Markus 8
8
Yesu mopaande iba sabuna tauna
(Mat. 15:32-39)
1Bara mahae hangko inditi, ara mbulihe bosa tauna au moteruhu hihimbela hai Yesu. Anti kadana ara paandenda, Yesu mokakiohe topeguruNa, Nauliangaahe, 2“Maahi laluNgku moitahe tauna bosa ide. Talumi alonda inde, barapi ara paandenda. 3Bara turu inaoNgku motuduhe mesule tanganda marimi, laloarahe pae deade i rara. Lawi arahe au karao kamaianda.”
4Rauli topeguruNa, “Hangko iumba ina tahumba paande bona tapopopaandehe, lawi paidaa ide boa?”
5Napekunehe, Nauli, “Hangkia oguna roti au ara irikamu?”
Rahanai, rauli, “Pitu oguna.” 6Hangko inditi, Yesu motudu tauna bosa mohuda i tampo. Naalami roti iti hai mekakae i Pue Ala. Roo indo, Nabise-bisemi hai Naweihe topeguruNa bona rakira-kiraahe tauna bosa. 7Ara wori bahangkia baana ikane koi-koi. Napekakaea wori hai motudu topeguruNa mokira-kira i tauna bosa. 8Maandemohe ope-ope duunda mabuhu. Karoonda maande, topeguruNa morampu pentarana, pitu mani bingkana. 9Kabosanda au maande i tempo iti, kira-kira iba sabuna. Roo indo, Natudumohe Yesu mesule lao i sounda, 10pane Ia hai topeguruNa mesawihe i duanganda lao i tampo Dalmanuta.
Toparisi merapi bona Yesu mobabehi tanda kuasa
(Mat. 16:1-4)
11Bahangkia toParisi hawe i Yesu mekune-kunehe Iria bona mohaokihe kanawoaNa, rauliangaa, “Babehiangkai tanda kuasa bona tongawa irikami kahangko i Pue AlaMu.”
12Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.” 13Roo indo, Napalehimohe hai mesawi i duanga lao ntanda i orupena rano.
Paturonda toParisi hai Datu Herode rapandiri nodo ragi
(Mat. 16:5-12)
14I polumaonda iti, topeguruna Yesu barahe mokatuinao moanti bakunda, batena pea haogu roti au ara i lalu duanganda. 15Yesu mopahawe lolita ide irihira, Nauli, “Maroa-roakau, hai mainga-ingakau i raginda toParisi hai ragina Datu Herode!”#8:15-21 raginda toParisi hai ragina Datu Herode: Lempona: ‘paturonda ba babehianda au kadake’. Peita: Mat. 16:12.
16Agaiana bara raisa lempona lolita iti. Mololitamohe hadua hai hadua, rauli, “Ido hai Nauli nodo, lawi barake moanti roti.”
17-18Agaiana naisari Yesu apa au rapololita topeguruNa, ido hai Nauliangaahe, “Moapa hai mampololitakau kadami moanti roti? Bara pae niisa lempona? Bara pae manoto pekirimi? Bosa belana nihadi paturoNgku, hai bosa belana niita kuasaNgku. Momata hai motalingatokau, agaiana bara niisa apa au niita hai au nihadi. Bara pae nikatuinao 19roti au lima oguna au Kubise-bise mopaandehe tauna au lima sabuna? Hai hangkia bingkana pentarana au nigulu?”
Rahanai topeguruNa, “Hampulo hai rombingka.”
20Napekune mbuli Yesu, “Hai i tempoKu mopaande iba sabuna tauna hai pitu oguna roti, hangkia wori bingkana pentarana au nigulu?”
Rauli, “Pitu bingkana.”
21Nauliangaa mbulihe, “Bara pae niisa tunggaiana au kuuli ide?”
Yesu mopakaoha tobilo i Betsaida
22Hangko inditi, hawemohe i boea Betsaida. Inditi, arahe tauna au moanti hadua tobilo i Yesu. Merapihe bona Natobo. 23Nakingkimi Yesu taiena, hai Nanini lao i raoa boea. Nawalengui matana hai Natobo. Roo indo, Napekune, “Aramoko peisa moita ba apa-apa ide-ide?”
24Tobilo iti metotoki, hai nauli, “Moitamona tauna molumao mogawu-gawu nodo kau.”
25Hangko inditi, Natobo mbuli Yesu matana, hai Natudu metotoki. Maoha mpuumi matana, ido hai maroami petotokina. 26Roo indo, Yesu motudu tauna iti mesule i souna, Nauliangaa, “Mesulemoko i soumu, agaiana ineeko melempo i boea Betsaida.”
