UMOZHIGO 18
18
Atumwa-azuba Shileni Abraham Unu Yɛu-ye-eyi Tumata
1Nazhɛ AGWANGWAMA mama bacɛnganɛ Abraham caakwụ to dongonu ukpekpeshi una Mamre, tu baa jɛjɛ no odubo udulo ubwa tugwuno aka na tu uwaŋna wo vwo. 2Ga Abraham mbiyanɛ, baa kwụbɛ etwenyi atatụ te e shikekeni nu umbe ubwa. Aka na tu baa kwụbɛ aŋ, bɛɛ ishijɛ no odubo udulo ata bee teji aŋ uhwaŋna, bee kwuzeni aŋ.#Ehib 13:2
3Bɛɛ hiɛŋ aŋ, N-nyarɛ mi mi, yaa shɛ iwe mi ihiɛ kwụlanɛ, asha ma hi tabwa, maa kede hi n keshici Gamba ga yɛu-ugondu hiŋ o. 4Lonoo ma maa a sarɛ meni dice maa hi fwoci shivwɛvwɛjɛ shi hiŋ, maa hi to ụhinjanụ nu ucilo ụ'wụ'wụ ga. 5N zhɛ ma hiɛ panɛ iyimɛyɛ dice iwɛ maa hi shaananɛ bu ufwo hwungbɛ, na aba ibɛ nazhɛ hi keshici, iwɛnɛ ta ahiɛ zhaganɛ yɛu-ugondu gɛ hiŋ. Ɛɛ hiɛŋ bụ, Zhaga nda gana ga abɛ jɛmɛ.
6Ga Abraham njɛ kakayɛ bee zhegeni Sara nu udulo, bɛɛ hiɛŋ bụ, Hwata mihiuŋ no omudu atatụ kakayɛ maa fwɛŋ, maa njɛ akara oko na muba.
7Ga Abraham gezhiji bee zhe no ofwo na inɛ ibwɛ sotulonu, bee shepi yɛu buna be eyi bu ko na usunda ubwa ta shɛ imere na kaa nyemi, bee peni yɛu ibwɛ ugondu, baa imanganjɛ bu kakayɛ. 8Bee shepi manɛbɛ ma buna ata, to mosubo mu bwa keeni usunda yɛu buna ata be eyi ebe baa ga imanganjɛ, bee suji iŋ, bee shi nu ukaka wa aba, bee shikeni no ofwo aba nu ucilo ụ'wụ'wụ ata, aa yɛ iyimɛyɛ ɛtɛ.
9Nazhɛ ɛɛ hiɛŋ bụ, Ce ga Sara biyikwo bu namɛɛ?
Bɛɛ hiɛŋ aŋ, Bweye namɛ nu udulo.
10AGWANGWAMA hiɛŋ Abraham, N zhɛ me gwure pụ bụ na aka gana ga nywanywa tilɛɛ, ga Sara biyikwo bu zhɛ ba mata kaa yɛu-ye-eyi. Ga Sara ta kaa shikeni no odubo udulo, ubwa kaa hwụjɛ iwɛ ɛtɛ.#Rom 9:9 11Ga Abraham na Sara kaa inganjɛ, iyi ciyikwo Sara kaa dwawa ya. 12Ga Sara hiɛnjɛ ilɛtu na amɛ na amɛ ubwa, bɛɛ hiɛŋ, Tu Ngaa shɛ idɛwuŋ, bwolo mi kaa du injɛ, ibɛ hŋ Ngɛɛ tɛ zhɛ ma kwụba uwebiye gonu?
13AGWANGWAMA hiɛŋ Abraham, Iwembe po ga Sara hiɛnjɛ ilɛtuu? Bɛɛ hiɛŋ, Iwɛ-tɛkana ga hŋ maa N tɛ zhɛ ma mata yɛu tu Ngaa injɛ? 14I 'yajɛ suu iyi nɛ ngezeni AGWANGWAMA tɛnda? Aka ga Ngee jwe, N zhɛ me gwure pụ bụ, na aka gana ga nywanywa, ga Sara kaa zhɛ ba 'waŋna yɛu-ye-eyi.#Mat 19:26; Luk 1:37
15Ama ga Sara teri ashamanjɛ, bɛɛ hiɛŋ, N hiɛnjɛ shɛ ilɛtu o, iwɛnɛ tu baa njɛ inyɛsɛ. Ama bụtụ ata hiɛŋ, Bɛ hiɛnjɛ kaa ilɛtu.
