Mə́líkusu 2
2
Yə́susu a nɔ́ ɛkátá yɛ́ mɔndɔ niŋəsiə
(Mat 9.1-8; Lúk 5.17-26)
1Ɛnaka mɔɔsɛ́ má tɔ́mbáká, Yə́susu a ná tilə́ ɔ Kafalanahúmu; ɛnaka bɛndɔ bá ɔ́kɔ́kɛ́ná ɔwá a lɛa ɔ ɔmbɛ́la. 2Bɛndɔ bəəŋí bá ná kɔtákána, nɛbɛ́lɛ́nɛ́ná nɛ́ mɔkɔlɔ́ nɛ́ sa bá, ata ɔ busíə́ bɔ́ hɛkɔ́kɛ. Yə́susu a ka bá a ndɔ bəə́bu bɛkɔa bɛ́ Huɛlɛ́ úkúniə. 3Nɔ́yɛ́, bɔ́mɔtɛ́ bɛndɔ bá ná wɛɛ́ya ɛkátá yɛ́ mɔndɔ húlə́nínə, bɛndɔ bə́nisə bá nɔ́ wɛɛ́ya túánaka. 4Mba, bá sa ɛnɔ́mɛ bɔ́ŋɔ ɔ ɔwáyɛ́ ɔwakánana á Yə́susu busíə́ bɔkɔasɛ́á, bɛndɔ bá ka báá kɔtákánátɔ. Nɔ́yɛ́, bá ná báláka ɔ muanda ɔmbáŋá, bá ná yósi ósó ɔ ɛbɔ́ka ɔyɛ́á Yə́susu a na báá tɛ́nɛ́mátɔ. Bá ná ɛkátá yɛ́ mɔndɔ tukíníə́ na mikolí siəníníə́tɔ́ ɔ ɛkaálɛa. 5Ɛnaka Yə́susu a bááyɛ́ bɛndɔ siəkínə́ ɛ́sɛ́á bá ná báá na nɛkɔmba tálɛ́nátɔ́ ɔ ɔwayɛ́, a ná ɛkátá lɛ́na a sɛ́á: «Á wamɛ́á mɔná, mɛ ná aŋɔ́á máwɔ́á mabɛ́á niasɛ́na.» 6Bɔ́mɔtɛ́ bamanyumbə́ndə́ ɔbá bá ná báá ɔmɔ́yɛ́, bá ná botólíə́ ɔ ubílúmíniə bá sɛ́á: 7«Ɛlɔ́áyɛ́ yatɛ́ wɔ́ɔwɔ mɔndɔ a ndɔ hɛ́na náana əə́? A ndɔ Huɛlɛ́ kɔ́ba, ɛ́yánɛ́ á óso ɔ mabɛ́á ɔnɛasɛna, yɛ́ sá bá á Huɛlɛ́ bíbúə́ əə́?» 8Yə́susu a ná mə́búə́ məbílúmíniə manya ɔ ɔwayɛ́ mɔlɛ́má nuúmə́, a ná bəə́bu lɛ́na a sɛ́á: «Ɛlɔ́áyɛ́ yatɛ́ nɔ lɛ́á na mátáyɛ́ məbílúmíniə əə́? 9Yatɛ́ yɛ́ lɛ́á ányákátɔ́ ɔwá mɛ ɛkátá lɛ́na mɛ sɛ́á: “Mɛ ná aŋɔ́á máwɔ́á mabɛ́á niasɛ́na ataná, hɔalɛ́na túáná yáwɔ́á ɛkaálɛa kɛndáka əə́?” 10Ə́yə́ə́! Mɛ ndɔ bənú lɛna ɔwá, nɔ manyá nɔ sɛ́á Mɔná wa mɔndɔ a lɛa na iŋgínə́ ɔ bɛndɔ ɔ mabɛ́á ɔnɛasɛna ɔ misí.» A ná ɛkátá lɛ́na a sɛ́á: 11«Hɔalɛ́na tɛ́nɛ́ma, ɛtá yáwɔ́á ɛkaálɛa, úlúə́ ɔ ɔwáwɔ́ ɔmbɛ́la!» 12Mɔndɔ a ná hɔalɛ́ná mɔtɛ́nɛna, bɛndɔ bəkimə bá wɛɛ́ya siəkinə, a ná yáyɛ́á ɛkaálɛa ɛta, a ná ákana. Nɔ́yɛ́, bɛndɔ bəkimə bá ná ə́lə́mə́nə, bá Huɛlɛ́ tuúmə índiəkinə bá sɛ́á: «Ata buɔsɛ́, tɔ lɛ boóko ɔ yɛ́ɛ́yɛ́ ɛnya yɛ bɔkɔa usinə!»
