔŋ Sǎemòn Pità, Tɔ̀mâs, tɔɔŋ Ŋgɔ̀ɔŋmbɛ, Nàtanɛl, tɔɔŋ ghùw Kànà an Galèlîi, wɛ a Zɛbàdīi à nûu ghò àsùghò tsə̀təndə̄ghā tə Yɛso tə̀ li to tə bə̀ghà. 3#Lûk 5:5 Sǎemòn Pità n dzɛ â ghee enyəa, “M̀ fɛ ndùuw tsəgha tə̀ kwuun to.” Ghe n dzɛ â wə̄n enyəa, “Ghàʼ bughò sùghò nù.” Ghe dzeŋe sə̀ ndùw nyə kɔʼ alo kəkwə̀n, ghe ŋ kè sô kuūwn kwu kəfəgha â tsuʼ wo è vʉ̀.
4A m bùghò tsuʼ u zuūw nyəā wo, Yɛso m bùghò tème wò â ŋgùŋ è enyʉ̀, tsə̀təndə̄ghā tə̀ ŋ kè kuūwn koʼòkɛlɛ enyəa à lò Yɛso. 5Yɛso m bvʉ â ghee enyəa, “Fən ghaŋā gho, ghɛ̀ sô yia ki nu tsəgha to a fiā a?”
Ghe m bɛ̀lɛ̀ ndùw wə̄n enyəa, “Ɛ̂ŋgaŋ dzə̂”
6 #
Lûk 5:6
Ù n dzɛ â ghee enyəa, “Aŋghəa ghɛ̀ lo fi alo kəkwə̀n, màʼa tsughu nlò ghuūw tɛʼɛ to am bà kə kwe wɛʼɛ ù təma wo alo enyʉ̀ ghɛ̀ so koʼ tsəgha tə̀ li to.” Ghe m màʼà nyə̀ tsùghù sùghò tə̀ghuūw, kòom bùʼ yò alesèe səā kɔʼ, bòʼ tsəgha tə màʼà fə̀ lo mo tə nyə̀ dùw tsəghàsò a te.
7Tsə̀ndə̄ghā zəla Yɛso fə̀ ləgha tsəgha n dzɛ̀ â Pità enyəa, “A lo Mughu ù te!” A m bùghò Pità zuw tsughu êzə̀, ù n nì dzə̀la kɔʼ ndzʉ tə wə̄n (ù mò lo mò ù n tsɔɔn naŋa ndzʉ̄, ù màʼa fə̀ lô alo kəfwàʼ), tɛ̀ nyə tsughu an ndzughù təgha sə kəŋo ndùw â ŋgùŋ. 8Tsə̀təndə̄ghā tə̀ li ti ŋ kuuwn sə kəŋo wò ko alo kəkwə̀n, sèe wò ghuūw tə ghee à tsəgha to a te ndə̀m; bòʼ ghe ka fə lɔʼso dòʼò nyə kəŋo ndùw dzə̀ alebùghò tɛ a ŋgùŋ è ènyʉ̀; gha kə te kə fə̀ daā yo.
9A m bùghò ghe sə tee wo a ŋgùŋ è enyʉ̀, ghe ŋ kôʼ ndùw chia tə ŋwə̀n àsùghò tsəgha zo e gaʼ a te, àsùghò bɛ ko. 10Yɛso n dzɛ â ghee enyəa, “An tsəgha təla ghɛ̀ kwu, nìi wo nlò tə li to a te.”
11Sàemòn Pità n nyə kɔʼ ebàm alo kəkwə̀n, sè sə̀ tsùghù wò tə̀ghuūw a ŋgùŋ è ènyʉ̀, ù n taŋ tsughu tsəgha tə te to, tə n lo fəbɔm à ghə̄m mò ŋ tɛ̀ à ghè tò tə təgha. Ghə̂a tə fə̀ bûʼ lo ko an ndə̀m êzə̀, ghuūw ù ka fə te. 12Yɛso n dzɛ â ghee enyəa, “Ghɛ̀ bugho doʼo tsughu nlò êzə̄ŋ to sɛ̀ zə təgbə̀làgbə̀la.” Tsə̀təndə̄ghā e mɔ̀ʼ fughu ŋ kè tsoō bvʉ â wə̄n enyəa, “Ghù lò ndugho?” Bòʼ ghe fə̀ kwo nû enyəa à lò Mughu ù te. 13Yɛso n ndùw è bugho, nì kɔ̀ʼ bɛ kə te ko, à tsəgha e te zo, fùghù ndùw â tsə̀təndə̄ghā tə wə̄n to.
14Zən êzə̄ŋ mò fɛ ghəəŋ tsughu tənəghā tə təgha aŋghəa Yɛso bùghò dêe ko ghue wo â tsə̀təndə̄ghā tə wə̄n to aŋghəa ù mò kɔʼ sə kɔʼ alo evʉ̄.
15Ghəa ghe gbə̄n zə mɛʼɛ̀ kɔʼ, Yɛso m bvʉ â Sàemòn Pità enyəa, “Sàemòn, wɛ ù Dzɔ̌n, ghù ləghaa nù mugho tsəghàsə ghî ghə̀n a?”
