UMOZHIGO 25
25
Ajalalo Abraham Anya
1Ga Abraham zeni biyikwo bi nya na ɛɛ hiɛŋ izeci ibwɛ gɛ Kɛtura. 2Bee metenji bu Zimra, no Jokshan, ne Midian, ne Ishbak keeni Shua. 3Go Jokshan meci Shiba keeni Dedan. Miaụŋ-me-eyi mu Dedan na: ga Ashurim, ne Letushim keeni Leumim. 4Miaụŋ-me-eyi mi Midian na: ge Efa, ne Efɛ, nɛ Hɛnok, na Abida keeni Eldea. Atwa ga kpaaŋ aba shɛ ajalalo Kɛtura.
5Ga Abraham utegeni Azik iyi ibwɛ ye elele nɛ baa 'yajɛ hwɛɛ. 6Ga Abraham hweŋshi miaụŋ-me-eyi mu na eyikwo bwa magɛgashɛ metenji bu apwaŋ kpaaŋ, nazhɛ bee becinji aŋ no olugwo yɛu ibwɛ ga Azik maa e hwuri zalụ ba cɛnjɛ tu uwaŋna-banụ aka na tu ba ta ya uraiŋ.
Tu'wo ta Abraham
7Tɛzhɛla ta shiywa sha Abraham tɛ shɛ dipi-tɛtu-nu-woshi-na-shɛba-shɛ-ta (175). 8Ga Abraham yɛ urugbo duwa, bɛ injɛ, shiywa shɛ bwa shɛ ulwa, nazhɛ bee 'wi. 9Nazhɛ miaụŋ mu bwa me eyi, ata Azik ne Ishmɛl mi ni bu nụ ụpangwụ Makpila, ni itimɛ yɛu Zoha, na shɛ Bihit. Ụpangwụ ata namɛ zalụ bu uwaŋna-banụ bu Mamre. 10Itimɛ ɛtɛ ga Abraham so la ni i'ɛlɛ ye Ɛhit, apata ee ni Abraham keeni biyikwo bwa ga Sara.#Umoz 23:1-20 11Agwatana peni Azik yɛu ibwɛ uwebiye na aba tu'wo ta Abraham. Ga Azik kaa jɛjɛ ni Bea-lahai-roi.
Ajalalo Ishmɛl Na
12Ajalalo Ishmɛl yɛu-ye-eyi Abraham nɛ ga Haga na shɛ Bijipti bujama Sara bo o metenji Abraham na:
13Nzeci mu miaụŋ-me-eyi mi Ishmɛl gana na ta a mama 'wanụ na tumata na, ɛ hiɛŋ yɛu Ishmɛl ihiiŋ, ge Nebaiot, ne Keda, na Adbiɛl, ne Mibsam; 14ne Mishma, na Duma, na Masa. 15Na Hadad, ne Tema, ne Jetu, na Nafish keeni Kedema. 16Atwa ata aba shɛ miaụŋ mi Ishmɛl me eyi, aba shɛ ehiu alamụ umpwa-na-ba-eyebi. Nzeci ma aba du oo po ashɛpwụ aba keeni orubwo na aa namanjɛ. 17Ge Ishmɛl namɛ shiywa dipi-yebi-nu-talacɛ-na-shɛba-shi-cenje (137) te e meci bu, nazhɛ bee 'wi. 18A jɛjɛ te kwuni nu Hafila i ci Shu, na namɛ zalụ bu uwaŋna-banụ bi Ijipti geri ba Asiria. A mama gɛgajɛ swooŋ na ajalalo Abraham vwɛ.
Tumata ti Isụ keeni Jekob
19Ajalalo Azik yɛu Abraham na: Ga Abraham meci Azik. 20Ga Azik namɛ shiywa buhanda te e meci bu, nazhɛ bee zeni Rebeka, yɛu Bɛtuɛl, Bu'aramia ata bu Mɛsopotemia na shɛ bụngwụfwụ Laban nu Padan-aram.
