Markus 2
2
Yesu mopakaoha topalu
(Mat. 9:1-8; Luk. 5:17-26)
1Bara mahae hangko indo, Yesu mesule lao i boea Kapernaum. Tebambari kaaranami Yesu i sou. 2Ido hai bosa tauna mai mampohidupaa Yesu, alana sou iti bukehe tauna hawe-hawe i baba. Yesu mopahaweahe Ngkorana Pue Ala. 3Tangana mololita, hawemohe iba tauna mokowahe mai ranganda au palu. 4Barahe peisa lao mohungkuki Yesu lawi sou iti buke tauna. Ido hai mengkahemohe i tuka laohe i wongko sou, rahongkami atu au ara i wongkona Yesu, pane topalu iti raulu sambela hai alena duuna toa i lindona Yesu. 5Kanaitana Yesu kamahilena pepoinalainda, mololitami i topalu iti, Nauli, “AnaNgku, teampungimi dosamu.”
6Ara worihe bahangkia guru agama to Yahudi au mohuda i lalu sou iti. Mohadihe lolitana Yesu, mekunemohe i lalunda, rauli, 7“Pebai mpuu tauna ide mololita nodo! Ia mopahimbela kuasaNa hai Pue Ala! Bara ara hadua tauna au peisa moampungi dosa, batena pea Pue Ala.”
8Agaiana naisari Yesu apa au ara i lalunda. Ido hai Nauliangaahe, “Moapari hai nodori pekirimi? 9Umba au mamura rauli: ‘Teampungimi dosamu,’ ba ‘Pearo, nulolomi alemu, hai molumaomoko.’ 10Bona niisa, i dunia ide, Iko, Ana Manusia, makuasaNa moampungi dosa. Mewali ide-ide ina Kupatongawaakau kaarana kuasaNgku moampungi dosa.” Hangko inditi, membalilimi Yesu i topalu iti, Nauliangaa, 11“Mearomoko, nulolomi alemu, hai mesulemoko!”
12Mearo mpuumi topalu iti, mololo alena, hai molumaomi lao i olonda tauna bosa. Karaitana tauna bosa apa au mewali iti, tingkaramohe ope-ope, hai motoiahe Pue Ala, rauli, “Bara mani hambela taita au mewali nodo!”
Yesu mokakio Lewi mewali topeguruNa
(Mat. 9:9-13; Luk. 5:27-32)
13Roo indo, lao mbulimi Yesu i wiwi rano Galilea. Bosa mpuu tauna hawe Iria, hai Napaturohe. 14Tangana Yesu molumao, moitami hadua toperuru asele au mohuda i bambaru pobaiaria asele, hangana Lewi, anana Alfeus. Mololitami Yesu iria, Nauli, “Peulamide Iriko!” Meangkami Lewi, hai liliu meula Iria.
15Roo indo, Yesu hai topeguruNa maandehe i souna Lewi. Tanganda maande, hawe worihe bosa toperuru asele hai tauna ntanina maande sambela hai ihira, lawi bosamohe i olonda au mewali topeulana Yesu. Tauna iti raimbahe tauna au kadake babehianda. 16Inditi arahe bahangkia guru agama au moula paturonda toParisi. Kamoitanda Yesu maande hihimbela hai tauna au kadake babehianda, mekunehe guru agama iti i topeguruNa, rauli, “Moapari pane gurumi maande sambela hai toperuru asele hai tomadosa?”
17Nahadi Yesu lolitanda, ido hai Nauliangaahe, “Tauna au bara mahai, bara moparaluu sando. Tomahai pea au moparaluu sando. BaraNa mai mokakio tauna au manoto babehianda. KamaiNgku ide, maiNa mokakio tomadosa bona menosohe hangko i dosanda.”
Kana i popuasa
(Mat. 9:14-17; Luk. 5:33-39)
18Hambela tempo, topeguruna Yohane Toperiu hai toParisi tanganda mopuasa. Arahe tauna au hawe i Yesu hai mekune Iria, rauli, “Topeguruna Yohane Toperiu mopuasahe. Nodo wori topegurunda toParisi. Mewali, moapari pane topeguruMu barahe mopuasa?”
19Nahanaihe Yesu hai ngkora pandiri ide, Nauli, “I posusa petauna, ba mopuasahe himadana toratauna tobalilo tangana mani ia ara i olonda? Bara. Lawi ane ara mani toratauna tobalilo i olonda, barahe mopuasa. 20Agaiana hambela tempo, toratauna tobalilo ina raala hangko i olonda. I tempo itirai, hangko mopuasahe.”
