Ɛyf 1
1
1Babɛy Teofilus, lu ɛ mɛ ŋwaale yɛ̂ mbiy nɛ mɛ nyak se wɛ̀ kum əbnəə əbjim wɛ Jesus nè nɛɛyen gese nɛ̀ wɛ əb nè dinten se kɛ̀ɛ̀tè se əbliy wɛ əb nè kɛɛten ɛyfɛl ə wen, 2se chin se kechii kɛ Feyine nè liɛn wen è kok so se ɛyyio. Ɛ́ nè kokse wen se ɛyyio, nɛ Keyioy Kelanene nɛɛymen əb tefte ghɛ́ ntum nə wene ghɛ əb nè chokten. 3Nè lu ka Jesus nè kuomen è kase loole se ɛykuo, əb se dine ngeŋ ə wen se ghene se əbchii əmmkɛɛk nɛɛye əbnəə ɛ jiise ɛ jiise, gese suŋnen kum ɛysak ə Feyin se loote se din ge yi lu əbtaa. 4Se lu nɛ əb bo bɛɛy ghene ghene, əb nɛy suuy se ghene ɛ kechii kelee ge: Ghɛne yese ghàà ghɛn lòò se Jolesalem. Ghɛn yɛ chiyte nkakma yɛ Bay nè kaken ghɛn so, lu ɛyghen yɛ mɛ nè suuyen se ghɛn ge: 5Ghɛn kuume ge Joon nè foo moo se ghele, nɛ se bɛɛse əbchii se ɛylaay é Feyine yɛ fo nɛ̀ lu Keyioy Kelanene se ghɛn.
Feyine Kokse Jesus Se Ɛyyio
6Jesus ghene ghɛ́ ntum nə wene nɛy konen ɛ kechii kelee, ghene bif se wen ge: Báàba, lɛ lu ɛ leenen wɛ wɛ́ nɛɛy é Islael kase kiile əbfon-a? 7Əb suuy se ghene ge: Báà se lu kelike kɛn se yɛ ke keleŋ əbliy kene kechii kɛ Bay nè lɛmenmen nɛ̀ əbtaawe ə wene. 8Ghɛn keele ge ghɛne nɛ̂y kiile kediak ɛ əbliy wɛ Keyioy Kelanene gwiyen se ghɛn é ghɛn yɛ fekte əbnəə wɛ ghɛn yɛnen kum mɛ se ghele ɛ Jolesalem nɛ̀ se əblik əbjim ɛ Judea, nɛ̀ se Samalia, gese nɛ̀ se əblik əbjim ɛ mbi fɛn. 9Se lu ka əb nè suŋnen è mɛyse ɛ leghɛ, Feyine lose wen əb kok se ɛyyio. Əb kok è lɛy ɛ məme mbàkse, nɛ ghene tiy fo kiye. 10Ghene se lu bo kiye ɛyyio ka əb koken ɛ leghɛ, è sasen è yɛn nɛ ghel ɛbaa tiy ɛ ghene ɛybee nɛ ɛ́ mak ndəy sefəfene. 11Ghel ghii me suuy ge: Ghele Galilee, lu bek ghɛ wɛ ghɛn teem è se kiye koke nɛ̀ ɛyyio lɛ? Jesus nɛ̂ vin wɛ əb vəsen ghɛn è kok se ɛyyio lu nɛ əb yî kase fiile kɛn ɛ jii yɛ ghɛn yɛnen nɛ əb koke ɛyyio ɛ ten.
Ɛ́ chok Matias ge əb liɛ kelik ə Judas
12Ghɛ́ ntum nə Jesus ghii nɛy lòò se kfən Olif è fiile se Jolesalem, nɛ̀ ɛ́ jɛl ka əbtaŋ əbful dì. 13Ghene ndu è lii ɛ Jolesalem, è chia kok ɛ ɛybee ndaa yɛ ɛyyio ghaa ghene nè chiin. Ghene nè lu Bita, nɛ̀ Joon nɛ̀ Jɛms, nɛ̀ Andole, nɛ̀ Filib ghene Ntomas, nɛ̀ Baltolomew ghene Matio, gese nɛ̀ Jɛms wɛ wán ə Alfaeus, nɛ̀ Simon wɛ əb nè luŋen nɛ̀ ketume, gese nɛ̀ Judas wɛ wán ə Jɛms. 14Ghel ghin ɛjim, nɛ̀ əbkiy ghɛ ghene ghene nè luun, nɛ̀ Mɛɛle wɛ no ə Jesus gese nɛ̀ ghone-no Jesuse nè lóó ɛ́ konen è yɛ jem se kefaa kemok.
15Nɛy se lu ɛ kechii kelee nɛ ghel ɛbeemene kaame ka əbviɛ nɛ̀ əmbaa, Bita loole, è teem ɛ ghene məm, è suuy ge: 16Ghone-nyii, keleŋe ŋwaale-Feyin kɛ ke suuyen ge: Keyioy Kelanene nè nɛɛy David suŋnen kum Judas wɛ əb nè dinen jii se ghel ghɛ ɛ́ nè koon Jesus lu se kwɛn. 17Judas nè lu wele ngoo nə ghɛsen, fɛle ghɛsen nɛ̀ ghene.
