Yohane 10
10
Ngkora pandiri kana i dimba hai toporewu
1Nauli Yesu, “Tou mpuu lolitaNgku ide: ane ara hadua tauna mesua i lalu gimpu bara moliu i babaka agaiana mengkaheri i wala, tauna iti iami topanangka hai tokadake. 2Hema au mesua moliu i babaka, ia toporewu. 3Topokampai gimpu mobungkahia babaka, hai dimbana, raisa mampekatandai wotuna. Toporewu iti mokakio hanganda hambaa-hambaa hai naerihe lao i raoa. 4Ane opemohe dimbana i raoa, molumaomi iorunda, hai dimbana meulahe iria, lawi raisa mampekatandai wotuna. 5Barahe moula tauna ntanina. Ane ara tauna au bara toporewunda au mokakiohe, tauna iti rapelangkaha, lawi bara raisa wotuna.”
6Yesu mopahawe lolita iti i toParisi, agaiana bara raisa lempoNa. 7Ido hai Nauli mbuli, “Tou mpuu lolitaNgku ide: Ikomi babaka au rapoliungi dimba mesua i lalu gimpu. 8Ope-ope tauna au mai hangko da Iko au mouli kaihirana toporewu au maroa, moleri topanangka hai tokadakehe. Agaiana dimbaKu, barahe meula i pekakionda. 9Ikomi babaka. Hema au mesua moliu Iriko, ina molambihe katuwo maroa. Ihira peisa rapandiri nodo dimba au mesua i lalu gimpu hai mesuwuhe lao i raoa molambi hehi au marudu. 10Ane tauna ntanina mouli kaihiranami Datu Topehompo, ihira peisa rapandiri nodo topanangka. Topanangka, mai peahe manangka, mepapate hai mepaope. Agaiana kamaiNgku ide bona manusia molambi katuwo au rumihi kamaroana.
11Ikomi toporewu au maroa. Toporewu au maroa mokira tuwoNa i dimbaNahe. 12Ane ara hadua tauna au rasaro pea, bara maroa pamporewuna dimbana, lawi ia bara ampu dimba. Ane moita mai serigala, ia melangka mopalehi dimba iti. Mewali dimba iti nawulaihe serigala, alanda mahawu. 13Tauna au rasaro iti melangka, lawi ia mobago bona molambi pea sarona. Bara mampekiri dimba iti.
14-15Ikomi toporewu au maroa. Nodo UmaNgku moisaNa hai Iko moisa UmaNgku, nodo wori Iko moisa dimbaKu, hai dimbaKu moisaNa. TuwoNgku Kukira bona dimbaKu tuwohe.
16Ara manihe dimbaKu au ntanina, agaiana barahe hangko i gimpu ide. Ihira, hangangaa Kunini worihe mai. Ina raisa mpuu wotuNgku, ina mewali peahe hantobu, hai hadua pea au mamporewuhe.
17UmaNgku mampokakaiaNa, lawi Kuhuhu tuwoNgku bona tuwo huleNa. 18Bara ara hadua au mopapateNa ane bara peundeaKu. MokiraNa wataNgku moula peundeaKu haduduaNgku. MakuasaNa mokira wataNgku bona rapapate, hai makuasa woriNa tuwo hule. Itimi hawana UmaNgku au Kutarima hangko Iria.”
19Karahadina to Yahudi lolitana Yesu, mombehanai mbulimohe. 20Bosahe au manguli, “Napesuangi wei seta hai magila! Barapi paraluu tapehadingi lolitaNa.”
21Agaiana ara wori au manguli, “Bara! Tauna au napesuangi seta bara mololita nodo. Peisa pae seta mopakaoha tauna au bilo?”
Yesu bara ratarima to Yahudi
22I tempo iti i Yerusale, tauna mopaarahe susa mokatuinao Alo Popamalelaha Souna Pue Ala hangkoia. I tempo iti, tempo makuli. 23Yesu molumaomi i Souna Pue Ala i tambale au rahanga Tambale Salomo. 24Tadulakonda to Yahudi motolelikihe Yesu, hai rauliangaa, “Moapa hai Nupogiangaa liliungkai wuli? Barangkai Nupakanotoa kahemaMu. Ane Datu Topehompo mpuuKo, Nupakanotoamongkai.”
25Nauli Yesu, “Roomokau Kuuliangaa, agaiana bara nipoinalai. Tanda au Kubabehi hai kuasa au hangko UmaNgku, itimi au mopakanoto kahemaNgku. 26Agaiana bara liliu nipoinalai, lawi barakau dimbaKu. 27Dimbaku mohadi wotungku. Kuisa mpuuhe, hai raulana. 28Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku. 29UmaNgku, au moweimoNa dimbaKuhe, kuasaNa meliu hangko i hinangkana. Hai bara ara hadua au peisa mamperampaihe hangko i taiena UmaNgku. 30Iko hai UmaNgku, hadua peaNgkai.”
