Yohane 3
3
Yesu mololita hai Nikodemus
1Ara hadua au rahanga Nikodemus. Nikodemus iti iami toParisi hai tadulako agama Yahudi. 2Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”
3Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”
4Nauli Nikodemus, “Noumbami kapeisana tauna au saemi rapoanaka sule? Peisa pae mesua hule i lalu taina inana hai rapoanaka sule?”
5Nauli Yesu, “Ane tauna bara rapoanaka hai owai#3:5 rapoanaka hai owai: Bara taisa ba apa mpuu lempona lolita ide. Ara au manguli rapoanaka hai owailempona periuna Yohane Toperiu ba periuna to Sarani. Ara wori au manguli rapoanaka hai owai lempona rapoanaka nodo manusia biasa. hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou! 6Manusia molambi katuwona watana hangko i tosaena. Agaiana katuwo pepoinalaina nahumba hangko i Inao Malelaha. 7Mewali, inee nupotingkara ane Kuuliangaako: hangangaa rapoanaka sulekau. 8Pandirina, himburu mewui iumba peundeana. Tahadi pewuina, agaiana bara taisa hangko iumba kamaiana hai iumba kalaoana. Nodo wori tauna au rapoanaka sule hai kuasana Inaona Pue Ala.”
9Nauli Nikodemus, “Noumba iti peisa mewali?”
10Nauli Yesu, “Oio hadua gurunda to Isaraeli au raholoi. Noumbari hai bara nuisa lempona ide lolitaNgku? 11Tou ide lolitangKu: Mampololitangkai apa au kiisa, mosabingkai apa au kiita. Agaiana barakau mau modoko lolitangki. 12Kutuntuakau apa au mewali i dunia, agaiana bara nipoinalai lolitaNgku. Apa mani ane Kutuntuakau apa au mewali i suruga. 13Bara ara hadua hangko i dunia ide au mengkaore lao i suruga. Batena pea Iko, Ana Manusia, au moisa apa au mewali i suruga, lawi Iko mendauluNa mai hangko i suruga.
14Hangkoia i pada wungi, to Isaraeli nahukuhe Pue Ala pane natilohe ile. Pue Ala motudu nabi Musa mobabehi ile hangko i tambaga,#3:14 ile hangko i tambaga: Peita tuntukana i Pmb. 21:4-9. bona nawoli i wuntu kau hai natindaka. Hema peahe au natilo ile hai mampengoahe ile tambaga iti, hangangaa maoha hai tuwohe. Mewali, nodo ile tambaga iti rapamapangka i pada wungi, nodo wori Ana Manusia hangangaa rapamapangka i kau mombehape, 15bona hema au mepoinalai Iriko ina molambi katuwo maroa au bara mokahopoa.”
16Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa. 17Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.
18Tauna au mepoinalai i Anana Pue Ala, barahe ina rahuku. Agaiana tauna au bara mepoinalai, manotomi kanahukunda Pue Ala, lawi barahe mepoinalai i Anana Pue Ala au Haduduana. 19Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda. 20Ope-ope tauna au mobabehi dake, mokahihihe Baa iti. Barahe mau mohungkuki Baa iti dati tongawa babehianda au kadake. 21Tauna au manoto babehianda, maihe i Baa bona babehianda raita hai tongawami poulanda peundeana Pue Ala.
Hambela mani Yohane Toperiu mololita kana i Yesu
22Roo indo, Yesu hai topeguruNa laohe i tampo Yudea. Maidahe inditi bahangkia alona, moriu tauna. 23-24I tempo iti, Yohane bara mani ratarunggu. Ia meriu i boea Ainon, bara karao hangko i boea Salim, lawi inditi handa owai. Alo-alona tauna lao mampoperiu i Yohane.
25Hambela tempo, mombehehemohe bahangkia topeguruna Yohane hai hadua to Yahudi, mampombehanaingi ada mpobahoi moula agamanda. 26Laomohe i Yohane, rauliangaa, “Guru, ba nukatuinao mani hangkoia hadua tauna au hihimbela hai guru ntanda i orupena owai Yarade au nutudungiangkai? Ia meriu wori, hai kabosa-bosaami tauna au lao Iria!”
