Yɔhánɛsɛ 2
2
Ɛŋganda yɛ nɛbɛ́lɛna ɔ bətínə́ yɛ Kána
1Əlimə yɛ tunó tɔ́fandɛ́, ɛŋganda yɛ nɛbɛ́lɛna yɛ́ ka báá ɔ bətínə́ yɛ Kána, ɔ Kalɛ́lɛa. Inyə́ yɛ Yə́susu a ka báá umə́. 2Bá ka Yə́susu ɛ́lɛakɛna na báyɛ́á bɔkɔ́nɛna. 3Ɛ́sɛ́á məluku má ná hɔ́á, yáyɛ́á inyə́ a ná wɛɛ́ya lɛ́na a sɛ́á: «Bá lɛ bá tɔ́na na məluku.» 4Mba a ná wɛɛ́ya bíhíə́níníə́ a sɛ́á: «Á Ámá yatɛ́ yɛ́ lɛ́á na mɛaŋɔ́á na aŋɔ́á əə́? Yámɛ́á ikúílí yɛ́ nana ndáfama.» 5Inyə́ a ná bɔnyɛna lɛ́na a sɛ́á: «Nɔ́ kɛ́áká ata yatɛ́ ɔyɛ́á a ndɔ bənú lakɛna.» 6Bɛbɔmbɔ bɛ́lɛ́ndálɔ bɛ́ ka báá ɔmɔ́tɔ́yɛ́ tábɔ́nákátɔ́ na miɔkɔ ɔbɛ́á abáka Bɛyútɛnɛ bá mənífə́ bɛ́kɛakɛna ɛlɔ́áyɛ́ nibínə́ŋəsiə ɛ́sɛ́á yə́búə́ ɛnɛ́ma. Ɛbɔmbɔ ɛ́mɔtɛ́ yɛ́ ɛ́taka ɛbɔ́ɛ́yɛa yɛ́ bilíta. 7Yə́susu a ná bɔnyɛna lɛ́na a sɛ́á: «Nɔ́ mənífə́ úndúsə́kíə́ ɔ bɛbɔmbɔ.» Bá ná bɛɛ́ta úndúsə́kíə́ ɔ mabɛbɛ. 8A ná bəə́bu lɛ́na a sɛ́á: «Nɔ mənífə́ tɔ́ká isíŋáka, nɔ kíndíə́ á isə́lúkú yɛ ɛŋganda.» Bá ná kɛ́áká nɔ́yɛ́. 9Isə́lúkú yɛ ɛŋganda a ná mənífə́ ɔ́kɔ́lɛ́na ɔmá má ná híáná məluku. A sa bá a ndɔ manya hə́níə́ mátáyɛ́ məluku má ná hulinə. Mba, bɔnyɛna bá əbú nɔ́yɛ́ manyaka. A ná muití nɛbɛ́lɛna ɛ́lɛ́ákɛ́na, 10a ná wɛɛ́ya lɛ́na a sɛ́á: «Abáka bɛndɔ bá taŋa ɔ bɔsɔ́kɔ́ uwíndiə á məluku maasɛ, ikúílí bá ná híólóko, a tíkə́ mɔ́mɔtɛ́ fə́miə ɔmá má lɛ sulú báá maasɛ. Mba ɔwáwɔ, ɔ ná məluku maasɛ tə́tə́níə́ ɔ ndafámáká isíŋáka!» 11Nɔ́yɛ́ yɛ́ ná báá nɛbalɛ́ná nɛ́ tɔŋgɛtɛ́nɛ́á tɔ́ yələ́mənə ɔtɔ́á Yə́susu a ná kɛ́áka ɔ Kána, ɔ bətínə́ yɛ Kalɛ́lɛa. A ka tɔ́áyɛ́á tuúmə fə́mə́ləniə, báyɛ́á bɔkɔ́nɛna bá ná níə́búə́ nɛkɔmba tálɛ́ná ɔ ɔwáyɛ́. 12Əlimə yɛ nɔ́yɛ́, Yə́susu a ná ákáná ɔ bətínə́ yɛ Kafalanahúmu na yayɛ́á inyə́, báyɛ́á bənínyə́ na báyɛ́á bɔkɔ́nɛna. Bá ná tuənə́kínə ɔmɔ́tɔ́yɛ́ tɛ́tɛ́á yɛ tunó.