31Pohadinda lolitana Yesu, to Yahudi iti motimamohe watu, rapeinao mowatui Yesu bona mate. 32Nauliangaahe Yesu, “Ngkaiami bago maroa au Kutudungiamokau, au Kubabehi moula hawana UmaNgku. Hangko i ope-ope bagoNgku iti, umba au mewali pongkana pane nipeinaoNa nipapate?”
33Rauli to Yahudi, “Barari anti bagoMu au maroa pane ina kipapateKo, agaiana anti popapakoiMuri Pue Ala! Oio, manusia biasa peaKo, agaiana Nuuliri Pue AlaKo!”
34Nauli Yesu, “I lalu Sura Aturami, teukimi lolitana Pue Ala i to Yahudi hangkoia au manguli node: ‘pue alakau.’#10:34 pue alakau: Peita: Pta. 82:6. Lempona, to Yahudi nodohe Pue Ala lawi ihirami au modoko Aturana Pue Ala i biti Bulu Sinai. Ane ihira rauli pue ala, apa mani Yesu. 35Apa au teuki i lalu Sura Malelaha iti, bara ara katebaliana. Mewali, ane Sura Malelaha manguli ‘pue alakau’ i tauna au motarima Ngkorana Pue Ala hangkoia, pelumbunami Iko. 36Ikomi au napilei UmaNgku au motuduNa mai i dunia. Mewali, moapari hai niuli mopapakoina Pue Ala ane Kuuli, Iko Anana Pue Ala?
37Ane baraNa mobabehi bago au hangko i UmaNgku, ineeNa nipoinalai. 38Agaiana ane mobabehiNa bago au hangko i UmaNgku, hangangaa nipoinalaiNa. Kehapiri baraNa nipoinalai, bagoNgku hangangaa nipoinalai. Ane nipoinalaimi pobagoNgku, ina niisa mpuu i lalumi: mohintuwuNa hai UmaNgku, hai UmaNgku mohintuwu hai Iko.”
39Karahadina to Yahudi lolitana Yesu, rapetandaka mbulimi mohaka Yesu, agaiana bara mani mala.
40Hangko indo, meangka mbulimi Yesu lao ntanda i orupena owai Yarade i periuana Yohane hangkoia,#Yoh. 1:28 hai maida inditi. 41Bosahe tauna lao mampohidupaa Yesu. Rauli tauna iti, “Yohane bara mobabehi tanda kuasa. Agaiana ope-ope au napahawe kana i Yesu mewali hahami.” 42Ido hai bosa tauna inditi mepoinalai i Yesu.
Currently Selected:
Yohane 10: NPY
Highlight
Share
Copy
Want to have your highlights saved across all your devices? Sign up or sign in
@LAI 2016
Yohane 10
10
Ngkora pandiri kana i dimba hai toporewu
1Nauli Yesu, “Tou mpuu lolitaNgku ide: ane ara hadua tauna mesua i lalu gimpu bara moliu i babaka agaiana mengkaheri i wala, tauna iti iami topanangka hai tokadake. 2Hema au mesua moliu i babaka, ia toporewu. 3Topokampai gimpu mobungkahia babaka, hai dimbana, raisa mampekatandai wotuna. Toporewu iti mokakio hanganda hambaa-hambaa hai naerihe lao i raoa. 4Ane opemohe dimbana i raoa, molumaomi iorunda, hai dimbana meulahe iria, lawi raisa mampekatandai wotuna. 5Barahe moula tauna ntanina. Ane ara tauna au bara toporewunda au mokakiohe, tauna iti rapelangkaha, lawi bara raisa wotuna.”
6Yesu mopahawe lolita iti i toParisi, agaiana bara raisa lempoNa. 7Ido hai Nauli mbuli, “Tou mpuu lolitaNgku ide: Ikomi babaka au rapoliungi dimba mesua i lalu gimpu. 8Ope-ope tauna au mai hangko da Iko au mouli kaihirana toporewu au maroa, moleri topanangka hai tokadakehe. Agaiana dimbaKu, barahe meula i pekakionda. 9Ikomi babaka. Hema au mesua moliu Iriko, ina molambihe katuwo maroa. Ihira peisa rapandiri nodo dimba au mesua i lalu gimpu hai mesuwuhe lao i raoa molambi hehi au marudu. 10Ane tauna ntanina mouli kaihiranami Datu Topehompo, ihira peisa rapandiri nodo topanangka. Topanangka, mai peahe manangka, mepapate hai mepaope. Agaiana kamaiNgku ide bona manusia molambi katuwo au rumihi kamaroana.
11Ikomi toporewu au maroa. Toporewu au maroa mokira tuwoNa i dimbaNahe. 12Ane ara hadua tauna au rasaro pea, bara maroa pamporewuna dimbana, lawi ia bara ampu dimba. Ane moita mai serigala, ia melangka mopalehi dimba iti. Mewali dimba iti nawulaihe serigala, alanda mahawu. 13Tauna au rasaro iti melangka, lawi ia mobago bona molambi pea sarona. Bara mampekiri dimba iti.