27Nauli Yohane, “Ikita manusia bara peisa mobabehi apa-apa ane barake nawei Pue Ala kuasa. 28Hangkoia, nihadimi lolitangku au manguli: ‘Iko barana Datu Topehompo. Agaiana ratuduna moioru mai mopasilolonga raraNa.’ ”
29Napaliliu Yohane lolitana, nauli, “Pandirina i posusa petauna, torabua tobalilo mewali patoa posusa lawi torabua towawine iami ampuna. Topeporangaina meangka pea i holana mampehadingi hawana, hai matana mpuu ane mohadimi lolitana toratauna tobalilo. Nodo wori iko, nodona tauna au meporangai iti, rumihi mpuu kamatanangku mohadi lolitana Yesu. 30Lawi Ia au hangangaa kahile-hilea tuwoNa, hai iko au hangangaa kakoi-koia tuwongku.”
31Yesu hangko i suruga, mewali kuasaNa meliu hangko i hinangkana. Tauna hangko i dunia, batena manusia biasa pea, hai mampololita pea apa au mewali i dunia. Agaiana Yesu, hangko i suruga, mewali kuasaNa meliu hangko i hinangkana. 32Ia mampololita apa au Naita hai au Nahadimi, agaiana bara ara au mampoinalai lolitaNa. 33Tauna au mampoinalai lolitaNa, mopangaku katouna Pue Ala. 34Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.
35Pue Ala Umanta mampokaahi AnaNa hai Naweimi ope-ope kuasaNa. 36Tauna au mepoinalai i Anana Pue Ala iti, molambihe katuwo maroa au bara mokahopoa. Agaiana tauna au bara mengkoru i Anana Pue Ala, barahe molambi katuwo iti. Molambirihe pehukuna Pue Ala au bara mokahopoa.
Currently Selected:
Yohane 3: NPY
Highlight
Share
Copy
Want to have your highlights saved across all your devices? Sign up or sign in
@LAI 2016
Yohane 3
3
Yesu mololita hai Nikodemus
1Ara hadua au rahanga Nikodemus. Nikodemus iti iami toParisi hai tadulako agama Yahudi. 2Hambela tempo, kaindi, ia mai mampohidupaa Yesu, hai mololita nauli, “Guru, kiisa Oio hadua guru au natuduKo mai Pue Ala, lawi bara ara tauna au peisa mobabehi tanda kuasa nodo au Nubabehi, ane bara naporangai Pue Ala.”
3Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”
4Nauli Nikodemus, “Noumbami kapeisana tauna au saemi rapoanaka sule? Peisa pae mesua hule i lalu taina inana hai rapoanaka sule?”
5Nauli Yesu, “Ane tauna bara rapoanaka hai owai#3:5 rapoanaka hai owai: Bara taisa ba apa mpuu lempona lolita ide. Ara au manguli rapoanaka hai owailempona periuna Yohane Toperiu ba periuna to Sarani. Ara wori au manguli rapoanaka hai owai lempona rapoanaka nodo manusia biasa. hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou! 6Manusia molambi katuwona watana hangko i tosaena. Agaiana katuwo pepoinalaina nahumba hangko i Inao Malelaha. 7Mewali, inee nupotingkara ane Kuuliangaako: hangangaa rapoanaka sulekau. 8Pandirina, himburu mewui iumba peundeana. Tahadi pewuina, agaiana bara taisa hangko iumba kamaiana hai iumba kalaoana. Nodo wori tauna au rapoanaka sule hai kuasana Inaona Pue Ala.”
9Nauli Nikodemus, “Noumba iti peisa mewali?”
10Nauli Yesu, “Oio hadua gurunda to Isaraeli au raholoi. Noumbari hai bara nuisa lempona ide lolitaNgku? 11Tou ide lolitangKu: Mampololitangkai apa au kiisa, mosabingkai apa au kiita. Agaiana barakau mau modoko lolitangki. 12Kutuntuakau apa au mewali i dunia, agaiana bara nipoinalai lolitaNgku. Apa mani ane Kutuntuakau apa au mewali i suruga. 13Bara ara hadua hangko i dunia ide au mengkaore lao i suruga. Batena pea Iko, Ana Manusia, au moisa apa au mewali i suruga, lawi Iko mendauluNa mai hangko i suruga.