Yə́susu a nɔ́ Lə́fi ɛ́lɛakɛna
(Mat 9.9-13; Lúk 5.27-32)
13Yə́susu a ná manyɔ́ híánaka ɔ ɛsɛ́lɛ́ yɛ́ nɔmɔ́ nɛ́ Kalɛ́lɛa. Bɛndɔ bəəŋí bá ná ndásákɔ́na ɔ ɔwayɛ́ busíə́, a bəə́bu bɛkɔa úkúnəkiə. 14Ikúílí ɔyɛ́á a ná bá a ndɔ tɔ́mba, a ná Lə́fi yámá á mɔná wa Alə́fə́ tuənə́tɔ́ ɔ ɔwayɛ́ ɛbɔ́ka yɛ́ nilúə́ bɛtásɛ, a sɛ́á: «Ɔŋgɔ́kɔ́ mɛaŋɔ́á!» A ná hɔalɛ́na, a ná wɛɛ́ya ɔŋgɔ́kɔ. 15Nɔ́yɛ́, Yə́susu a ná ákáná ɔkanɛ́á á Lə́fi ɔmbɛ́la. Bakɔtabɛtásɛ bəəŋí na bakɛamabɛ́á bá níə́kəniə na wɛɛ́ya na báyɛ́á bɔkɔ́nɛna bɔkɔasɛ́á, bátáyɛ́ bɛndɔ bá ka wɛɛ́ya ɔŋgɔkɔ. 16Ɛnaka bamanyumbə́ndə́ na ilúkunə yɛ́ Bɛfalísia bá siəkínə́ Yə́susu a ndɔ níə́niə na basɛmabɛtásɛ na bakɛamabɛ́á, bá ná bɔkɔ́nɛna batá bá sɛ́á: «Ɛlɔ́áyɛ́ yatɛ́ a ndɔ níə́niə na basɛmabɛtásɛ na bakɛamabɛ́á əə́?» 17Yə́susu a ná nɔ́yɛ́ ɔ́kɔ́kɛ́na, a ná bəə́bu lɛ́na a sɛ́á: «Tátá bááyɛ́ ɔbá bá ndɔ niŋə muɛsɛ bá ndɔ ɛmɔ́ɛ́nɛ́ siə, mba bɛnákɛnáka. Mɛ sa ndasá ɔ yɛ́ɛ́yɛ́ misí ɔ bátaká ɔwɛ́lɛna, mba bakɛamabɛ́á.»