Ɛ Zhɛ a Nda Sụdụm Ufwu, tu Gụmụra
16Nazhɛ etwenyi ata ishɛjɛ apata, ee peni eshe geri bu Sụdụm, ga Abraham she aŋ. 17Nazhɛ AGWANGWAMA hiɛŋ, N zhɛ suu ma swakana Abraham ijɛ Ngɛɛ zhɛ ma nda? 18Gana na tu udenji Abraham zhɛ wo gombo, wɛɛ zhɛ kaa wa sha atwa na 'yagananɛ ikɛnyi, a na kaa edenji cɛnjɛ cɛnjɛ tu unyizo ga kpaaŋ zhɛ o gwushigo uwebiye tedure nu bwa.#Gala 3:8 19Gamba kaa n teri bu, maa ubwa shɛ bụtụ na zhɛ no sokokono miaụŋ mu bwa keeni atwa ihwɛ ibwɛ a na zhɛ a 'wa bụ ne ekwunyi gana na maa a untangana uhwaŋna wa AGWANGWAMA, maa a na nda iyi tiririri keeni ashɛrɛya na teni cɛŋ tụdụma, iwɛ maa ma pana Abraham iyi nɛ Ngee shileni bu unu ibɛ.
20Nazhɛ AGWANGWAMA hiɛŋ Abraham, Iwɛ-tɛkana n'ungwa mu Sụdụm keeni Gụmụra mi gembi duwa, iwɛwɛ ya aba kaa hwuleji. 21N zhɛ mo zwo apata hwuwayɛ go maa mɛ kwubɛ okwo a nda ga gana na tu n'ungwa ma aba mi n ce, yaa shɛ shɛ gana ata maa ma mapa.
Ga Abraham Njɛ Ilipwɛ iwɛ Sụdụm
22Nazhɛ etwenyi ata jɛshɛrɛjɛ ee beni apata ee hwuri geri bu Sụdụm, ama ga Abraham te shikeni nu umbe wa AGWANGWAMA waa. 23Ga Abraham keeni izhɛ pa AGWANGWAMA, bɛɛ hiɛŋ, Bi zhɛ suu bo lono maa atwa tiririri njɛ ufwu medenji atwa awɛ? 24Nekeshi atwa tiririri dupu zweni ba nu ụshɛpwụ ata, bi zhɛ ba nda waa ụshɛpwụ ata ufwu, abụ zha shɛ ba ganga uŋ iwɛ atwa ata tiririri dupu a na zweni nu bwa hŋ? 25Gɛ iwɛ gɛnɛ ɛtɛ ibu dụlụmanɛ! Okwo bɛjɛmɛ-bụ-ụshɛrɛya bu unyizo ga hwɛɛ, bɛ njɛ shɛ suu te teni cɛŋ nu gana na ti bee shiri iwɛ?
26AGWANGWAMA hiɛŋ bụ, Yaa shɛ Ngaa kwụbɛ atwa tiririri dupu nu ụshɛpwụ ata Sụdụm, asha N zhɛ ma ganga apata hwɛɛ iwɛ aba.
27Ga Abraham jishijɛ bụ, bɛɛ hiɛŋ, Hioko, ne eshe-hwoo bana Ama duma iwɛ na Agwangwama, Gamba na n shɛ upwupwutu keeni ma'alụ. 28Yaa shɛ atwa buhanda-na-atwa-a-ta tubaa? Bi tɛ zhɛ ba nda waa ụshɛpwụ ata ufwu kpaaŋ iwɛ atwa ata buhanda-na-atwa-a-ta hŋ?
