Jn 16
16
1Mɛ suuymen əbnəə vin əbjim se ghɛn fɛ ɛybeeme yɛne shiken. 2Ghene nɛ̂y fɛɛse ghɛn se ngayse ɛyjem, nɛ əbliye gwiye wɛ wele nɛ̂y yɛ yuye wel se ghɛn, əb yɛ kwaate ge yi nɛɛy nɛ lu ɛyfɛl ə Feyin. 3Ghene nɛ̂y yɛ nɛɛy əbnəə nɛ̂ vin se ghɛn bek ka ghene bɛɛy ghàà yɛ ke Bay kene mɛ. 4Mɛ suuymen əbnəə vin se ghɛn ka əbliye nɛ̂y kwɛn é ghene loo nɛɛy é ghɛn kuume ge mɛ nè lô suŋnen se ghɛn kum əbghene.
Ɛyfɛle Keyioy Kelanene
Mɛ nè báà suuy əbnəə vin se ghɛn se ɛyshaa ngàm bek ka mɛ nè bo bɛɛy ghɛsen. 5Se lu nɛ mɛ se nduu se wel wɛ əb nè tumen mɛ, wel se ghɛne chémè jia bif ge mɛ sɛ nduu ghááy-a? 6Se lu ɛ leenen wɛ mɛ suuymen əbnəə nɛ̂ vin se ghɛn, tetem ə tɛne me se foo ngɛk. 7Dî nɛ mɛ suuy əbluuy se ghɛn ge, ke lu kejuŋ se ghɛn ge mɛ ndu, bek ge mɛ jia ndu, é ngiamten jia nɛ̂y gwiy se ghɛn. Mɛ ndu, é mɛ me tinse wen se ghɛn. 8Əb nɛ̂y gwiy, è din se ghele mbii ge ghene kwaate nɛ̀ ɛybame kum mbeese ghen, kum ɛychii yɛ titiye, kum jii yɛ Feyine yî sak ghel ɛ ten. 9Əb nɛ̂y din ge ɛykwaate ə ghen kum mbee lu nɛ̀ ɛybame bek ka ghene báà fo ɛytem se mɛ, 10è din kum ɛychii yɛ titiye bek ge mɛ se fiile se Bay nɛ ghɛne jia bo nɛ̂y yɛ yɛne mɛ, 11è gese din kenəə kɛ kum ɛysak bek ge Feyine nè sakmen wel wɛ əb saken mbi yin.
12Mɛ bo ki əbnəə se ɛydio se suuy se ghɛn, dî nɛ əb dio chia ka lòó ghɛn ghal ɛ leenen. 13Dî nɛ Keyioy kɛ ke dinen əbluuye nɛ̂y gwiy, è nɛɛy é ghɛn keele əbluuy əbnəə jii sejim. Əb jia nɛ̂y yɛ suŋnen se wene ngeŋ. Əb nɛ̂y yɛ suuy nɛ lu əbnəə wɛ əb yion, gese dine se ghɛn əbnəə wɛ əb bɛɛyen se nɛ̂y se yɛ lu. 14Əb nɛ̂y nɛɛy kenəə kɛ ke gwiyen nɛ̀ ɛykokse se mɛ bek ka əb nɛ̂y yɛ liɛ əbnəə wɛ wome suuye se ghɛn. 15Əbjim wɛ Bay kiin lu wome, ghɛy kenəə kɛ ke nɛɛyen mɛ suuy ge Keyioye nɛ̂y yɛ liɛ əbnəə wɛ wome suuye se ghɛn.
Ghɛne nɛ̂y yɛ soo əbtuu, se ɛybame ten è yɛ saŋle
16Se moote kɛn lɛ é ghɛn jia bo yɛn mɛ ghɛy, é gese yɛ moote kɛn lɛ é ghɛn me kase yɛn mɛ.
17Ghon-ɛyfɛl nə wen ɛlee me se kante ge: Kɛ əb suuyen kin lu gee ghɛ? Əb suuy se ghɛsen ge: Se moote kɛn lɛ é ghɛn jia bo yɛn mɛ, é gese yɛ moote kɛn lɛ é ghɛn me kase yɛn mɛ, è gese suuy ge: Ke lu dî bek ka mɛ se nduun se Bay, 18è ko me se kante nduu ge: Kɛ əb suuyen ge: Se moote kɛn lɛ, lu gee ghɛ? Ghɛsen báà keele kenəə kɛ əb suuyen.