14Hangkoia i pada wungi, to Isaraeli nahukuhe Pue Ala pane natilohe ile. Pue Ala motudu nabi Musa mobabehi ile hangko i tambaga,#3:14 ile hangko i tambaga: Peita tuntukana i Pmb. 21:4-9. bona nawoli i wuntu kau hai natindaka. Hema peahe au natilo ile hai mampengoahe ile tambaga iti, hangangaa maoha hai tuwohe. Mewali, nodo ile tambaga iti rapamapangka i pada wungi, nodo wori Ana Manusia hangangaa rapamapangka i kau mombehape, 15bona hema au mepoinalai Iriko ina molambi katuwo maroa au bara mokahopoa.”
16Anti kamahilena ahina Pue Ala i ope-ope tauna i dunia, ido hai Nakirami AnaNa au HaduduaNa bona hema pea au mepoinalai Iria, bara rahuku, agaiana molambi katuwo maroa au bara mokahopoa. 17Pue Ala motudu AnaNa mai i dunia bara mai mohuku manusia. Agaiana bona mai mohorema manusia hangko i huku dosanda.
18Tauna au mepoinalai i Anana Pue Ala, barahe ina rahuku. Agaiana tauna au bara mepoinalai, manotomi kanahukunda Pue Ala, lawi barahe mepoinalai i Anana Pue Ala au Haduduana. 19Idemi au rahukuahe: Baa hawemi i dunia. Agaiana manusia mounde mani kamakaindi pane kamabaa, lawi kadake babehianda. 20Ope-ope tauna au mobabehi dake, mokahihihe Baa iti. Barahe mau mohungkuki Baa iti dati tongawa babehianda au kadake. 21Tauna au manoto babehianda, maihe i Baa bona babehianda raita hai tongawami poulanda peundeana Pue Ala.
Hambela mani Yohane Toperiu mololita kana i Yesu
22Roo indo, Yesu hai topeguruNa laohe i tampo Yudea. Maidahe inditi bahangkia alona, moriu tauna. 23-24I tempo iti, Yohane bara mani ratarunggu. Ia meriu i boea Ainon, bara karao hangko i boea Salim, lawi inditi handa owai. Alo-alona tauna lao mampoperiu i Yohane.
25Hambela tempo, mombehehemohe bahangkia topeguruna Yohane hai hadua to Yahudi, mampombehanaingi ada mpobahoi moula agamanda. 26Laomohe i Yohane, rauliangaa, “Guru, ba nukatuinao mani hangkoia hadua tauna au hihimbela hai guru ntanda i orupena owai Yarade au nutudungiangkai? Ia meriu wori, hai kabosa-bosaami tauna au lao Iria!”
27Nauli Yohane, “Ikita manusia bara peisa mobabehi apa-apa ane barake nawei Pue Ala kuasa. 28Hangkoia, nihadimi lolitangku au manguli: ‘Iko barana Datu Topehompo. Agaiana ratuduna moioru mai mopasilolonga raraNa.’ ”
29Napaliliu Yohane lolitana, nauli, “Pandirina i posusa petauna, torabua tobalilo mewali patoa posusa lawi torabua towawine iami ampuna. Topeporangaina meangka pea i holana mampehadingi hawana, hai matana mpuu ane mohadimi lolitana toratauna tobalilo. Nodo wori iko, nodona tauna au meporangai iti, rumihi mpuu kamatanangku mohadi lolitana Yesu. 30Lawi Ia au hangangaa kahile-hilea tuwoNa, hai iko au hangangaa kakoi-koia tuwongku.”
31Yesu hangko i suruga, mewali kuasaNa meliu hangko i hinangkana. Tauna hangko i dunia, batena manusia biasa pea, hai mampololita pea apa au mewali i dunia. Agaiana Yesu, hangko i suruga, mewali kuasaNa meliu hangko i hinangkana. 32Ia mampololita apa au Naita hai au Nahadimi, agaiana bara ara au mampoinalai lolitaNa. 33Tauna au mampoinalai lolitaNa, mopangaku katouna Pue Ala. 34Lawi Iami au natudu Pue Ala mohowara NgkoraNa, hai Pue Ala mowei Inao Malelaha Iria au bara ara hokana.
35Pue Ala Umanta mampokaahi AnaNa hai Naweimi ope-ope kuasaNa. 36Tauna au mepoinalai i Anana Pue Ala iti, molambihe katuwo maroa au bara mokahopoa. Agaiana tauna au bara mengkoru i Anana Pue Ala, barahe molambi katuwo iti. Molambirihe pehukuna Pue Ala au bara mokahopoa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2016