AGWANGWAMA jishijɛ bụ, bɛɛ hiɛŋ, Yaa shɛ Ngaa kwụbɛ atwa buhanda-na-atwa-a-ta apata, N zha shɛ ma nda uŋ ufwu o.
29Ga Abraham uranjɛ bụ nu n-ndumwa waa, bɛɛ hiɛŋ, Yaa shɛ atwa buhanda kiri aa kwụbɛ apata tubaa?
Bɛɛ hiɛŋ, N zha shɛ ma nda iŋ o, iwɛ atwa ata buhanda.
30Ga Abraham hiɛŋ, Iyɛri, ta nda isɛbwɛ iwɛnɛ ti Ngɛɛ tɛ zhɛ ma duma iwɛ o. Yaa shɛ tuba atwa talacɛ kiri aa kwụbɛ apataa?
Bɛɛ hiɛŋ, Yaa shɛ Ngaa kwụbɛ atwa talacɛ apata, N zha shɛ ma nda iŋ o.
31Ga Abraham hiɛŋ bụ, Ne eshe-hwoo bana Ama duma n-ndumwa mu ga na Agwangwama. Yaa shɛ tubaa atwa woshi gba aa kwụbɛ apataa?
Bɛɛ hiɛŋ, N zha shɛ ma nda uŋ ufwu iwɛ atwa ata woshi o.
32Nazhɛ ga Abraham hiɛŋ bụ, Iyɛri, ta nda isɛbwɛ iwɛnɛ ti Ngɛɛ tɛ zhɛ ma duma n-ndumwa kpalụ ko gba ya o. Yaa shɛ tuba okwo atwa umpwa gba aa kwụbɛ apataa?
Bɛɛ jishijɛ bụ, bɛɛ hiɛŋ, N zha shɛ ma nda uŋ ufwu iwɛ atwa ata umpwa o.
33Nazhɛ AGWANGWAMA sanɛ gana na ti bee hwuwi n-ndumwa tụdụmanga na Abraham, ga Abraham gwure nu urubwo ubwa.
Currently Selected:
UMOZHIGO 18: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UMOZHIGO 18
18
Atumwa-azuba Shileni Abraham Unu Yɛu-ye-eyi Tumata
1Nazhɛ AGWANGWAMA mama bacɛnganɛ Abraham caakwụ to dongonu ukpekpeshi una Mamre, tu baa jɛjɛ no odubo udulo ubwa tugwuno aka na tu uwaŋna wo vwo. 2Ga Abraham mbiyanɛ, baa kwụbɛ etwenyi atatụ te e shikekeni nu umbe ubwa. Aka na tu baa kwụbɛ aŋ, bɛɛ ishijɛ no odubo udulo ata bee teji aŋ uhwaŋna, bee kwuzeni aŋ.#Ehib 13:2
3Bɛɛ hiɛŋ aŋ, N-nyarɛ mi mi, yaa shɛ iwe mi ihiɛ kwụlanɛ, asha ma hi tabwa, maa kede hi n keshici Gamba ga yɛu-ugondu hiŋ o. 4Lonoo ma maa a sarɛ meni dice maa hi fwoci shivwɛvwɛjɛ shi hiŋ, maa hi to ụhinjanụ nu ucilo ụ'wụ'wụ ga. 5N zhɛ ma hiɛ panɛ iyimɛyɛ dice iwɛ maa hi shaananɛ bu ufwo hwungbɛ, na aba ibɛ nazhɛ hi keshici, iwɛnɛ ta ahiɛ zhaganɛ yɛu-ugondu gɛ hiŋ. Ɛɛ hiɛŋ bụ, Zhaga nda gana ga abɛ jɛmɛ.
6Ga Abraham njɛ kakayɛ bee zhegeni Sara nu udulo, bɛɛ hiɛŋ bụ, Hwata mihiuŋ no omudu atatụ kakayɛ maa fwɛŋ, maa njɛ akara oko na muba.