Yə́susu a nɔ́ bəlúə́ kúbə́kə ɔ Tɛ́mbɛlɛ
(Mat 21.12-13; Mə́l 11.15-17; Lúk 19.45-46)
13Ɛ́sɛ́á ɛŋganda yɛ Básɛ́ka ɔ Bɛyútɛnɛ yɛ́ ná báá hoóyi, Yə́susu a ná ákáná ɔ Yəlúsalɛma. 14A ná bɛndɔ kɔ́ána ɔ Tɛ́mbɛlɛ nuúmə́ bá ndɔ bɛfɔŋɔ lúə́, ɛndɔ́mbá na tubúbə́. A ná bəsə́njíə́ mɔnɛ́á kɔ́áná tɔ́na tuənə́kínə́tɔ. 15Əlimə yɛ nɔ́yɛ́, a ná ɔŋɔ́ányɛ́ tábɔ́náká na mikolí, a ná bəə́bu bəkimə kúbə́kə́ ɔ Tɛ́mbɛlɛ na yə́búə́ ɛndɔ́mbá, na bíə́búə́ bɛfɔŋɔ. A ná mɔnɛ́á má bəsə́njíə́ sasáka ɔ misí, a bíə́búə́ bɛtáka nyɛkakɛna. 16A ná bəlúə́ tubúbə́ lɛ́na a sɛ́á: «Nɔ́ bɛ́ɛ́yɛ́ bɛɛ́la hɛ́kɛ́ákɛ́á háha! Nɔ lɛ miímə yɛ yamɛ́á Isə́ híə́nə́síə́ miímə yɛ nyuŋgə́.» 17Bɔkɔ́nɛna bá ná bɛtambá bɛ́ Mətilə bɛ́kɔ́lɔ́mɔ́na ɔbɛ́á bɛ́ ndɔ laa bɛ́ sɛ́á: «Mɛ ndɔ yawɔ́á miímə hikiə mɔŋɛ́ŋa, nɛ́táyɛ́ nibo nɛ́ ndɔ mɛaŋɔ́á nyúɛ́nɛna ɛmbáta.» 18Ɔ yɛ́ɛ́yɛ́ ikúílí, Bɛyútɛnɛ bá ná wɛɛ́ya batá bá sɛ́á: «Yatɛ́ hɛŋgɛtɛ́nɛ́á hɛ́ yələ́mənə ɔ ndɔ bəsú ínə́kiniə ɔ kɛaka ɔwá mbá tɔ manyá tɔ sɛ́á ɔ lɛa na iŋgínə́ yɛ bɛndɔ ɔ ukúbə əə́?» 19Yə́susu a sɛ́á: «Nɔ́ yɛ́ɛ́yɛ́ Tɛ́mbɛlɛ katáka, ɔ tunó tɔ́lálɔ́, mɛ ŋɔ mɛɛ́ta huələkiniə.» 20Bá ná wɛɛ́ya bíhíə́níníə́ bá sɛ́á: «Bá ka kɛaka moómo ə́nisə má tuɔŋɔ na tɔ́lɛ́ndálɔ ɔ yɛ́ɛ́yɛ́ Tɛ́mbɛlɛ ɔfalaba, ɔwáwɔ, ɔ tunó tɔ́lálɔ́ mbá ɔ́ mɛɛ́ta huələ́kíníə́ əə́?» 21Mba, á Tɛ́mbɛlɛ ɔyɛ́á Yə́susu a ná bá a ndɔ hɛ́na, ɔ́ yayɛ́á mɛɛ́lɔ. 22Ikúílí a ná hɔ́ŋɔ́á ɔ ətíə́ yɛ bəwə́nú, báyɛ́á bɔkɔ́nɛna bá ná bɛ́kɔ́lɔ́mɔ́ná yatɛ́ ɔyɛ́á a ná bəə́bu hɔ́kɛ́na; bá ná lumínínə ɔ Mətilə na ɛtambá ɔyɛ́á a ná laa.
Ilumininə yɛtɛ́tɛ́á
23Ikúílí Yə́susu a ná báá ɔ Yəlúsalɛma ɔ ɛŋganda yɛ Básɛ́ka, bɛndɔ bəəŋí bá ka níə́búə́ nɛkɔmba tálɛ́na ɔ ɔwayɛ́, ɔwɔŋgɔkɔnɔ na tɔŋgɛtɛ́nɛ́á tɔ́ yələ́mənə ɔtɔ́á bá ná síə́kínə́ a ndɔ kɛa. 24Mba, a sa bá na nɛkɔmba na bəə́bu bɔkɔasɛ́á, a ka bá a ndɔ bəə́bu bəkimə manya muɛsɛ. 25A sa bá a ndɔ siə tɔ́na ɔwá, bá wɛɛ́ya ɔbáá wɔ́ mɔndɔ tɛ́á lakɛ́ná bɔkɔasɛ́á, a ka bá a ndɔ ɛfɛka yɛ́ mɔndɔ tɛ́á manya.