Ubítə́tə́niə wɔ́ ikiní
(Mat 9.14-17; Lúk 5.33-39)
18Bɔkɔ́nɛna bá Yɔhánɛsɛ Mɔsɔabɛndɔ na Bɛfalísia bá ka báá ɔ ikiní yɛ́ ɔnɛ́á. Bɔ́mɔtɛ́ bá ná ndásá á Yə́susu busíə́ bá sɛ́á: «Ɛlɔ́áyɛ́ yatɛ́ bɔkɔ́nɛna bá Yɔhánɛsɛ Mɔsɔabɛndɔ na Bɛfalísia bá ndɔ bíkókósiə ɔ ɔnɛ́á, mba, báwɔ́á bá lɛ ndɔ nɔ́yɛ́ kɛa əə́?» 19Yə́susu a ná bəə́bu lɛ́na a sɛ́á: «Nɔ óso ɔ bɛndɔ ukotiə ɔbá bá lɛ́á ɛ́lɛ́ákɛ́nátɔ́ ɔ nɛbɛ́lɛna, ikúílí ɔyɛ́á ibə́ a lɛ́á na bəə́bu əə́? Ikúílíə́kimə ɔyɛ́á ibə́ a lɛ́á na bəə́bu, bá sa ósó ɔ ubíkókósiə ɔ ɔnɛ́á. 20Mba ikúílí yɛ́ ŋɔ ndafámá ɔyɛ́á bá ŋɔ ibə́ húliə ɔ uwəbú ətíə́, ɔ bɔ́táyɛ́ buɔsɛ́, bá ŋɔ bíkókósokiə ɔ ɔnɛ́á. 21Ata mɔndɔ a sa ósó ɛkɛ́tɛ yɛ́ nɛbata niɔ́sɔ ɔwɛta ɔwá a tɔakɛ́ná na iluní, ábá mɔndɔ a ná kɛ́áká nɔ́yɛ́, ɛkɛ́tɛ yɔmɔ́mɔ yɛ́ ŋɔ iluní lalɔna, yɛ́ ŋɔ yósi ə́ŋə́nəkiə. 22Hɔ́ánánátɔ́, abáka mɔndɔ a lɛ mutəkuniə háá ɔ bilunə́ki bɛ́ mɛsɔ́á, ábá a ná nɔ́yɛ́ kɛ́áka, məluku má ŋɔ mɛsɔ́á sánáka, mɛsɔ́á na məluku má ŋɔ tɛŋɛtɛŋɛa, məluku mɔɔ́sɔ, mɛsɔ́á miɔ́sɔ.»
Yə́susu na hinó hɛ́ Sábatɛ
(Mat 12.1-8; Lúk 6.1-5)
23Bɔ́mɔtɛ́ buɔsɛ́ bɔ́ Sábatɛ, Yə́susu na báyɛ́á bɔkɔ́nɛna bá ka báá ɔ tɔ́mbáka ɔ bɛtɔbɔtɔ́bɔ́ bɛ́ iŋəŋə́, bá húlə́ ɛŋgɔ́ta nɔkɔkɔ. 24Bɛfalísia ɔbá bá ná báá ɔ ilúkunə, bá ná Yə́susu batá bá sɛ́á: «Siəkínə́ yatɛ́ ɔyɛ́á bá ndɔ kɛa ɔ hinó hɛ́ Sábatɛ! Umbə́ndə́ wɔ́ ndɔ nɔ́yɛ́ sáŋɔ́na.» 25A ná bəə́bu lɛ́na a sɛ́á: «Nɔ lɛ boóko ɔfana ɛ́sɛ́á Ndə́witi a ná kɛ́áka ikúílí ɔyɛ́á bɛ́labɔ́nɛ́á bɛ́ ná bəə́bu áŋgɛ́ná, mɛtaná yɛ́ wɛɛ́ya nɔakɛna na bɛ́áyɛ́á bɛŋgɔ́áyɛ́, 26a ná fínə́ ɔ miímə yɛ mabɛ́kálɛ́na, a ná bɛbɛlɛ́tɛ bɛ́ hánɛ́nátɔ́ á Huɛlɛ́ nɛaka. Ɔ yɛ́táyɛ́ ikúílí Abiatálɛ a ka báá mutitiəmahánɛna mɔŋɛ́ŋa. Wə́súə́ umbə́ndə́ wɔ́ ndɔ laa ɔwá, á mutitiəmahánɛna bíbúə́ a ná hɔ́ánána ɔ bɛɛ́ta ɔnɛ́á, mba, a ka nɛ́áka, a ná índíə́kínə́ tɔ́na ɔ ɔwayɛ́ bikindəniə.» 27Yə́susu a ná bəə́bu lɛ́na a sɛ́á: «Bá ka Sábatɛ tábɔ́naka ɛlɔ́áyɛ́ mɔndɔ, mba tátá á mɔndɔ ɛlɔ́áyɛ́ Sábatɛ, 28ɛlɔ́áyɛ́ nɔ́yɛ́ Mɔná wa mɔndɔ a lɛa isə́lúkú yɛ́ Sábatɛ.»