21Ga Azik tabwa AGWANGWAMA iwɛ Rebeka biyikwo bwa, iwɛnɛ baa shɛ bu'ulo. AGWANGWAMA kaa hwụjɛ tutabwa tu bwa, ge Rebeka le ofubo. 22Miaụŋ ta kaa mu zweni na amɛ Rebeka mu mama sukakanụ, bee zhe bee heŋteni AGWANGWAMA, bɛɛ hiɛŋ, Asha imbe kwuuŋ ma n nda gana gaa? 23AGWANGWAMA jishijɛ bu, bɛɛ hiɛŋ,
Udenji uyebi zweni ni igwune bu tumata,
Atwa ata eyebi zhɛ mama sukakanụ te kwune taa na amɛ bụ.
Udenji uko zhɛ wa 'yaga ukaphiŋ wo hwulo unya.
Bụtụ na shɛ iyɛri zhɛ na ndana yɛu iyi.#Rom 9:12
24Aka na tụ ụjita tumata tu bwa u ci, bee meci ɛdɛngwurɛbɛ, miaụŋ-me-eyi mi yebi. 25Inɛ ɛtɛ i 'waŋ hiiŋ i shɛ ishenje, tu'waba ti ibɛ tɛ shɛ tihiŋzhe kpaaŋ gana tugwuno te tihiŋzhe, ibɛ po oo po iŋ izeci tu ge Isụ.#25:25 Isụ: Egini te Isụ i shɛ, tihiŋzhe. 26Na aba ibɛ nazhɛ inɛ iyebi 'waŋ, yaa untanganɛ ushikwuru Isụ nu u'ala ubwa, ibɛ po oo po inɛ ɛtɛ izeci ti ge Jekob.#25:26 Jekob: Egini te Jekob i shɛ, ushikwuru kwo kaa bu'untanganɛ bu ushikwuru. Shiywa shɛ Azik shɛ namɛ dupu-ne-eshe-umpwa na aka na te meci aŋ.
Ge Isụ Senji Tụ'wụtụ tu Bwa
27Miaụŋ ma ata mu waŋnɛ, ge Isụ shɛ bugwoni ba tijala, na bo shiyono na ambɛ, ge Jekob tuba shɛ bụtụ tusaiiŋ, na ba gɛga ni ihwɛ. 28Ga Azik bo lubo Isụ, iwɛnɛ tu baa nda ukwedeyi usunda ubwa. Ama ge Rebeka tuba bo lubo Jekob. 29Ta aka oko ci, ge Jekob njɛ igbɛjɛgbɛjɛ, ge Isụ tuba jiye ehilo. Imunɛ kaa gwụmɛ bụ tebiye. 30Ge Isụ hiɛŋ Jekob, M munɛ kaa igbɛjɛgbɛjɛ ɛtɛ bu maa ma ya, iwɛnɛ ti imunɛ zhɛ ma n kwụna! (Iwɛbɛ po du aa hiaaŋnanɛ izeci ibwɛ ti ge Idụm).#25:30 Idụm: Egini te Idụm i shɛ, ushenje howuu.
31Ge Jekob hiɛŋ bụ, Asha n sengeni tugwo tụ'wụtụ tụ bụ hiiŋ. 32Ge Isụ hiɛŋ bụ, Hioko, tu'wo bana Ngɛɛ zhɛ o, imbe kwuuŋ tụ'wụtụ ti zhɛ tu ma n ndanaa?
33Ge Jekob hiɛŋ bụ, Asha n teji tugwo tuwa hwuwayɛ go.
Ge Isụ teji bu ga tuwa, bee sengeni Jekob tụ'wụtụ tu bwa.#Ehib 12:16 34Nazhɛ ge Jekob peni bu iyimɛyɛ ɛtɛ igbɛjɛgbɛjɛ baa yɛ, bɛɛ ishijɛ bee hwuri. Gana ge Isụ ngbaracɛ tụ'wụtụ tu bwa cwɛŋ ta.
