UMOZHIGO 38
38
Unabarɛ Juda na Tama
1Na aka ata go Juda genji miaụŋ-mo-bino bwa, bee zhegeni bụtụ bu ko na ɛɛ hiɛŋ izeci ibwɛ ge Hira, na namɛ nụ ụshɛpwụ uko ɛɛ hiɛŋ izeci bwa Adulam. 2Go Juda kwụbɛ yɛu-yo-o Bikenan ike nɛ ɛɛ hiɛŋ izeci bishi ibɛ go Shua, bee zeni iŋ, bee weci nu bwa. 3Bee le ofubo, bee meci yɛu-ye-eyi, boo po iŋ izeci ti gɛ Ɛɛ. 4Bee leeneni ofubo anya, bee meci yɛu-ye-eyi, boo po iŋ izeci ti go Onan. 5Bee meteneni waa yɛu-ye-eyi inyɛ, boo po iŋ izeci ti gɛ Shɛla. Ni Kizib aa namɛ na aka na ti bee meci bu.
6Go Juda zenenji Ɛɛ yɛu ibwɛ ihiiŋ biyikwo na ɛɛ hiɛŋ izeci ibwɛ ga Tama. 7Ama gɛ Ɛɛ yɛu ɛtɛ Juda ihiiŋ i shɛ yɛu tugworozwo ne eshe AGWANGWAMA, ibɛ po AGWANGWAMA kwụnɛ bụ.
8Nazhɛ go Juda hiɛŋ Onan, Zhaga 'wa biyikwo batagwụ bụ, maa zeni bu tɛzhaada maa metenji batagwụ bụ miaụŋ. 9Ama gana na tu go Onan mepi maa miaụŋ ma ata mu zha shɛ ma sha hwuŋ mu na bwa o, ibɛ po baa 'waŋ ijɛ ɛtɛ na cɛnjɛ aka elele na ti bee weci ne biyikwo batagwụ bwa, maa kede matanga batagwụ bwa miaụŋ o. 10Ijɛ ɛtɛ kaa baa njɛ kwụlanɛ shɛ AGWANGWAMA o, ibɛ po baa kwụnɛ bụ du.
11Nazhɛ go Juda hiɛŋ utashɛ ubwa ga Tama, zhaga gɛga ni ihwɛ bishi bu uuwa i ci aka na gɛ Shɛla yɛu mi ye eyi waŋnɛ. Iwɛnɛ tu baa nda inyɛsɛ maa bo 'wo du gana atagwụ ubwa. Ga Tama sanɛ baa jɛjɛ ga ni ihwɛ bishi bwa.
12Ti yee ilegeji, ibɛ biyikwo Juda na shɛ yɛu Shua 'wi. Aka na go Juda hwuwi ululo ubwa tɛnda, bee zhe Timna no ofwo atwa na a hwaga tihiŋzhe ta agwụdụ ubwa abana ne biyejilo ubwa ge Hira bụtụ ata bu Adulam.
13Aka na te e mbishi Tama maa bishi-bwolo bu zhɛ Timna maa hwaga tihiŋzhe ta agwụdụ ubwa. 14Ibɛ po biyikwo ata ushiji tugwuno tu bwa tu ululo tɛnda, bee meme urigeni owowo, baa jɛjɛ no odubo ụshɛpwụ ata ɛɛ hiɛŋ, Ɛnaim na namɛ nu uhwaŋna ata zhɛ Timna. Iwɛnɛ po bụ kwụbɛ maa gɛ Shɛla waŋnɛ, e peni shi bu kaa maa zana bu o.
15Aka na tu go Juda kwụbɛ bụ, bee heŋshi maa okwo buwɛle bu ko feye, iwɛnɛ te biyikwo ata urigeni ụpɛshɛka ubwa. 16Go Juda vwụrɛ pu bwa nu ụzalụ uhwaŋna ata, bɛɛ hiɛŋ bụ, Zhajɛ, maa Mo woto na bụ, iwɛnɛ po bi mepi shi maa utashɛ ubwa ta o. Biyikwo ata hiɛŋ bụ, Imbe ɛbi zhɛ bu ma m pana maa woto ne mii?
17Go Juda jishijɛ bụ, bɛɛ hiɛŋ, N zhɛ ma bụ tumwananɛ yɛu biywoywo bu ko na amɛ iyimabiga mi.