19Jesus keele ge ghene kɛŋe se bife kenəə se yi, è me suuy se ghene ge: Mɛ kè suuy ge: Se moote kɛn lɛ é ghɛn jia bo yɛn mɛ, nɛ ɛ́ gese yɛ moote kɛn lɛ é ghɛn me kase yɛn mɛ. Lɛ ghan kenəə kɛ ghɛne kanten se ghɛne ngeŋse-a? 20Mɛ suuy əbluuy se ghɛn ge: Ghɛne nɛ̂y yɛ toŋ, buke, nɛ ghele mbii saŋlee. Ghɛne nɛ̂y kɛɛte è yɛ lu ɛysen ɛysen, se ɛybame ten é ghɛn yɛ saŋle. 21Əbvii sɛɛ loo lum, əb yɛ soo ketuu ka əbliy wɛ əb bii ɛ ten kwɛnenmen; əb bii, əb me lɛysen ɛyyaf yɛ əb kè yion bek ge əb se saŋle bek ka wel əbfɛɛ gwiyenmen se mbi. 22Ghɛy ka ke luun se ghɛn; leenen lu nɛ ghɛn soo əbtuu, dî nɛ mɛ nɛ̂y kase yɛn ghɛn, é tetem ə tɛne lun nɛ̀ ɛysaŋle nɛ lòó wel jia fii se ghɛn.
23Ɛ́ naa loo lu əbliy fo, é ghɛn jia bo yɛ bife kefaa nɛ lu se mɛ. Mɛ suuy əbluuy se ghɛn ge: Ba ə wome nɛ̂y fo naa ghɛ se ghɛn kɛ ghɛne bifen ɛ mɛ ɛyghel. 24Se chin ɛ leenen lu nɛ ghɛne bɛɛy ghàà bif kefaa ɛ mɛ ɛyghel; ghɛn yɛ bif nɛ Feyine foo, ka ghɛne yɛ loote saŋle.
Jesus taa è chia əbtaawe wɛ mbi fɛne
25Mɛ suuymen əbnəə vin se ghɛn ɛ nganse, nɛ əbliye gwiye wɛ mɛ jia bo nɛ̂y yɛ suŋnen se ghɛn ɛ nganse, dî è yɛ suŋnen kelaanen kum Bay. 26Ɛ́ naa loo lu əbliy fo, é ghɛn lon se wen ɛ mɛ ɛyghel. Mɛ báà se suuy ge lu mɛ se naa se yɛ lon se Bay ge əb fó se ghɛn, 27bek ge Bay se wene ngeŋ koŋe ghɛn. Əb koŋe ghɛn bek ge ghɛne koŋe mɛ, nɛ ghɛne beeme ge mɛ nè lòò nɛ lu se Bay. 28Mɛ nè lòò se Bay è gwiy ɛ mbi fɛn, se lu ɛ leenen nɛ mɛ se vəse mbi se kase se fiile se Bay.
29Ghon-ɛyfɛl nə wene me suuy ge: Lɛɛ ɛ leenen wɛ wɛ̀ suŋnen kelaanen bo maa wiy nɛ lu nganse. 30Lɛɛ ɛ leenen wɛ ghɛs keelenmen ge wɛ̀ ke əbnəə əbjim, nɛ shii báà se lu wɛ wel yɛ bife tebif se wɛ̀. Kii nɛ̂ kine nɛɛymen ghɛse beeme ge wɛ̀ nè lòò nɛ lu se Feyine.
31Jesus bif se ghene ge: Ghɛn beememen ɛ leenen-a? 32Əbliye gwiye, nɛ əb se shi ɛ keghoo, wɛ ghɛn ghel ɛjime nɛ̂y takle é wel yɛ ndu ɛ wen ə ndaa é mɛ gok mɛ nyiŋ, dî nɛ mɛ báà se lu mɛ nyiŋ bek ge Bay lu ghɛse wen. 33Mɛ suuymen əbnəə vin se ghɛn ka ghɛsene gok se kefaa kemok é ghɛn yɛ ki əmnyiaŋ. Ghɛne yɛne ngɛk ɛ mbi fɛn, dî nɛ ghɛn kul ɛytem bek ge mɛ taamen è chia mbi.