Currently Selected:
UMOZHIGO 25: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UMOZHIGO 25
25
Ajalalo Abraham Anya
1Ga Abraham zeni biyikwo bi nya na ɛɛ hiɛŋ izeci ibwɛ gɛ Kɛtura. 2Bee metenji bu Zimra, no Jokshan, ne Midian, ne Ishbak keeni Shua. 3Go Jokshan meci Shiba keeni Dedan. Miaụŋ-me-eyi mu Dedan na: ga Ashurim, ne Letushim keeni Leumim. 4Miaụŋ-me-eyi mi Midian na: ge Efa, ne Efɛ, nɛ Hɛnok, na Abida keeni Eldea. Atwa ga kpaaŋ aba shɛ ajalalo Kɛtura.
5Ga Abraham utegeni Azik iyi ibwɛ ye elele nɛ baa 'yajɛ hwɛɛ. 6Ga Abraham hweŋshi miaụŋ-me-eyi mu na eyikwo bwa magɛgashɛ metenji bu apwaŋ kpaaŋ, nazhɛ bee becinji aŋ no olugwo yɛu ibwɛ ga Azik maa e hwuri zalụ ba cɛnjɛ tu uwaŋna-banụ aka na tu ba ta ya uraiŋ.
Tu'wo ta Abraham
7Tɛzhɛla ta shiywa sha Abraham tɛ shɛ dipi-tɛtu-nu-woshi-na-shɛba-shɛ-ta (175). 8Ga Abraham yɛ urugbo duwa, bɛ injɛ, shiywa shɛ bwa shɛ ulwa, nazhɛ bee 'wi. 9Nazhɛ miaụŋ mu bwa me eyi, ata Azik ne Ishmɛl mi ni bu nụ ụpangwụ Makpila, ni itimɛ yɛu Zoha, na shɛ Bihit. Ụpangwụ ata namɛ zalụ bu uwaŋna-banụ bu Mamre. 10Itimɛ ɛtɛ ga Abraham so la ni i'ɛlɛ ye Ɛhit, apata ee ni Abraham keeni biyikwo bwa ga Sara.#Umoz 23:1-20 11Agwatana peni Azik yɛu ibwɛ uwebiye na aba tu'wo ta Abraham. Ga Azik kaa jɛjɛ ni Bea-lahai-roi.
Ajalalo Ishmɛl Na
12Ajalalo Ishmɛl yɛu-ye-eyi Abraham nɛ ga Haga na shɛ Bijipti bujama Sara bo o metenji Abraham na:
13Nzeci mu miaụŋ-me-eyi mi Ishmɛl gana na ta a mama 'wanụ na tumata na, ɛ hiɛŋ yɛu Ishmɛl ihiiŋ, ge Nebaiot, ne Keda, na Adbiɛl, ne Mibsam; 14ne Mishma, na Duma, na Masa. 15Na Hadad, ne Tema, ne Jetu, na Nafish keeni Kedema. 16Atwa ata aba shɛ miaụŋ mi Ishmɛl me eyi, aba shɛ ehiu alamụ umpwa-na-ba-eyebi. Nzeci ma aba du oo po ashɛpwụ aba keeni orubwo na aa namanjɛ. 17Ge Ishmɛl namɛ shiywa dipi-yebi-nu-talacɛ-na-shɛba-shi-cenje (137) te e meci bu, nazhɛ bee 'wi. 18A jɛjɛ te kwuni nu Hafila i ci Shu, na namɛ zalụ bu uwaŋna-banụ bi Ijipti geri ba Asiria. A mama gɛgajɛ swooŋ na ajalalo Abraham vwɛ.
Tumata ti Isụ keeni Jekob
19Ajalalo Azik yɛu Abraham na: Ga Abraham meci Azik. 20Ga Azik namɛ shiywa buhanda te e meci bu, nazhɛ bee zeni Rebeka, yɛu Bɛtuɛl, Bu'aramia ata bu Mɛsopotemia na shɛ bụngwụfwụ Laban nu Padan-aram.