Biyikwo ata jishijɛ bụ, bɛɛ hiɛŋ, Asha bi zhɛ bu ma m pana tugwo iyi ike ufwafwa uuwa i ci aka na abụ tumwanɛ hwuŋ biywoywo ata.
18Go Juda hiɛŋ bụ, Imbe shɛ iyi ufwafwa nɛ Ngɛɛ zhɛ ma bụ panaa?
Biyikwo ata jishijɛ bụ, bɛɛ hiɛŋ, Bukanɛ bụ, na bukwambɛ bụ keeni bukwuto ata abụ 'waŋnɛ. Go Juda peni bu iŋ ga, nazhɛ bee weci nu bwa, ibɛ biyikwo ata le ofubo nu bwa. 19Nazhɛ ga Tama ji ni ihwɛ ibwɛ, bee ushiji owowo ata, bee urigeni sasana tugwuno tu bwa tu ululo.
20Aka na tu go Juda tumwanɛ yɛu biywoywo ata tedure ne biyejilo bwa ge Hira na shɛ bụtụ bu Adulam, maa lɛshijɛ ya iyi ufwafwa ebe ni i'ɛlɛ biyikwo ata, ama bụ kwụbɛ shɛ ya biyikwo ata o. 21Ge Hira heŋteni etwenyi ụshɛpwụ ata, bɛɛ hiɛŋ, Ce buwɛle ata bu Ɛnaim na ba gɛga nu ụzalụ uhwaŋna namɛɛ?
Ɛɛ jishijɛ bụ, ɛɛ hiɛŋ, Buwɛle be elele zasaba epe o.
22Ge Hira gwuri no ofwo Juda, bɛɛ hiɛŋ bụ, N kwụbɛ shɛ bu o, etwenyi ofwo ata du kaa hiɛŋ, Buwɛle be elele zasaba apata o.
23Go Juda jishijɛ, bɛɛ hiɛŋ, Go sugo iŋ maa 'yaga ya, iwɛ maa ezuye ma tɛ sha. Kwụba, N tumwanɛ yɛu biywoywo ga, bụ kwụbɛ shɛ bụ kaa o.
24Yaa namɛ gana ipiɛnɛ itɛtu, ee mbishi Juda maa utashɛ bụ ga Tama njɛ tuwɛle, harɛ bee le ofubo. Go Juda hiɛŋ, Bɛcinjɛ bu ma maa e hwozhinji bu.
25Gana na tɛ ɛ bɛcinjɛ biyikwo ata, baa tumwanɛ bishi-bwolo bwa, bɛɛ hiɛŋ bụ, Butubwenyi na 'yajɛ i'wɛŋnɛ gɛ, ubwa Ngee le ofubo nu bwa. Ibɛ po biyikwo ata hiɛŋ bụ, Ma bu tabwa maa jɛmɛ bụtụ na 'yajɛ bukanɛ ga, na bukwambɛ ga keeni bukwuto ga.
26Nazhɛ go Juda mepi iŋ, bɛɛ hiɛŋ, Biyikwo ga shɛ bụtụ bi tiririri bee n hwuri, iwɛnɛ ti Ngee peni shi bu yɛu mi ye eyi gɛ Shɛla maa zana bụ. Ama go Juda tuba weci shi ya nu bwa kwukwuŋ o.
27Aka na ta aka tumata tu bwa ci, mashaka ɛdɛngwurɛbɛ aba zweni na amɛ ubwa. 28Aka na to tulumongwu ta nda bụ, yɛu ike bɛcinjɛ u'ala ibɛ. Nazhɛ biyikwo na bo mbiyono biyikwo tumata umpi uhwohwo ushenje nu u'ala ibɛ, bɛɛ hiɛŋ, Inɛ gɛ ibɛ banɛ hiiŋ. 29Ama gana na ti bee gwuricinji u'ala ibɛ, nazhɛ yɛu-bino bwa banɛ, bɛɛ hiɛŋ, Gana na ebi gwushije ohwolu abụ banɛɛ? Iwɛbɛ po boo po iŋ izeci ti gɛ Pɛrɛz.#38:29 Pɛrɛz: Egini tɛ Pɛrɛz i shɛ, onungwu tubwajɛ. 30Na aba ibɛ nazhɛ buhongwu bwa 'waŋ, tu uhwohwo ata ushenje te umpi nu u'ala ibɛ, ibɛ boo po iŋ izeci ti ge Zera.