21Roo indo, Yesu mopahawe mani rompaka ngkora pandiri, Nauli, “Bara ara hadua tauna au motampelei badu au hae hai hasepa bana au wou. Lawi hasepa bana au wou ina mengkuru, duuna mahepa badu au hae iti, alana kahile-hileari kamahepana. 22Nodo wori, bara ara hadua tauna au mokando anggoro au wou i pambolia#2:22 Hangkoia pambolia anggoro rababehi hangko i koli binata. au hae. Lawi ane rengke, ina mahepa pambolia au hae iti, alana anggoro iti mabubu, hai marugi wori pamboliana. Mewali, anggoro au wou hangangaa rakando i pambolia au wou.”#2:21-22 Tunggaiana Yesu mopahawe ngkora pandiri ide, node: paturona Yesu, paturo au wou. Bara hintoto ane paturona Yesu ragalo hai ada agama Yahudi au hae.
Tadulako agama Yahudi mosalaihe Yesu lawi topeguruNa mobagohe i Alo Pengkarooangaa
(Mat. 12:1-8; Luk. 6:1-5)
23Hambela tempo i Alo Pengkarooangaa, Yesu hai topeguruNa moliuhe i halimbo bonde. Tanganda moliu i bonde iti, topeguruNa mokanukihe pare, ranuku hai raande. 24Toparisi au arahe inditi mekune i Yesu, rauli, “Moapari hai topeguruMu moliungihe atura agamanta? Mobagohe i Alo Pengkarooangaa!”
25Nauli Yesu, “Bara pae nibasa i Sura Malelaha apa au nababehi Datu Daudi hangkoia hai ranganahe i temponda marimi? 26I tempona Abyatar mewali Tadulako Mpenomba Mahile, mesuami Daudi i lalu sou penombaa, hai moande roti au rapopenomba i Pue Ala, pane nakira-kiraa worihe rangana. Moula ada agamanta, tadulako mpenomba pea au peisa moande roti iti. Agaiana nauri nodo, babehiana Daudi iti bara rasalai.” 27Hangko inditi, nauli mbuli Yesu, “Pue Ala bara mobabehi Alo Pengkarooangaa bona mopakapari tauna hai atura-atura au mantimi. Agaiana Alo Pengkarooangaa Nababehi Pue Ala bona motulungi tauna. 28Mewali, Iko Ana Manusia, makuasaNa mopakanoto apa au peisa rababehi i Alo Pengkarooangaa.”
Currently Selected:
Markus 2: NPY
Highlight
Share
Copy
Want to have your highlights saved across all your devices? Sign up or sign in
@LAI 2016
Markus 2
2
Yesu mopakaoha topalu
(Mat. 9:1-8; Luk. 5:17-26)
1Bara mahae hangko indo, Yesu mesule lao i boea Kapernaum. Tebambari kaaranami Yesu i sou. 2Ido hai bosa tauna mai mampohidupaa Yesu, alana sou iti bukehe tauna hawe-hawe i baba. Yesu mopahaweahe Ngkorana Pue Ala. 3Tangana mololita, hawemohe iba tauna mokowahe mai ranganda au palu. 4Barahe peisa lao mohungkuki Yesu lawi sou iti buke tauna. Ido hai mengkahemohe i tuka laohe i wongko sou, rahongkami atu au ara i wongkona Yesu, pane topalu iti raulu sambela hai alena duuna toa i lindona Yesu. 5Kanaitana Yesu kamahilena pepoinalainda, mololitami i topalu iti, Nauli, “AnaNgku, teampungimi dosamu.”
6Ara worihe bahangkia guru agama to Yahudi au mohuda i lalu sou iti. Mohadihe lolitana Yesu, mekunemohe i lalunda, rauli, 7“Pebai mpuu tauna ide mololita nodo! Ia mopahimbela kuasaNa hai Pue Ala! Bara ara hadua tauna au peisa moampungi dosa, batena pea Pue Ala.”
8Agaiana naisari Yesu apa au ara i lalunda. Ido hai Nauliangaahe, “Moapari hai nodori pekirimi? 9Umba au mamura rauli: ‘Teampungimi dosamu,’ ba ‘Pearo, nulolomi alemu, hai molumaomoko.’ 10Bona niisa, i dunia ide, Iko, Ana Manusia, makuasaNa moampungi dosa. Mewali ide-ide ina Kupatongawaakau kaarana kuasaNgku moampungi dosa.” Hangko inditi, membalilimi Yesu i topalu iti, Nauliangaa, 11“Mearomoko, nulolomi alemu, hai mesulemoko!”
12Mearo mpuumi topalu iti, mololo alena, hai molumaomi lao i olonda tauna bosa. Karaitana tauna bosa apa au mewali iti, tingkaramohe ope-ope, hai motoiahe Pue Ala, rauli, “Bara mani hambela taita au mewali nodo!”