Peturu mopangaku kaYesuna Datu Topehompo
(Mat. 16:13-20; Luk. 9:18-21)
27Yesu hai topeguruNahe lao i boea au hungku i wanua Kaisarea Pilipi. I tanga rara, Yesu mekune irihira, Nauli, “Moula pangulinda tauna, ide Iko hemaNa?”
28Rahanai topeguruNa, “Arahe au manguli Yohane Toperiu au tuwo hule. Ara worihe au manguli nabi Elia. Ara worihe au manguli Oio hadua nabi au tuwo hangkoia.”
29Napekune mbulihe, Nauli, “Ane moula pelambiami, ide Iko, hemaNa?”
Nahanai Peturu, “Oiomi Datu Topehompo!”
30Hangko inditi, nauliangaahe Yesu, “Inee hampai niuli-uli i hema pea kahemaNgku.”
Yesu mampololita kaina mateNa
(Mat. 16:21-23; Luk. 9:22)
31Roo indo, napepongkami Yesu mampololita i topeguruNa apa au hangangaa mewali i wataNa, Nauliangaahe, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa, agaiana i alo katalu ina tuwo huleNa.” 32Ope-ope iti Napatongawaamohe. Agaiana Peturu modii Yesu hangko inditi hai nakambaroa. 33Membalilimi Yesu mototoki topeguruNa, hai mampokarumpu Peturu, Nauliangaa, “Peloho Datu Tokadake! Pekirimu iti pekiri manusia, bara pekirina Pue Ala.”
Yesu mampololita rara mewali topeguruNa
(Mat. 16:24-28; Luk. 9:23-27)
34Roo indo, Yesu mokakio tauna bosa mogulu hai topeguruNa, hai Nauliangaahe, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko. 35Hema au mokabaha peundeana haduduana anti peulana Iriko hai Ngkora Marasa, kehapiri rapapate, ia molambi katuwo maroa. Agaiana hema au mampeulai peundeana haduduana bara molambi katuwo maroa. 36Apa bunduna morampu ope-ope peawa i dunia, ane barake molambi katuwo maroa. 37Katuwo maroa iti bara ara intolohina.
38Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”
Currently Selected:
Markus 8: NPY
Highlight
Share
Copy
Want to have your highlights saved across all your devices? Sign up or sign in
@LAI 2016
Markus 8
8
Yesu mopaande iba sabuna tauna
(Mat. 15:32-39)
1Bara mahae hangko inditi, ara mbulihe bosa tauna au moteruhu hihimbela hai Yesu. Anti kadana ara paandenda, Yesu mokakiohe topeguruNa, Nauliangaahe, 2“Maahi laluNgku moitahe tauna bosa ide. Talumi alonda inde, barapi ara paandenda. 3Bara turu inaoNgku motuduhe mesule tanganda marimi, laloarahe pae deade i rara. Lawi arahe au karao kamaianda.”
4Rauli topeguruNa, “Hangko iumba ina tahumba paande bona tapopopaandehe, lawi paidaa ide boa?”
5Napekunehe, Nauli, “Hangkia oguna roti au ara irikamu?”
Rahanai, rauli, “Pitu oguna.” 6Hangko inditi, Yesu motudu tauna bosa mohuda i tampo. Naalami roti iti hai mekakae i Pue Ala. Roo indo, Nabise-bisemi hai Naweihe topeguruNa bona rakira-kiraahe tauna bosa. 7Ara wori bahangkia baana ikane koi-koi. Napekakaea wori hai motudu topeguruNa mokira-kira i tauna bosa. 8Maandemohe ope-ope duunda mabuhu. Karoonda maande, topeguruNa morampu pentarana, pitu mani bingkana. 9Kabosanda au maande i tempo iti, kira-kira iba sabuna. Roo indo, Natudumohe Yesu mesule lao i sounda, 10pane Ia hai topeguruNa mesawihe i duanganda lao i tampo Dalmanuta.
Toparisi merapi bona Yesu mobabehi tanda kuasa
(Mat. 16:1-4)
11Bahangkia toParisi hawe i Yesu mekune-kunehe Iria bona mohaokihe kanawoaNa, rauliangaa, “Babehiangkai tanda kuasa bona tongawa irikami kahangko i Pue AlaMu.”
12Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.” 13Roo indo, Napalehimohe hai mesawi i duanga lao ntanda i orupena rano.