7Ga Abraham gezhiji bee zhe no ofwo na inɛ ibwɛ sotulonu, bee shepi yɛu buna be eyi bu ko na usunda ubwa ta shɛ imere na kaa nyemi, bee peni yɛu ibwɛ ugondu, baa imanganjɛ bu kakayɛ. 8Bee shepi manɛbɛ ma buna ata, to mosubo mu bwa keeni usunda yɛu buna ata be eyi ebe baa ga imanganjɛ, bee suji iŋ, bee shi nu ukaka wa aba, bee shikeni no ofwo aba nu ucilo ụ'wụ'wụ ata, aa yɛ iyimɛyɛ ɛtɛ.
9Nazhɛ ɛɛ hiɛŋ bụ, Ce ga Sara biyikwo bu namɛɛ?
Bɛɛ hiɛŋ aŋ, Bweye namɛ nu udulo.
10AGWANGWAMA hiɛŋ Abraham, N zhɛ me gwure pụ bụ na aka gana ga nywanywa tilɛɛ, ga Sara biyikwo bu zhɛ ba mata kaa yɛu-ye-eyi. Ga Sara ta kaa shikeni no odubo udulo, ubwa kaa hwụjɛ iwɛ ɛtɛ.#Rom 9:9 11Ga Abraham na Sara kaa inganjɛ, iyi ciyikwo Sara kaa dwawa ya. 12Ga Sara hiɛnjɛ ilɛtu na amɛ na amɛ ubwa, bɛɛ hiɛŋ, Tu Ngaa shɛ idɛwuŋ, bwolo mi kaa du injɛ, ibɛ hŋ Ngɛɛ tɛ zhɛ ma kwụba uwebiye gonu?
13AGWANGWAMA hiɛŋ Abraham, Iwembe po ga Sara hiɛnjɛ ilɛtuu? Bɛɛ hiɛŋ, Iwɛ-tɛkana ga hŋ maa N tɛ zhɛ ma mata yɛu tu Ngaa injɛ? 14I 'yajɛ suu iyi nɛ ngezeni AGWANGWAMA tɛnda? Aka ga Ngee jwe, N zhɛ me gwure pụ bụ, na aka gana ga nywanywa, ga Sara kaa zhɛ ba 'waŋna yɛu-ye-eyi.#Mat 19:26; Luk 1:37
15Ama ga Sara teri ashamanjɛ, bɛɛ hiɛŋ, N hiɛnjɛ shɛ ilɛtu o, iwɛnɛ tu baa njɛ inyɛsɛ. Ama bụtụ ata hiɛŋ, Bɛ hiɛnjɛ kaa ilɛtu.
Ɛ Zhɛ a Nda Sụdụm Ufwu, tu Gụmụra
16Nazhɛ etwenyi ata ishɛjɛ apata, ee peni eshe geri bu Sụdụm, ga Abraham she aŋ. 17Nazhɛ AGWANGWAMA hiɛŋ, N zhɛ suu ma swakana Abraham ijɛ Ngɛɛ zhɛ ma nda? 18Gana na tu udenji Abraham zhɛ wo gombo, wɛɛ zhɛ kaa wa sha atwa na 'yagananɛ ikɛnyi, a na kaa edenji cɛnjɛ cɛnjɛ tu unyizo ga kpaaŋ zhɛ o gwushigo uwebiye tedure nu bwa.#Gala 3:8 19Gamba kaa n teri bu, maa ubwa shɛ bụtụ na zhɛ no sokokono miaụŋ mu bwa keeni atwa ihwɛ ibwɛ a na zhɛ a 'wa bụ ne ekwunyi gana na maa a untangana uhwaŋna wa AGWANGWAMA, maa a na nda iyi tiririri keeni ashɛrɛya na teni cɛŋ tụdụma, iwɛ maa ma pana Abraham iyi nɛ Ngee shileni bu unu ibɛ.
20Nazhɛ AGWANGWAMA hiɛŋ Abraham, Iwɛ-tɛkana n'ungwa mu Sụdụm keeni Gụmụra mi gembi duwa, iwɛwɛ ya aba kaa hwuleji. 21N zhɛ mo zwo apata hwuwayɛ go maa mɛ kwubɛ okwo a nda ga gana na tu n'ungwa ma aba mi n ce, yaa shɛ shɛ gana ata maa ma mapa.