Yesu mokakio Lewi mewali topeguruNa
(Mat. 9:9-13; Luk. 5:27-32)
13Roo indo, lao mbulimi Yesu i wiwi rano Galilea. Bosa mpuu tauna hawe Iria, hai Napaturohe. 14Tangana Yesu molumao, moitami hadua toperuru asele au mohuda i bambaru pobaiaria asele, hangana Lewi, anana Alfeus. Mololitami Yesu iria, Nauli, “Peulamide Iriko!” Meangkami Lewi, hai liliu meula Iria.
15Roo indo, Yesu hai topeguruNa maandehe i souna Lewi. Tanganda maande, hawe worihe bosa toperuru asele hai tauna ntanina maande sambela hai ihira, lawi bosamohe i olonda au mewali topeulana Yesu. Tauna iti raimbahe tauna au kadake babehianda. 16Inditi arahe bahangkia guru agama au moula paturonda toParisi. Kamoitanda Yesu maande hihimbela hai tauna au kadake babehianda, mekunehe guru agama iti i topeguruNa, rauli, “Moapari pane gurumi maande sambela hai toperuru asele hai tomadosa?”
17Nahadi Yesu lolitanda, ido hai Nauliangaahe, “Tauna au bara mahai, bara moparaluu sando. Tomahai pea au moparaluu sando. BaraNa mai mokakio tauna au manoto babehianda. KamaiNgku ide, maiNa mokakio tomadosa bona menosohe hangko i dosanda.”
Kana i popuasa
(Mat. 9:14-17; Luk. 5:33-39)
18Hambela tempo, topeguruna Yohane Toperiu hai toParisi tanganda mopuasa. Arahe tauna au hawe i Yesu hai mekune Iria, rauli, “Topeguruna Yohane Toperiu mopuasahe. Nodo wori topegurunda toParisi. Mewali, moapari pane topeguruMu barahe mopuasa?”
19Nahanaihe Yesu hai ngkora pandiri ide, Nauli, “I posusa petauna, ba mopuasahe himadana toratauna tobalilo tangana mani ia ara i olonda? Bara. Lawi ane ara mani toratauna tobalilo i olonda, barahe mopuasa. 20Agaiana hambela tempo, toratauna tobalilo ina raala hangko i olonda. I tempo itirai, hangko mopuasahe.”
21Roo indo, Yesu mopahawe mani rompaka ngkora pandiri, Nauli, “Bara ara hadua tauna au motampelei badu au hae hai hasepa bana au wou. Lawi hasepa bana au wou ina mengkuru, duuna mahepa badu au hae iti, alana kahile-hileari kamahepana. 22Nodo wori, bara ara hadua tauna au mokando anggoro au wou i pambolia#2:22 Hangkoia pambolia anggoro rababehi hangko i koli binata. au hae. Lawi ane rengke, ina mahepa pambolia au hae iti, alana anggoro iti mabubu, hai marugi wori pamboliana. Mewali, anggoro au wou hangangaa rakando i pambolia au wou.”#2:21-22 Tunggaiana Yesu mopahawe ngkora pandiri ide, node: paturona Yesu, paturo au wou. Bara hintoto ane paturona Yesu ragalo hai ada agama Yahudi au hae.
Tadulako agama Yahudi mosalaihe Yesu lawi topeguruNa mobagohe i Alo Pengkarooangaa
(Mat. 12:1-8; Luk. 6:1-5)
23Hambela tempo i Alo Pengkarooangaa, Yesu hai topeguruNa moliuhe i halimbo bonde. Tanganda moliu i bonde iti, topeguruNa mokanukihe pare, ranuku hai raande. 24Toparisi au arahe inditi mekune i Yesu, rauli, “Moapari hai topeguruMu moliungihe atura agamanta? Mobagohe i Alo Pengkarooangaa!”
25Nauli Yesu, “Bara pae nibasa i Sura Malelaha apa au nababehi Datu Daudi hangkoia hai ranganahe i temponda marimi? 26I tempona Abyatar mewali Tadulako Mpenomba Mahile, mesuami Daudi i lalu sou penombaa, hai moande roti au rapopenomba i Pue Ala, pane nakira-kiraa worihe rangana. Moula ada agamanta, tadulako mpenomba pea au peisa moande roti iti. Agaiana nauri nodo, babehiana Daudi iti bara rasalai.” 27Hangko inditi, nauli mbuli Yesu, “Pue Ala bara mobabehi Alo Pengkarooangaa bona mopakapari tauna hai atura-atura au mantimi. Agaiana Alo Pengkarooangaa Nababehi Pue Ala bona motulungi tauna. 28Mewali, Iko Ana Manusia, makuasaNa mopakanoto apa au peisa rababehi i Alo Pengkarooangaa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2016