21Ga Azik tabwa AGWANGWAMA iwɛ Rebeka biyikwo bwa, iwɛnɛ baa shɛ bu'ulo. AGWANGWAMA kaa hwụjɛ tutabwa tu bwa, ge Rebeka le ofubo. 22Miaụŋ ta kaa mu zweni na amɛ Rebeka mu mama sukakanụ, bee zhe bee heŋteni AGWANGWAMA, bɛɛ hiɛŋ, Asha imbe kwuuŋ ma n nda gana gaa? 23AGWANGWAMA jishijɛ bu, bɛɛ hiɛŋ,
Udenji uyebi zweni ni igwune bu tumata,
Atwa ata eyebi zhɛ mama sukakanụ te kwune taa na amɛ bụ.
Udenji uko zhɛ wa 'yaga ukaphiŋ wo hwulo unya.
Bụtụ na shɛ iyɛri zhɛ na ndana yɛu iyi.#Rom 9:12
24Aka na tụ ụjita tumata tu bwa u ci, bee meci ɛdɛngwurɛbɛ, miaụŋ-me-eyi mi yebi. 25Inɛ ɛtɛ i 'waŋ hiiŋ i shɛ ishenje, tu'waba ti ibɛ tɛ shɛ tihiŋzhe kpaaŋ gana tugwuno te tihiŋzhe, ibɛ po oo po iŋ izeci tu ge Isụ.#25:25 Isụ: Egini te Isụ i shɛ, tihiŋzhe. 26Na aba ibɛ nazhɛ inɛ iyebi 'waŋ, yaa untanganɛ ushikwuru Isụ nu u'ala ubwa, ibɛ po oo po inɛ ɛtɛ izeci ti ge Jekob.#25:26 Jekob: Egini te Jekob i shɛ, ushikwuru kwo kaa bu'untanganɛ bu ushikwuru. Shiywa shɛ Azik shɛ namɛ dupu-ne-eshe-umpwa na aka na te meci aŋ.
Ge Isụ Senji Tụ'wụtụ tu Bwa
27Miaụŋ ma ata mu waŋnɛ, ge Isụ shɛ bugwoni ba tijala, na bo shiyono na ambɛ, ge Jekob tuba shɛ bụtụ tusaiiŋ, na ba gɛga ni ihwɛ. 28Ga Azik bo lubo Isụ, iwɛnɛ tu baa nda ukwedeyi usunda ubwa. Ama ge Rebeka tuba bo lubo Jekob. 29Ta aka oko ci, ge Jekob njɛ igbɛjɛgbɛjɛ, ge Isụ tuba jiye ehilo. Imunɛ kaa gwụmɛ bụ tebiye. 30Ge Isụ hiɛŋ Jekob, M munɛ kaa igbɛjɛgbɛjɛ ɛtɛ bu maa ma ya, iwɛnɛ ti imunɛ zhɛ ma n kwụna! (Iwɛbɛ po du aa hiaaŋnanɛ izeci ibwɛ ti ge Idụm).#25:30 Idụm: Egini te Idụm i shɛ, ushenje howuu.
31Ge Jekob hiɛŋ bụ, Asha n sengeni tugwo tụ'wụtụ tụ bụ hiiŋ. 32Ge Isụ hiɛŋ bụ, Hioko, tu'wo bana Ngɛɛ zhɛ o, imbe kwuuŋ tụ'wụtụ ti zhɛ tu ma n ndanaa?
33Ge Jekob hiɛŋ bụ, Asha n teji tugwo tuwa hwuwayɛ go.
Ge Isụ teji bu ga tuwa, bee sengeni Jekob tụ'wụtụ tu bwa.#Ehib 12:16 34Nazhɛ ge Jekob peni bu iyimɛyɛ ɛtɛ igbɛjɛgbɛjɛ baa yɛ, bɛɛ ishijɛ bee hwuri. Gana ge Isụ ngbaracɛ tụ'wụtụ tu bwa cwɛŋ ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008