18(Ɛ́ nè lak wen se wen ə ɛyfɛl ɛybee, əb liɛ əbkaa ten è yun ɛylem so, se lu fo ghaa əb nè fɛyen ɛ tətəŋ, əblɛɛ ə wene bvəs, əmtoo mə wen fəy. 19Ghele Jolesaleme yio kenəə ten, è me se toŋte ɛyleme ten ɛ ghene əblam ge Akeldama, nɛ lu ge, Ɛylem Əmnduŋ.) 20Bita gese suuy ge: Ɛ́ nyak ɛ ŋwaale Salm ge:
“Ndaa ə wene yɛ chii ɛyyum,
ghàà wel yɛ chii ɛ ten.”
Ɛ́ nè gese nyak ge:
“Wel əbchin lu se liɛ kelik ə wen ɛ əbchio ɛyfɛl.”
21Ke me se lu ɛ shii ge ghɛsen chok wel wɛ əb nè luun ghɛsen nɛ̀ ghene əbliy əbjim yɛne ka Báàba Jesuse jɛ́len ɛ ghɛsene məm, 22se kɛ̀ɛ̀tè se əbliy wɛ Joon nè fóon moo se chin se əbliy wɛ Feyine nè liɛn Jesus è kok so se ɛyyio. Wel əblee se məm nə ghel nɛ̂ ghine lu se chintene ghɛsen se yɛ fekte kenəə kɛ kum ɛyloole yɛ əb nè loolen se ɛykuo.
23Ghene me chok ghel ɛbaa nɛ lu Josɛf wɛ ɛ́ nè toŋten ge Balsabbas, gese toŋte sɛy ge Justus, gese nɛ̀ əblee nɛ ɛ́ toŋte ge Mattias. 24Ghene me jem ge: Bay, ko ke wɛ̀ ka tetem ə ghele luun, dine se ghɛs wel wɛ wɛ̀ choken ɛ məme ghel ghin ɛbaa, 25ge əb yɛ lu wele ntum nə Jesus, é əb liɛ kelik ɛyfɛl kɛ Judas nè vəsen, è ndu ghaa əb luun. 26Ghene me mak bɛl se ghene, Mattias yiɛ, è me baksen ghɛ́ ntum nə Jesus ghɛ njio ɛymok ɛyvəm.
Currently Selected:
Ɛyf 1: oku
Highlight
Share
Copy
Want to have your highlights saved across all your devices? Sign up or sign in
©CABTAL, 2012
Ɛyf 1
1
1Babɛy Teofilus, lu ɛ mɛ ŋwaale yɛ̂ mbiy nɛ mɛ nyak se wɛ̀ kum əbnəə əbjim wɛ Jesus nè nɛɛyen gese nɛ̀ wɛ əb nè dinten se kɛ̀ɛ̀tè se əbliy wɛ əb nè kɛɛten ɛyfɛl ə wen, 2se chin se kechii kɛ Feyine nè liɛn wen è kok so se ɛyyio. Ɛ́ nè kokse wen se ɛyyio, nɛ Keyioy Kelanene nɛɛymen əb tefte ghɛ́ ntum nə wene ghɛ əb nè chokten. 3Nè lu ka Jesus nè kuomen è kase loole se ɛykuo, əb se dine ngeŋ ə wen se ghene se əbchii əmmkɛɛk nɛɛye əbnəə ɛ jiise ɛ jiise, gese suŋnen kum ɛysak ə Feyin se loote se din ge yi lu əbtaa. 4Se lu nɛ əb bo bɛɛy ghene ghene, əb nɛy suuy se ghene ɛ kechii kelee ge: Ghɛne yese ghàà ghɛn lòò se Jolesalem. Ghɛn yɛ chiyte nkakma yɛ Bay nè kaken ghɛn so, lu ɛyghen yɛ mɛ nè suuyen se ghɛn ge: 5Ghɛn kuume ge Joon nè foo moo se ghele, nɛ se bɛɛse əbchii se ɛylaay é Feyine yɛ fo nɛ̀ lu Keyioy Kelanene se ghɛn.