Currently Selected:
Mə́líkusu 2: tvu
Highlight
Share
Copy
Want to have your highlights saved across all your devices? Sign up or sign in
© 2019, CABTAL
Mə́líkusu 2
2
Yə́susu a nɔ́ ɛkátá yɛ́ mɔndɔ niŋəsiə
(Mat 9.1-8; Lúk 5.17-26)
1Ɛnaka mɔɔsɛ́ má tɔ́mbáká, Yə́susu a ná tilə́ ɔ Kafalanahúmu; ɛnaka bɛndɔ bá ɔ́kɔ́kɛ́ná ɔwá a lɛa ɔ ɔmbɛ́la. 2Bɛndɔ bəəŋí bá ná kɔtákána, nɛbɛ́lɛ́nɛ́ná nɛ́ mɔkɔlɔ́ nɛ́ sa bá, ata ɔ busíə́ bɔ́ hɛkɔ́kɛ. Yə́susu a ka bá a ndɔ bəə́bu bɛkɔa bɛ́ Huɛlɛ́ úkúniə. 3Nɔ́yɛ́, bɔ́mɔtɛ́ bɛndɔ bá ná wɛɛ́ya ɛkátá yɛ́ mɔndɔ húlə́nínə, bɛndɔ bə́nisə bá nɔ́ wɛɛ́ya túánaka. 4Mba, bá sa ɛnɔ́mɛ bɔ́ŋɔ ɔ ɔwáyɛ́ ɔwakánana á Yə́susu busíə́ bɔkɔasɛ́á, bɛndɔ bá ka báá kɔtákánátɔ. Nɔ́yɛ́, bá ná báláka ɔ muanda ɔmbáŋá, bá ná yósi ósó ɔ ɛbɔ́ka ɔyɛ́á Yə́susu a na báá tɛ́nɛ́mátɔ. Bá ná ɛkátá yɛ́ mɔndɔ tukíníə́ na mikolí siəníníə́tɔ́ ɔ ɛkaálɛa. 5Ɛnaka Yə́susu a bááyɛ́ bɛndɔ siəkínə́ ɛ́sɛ́á bá ná báá na nɛkɔmba tálɛ́nátɔ́ ɔ ɔwayɛ́, a ná ɛkátá lɛ́na a sɛ́á: «Á wamɛ́á mɔná, mɛ ná aŋɔ́á máwɔ́á mabɛ́á niasɛ́na.» 6Bɔ́mɔtɛ́ bamanyumbə́ndə́ ɔbá bá ná báá ɔmɔ́yɛ́, bá ná botólíə́ ɔ ubílúmíniə bá sɛ́á: 7«Ɛlɔ́áyɛ́ yatɛ́ wɔ́ɔwɔ mɔndɔ a ndɔ hɛ́na náana əə́? A ndɔ Huɛlɛ́ kɔ́ba, ɛ́yánɛ́ á óso ɔ mabɛ́á ɔnɛasɛna, yɛ́ sá bá á Huɛlɛ́ bíbúə́ əə́?» 8Yə́susu a ná mə́búə́ məbílúmíniə manya ɔ ɔwayɛ́ mɔlɛ́má nuúmə́, a ná bəə́bu lɛ́na a sɛ́á: «Ɛlɔ́áyɛ́ yatɛ́ nɔ lɛ́á na mátáyɛ́ məbílúmíniə əə́? 9Yatɛ́ yɛ́ lɛ́á ányákátɔ́ ɔwá mɛ ɛkátá lɛ́na mɛ sɛ́á: “Mɛ ná aŋɔ́á máwɔ́á mabɛ́á niasɛ́na ataná, hɔalɛ́na túáná yáwɔ́á ɛkaálɛa kɛndáka əə́?” 10Ə́yə́ə́! Mɛ ndɔ bənú lɛna ɔwá, nɔ manyá nɔ sɛ́á Mɔná wa mɔndɔ a lɛa na iŋgínə́ ɔ bɛndɔ ɔ mabɛ́á ɔnɛasɛna ɔ misí.» A ná ɛkátá lɛ́na a sɛ́á: 11«Hɔalɛ́na tɛ́nɛ́ma, ɛtá yáwɔ́á ɛkaálɛa, úlúə́ ɔ ɔwáwɔ́ ɔmbɛ́la!» 12Mɔndɔ a ná hɔalɛ́ná mɔtɛ́nɛna, bɛndɔ bəkimə bá wɛɛ́ya siəkinə, a ná yáyɛ́á ɛkaálɛa ɛta, a ná ákana. Nɔ́yɛ́, bɛndɔ bəkimə bá ná ə́lə́mə́nə, bá Huɛlɛ́ tuúmə índiəkinə bá sɛ́á: «Ata buɔsɛ́, tɔ lɛ boóko ɔ yɛ́ɛ́yɛ́ ɛnya yɛ bɔkɔa usinə!»