14-15Ikomi toporewu au maroa. Nodo UmaNgku moisaNa hai Iko moisa UmaNgku, nodo wori Iko moisa dimbaKu, hai dimbaKu moisaNa. TuwoNgku Kukira bona dimbaKu tuwohe.
16Ara manihe dimbaKu au ntanina, agaiana barahe hangko i gimpu ide. Ihira, hangangaa Kunini worihe mai. Ina raisa mpuu wotuNgku, ina mewali peahe hantobu, hai hadua pea au mamporewuhe.
17UmaNgku mampokakaiaNa, lawi Kuhuhu tuwoNgku bona tuwo huleNa. 18Bara ara hadua au mopapateNa ane bara peundeaKu. MokiraNa wataNgku moula peundeaKu haduduaNgku. MakuasaNa mokira wataNgku bona rapapate, hai makuasa woriNa tuwo hule. Itimi hawana UmaNgku au Kutarima hangko Iria.”
19Karahadina to Yahudi lolitana Yesu, mombehanai mbulimohe. 20Bosahe au manguli, “Napesuangi wei seta hai magila! Barapi paraluu tapehadingi lolitaNa.”
21Agaiana ara wori au manguli, “Bara! Tauna au napesuangi seta bara mololita nodo. Peisa pae seta mopakaoha tauna au bilo?”
Yesu bara ratarima to Yahudi
22I tempo iti i Yerusale, tauna mopaarahe susa mokatuinao Alo Popamalelaha Souna Pue Ala hangkoia. I tempo iti, tempo makuli. 23Yesu molumaomi i Souna Pue Ala i tambale au rahanga Tambale Salomo. 24Tadulakonda to Yahudi motolelikihe Yesu, hai rauliangaa, “Moapa hai Nupogiangaa liliungkai wuli? Barangkai Nupakanotoa kahemaMu. Ane Datu Topehompo mpuuKo, Nupakanotoamongkai.”
25Nauli Yesu, “Roomokau Kuuliangaa, agaiana bara nipoinalai. Tanda au Kubabehi hai kuasa au hangko UmaNgku, itimi au mopakanoto kahemaNgku. 26Agaiana bara liliu nipoinalai, lawi barakau dimbaKu. 27Dimbaku mohadi wotungku. Kuisa mpuuhe, hai raulana. 28Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku. 29UmaNgku, au moweimoNa dimbaKuhe, kuasaNa meliu hangko i hinangkana. Hai bara ara hadua au peisa mamperampaihe hangko i taiena UmaNgku. 30Iko hai UmaNgku, hadua peaNgkai.”
31Pohadinda lolitana Yesu, to Yahudi iti motimamohe watu, rapeinao mowatui Yesu bona mate. 32Nauliangaahe Yesu, “Ngkaiami bago maroa au Kutudungiamokau, au Kubabehi moula hawana UmaNgku. Hangko i ope-ope bagoNgku iti, umba au mewali pongkana pane nipeinaoNa nipapate?”
33Rauli to Yahudi, “Barari anti bagoMu au maroa pane ina kipapateKo, agaiana anti popapakoiMuri Pue Ala! Oio, manusia biasa peaKo, agaiana Nuuliri Pue AlaKo!”
34Nauli Yesu, “I lalu Sura Aturami, teukimi lolitana Pue Ala i to Yahudi hangkoia au manguli node: ‘pue alakau.’#10:34 pue alakau: Peita: Pta. 82:6. Lempona, to Yahudi nodohe Pue Ala lawi ihirami au modoko Aturana Pue Ala i biti Bulu Sinai. Ane ihira rauli pue ala, apa mani Yesu. 35Apa au teuki i lalu Sura Malelaha iti, bara ara katebaliana. Mewali, ane Sura Malelaha manguli ‘pue alakau’ i tauna au motarima Ngkorana Pue Ala hangkoia, pelumbunami Iko. 36Ikomi au napilei UmaNgku au motuduNa mai i dunia. Mewali, moapari hai niuli mopapakoina Pue Ala ane Kuuli, Iko Anana Pue Ala?
37Ane baraNa mobabehi bago au hangko i UmaNgku, ineeNa nipoinalai. 38Agaiana ane mobabehiNa bago au hangko i UmaNgku, hangangaa nipoinalaiNa. Kehapiri baraNa nipoinalai, bagoNgku hangangaa nipoinalai. Ane nipoinalaimi pobagoNgku, ina niisa mpuu i lalumi: mohintuwuNa hai UmaNgku, hai UmaNgku mohintuwu hai Iko.”
39Karahadina to Yahudi lolitana Yesu, rapetandaka mbulimi mohaka Yesu, agaiana bara mani mala.
40Hangko indo, meangka mbulimi Yesu lao ntanda i orupena owai Yarade i periuana Yohane hangkoia,#Yoh. 1:28 hai maida inditi. 41Bosahe tauna lao mampohidupaa Yesu. Rauli tauna iti, “Yohane bara mobabehi tanda kuasa. Agaiana ope-ope au napahawe kana i Yesu mewali hahami.” 42Ido hai bosa tauna inditi mepoinalai i Yesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2016