Mâk Kəsee

Kəsee

Làbəlà è dzùŋ zəla Mâk fə̀ tɔm kàʼ nùghù tsùghù enyəa, “Làbəlà è dzùŋ e Yɛso, Wɛ ù Kə̀zə̀ ù nùu.” Soo kə eghəa kəla Mâk fə̀ tɔm làbəlà zən a te fə̀ lo aledèe səā wô enyəa Yɛso kùm lǒ Wɛ ù Kə̀zə̀. Zən fə̀ fɛ lo aleboō tsughu shwaʼ wəla komndzūghū ù tə̀sùghugòʼ fə̀ dzɛ̂ sə wo aŋghəa Yɛso fə kpuw tsughu alo kədàŋlo enyəa, “Wən fə̀ kum lo Wɛ ù Kə̀zə̀ ù nùu.” Làbəlà e te zə̀a è dèe sugho enyəa Yɛso lǒ ghùw wəla ù ki daʼa ko alo aghəa a dzə̀m àsùghò ghùw wəla ù fwàʼà ndûw ghəa gho. A daʼa kə wə̄n kə koʼò an dziī zəla ù zoʼn ghî ghò a te, àsùghò aŋghəa ù shùan səa zə̀a m bǐigh mò a te a zəŋò ghì ghò, àsùghò aŋghəa ù ghuūw maʼn bôo tə aghì tò a te.

Mâk dè wò zə̀azə̀a fə Yɛso an dziī zəla è lo tsəghatsəgha, tɔ̀ʼɔ̀ tùghùsò dèe wò fwàʼ kə Yɛso, fəgha kəla ù lo mò ù m fwàʼ, tsə̀ghàsə̀ shwaʼ u wə̄n àsùghò tsʉ̀ e wə̄n zo.

Chi ghə aghəa ghəla a doʼò gûŋso tsughu dèe wò aŋghəa mughù e wə̄n e fə̀ lo a te fɛ am mbī aŋ wən zən e mɔ̀ʼ ù fə̀ ki alemùghù tsughu a te, dè wò sùghò aŋghəa ghe fə̀ təghaa wə̄n a te alo kədàŋlo, àsùghò aŋghəa ù fə̀ kɔʼsə kɔʼ a te alo evʉ̄.

Tuw wə aghəa u Làbəlà è dzùŋ zən

Alezìi tsughu làbəlà è dzùŋ e te 1:1-13

Fwàʼ kə Yɛso an ndɛ aŋ Galèlîi 1:14—9:50

Alekaʼa nughù wô aŋ Galèlîi bùgho tɛ̀ wò an Yɛ̀lusalɛ̀m 10:1-52

Wən zəla ghe fə̀ wi Yɛso a te 11:1—15:47

Yɛso kɔʼsə alo evʉ̄ 16:1-8

Ghue u Mughu ù te ù bugho deē wo àsùghò alekɔʼ alo kəwālā 16:9-20

Currently Selected:

Mâk Kəsee: agq

Highlight

Copy

Want to have your highlights saved across all your devices? Sign up or sign in

2020

Learn More About To kə Kəzə̀ kə̀ Fughu ko