Yə́susu a nɔ́ Lə́fi ɛ́lɛakɛna
(Mat 9.9-13; Lúk 5.27-32)
13Yə́susu a ná manyɔ́ híánaka ɔ ɛsɛ́lɛ́ yɛ́ nɔmɔ́ nɛ́ Kalɛ́lɛa. Bɛndɔ bəəŋí bá ná ndásákɔ́na ɔ ɔwayɛ́ busíə́, a bəə́bu bɛkɔa úkúnəkiə. 14Ikúílí ɔyɛ́á a ná bá a ndɔ tɔ́mba, a ná Lə́fi yámá á mɔná wa Alə́fə́ tuənə́tɔ́ ɔ ɔwayɛ́ ɛbɔ́ka yɛ́ nilúə́ bɛtásɛ, a sɛ́á: «Ɔŋgɔ́kɔ́ mɛaŋɔ́á!» A ná hɔalɛ́na, a ná wɛɛ́ya ɔŋgɔ́kɔ. 15Nɔ́yɛ́, Yə́susu a ná ákáná ɔkanɛ́á á Lə́fi ɔmbɛ́la. Bakɔtabɛtásɛ bəəŋí na bakɛamabɛ́á bá níə́kəniə na wɛɛ́ya na báyɛ́á bɔkɔ́nɛna bɔkɔasɛ́á, bátáyɛ́ bɛndɔ bá ka wɛɛ́ya ɔŋgɔkɔ. 16Ɛnaka bamanyumbə́ndə́ na ilúkunə yɛ́ Bɛfalísia bá siəkínə́ Yə́susu a ndɔ níə́niə na basɛmabɛtásɛ na bakɛamabɛ́á, bá ná bɔkɔ́nɛna batá bá sɛ́á: «Ɛlɔ́áyɛ́ yatɛ́ a ndɔ níə́niə na basɛmabɛtásɛ na bakɛamabɛ́á əə́?» 17Yə́susu a ná nɔ́yɛ́ ɔ́kɔ́kɛ́na, a ná bəə́bu lɛ́na a sɛ́á: «Tátá bááyɛ́ ɔbá bá ndɔ niŋə muɛsɛ bá ndɔ ɛmɔ́ɛ́nɛ́ siə, mba bɛnákɛnáka. Mɛ sa ndasá ɔ yɛ́ɛ́yɛ́ misí ɔ bátaká ɔwɛ́lɛna, mba bakɛamabɛ́á.»