Currently Selected:
UMOZHIGO 38: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UMOZHIGO 38
38
Unabarɛ Juda na Tama
1Na aka ata go Juda genji miaụŋ-mo-bino bwa, bee zhegeni bụtụ bu ko na ɛɛ hiɛŋ izeci ibwɛ ge Hira, na namɛ nụ ụshɛpwụ uko ɛɛ hiɛŋ izeci bwa Adulam. 2Go Juda kwụbɛ yɛu-yo-o Bikenan ike nɛ ɛɛ hiɛŋ izeci bishi ibɛ go Shua, bee zeni iŋ, bee weci nu bwa. 3Bee le ofubo, bee meci yɛu-ye-eyi, boo po iŋ izeci ti gɛ Ɛɛ. 4Bee leeneni ofubo anya, bee meci yɛu-ye-eyi, boo po iŋ izeci ti go Onan. 5Bee meteneni waa yɛu-ye-eyi inyɛ, boo po iŋ izeci ti gɛ Shɛla. Ni Kizib aa namɛ na aka na ti bee meci bu.
6Go Juda zenenji Ɛɛ yɛu ibwɛ ihiiŋ biyikwo na ɛɛ hiɛŋ izeci ibwɛ ga Tama. 7Ama gɛ Ɛɛ yɛu ɛtɛ Juda ihiiŋ i shɛ yɛu tugworozwo ne eshe AGWANGWAMA, ibɛ po AGWANGWAMA kwụnɛ bụ.
8Nazhɛ go Juda hiɛŋ Onan, Zhaga 'wa biyikwo batagwụ bụ, maa zeni bu tɛzhaada maa metenji batagwụ bụ miaụŋ. 9Ama gana na tu go Onan mepi maa miaụŋ ma ata mu zha shɛ ma sha hwuŋ mu na bwa o, ibɛ po baa 'waŋ ijɛ ɛtɛ na cɛnjɛ aka elele na ti bee weci ne biyikwo batagwụ bwa, maa kede matanga batagwụ bwa miaụŋ o. 10Ijɛ ɛtɛ kaa baa njɛ kwụlanɛ shɛ AGWANGWAMA o, ibɛ po baa kwụnɛ bụ du.
11Nazhɛ go Juda hiɛŋ utashɛ ubwa ga Tama, zhaga gɛga ni ihwɛ bishi bu uuwa i ci aka na gɛ Shɛla yɛu mi ye eyi waŋnɛ. Iwɛnɛ tu baa nda inyɛsɛ maa bo 'wo du gana atagwụ ubwa. Ga Tama sanɛ baa jɛjɛ ga ni ihwɛ bishi bwa.
12Ti yee ilegeji, ibɛ biyikwo Juda na shɛ yɛu Shua 'wi. Aka na go Juda hwuwi ululo ubwa tɛnda, bee zhe Timna no ofwo atwa na a hwaga tihiŋzhe ta agwụdụ ubwa abana ne biyejilo ubwa ge Hira bụtụ ata bu Adulam.
13Aka na te e mbishi Tama maa bishi-bwolo bu zhɛ Timna maa hwaga tihiŋzhe ta agwụdụ ubwa. 14Ibɛ po biyikwo ata ushiji tugwuno tu bwa tu ululo tɛnda, bee meme urigeni owowo, baa jɛjɛ no odubo ụshɛpwụ ata ɛɛ hiɛŋ, Ɛnaim na namɛ nu uhwaŋna ata zhɛ Timna. Iwɛnɛ po bụ kwụbɛ maa gɛ Shɛla waŋnɛ, e peni shi bu kaa maa zana bu o.
15Aka na tu go Juda kwụbɛ bụ, bee heŋshi maa okwo buwɛle bu ko feye, iwɛnɛ te biyikwo ata urigeni ụpɛshɛka ubwa. 16Go Juda vwụrɛ pu bwa nu ụzalụ uhwaŋna ata, bɛɛ hiɛŋ bụ, Zhajɛ, maa Mo woto na bụ, iwɛnɛ po bi mepi shi maa utashɛ ubwa ta o. Biyikwo ata hiɛŋ bụ, Imbe ɛbi zhɛ bu ma m pana maa woto ne mii?
17Go Juda jishijɛ bụ, bɛɛ hiɛŋ, N zhɛ ma bụ tumwananɛ yɛu biywoywo bu ko na amɛ iyimabiga mi.