Paturonda toParisi hai Datu Herode rapandiri nodo ragi
(Mat. 16:5-12)
14I polumaonda iti, topeguruna Yesu barahe mokatuinao moanti bakunda, batena pea haogu roti au ara i lalu duanganda. 15Yesu mopahawe lolita ide irihira, Nauli, “Maroa-roakau, hai mainga-ingakau i raginda toParisi hai ragina Datu Herode!”#8:15-21 raginda toParisi hai ragina Datu Herode: Lempona: ‘paturonda ba babehianda au kadake’. Peita: Mat. 16:12.
16Agaiana bara raisa lempona lolita iti. Mololitamohe hadua hai hadua, rauli, “Ido hai Nauli nodo, lawi barake moanti roti.”
17-18Agaiana naisari Yesu apa au rapololita topeguruNa, ido hai Nauliangaahe, “Moapa hai mampololitakau kadami moanti roti? Bara pae niisa lempona? Bara pae manoto pekirimi? Bosa belana nihadi paturoNgku, hai bosa belana niita kuasaNgku. Momata hai motalingatokau, agaiana bara niisa apa au niita hai au nihadi. Bara pae nikatuinao 19roti au lima oguna au Kubise-bise mopaandehe tauna au lima sabuna? Hai hangkia bingkana pentarana au nigulu?”
Rahanai topeguruNa, “Hampulo hai rombingka.”
20Napekune mbuli Yesu, “Hai i tempoKu mopaande iba sabuna tauna hai pitu oguna roti, hangkia wori bingkana pentarana au nigulu?”
Rauli, “Pitu bingkana.”
21Nauliangaa mbulihe, “Bara pae niisa tunggaiana au kuuli ide?”
Yesu mopakaoha tobilo i Betsaida
22Hangko inditi, hawemohe i boea Betsaida. Inditi, arahe tauna au moanti hadua tobilo i Yesu. Merapihe bona Natobo. 23Nakingkimi Yesu taiena, hai Nanini lao i raoa boea. Nawalengui matana hai Natobo. Roo indo, Napekune, “Aramoko peisa moita ba apa-apa ide-ide?”
24Tobilo iti metotoki, hai nauli, “Moitamona tauna molumao mogawu-gawu nodo kau.”
25Hangko inditi, Natobo mbuli Yesu matana, hai Natudu metotoki. Maoha mpuumi matana, ido hai maroami petotokina. 26Roo indo, Yesu motudu tauna iti mesule i souna, Nauliangaa, “Mesulemoko i soumu, agaiana ineeko melempo i boea Betsaida.”
Peturu mopangaku kaYesuna Datu Topehompo
(Mat. 16:13-20; Luk. 9:18-21)
27Yesu hai topeguruNahe lao i boea au hungku i wanua Kaisarea Pilipi. I tanga rara, Yesu mekune irihira, Nauli, “Moula pangulinda tauna, ide Iko hemaNa?”
28Rahanai topeguruNa, “Arahe au manguli Yohane Toperiu au tuwo hule. Ara worihe au manguli nabi Elia. Ara worihe au manguli Oio hadua nabi au tuwo hangkoia.”
29Napekune mbulihe, Nauli, “Ane moula pelambiami, ide Iko, hemaNa?”
Nahanai Peturu, “Oiomi Datu Topehompo!”
30Hangko inditi, nauliangaahe Yesu, “Inee hampai niuli-uli i hema pea kahemaNgku.”
Yesu mampololita kaina mateNa
(Mat. 16:21-23; Luk. 9:22)
31Roo indo, napepongkami Yesu mampololita i topeguruNa apa au hangangaa mewali i wataNa, Nauliangaahe, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa, agaiana i alo katalu ina tuwo huleNa.” 32Ope-ope iti Napatongawaamohe. Agaiana Peturu modii Yesu hangko inditi hai nakambaroa. 33Membalilimi Yesu mototoki topeguruNa, hai mampokarumpu Peturu, Nauliangaa, “Peloho Datu Tokadake! Pekirimu iti pekiri manusia, bara pekirina Pue Ala.”
Yesu mampololita rara mewali topeguruNa
(Mat. 16:24-28; Luk. 9:23-27)
34Roo indo, Yesu mokakio tauna bosa mogulu hai topeguruNa, hai Nauliangaahe, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko. 35Hema au mokabaha peundeana haduduana anti peulana Iriko hai Ngkora Marasa, kehapiri rapapate, ia molambi katuwo maroa. Agaiana hema au mampeulai peundeana haduduana bara molambi katuwo maroa. 36Apa bunduna morampu ope-ope peawa i dunia, ane barake molambi katuwo maroa. 37Katuwo maroa iti bara ara intolohina.
38Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2016