Currently Selected:
Yɔhánɛsɛ 2: tvu
Highlight
Share
Copy
Want to have your highlights saved across all your devices? Sign up or sign in
© 2019, CABTAL
Yɔhánɛsɛ 2
2
Ɛŋganda yɛ nɛbɛ́lɛna ɔ bətínə́ yɛ Kána
1Əlimə yɛ tunó tɔ́fandɛ́, ɛŋganda yɛ nɛbɛ́lɛna yɛ́ ka báá ɔ bətínə́ yɛ Kána, ɔ Kalɛ́lɛa. Inyə́ yɛ Yə́susu a ka báá umə́. 2Bá ka Yə́susu ɛ́lɛakɛna na báyɛ́á bɔkɔ́nɛna. 3Ɛ́sɛ́á məluku má ná hɔ́á, yáyɛ́á inyə́ a ná wɛɛ́ya lɛ́na a sɛ́á: «Bá lɛ bá tɔ́na na məluku.» 4Mba a ná wɛɛ́ya bíhíə́níníə́ a sɛ́á: «Á Ámá yatɛ́ yɛ́ lɛ́á na mɛaŋɔ́á na aŋɔ́á əə́? Yámɛ́á ikúílí yɛ́ nana ndáfama.» 5Inyə́ a ná bɔnyɛna lɛ́na a sɛ́á: «Nɔ́ kɛ́áká ata yatɛ́ ɔyɛ́á a ndɔ bənú lakɛna.» 6Bɛbɔmbɔ bɛ́lɛ́ndálɔ bɛ́ ka báá ɔmɔ́tɔ́yɛ́ tábɔ́nákátɔ́ na miɔkɔ ɔbɛ́á abáka Bɛyútɛnɛ bá mənífə́ bɛ́kɛakɛna ɛlɔ́áyɛ́ nibínə́ŋəsiə ɛ́sɛ́á yə́búə́ ɛnɛ́ma. Ɛbɔmbɔ ɛ́mɔtɛ́ yɛ́ ɛ́taka ɛbɔ́ɛ́yɛa yɛ́ bilíta. 7Yə́susu a ná bɔnyɛna lɛ́na a sɛ́á: «Nɔ́ mənífə́ úndúsə́kíə́ ɔ bɛbɔmbɔ.» Bá ná bɛɛ́ta úndúsə́kíə́ ɔ mabɛbɛ. 8A ná bəə́bu lɛ́na a sɛ́á: «Nɔ mənífə́ tɔ́ká isíŋáka, nɔ kíndíə́ á isə́lúkú yɛ ɛŋganda.» Bá ná kɛ́áká nɔ́yɛ́. 9Isə́lúkú yɛ ɛŋganda a ná mənífə́ ɔ́kɔ́lɛ́na ɔmá má ná híáná məluku. A sa bá a ndɔ manya hə́níə́ mátáyɛ́ məluku má ná hulinə. Mba, bɔnyɛna bá əbú nɔ́yɛ́ manyaka. A ná muití nɛbɛ́lɛna ɛ́lɛ́ákɛ́na, 10a ná wɛɛ́ya lɛ́na a sɛ́á: «Abáka bɛndɔ bá taŋa ɔ bɔsɔ́kɔ́ uwíndiə á məluku maasɛ, ikúílí bá ná híólóko, a tíkə́ mɔ́mɔtɛ́ fə́miə ɔmá má lɛ sulú báá maasɛ. Mba ɔwáwɔ, ɔ ná məluku maasɛ tə́tə́níə́ ɔ ndafámáká isíŋáka!» 11Nɔ́yɛ́ yɛ́ ná báá nɛbalɛ́ná nɛ́ tɔŋgɛtɛ́nɛ́á tɔ́ yələ́mənə ɔtɔ́á Yə́susu a ná kɛ́áka ɔ Kána, ɔ bətínə́ yɛ Kalɛ́lɛa. A ka tɔ́áyɛ́á tuúmə fə́mə́ləniə, báyɛ́á bɔkɔ́nɛna bá ná níə́búə́ nɛkɔmba tálɛ́ná ɔ ɔwáyɛ́. 12Əlimə yɛ nɔ́yɛ́, Yə́susu a ná ákáná ɔ bətínə́ yɛ Kafalanahúmu na yayɛ́á inyə́, báyɛ́á bənínyə́ na báyɛ́á bɔkɔ́nɛna. Bá ná tuənə́kínə ɔmɔ́tɔ́yɛ́ tɛ́tɛ́á yɛ tunó.