Currently Selected:
Jn 16: oku
Highlight
Share
Copy
Want to have your highlights saved across all your devices? Sign up or sign in
©CABTAL, 2012
Jn 16
16
1Mɛ suuymen əbnəə vin əbjim se ghɛn fɛ ɛybeeme yɛne shiken. 2Ghene nɛ̂y fɛɛse ghɛn se ngayse ɛyjem, nɛ əbliye gwiye wɛ wele nɛ̂y yɛ yuye wel se ghɛn, əb yɛ kwaate ge yi nɛɛy nɛ lu ɛyfɛl ə Feyin. 3Ghene nɛ̂y yɛ nɛɛy əbnəə nɛ̂ vin se ghɛn bek ka ghene bɛɛy ghàà yɛ ke Bay kene mɛ. 4Mɛ suuymen əbnəə vin se ghɛn ka əbliye nɛ̂y kwɛn é ghene loo nɛɛy é ghɛn kuume ge mɛ nè lô suŋnen se ghɛn kum əbghene.
Ɛyfɛle Keyioy Kelanene
Mɛ nè báà suuy əbnəə vin se ghɛn se ɛyshaa ngàm bek ka mɛ nè bo bɛɛy ghɛsen. 5Se lu nɛ mɛ se nduu se wel wɛ əb nè tumen mɛ, wel se ghɛne chémè jia bif ge mɛ sɛ nduu ghááy-a? 6Se lu ɛ leenen wɛ mɛ suuymen əbnəə nɛ̂ vin se ghɛn, tetem ə tɛne me se foo ngɛk. 7Dî nɛ mɛ suuy əbluuy se ghɛn ge, ke lu kejuŋ se ghɛn ge mɛ ndu, bek ge mɛ jia ndu, é ngiamten jia nɛ̂y gwiy se ghɛn. Mɛ ndu, é mɛ me tinse wen se ghɛn. 8Əb nɛ̂y gwiy, è din se ghele mbii ge ghene kwaate nɛ̀ ɛybame kum mbeese ghen, kum ɛychii yɛ titiye, kum jii yɛ Feyine yî sak ghel ɛ ten. 9Əb nɛ̂y din ge ɛykwaate ə ghen kum mbee lu nɛ̀ ɛybame bek ka ghene báà fo ɛytem se mɛ, 10è din kum ɛychii yɛ titiye bek ge mɛ se fiile se Bay nɛ ghɛne jia bo nɛ̂y yɛ yɛne mɛ, 11è gese din kenəə kɛ kum ɛysak bek ge Feyine nè sakmen wel wɛ əb saken mbi yin.
12Mɛ bo ki əbnəə se ɛydio se suuy se ghɛn, dî nɛ əb dio chia ka lòó ghɛn ghal ɛ leenen. 13Dî nɛ Keyioy kɛ ke dinen əbluuye nɛ̂y gwiy, è nɛɛy é ghɛn keele əbluuy əbnəə jii sejim. Əb jia nɛ̂y yɛ suŋnen se wene ngeŋ. Əb nɛ̂y yɛ suuy nɛ lu əbnəə wɛ əb yion, gese dine se ghɛn əbnəə wɛ əb bɛɛyen se nɛ̂y se yɛ lu. 14Əb nɛ̂y nɛɛy kenəə kɛ ke gwiyen nɛ̀ ɛykokse se mɛ bek ka əb nɛ̂y yɛ liɛ əbnəə wɛ wome suuye se ghɛn. 15Əbjim wɛ Bay kiin lu wome, ghɛy kenəə kɛ ke nɛɛyen mɛ suuy ge Keyioye nɛ̂y yɛ liɛ əbnəə wɛ wome suuye se ghɛn.
Ghɛne nɛ̂y yɛ soo əbtuu, se ɛybame ten è yɛ saŋle
16Se moote kɛn lɛ é ghɛn jia bo yɛn mɛ ghɛy, é gese yɛ moote kɛn lɛ é ghɛn me kase yɛn mɛ.
17Ghon-ɛyfɛl nə wen ɛlee me se kante ge: Kɛ əb suuyen kin lu gee ghɛ? Əb suuy se ghɛsen ge: Se moote kɛn lɛ é ghɛn jia bo yɛn mɛ, é gese yɛ moote kɛn lɛ é ghɛn me kase yɛn mɛ, è gese suuy ge: Ke lu dî bek ka mɛ se nduun se Bay, 18è ko me se kante nduu ge: Kɛ əb suuyen ge: Se moote kɛn lɛ, lu gee ghɛ? Ghɛsen báà keele kenəə kɛ əb suuyen.