Ubítə́tə́niə wɔ́ ikiní
(Mat 9.14-17; Lúk 5.33-39)
18Bɔkɔ́nɛna bá Yɔhánɛsɛ Mɔsɔabɛndɔ na Bɛfalísia bá ka báá ɔ ikiní yɛ́ ɔnɛ́á. Bɔ́mɔtɛ́ bá ná ndásá á Yə́susu busíə́ bá sɛ́á: «Ɛlɔ́áyɛ́ yatɛ́ bɔkɔ́nɛna bá Yɔhánɛsɛ Mɔsɔabɛndɔ na Bɛfalísia bá ndɔ bíkókósiə ɔ ɔnɛ́á, mba, báwɔ́á bá lɛ ndɔ nɔ́yɛ́ kɛa əə́?» 19Yə́susu a ná bəə́bu lɛ́na a sɛ́á: «Nɔ óso ɔ bɛndɔ ukotiə ɔbá bá lɛ́á ɛ́lɛ́ákɛ́nátɔ́ ɔ nɛbɛ́lɛna, ikúílí ɔyɛ́á ibə́ a lɛ́á na bəə́bu əə́? Ikúílíə́kimə ɔyɛ́á ibə́ a lɛ́á na bəə́bu, bá sa ósó ɔ ubíkókósiə ɔ ɔnɛ́á. 20Mba ikúílí yɛ́ ŋɔ ndafámá ɔyɛ́á bá ŋɔ ibə́ húliə ɔ uwəbú ətíə́, ɔ bɔ́táyɛ́ buɔsɛ́, bá ŋɔ bíkókósokiə ɔ ɔnɛ́á. 21Ata mɔndɔ a sa ósó ɛkɛ́tɛ yɛ́ nɛbata niɔ́sɔ ɔwɛta ɔwá a tɔakɛ́ná na iluní, ábá mɔndɔ a ná kɛ́áká nɔ́yɛ́, ɛkɛ́tɛ yɔmɔ́mɔ yɛ́ ŋɔ iluní lalɔna, yɛ́ ŋɔ yósi ə́ŋə́nəkiə. 22Hɔ́ánánátɔ́, abáka mɔndɔ a lɛ mutəkuniə háá ɔ bilunə́ki bɛ́ mɛsɔ́á, ábá a ná nɔ́yɛ́ kɛ́áka, məluku má ŋɔ mɛsɔ́á sánáka, mɛsɔ́á na məluku má ŋɔ tɛŋɛtɛŋɛa, məluku mɔɔ́sɔ, mɛsɔ́á miɔ́sɔ.»
Yə́susu na hinó hɛ́ Sábatɛ
(Mat 12.1-8; Lúk 6.1-5)
23Bɔ́mɔtɛ́ buɔsɛ́ bɔ́ Sábatɛ, Yə́susu na báyɛ́á bɔkɔ́nɛna bá ka báá ɔ tɔ́mbáka ɔ bɛtɔbɔtɔ́bɔ́ bɛ́ iŋəŋə́, bá húlə́ ɛŋgɔ́ta nɔkɔkɔ. 24Bɛfalísia ɔbá bá ná báá ɔ ilúkunə, bá ná Yə́susu batá bá sɛ́á: «Siəkínə́ yatɛ́ ɔyɛ́á bá ndɔ kɛa ɔ hinó hɛ́ Sábatɛ! Umbə́ndə́ wɔ́ ndɔ nɔ́yɛ́ sáŋɔ́na.» 25A ná bəə́bu lɛ́na a sɛ́á: «Nɔ lɛ boóko ɔfana ɛ́sɛ́á Ndə́witi a ná kɛ́áka ikúílí ɔyɛ́á bɛ́labɔ́nɛ́á bɛ́ ná bəə́bu áŋgɛ́ná, mɛtaná yɛ́ wɛɛ́ya nɔakɛna na bɛ́áyɛ́á bɛŋgɔ́áyɛ́, 26a ná fínə́ ɔ miímə yɛ mabɛ́kálɛ́na, a ná bɛbɛlɛ́tɛ bɛ́ hánɛ́nátɔ́ á Huɛlɛ́ nɛaka. Ɔ yɛ́táyɛ́ ikúílí Abiatálɛ a ka báá mutitiəmahánɛna mɔŋɛ́ŋa. Wə́súə́ umbə́ndə́ wɔ́ ndɔ laa ɔwá, á mutitiəmahánɛna bíbúə́ a ná hɔ́ánána ɔ bɛɛ́ta ɔnɛ́á, mba, a ka nɛ́áka, a ná índíə́kínə́ tɔ́na ɔ ɔwayɛ́ bikindəniə.» 27Yə́susu a ná bəə́bu lɛ́na a sɛ́á: «Bá ka Sábatɛ tábɔ́naka ɛlɔ́áyɛ́ mɔndɔ, mba tátá á mɔndɔ ɛlɔ́áyɛ́ Sábatɛ, 28ɛlɔ́áyɛ́ nɔ́yɛ́ Mɔná wa mɔndɔ a lɛa isə́lúkú yɛ́ Sábatɛ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, CABTAL