Yə́susu a nɔ́ bəlúə́ kúbə́kə ɔ Tɛ́mbɛlɛ
(Mat 21.12-13; Mə́l 11.15-17; Lúk 19.45-46)
13Ɛ́sɛ́á ɛŋganda yɛ Básɛ́ka ɔ Bɛyútɛnɛ yɛ́ ná báá hoóyi, Yə́susu a ná ákáná ɔ Yəlúsalɛma. 14A ná bɛndɔ kɔ́ána ɔ Tɛ́mbɛlɛ nuúmə́ bá ndɔ bɛfɔŋɔ lúə́, ɛndɔ́mbá na tubúbə́. A ná bəsə́njíə́ mɔnɛ́á kɔ́áná tɔ́na tuənə́kínə́tɔ. 15Əlimə yɛ nɔ́yɛ́, a ná ɔŋɔ́ányɛ́ tábɔ́náká na mikolí, a ná bəə́bu bəkimə kúbə́kə́ ɔ Tɛ́mbɛlɛ na yə́búə́ ɛndɔ́mbá, na bíə́búə́ bɛfɔŋɔ. A ná mɔnɛ́á má bəsə́njíə́ sasáka ɔ misí, a bíə́búə́ bɛtáka nyɛkakɛna. 16A ná bəlúə́ tubúbə́ lɛ́na a sɛ́á: «Nɔ́ bɛ́ɛ́yɛ́ bɛɛ́la hɛ́kɛ́ákɛ́á háha! Nɔ lɛ miímə yɛ yamɛ́á Isə́ híə́nə́síə́ miímə yɛ nyuŋgə́.» 17Bɔkɔ́nɛna bá ná bɛtambá bɛ́ Mətilə bɛ́kɔ́lɔ́mɔ́na ɔbɛ́á bɛ́ ndɔ laa bɛ́ sɛ́á: «Mɛ ndɔ yawɔ́á miímə hikiə mɔŋɛ́ŋa, nɛ́táyɛ́ nibo nɛ́ ndɔ mɛaŋɔ́á nyúɛ́nɛna ɛmbáta.» 18Ɔ yɛ́ɛ́yɛ́ ikúílí, Bɛyútɛnɛ bá ná wɛɛ́ya batá bá sɛ́á: «Yatɛ́ hɛŋgɛtɛ́nɛ́á hɛ́ yələ́mənə ɔ ndɔ bəsú ínə́kiniə ɔ kɛaka ɔwá mbá tɔ manyá tɔ sɛ́á ɔ lɛa na iŋgínə́ yɛ bɛndɔ ɔ ukúbə əə́?» 19Yə́susu a sɛ́á: «Nɔ́ yɛ́ɛ́yɛ́ Tɛ́mbɛlɛ katáka, ɔ tunó tɔ́lálɔ́, mɛ ŋɔ mɛɛ́ta huələkiniə.» 20Bá ná wɛɛ́ya bíhíə́níníə́ bá sɛ́á: «Bá ka kɛaka moómo ə́nisə má tuɔŋɔ na tɔ́lɛ́ndálɔ ɔ yɛ́ɛ́yɛ́ Tɛ́mbɛlɛ ɔfalaba, ɔwáwɔ, ɔ tunó tɔ́lálɔ́ mbá ɔ́ mɛɛ́ta huələ́kíníə́ əə́?» 21Mba, á Tɛ́mbɛlɛ ɔyɛ́á Yə́susu a ná bá a ndɔ hɛ́na, ɔ́ yayɛ́á mɛɛ́lɔ. 22Ikúílí a ná hɔ́ŋɔ́á ɔ ətíə́ yɛ bəwə́nú, báyɛ́á bɔkɔ́nɛna bá ná bɛ́kɔ́lɔ́mɔ́ná yatɛ́ ɔyɛ́á a ná bəə́bu hɔ́kɛ́na; bá ná lumínínə ɔ Mətilə na ɛtambá ɔyɛ́á a ná laa.
Ilumininə yɛtɛ́tɛ́á
23Ikúílí Yə́susu a ná báá ɔ Yəlúsalɛma ɔ ɛŋganda yɛ Básɛ́ka, bɛndɔ bəəŋí bá ka níə́búə́ nɛkɔmba tálɛ́na ɔ ɔwayɛ́, ɔwɔŋgɔkɔnɔ na tɔŋgɛtɛ́nɛ́á tɔ́ yələ́mənə ɔtɔ́á bá ná síə́kínə́ a ndɔ kɛa. 24Mba, a sa bá na nɛkɔmba na bəə́bu bɔkɔasɛ́á, a ka bá a ndɔ bəə́bu bəkimə manya muɛsɛ. 25A sa bá a ndɔ siə tɔ́na ɔwá, bá wɛɛ́ya ɔbáá wɔ́ mɔndɔ tɛ́á lakɛ́ná bɔkɔasɛ́á, a ka bá a ndɔ ɛfɛka yɛ́ mɔndɔ tɛ́á manya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, CABTAL