Ga Abraham Njɛ Ilipwɛ iwɛ Sụdụm
22Nazhɛ etwenyi ata jɛshɛrɛjɛ ee beni apata ee hwuri geri bu Sụdụm, ama ga Abraham te shikeni nu umbe wa AGWANGWAMA waa. 23Ga Abraham keeni izhɛ pa AGWANGWAMA, bɛɛ hiɛŋ, Bi zhɛ suu bo lono maa atwa tiririri njɛ ufwu medenji atwa awɛ? 24Nekeshi atwa tiririri dupu zweni ba nu ụshɛpwụ ata, bi zhɛ ba nda waa ụshɛpwụ ata ufwu, abụ zha shɛ ba ganga uŋ iwɛ atwa ata tiririri dupu a na zweni nu bwa hŋ? 25Gɛ iwɛ gɛnɛ ɛtɛ ibu dụlụmanɛ! Okwo bɛjɛmɛ-bụ-ụshɛrɛya bu unyizo ga hwɛɛ, bɛ njɛ shɛ suu te teni cɛŋ nu gana na ti bee shiri iwɛ?
26AGWANGWAMA hiɛŋ bụ, Yaa shɛ Ngaa kwụbɛ atwa tiririri dupu nu ụshɛpwụ ata Sụdụm, asha N zhɛ ma ganga apata hwɛɛ iwɛ aba.
27Ga Abraham jishijɛ bụ, bɛɛ hiɛŋ, Hioko, ne eshe-hwoo bana Ama duma iwɛ na Agwangwama, Gamba na n shɛ upwupwutu keeni ma'alụ. 28Yaa shɛ atwa buhanda-na-atwa-a-ta tubaa? Bi tɛ zhɛ ba nda waa ụshɛpwụ ata ufwu kpaaŋ iwɛ atwa ata buhanda-na-atwa-a-ta hŋ?
AGWANGWAMA jishijɛ bụ, bɛɛ hiɛŋ, Yaa shɛ Ngaa kwụbɛ atwa buhanda-na-atwa-a-ta apata, N zha shɛ ma nda uŋ ufwu o.
29Ga Abraham uranjɛ bụ nu n-ndumwa waa, bɛɛ hiɛŋ, Yaa shɛ atwa buhanda kiri aa kwụbɛ apata tubaa?
Bɛɛ hiɛŋ, N zha shɛ ma nda iŋ o, iwɛ atwa ata buhanda.
30Ga Abraham hiɛŋ, Iyɛri, ta nda isɛbwɛ iwɛnɛ ti Ngɛɛ tɛ zhɛ ma duma iwɛ o. Yaa shɛ tuba atwa talacɛ kiri aa kwụbɛ apataa?
Bɛɛ hiɛŋ, Yaa shɛ Ngaa kwụbɛ atwa talacɛ apata, N zha shɛ ma nda iŋ o.
31Ga Abraham hiɛŋ bụ, Ne eshe-hwoo bana Ama duma n-ndumwa mu ga na Agwangwama. Yaa shɛ tubaa atwa woshi gba aa kwụbɛ apataa?
Bɛɛ hiɛŋ, N zha shɛ ma nda uŋ ufwu iwɛ atwa ata woshi o.
32Nazhɛ ga Abraham hiɛŋ bụ, Iyɛri, ta nda isɛbwɛ iwɛnɛ ti Ngɛɛ tɛ zhɛ ma duma n-ndumwa kpalụ ko gba ya o. Yaa shɛ tuba okwo atwa umpwa gba aa kwụbɛ apataa?
Bɛɛ jishijɛ bụ, bɛɛ hiɛŋ, N zha shɛ ma nda uŋ ufwu iwɛ atwa ata umpwa o.
33Nazhɛ AGWANGWAMA sanɛ gana na ti bee hwuwi n-ndumwa tụdụmanga na Abraham, ga Abraham gwure nu urubwo ubwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008