Biyikwo ata jishijɛ bụ, bɛɛ hiɛŋ, Asha bi zhɛ bu ma m pana tugwo iyi ike ufwafwa uuwa i ci aka na abụ tumwanɛ hwuŋ biywoywo ata.
18Go Juda hiɛŋ bụ, Imbe shɛ iyi ufwafwa nɛ Ngɛɛ zhɛ ma bụ panaa?
Biyikwo ata jishijɛ bụ, bɛɛ hiɛŋ, Bukanɛ bụ, na bukwambɛ bụ keeni bukwuto ata abụ 'waŋnɛ. Go Juda peni bu iŋ ga, nazhɛ bee weci nu bwa, ibɛ biyikwo ata le ofubo nu bwa. 19Nazhɛ ga Tama ji ni ihwɛ ibwɛ, bee ushiji owowo ata, bee urigeni sasana tugwuno tu bwa tu ululo.
20Aka na tu go Juda tumwanɛ yɛu biywoywo ata tedure ne biyejilo bwa ge Hira na shɛ bụtụ bu Adulam, maa lɛshijɛ ya iyi ufwafwa ebe ni i'ɛlɛ biyikwo ata, ama bụ kwụbɛ shɛ ya biyikwo ata o. 21Ge Hira heŋteni etwenyi ụshɛpwụ ata, bɛɛ hiɛŋ, Ce buwɛle ata bu Ɛnaim na ba gɛga nu ụzalụ uhwaŋna namɛɛ?
Ɛɛ jishijɛ bụ, ɛɛ hiɛŋ, Buwɛle be elele zasaba epe o.
22Ge Hira gwuri no ofwo Juda, bɛɛ hiɛŋ bụ, N kwụbɛ shɛ bu o, etwenyi ofwo ata du kaa hiɛŋ, Buwɛle be elele zasaba apata o.
23Go Juda jishijɛ, bɛɛ hiɛŋ, Go sugo iŋ maa 'yaga ya, iwɛ maa ezuye ma tɛ sha. Kwụba, N tumwanɛ yɛu biywoywo ga, bụ kwụbɛ shɛ bụ kaa o.
24Yaa namɛ gana ipiɛnɛ itɛtu, ee mbishi Juda maa utashɛ bụ ga Tama njɛ tuwɛle, harɛ bee le ofubo. Go Juda hiɛŋ, Bɛcinjɛ bu ma maa e hwozhinji bu.
25Gana na tɛ ɛ bɛcinjɛ biyikwo ata, baa tumwanɛ bishi-bwolo bwa, bɛɛ hiɛŋ bụ, Butubwenyi na 'yajɛ i'wɛŋnɛ gɛ, ubwa Ngee le ofubo nu bwa. Ibɛ po biyikwo ata hiɛŋ bụ, Ma bu tabwa maa jɛmɛ bụtụ na 'yajɛ bukanɛ ga, na bukwambɛ ga keeni bukwuto ga.
26Nazhɛ go Juda mepi iŋ, bɛɛ hiɛŋ, Biyikwo ga shɛ bụtụ bi tiririri bee n hwuri, iwɛnɛ ti Ngee peni shi bu yɛu mi ye eyi gɛ Shɛla maa zana bụ. Ama go Juda tuba weci shi ya nu bwa kwukwuŋ o.
27Aka na ta aka tumata tu bwa ci, mashaka ɛdɛngwurɛbɛ aba zweni na amɛ ubwa. 28Aka na to tulumongwu ta nda bụ, yɛu ike bɛcinjɛ u'ala ibɛ. Nazhɛ biyikwo na bo mbiyono biyikwo tumata umpi uhwohwo ushenje nu u'ala ibɛ, bɛɛ hiɛŋ, Inɛ gɛ ibɛ banɛ hiiŋ. 29Ama gana na ti bee gwuricinji u'ala ibɛ, nazhɛ yɛu-bino bwa banɛ, bɛɛ hiɛŋ, Gana na ebi gwushije ohwolu abụ banɛɛ? Iwɛbɛ po boo po iŋ izeci ti gɛ Pɛrɛz.#38:29 Pɛrɛz: Egini tɛ Pɛrɛz i shɛ, onungwu tubwajɛ. 30Na aba ibɛ nazhɛ buhongwu bwa 'waŋ, tu uhwohwo ata ushenje te umpi nu u'ala ibɛ, ibɛ boo po iŋ izeci ti ge Zera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008