Sàemòn m bɛ̀lɛ̀ ndùw wə̄n enyəa, “Ghù kwò nû enyəa Ǹ ləghaa nù ghû.”
Yɛso n dzɛ â wə̄n enyəa, “Etsʉa ndzì taŋa to.” 16Yɛso m bvʉ kpeʼe ndùw â wə̄n enyəa, “Sàemòn, wɛ ù Dzɔ̌n, ghù lə̀ghaa nù mugho a?”
Sàemòn m bɛ̀lɛ̀ ndùw wə̄n enyəa, “Mughu ù te, ghù kwò nû enyəa Ǹ ləghaa nù ghû.”
Yɛso n dzɛ̀ â wə̄n enyəa, “E lɛnlo â ndzì taŋa to.” 17Yɛso ŋ kòom bvʉ kpeʼe ndùw â wə̄n alendùw sə alo tənə̀gha tə təgha enyəa, “Sàemòn, wɛ ù Dzɔ̌n, ghù lə̀ghaa nù mugho a?”
Tuw kə m kpuw Pità aŋghəa Yɛso mgbɛɛ̄ bvʉa ko wə̄n â ghəa è mɔʼɔ zo alekɔʼɔ sə alo tənəghā tə təgha enyəa, “Ghù lə̀ghaa nù mugho a?” Ù m bɛ̀lɛ̀ ndùw wə̄n enyəa, “Mughu ù te, ghù kwò aghəa a dzə̀m; ghù vʉ̀a ghù kwo sugho enyəa Ǹ ləghaa nù ghû.”
Yɛso n dzɛ̀ ndùw â wə̄n enyəa, “E lɛnlo â ndzì taŋa to.” 18Kùmkùm, Ǹ dzâ wô â ghɛ̀ enyəa, ghəa ghù mò naām lo wɛ̂ɛtùghu, ghù n dzə̂ən ndzʉ təghà ghù â nəŋ ko; ndùuw luʼū təla ghù ləghaa alendùw; à kuuwn lò ko enyəa abugho ghù lo dwə̂n tsughu, ghù lo e nəghaan səa nduw kwe zo, ghùw ù nùghù ù lì n dzə̀là fughu tsughu ndzʉ təghà, mbuŋ kɔʼ ghû, nì ndùw ghù an lùʼù kəla ghù mò buʼù ləghaa yo alendùw. 19(Yɛso fə̀ ghəa ghən kəa tsughu aledè ŋgôʼ è èvʉ zəla Pità lo kpuūw ghè zò, zəla e lo fughu kɔʼso mò a te â Zə̀ kò). Yɛso n daŋso dzɛ â wə̄n enyəa, “Dzûum wò mugho.” 20#Dzn 13:25 Pità mo e baŋà lɛ̌ɛn tsughu nù, kòʼ ndùw tsə̀ndə̄ghā zəla Yɛso fə̀ ŋgeē ləghaa mò zə̀ è bùgho a bǎa ghee. Wəla ù fə̀ doʼò kuʼso nduw an bughu e Yɛso aŋ nəgha zəla ghe fə̀ lo an chìndùghu zəa, ghəa ù fə̀ kwə̄n bvʉ kɔʼ â Yɛso enyəa, “Mughùbè, à ghù so e fêe fughu ndugho a?” 21Ghəa Pità kôʼ nduw wə̄n, ù m bvʉ â Yɛso enyəa, “Mughùbè, ghù lò aledzɛ̀ êndūghō kùu ndùw ghùw wən a?”
22Yɛso m bɛ̀lɛ̀ ndùw wə̄n enyəa, “Abugho Ǹ ləghaa enyəa ù dòʼòdoʼò tò Ŋ̀ kê telè bughò èbàm, à ghù a te fəmso kə̀ kwò? Bùghò a bâà mùghò!”
23Zwɔ̂ŋ wə̀ m fùŋ mìasò ndùw aŋ ghùe e ghee enyəa, Tsə̀ndə̄ghā zən lo kpuuw yo; dèe êzə̀ mò Yɛso ka fə dzɛ̂ dzə̀ â Pità enyəa, tsə̀ndə̄ghā e te lo kpuw yo. Ù fə̀ laam dzɛ enyəa, “Abugho Ǹ ləghaa enyəa ù dòʼòdoʼò, tò Ǹ lo telè bughò èbàm, à ghù a te fəmsô kə̀ kwò?”
24Zən lo tsə̀təndə̄ghā zəla e fə̀ kôʼ ghəa ghən gho tɔ̀m è naŋa, yia kwo enyəa ghəa ghəlà ù teso dzâa wo lǒ èsəŋò.
25Mo êzə lo, mò ndə̀mà tə aghəa tə̀ li tə lo nû Yɛso fə̀ fwaʼ mo ghe kâ tɔm naŋa; mo mbī e dzə̀m mò yò alekwuū kele mɛʼɛ̀ mwàʼsò u te wo u dzə̀m abugho ghe mò tɔɔ̄ mɛʼn tsughu ghəa ghəla Yɛso fə̀ ghəŋlo.
Currently Selected:
:
Highlight
Share
Copy
Want to have your highlights saved across all your devices? Sign up or sign in