19Jesus keele ge ghene kɛŋe se bife kenəə se yi, è me suuy se ghene ge: Mɛ kè suuy ge: Se moote kɛn lɛ é ghɛn jia bo yɛn mɛ, nɛ ɛ́ gese yɛ moote kɛn lɛ é ghɛn me kase yɛn mɛ. Lɛ ghan kenəə kɛ ghɛne kanten se ghɛne ngeŋse-a? 20Mɛ suuy əbluuy se ghɛn ge: Ghɛne nɛ̂y yɛ toŋ, buke, nɛ ghele mbii saŋlee. Ghɛne nɛ̂y kɛɛte è yɛ lu ɛysen ɛysen, se ɛybame ten é ghɛn yɛ saŋle. 21Əbvii sɛɛ loo lum, əb yɛ soo ketuu ka əbliy wɛ əb bii ɛ ten kwɛnenmen; əb bii, əb me lɛysen ɛyyaf yɛ əb kè yion bek ge əb se saŋle bek ka wel əbfɛɛ gwiyenmen se mbi. 22Ghɛy ka ke luun se ghɛn; leenen lu nɛ ghɛn soo əbtuu, dî nɛ mɛ nɛ̂y kase yɛn ghɛn, é tetem ə tɛne lun nɛ̀ ɛysaŋle nɛ lòó wel jia fii se ghɛn.
23Ɛ́ naa loo lu əbliy fo, é ghɛn jia bo yɛ bife kefaa nɛ lu se mɛ. Mɛ suuy əbluuy se ghɛn ge: Ba ə wome nɛ̂y fo naa ghɛ se ghɛn kɛ ghɛne bifen ɛ mɛ ɛyghel. 24Se chin ɛ leenen lu nɛ ghɛne bɛɛy ghàà bif kefaa ɛ mɛ ɛyghel; ghɛn yɛ bif nɛ Feyine foo, ka ghɛne yɛ loote saŋle.
Jesus taa è chia əbtaawe wɛ mbi fɛne
25Mɛ suuymen əbnəə vin se ghɛn ɛ nganse, nɛ əbliye gwiye wɛ mɛ jia bo nɛ̂y yɛ suŋnen se ghɛn ɛ nganse, dî è yɛ suŋnen kelaanen kum Bay. 26Ɛ́ naa loo lu əbliy fo, é ghɛn lon se wen ɛ mɛ ɛyghel. Mɛ báà se suuy ge lu mɛ se naa se yɛ lon se Bay ge əb fó se ghɛn, 27bek ge Bay se wene ngeŋ koŋe ghɛn. Əb koŋe ghɛn bek ge ghɛne koŋe mɛ, nɛ ghɛne beeme ge mɛ nè lòò nɛ lu se Bay. 28Mɛ nè lòò se Bay è gwiy ɛ mbi fɛn, se lu ɛ leenen nɛ mɛ se vəse mbi se kase se fiile se Bay.
29Ghon-ɛyfɛl nə wene me suuy ge: Lɛɛ ɛ leenen wɛ wɛ̀ suŋnen kelaanen bo maa wiy nɛ lu nganse. 30Lɛɛ ɛ leenen wɛ ghɛs keelenmen ge wɛ̀ ke əbnəə əbjim, nɛ shii báà se lu wɛ wel yɛ bife tebif se wɛ̀. Kii nɛ̂ kine nɛɛymen ghɛse beeme ge wɛ̀ nè lòò nɛ lu se Feyine.
31Jesus bif se ghene ge: Ghɛn beememen ɛ leenen-a? 32Əbliye gwiye, nɛ əb se shi ɛ keghoo, wɛ ghɛn ghel ɛjime nɛ̂y takle é wel yɛ ndu ɛ wen ə ndaa é mɛ gok mɛ nyiŋ, dî nɛ mɛ báà se lu mɛ nyiŋ bek ge Bay lu ghɛse wen. 33Mɛ suuymen əbnəə vin se ghɛn ka ghɛsene gok se kefaa kemok é ghɛn yɛ ki əmnyiaŋ. Ghɛne yɛne ngɛk ɛ mbi fɛn, dî nɛ ghɛn kul ɛytem bek ge mɛ taamen è chia mbi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©CABTAL, 2012