Feyine Kokse Jesus Se Ɛyyio
6Jesus ghene ghɛ́ ntum nə wene nɛy konen ɛ kechii kelee, ghene bif se wen ge: Báàba, lɛ lu ɛ leenen wɛ wɛ́ nɛɛy é Islael kase kiile əbfon-a? 7Əb suuy se ghene ge: Báà se lu kelike kɛn se yɛ ke keleŋ əbliy kene kechii kɛ Bay nè lɛmenmen nɛ̀ əbtaawe ə wene. 8Ghɛn keele ge ghɛne nɛ̂y kiile kediak ɛ əbliy wɛ Keyioy Kelanene gwiyen se ghɛn é ghɛn yɛ fekte əbnəə wɛ ghɛn yɛnen kum mɛ se ghele ɛ Jolesalem nɛ̀ se əblik əbjim ɛ Judea, nɛ̀ se Samalia, gese nɛ̀ se əblik əbjim ɛ mbi fɛn. 9Se lu ka əb nè suŋnen è mɛyse ɛ leghɛ, Feyine lose wen əb kok se ɛyyio. Əb kok è lɛy ɛ məme mbàkse, nɛ ghene tiy fo kiye. 10Ghene se lu bo kiye ɛyyio ka əb koken ɛ leghɛ, è sasen è yɛn nɛ ghel ɛbaa tiy ɛ ghene ɛybee nɛ ɛ́ mak ndəy sefəfene. 11Ghel ghii me suuy ge: Ghele Galilee, lu bek ghɛ wɛ ghɛn teem è se kiye koke nɛ̀ ɛyyio lɛ? Jesus nɛ̂ vin wɛ əb vəsen ghɛn è kok se ɛyyio lu nɛ əb yî kase fiile kɛn ɛ jii yɛ ghɛn yɛnen nɛ əb koke ɛyyio ɛ ten.
Ɛ́ chok Matias ge əb liɛ kelik ə Judas
12Ghɛ́ ntum nə Jesus ghii nɛy lòò se kfən Olif è fiile se Jolesalem, nɛ̀ ɛ́ jɛl ka əbtaŋ əbful dì. 13Ghene ndu è lii ɛ Jolesalem, è chia kok ɛ ɛybee ndaa yɛ ɛyyio ghaa ghene nè chiin. Ghene nè lu Bita, nɛ̀ Joon nɛ̀ Jɛms, nɛ̀ Andole, nɛ̀ Filib ghene Ntomas, nɛ̀ Baltolomew ghene Matio, gese nɛ̀ Jɛms wɛ wán ə Alfaeus, nɛ̀ Simon wɛ əb nè luŋen nɛ̀ ketume, gese nɛ̀ Judas wɛ wán ə Jɛms. 14Ghel ghin ɛjim, nɛ̀ əbkiy ghɛ ghene ghene nè luun, nɛ̀ Mɛɛle wɛ no ə Jesus gese nɛ̀ ghone-no Jesuse nè lóó ɛ́ konen è yɛ jem se kefaa kemok.
15Nɛy se lu ɛ kechii kelee nɛ ghel ɛbeemene kaame ka əbviɛ nɛ̀ əmbaa, Bita loole, è teem ɛ ghene məm, è suuy ge: 16Ghone-nyii, keleŋe ŋwaale-Feyin kɛ ke suuyen ge: Keyioy Kelanene nè nɛɛy David suŋnen kum Judas wɛ əb nè dinen jii se ghel ghɛ ɛ́ nè koon Jesus lu se kwɛn. 17Judas nè lu wele ngoo nə ghɛsen, fɛle ghɛsen nɛ̀ ghene.
18(Ɛ́ nè lak wen se wen ə ɛyfɛl ɛybee, əb liɛ əbkaa ten è yun ɛylem so, se lu fo ghaa əb nè fɛyen ɛ tətəŋ, əblɛɛ ə wene bvəs, əmtoo mə wen fəy. 19Ghele Jolesaleme yio kenəə ten, è me se toŋte ɛyleme ten ɛ ghene əblam ge Akeldama, nɛ lu ge, Ɛylem Əmnduŋ.) 20Bita gese suuy ge: Ɛ́ nyak ɛ ŋwaale Salm ge:
“Ndaa ə wene yɛ chii ɛyyum,
ghàà wel yɛ chii ɛ ten.”
Ɛ́ nè gese nyak ge:
“Wel əbchin lu se liɛ kelik ə wen ɛ əbchio ɛyfɛl.”
21Ke me se lu ɛ shii ge ghɛsen chok wel wɛ əb nè luun ghɛsen nɛ̀ ghene əbliy əbjim yɛne ka Báàba Jesuse jɛ́len ɛ ghɛsene məm, 22se kɛ̀ɛ̀tè se əbliy wɛ Joon nè fóon moo se chin se əbliy wɛ Feyine nè liɛn Jesus è kok so se ɛyyio. Wel əblee se məm nə ghel nɛ̂ ghine lu se chintene ghɛsen se yɛ fekte kenəə kɛ kum ɛyloole yɛ əb nè loolen se ɛykuo.
23Ghene me chok ghel ɛbaa nɛ lu Josɛf wɛ ɛ́ nè toŋten ge Balsabbas, gese toŋte sɛy ge Justus, gese nɛ̀ əblee nɛ ɛ́ toŋte ge Mattias. 24Ghene me jem ge: Bay, ko ke wɛ̀ ka tetem ə ghele luun, dine se ghɛs wel wɛ wɛ̀ choken ɛ məme ghel ghin ɛbaa, 25ge əb yɛ lu wele ntum nə Jesus, é əb liɛ kelik ɛyfɛl kɛ Judas nè vəsen, è ndu ghaa əb luun. 26Ghene me mak bɛl se ghene, Mattias yiɛ, è me baksen ghɛ́ ntum nə Jesus ghɛ njio ɛymok ɛyvəm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©CABTAL, 2012