UMOZHIGO 44
44
Ti'inta tu Josɛf maa Gɛgɛcɛnga Bɛnjamin
1Go Josɛf peni uhiu ihwɛ ibwɛ unu, bɛɛ hiɛŋ, Shidongo iyimɛyɛ na azhɛka etwenyi ata te gembenji gana na ee eri a 'waŋna, maa shiyeni ukwuribi bụtụ bụtụ nụ ụzhɛka ubwa. 2Shiyono hwayɛ ukwopi mu wa azụrụfa nụ ụzhɛka buhongwu ata ba aba bu umɛwɛɛ, medenji ukwuribi iyimɛyɛ ibwɛ. Baa njɛ ga gana na go Josɛf peni bu unu.
3Gunu na ti iyi suji fwoo nu uvwungwa, ee genji etwenyi ata ee hwuri nu nzhinyacɛ ma aba. 4Aka na te e beni nu ụshɛpwụ ata, e te zhe shi taa dụlụ o, go Josɛf hiɛŋ uhiu ihwɛ ibwɛ, Ishijɛ maa 'wa etwenyi ga. Aka na ebu vwuteni aŋ hwayɛ, hiɛŋ aŋ, Imbe po ahiɛ tụpanɛ iyi iwɛ iwɛ iyi ibiyee? Imbe po ehi zunje ukwopi wa azụrụfa agwuma-ihwɛ mii?#44:4 Imbe po ehi zunje ukwopi wa azụrụfa agwuma-ihwɛ mii? N-ndumwa ma ata mu zaba natɛjɛshɛrɛga ta abayiburu oko 5Shɛ nu bwa suu agwuma-ihwɛ mi a swa meni? Shɛ nu bwa suu boo hioko uhwaŋna? Iyi nɛ ahiɛ njɛ 'wanjɛ tebiye.
6Aka na ti yɛu ɛtɛ ugondu vwuteni aŋ ga, bee mbishi aŋ n-ndumwa ma ata hwɛɛ.
7Ɛɛ hiɛŋ bụ, Iyɛri, iwembe po aba duma n-ndumwa mu gana gaa? Ajama ga bụ shɛ shɛ atwa na eri a nda iyi gɛnɛ go kwukwuŋ! 8Hioko, ukwuribi na otu to la ugbe na azhɛka tu, tu banɛ taa na cɛnjɛ ti Kenan etu bu gwuricingeni uŋ, gana na ya ɛti zhɛ te zunje azụrụfa kwo kaa azhɛnarɛya nu umwono wa agwuma-ihwɛ bụụ? 9Iyɛri, bụtụ be elele na oo to uŋ hwayɛ ugbe na ashashɛ ajama ga bụ, asha ubwa zhɛ bo 'wo, ti zhɛ du kaa ta sha ajama bụ.
10Bɛɛ hiɛŋ, Ga i shɛ gana go ahiɛ jɛmɛ, maa bụtụ na oo to uŋ hwayɛ ugbe no olugwo ubwa, asha ubwa zhɛ ba sha bujama mi, ahiɛba atwa vwɛ hi zhɛ hio jiyo.
11Nazhɛ bụtụ bụtụ shishijɛ i'wɛŋnɛ ibwɛ kakayɛ, ee kepeshenji azhɛka aba. 12Bee dwelekeci pece pece, te kwuni no olugwo iyɛri ya aba, baa kwunanjɛ no ofwo yɛu, boo to ukwopi ata ugbe nụ ụzhɛka Bɛnjamin. 13Nazhɛ ee dwetweji tugwuno ta aba,#44:13 ee dwetweji tugwuno ta aba: Zhaga kwụba ti'eshicigono tu 37:34. bụtụ bụtụ peteni izhinyɛci ibwɛ i'wɛŋnɛ, ee gwuri nụ ụshɛpwụ ata.
14Aka na go Juda na miaụŋ-mo-ono bwa zhajɛ nu umwono Josɛf, yaa shɛ bu ta namba waa apata, aa 'waŋ na cɛnjɛ ee kwuzenji na agba ubwa. 15Go Josɛf hiɛŋ aŋ, Imbe nɛ kwuuŋ ahiɛ njɛɛ? Hi mepi shi suu maa bụtụ bu gana ga Ngaa shɛ, N eri mo hioko uhwaŋna?
16Nazhɛ go Juda hiɛŋ bụ, Iyɛri, imbe kwuuŋ ɛti zhɛ tɛ hiɛɛŋ? Imbe kwuuŋ ɛti zhɛ ta dumaa? Gana na eti eri tu mama lashagaa? Agwatana towo tụwụma ta ajama ga bụ ugbe. Hioko, Iyɛri, tɛ shɛ ajama bụ, ta atuba, ta bụtụ na oo to ukwopi ugbe ni i'ɛlɛ ibwɛ.
17Go Josɛf hiɛŋ aŋ, N eri shi ma nda gana ata kwukwuŋ! Semi bụtụ ata oo to ukwopi ugbe ni i'ɛlɛ ibwɛ kiri zhɛ ba sha bujama mi, ama yaa shɛ inee hiŋ, zhaga hwulo ma ujiyo pe bishi hiŋ na amɛ-olom.
Go Juda Njɛ Orogwu iwɛ Bɛnjamin
18Nazhɛ go Juda munji no ofwo Josɛf, bɛɛ hiɛŋ bụ, Oo iyɛri, lono maa ma bu tabwa, Gamba bujama ga bụ, maa mo mbiso iyɛri mi n-ndumwa mu tuswɛɛ. Iyɛri mi, ta nda du kaa isɛbwɛ na bujama ga bụ o. Iwɛnɛ po gabụ bɛ shɛ gana Faro ni ikɛnyi ibwɛ. 19Iyɛri, gabụ la bu unseni miaụŋ-mu-ugondu ga bụ, ɛbi hiɛŋ, Hi ta 'yajɛ suu bishi kwo kaa yɛu-bino inyɛ? 20Ibɛ po ɛti hiɛŋ iyɛri mi, Iiŋ tu ta 'yajɛ bishi na shɛ iyɛri keeni buhongwu tu bu umɛwɛɛ, yɛu nɛ bee meci na ti'inga tu bwa. Batagwụ bwa kaa uwo, bwooko kiri vwɛ na amɛ bino ba aba, bishi bwa kaa bo lubo bu duwa duwa. 21Nazhɛ ɛbi hiɛŋ miaụŋ-mu-ugondu ga bụ maa, N zarɛganɛ bu ma, maa eshe mi twa nu bwa. 22Ɛti bi hiɛŋ, Yɛu ɛtɛ tidice eri shi yɛ gɛnjɛ bishi bwa o, yaa shɛ bɛ gɛnjɛ bụ, asha bishi ata bwa zhɛ bo 'wo. 23Nazhɛ ɛbi hiɛŋ miaụŋ-mu-ugondu ga bụ, Yaa shɛ buhongwu ata hiŋ bu umɛwɛɛ zhagajɛ shɛ ne hiŋ, asha hi zha shɛ hia kwụba hwuŋ eshe mi o. 24Aka na eti gwuri no ofwo yɛu ɛtɛ bụ ugondu, na shɛ bishi tu, eti mbishi bu n-ndumwa ma ata ebi ti mbishi la. 25Aka na te bishi tu hiɛŋ, Zhaga ma sasana, sɛ ma iyimɛyɛ dice. 26Ɛti hiɛŋ bụ, Ti eri shi ta zha o. Yaa shɛ buhongwu tu zhagajɛ no tu nazhɛ ɛti zhɛ ta zha. Iwɛnɛ po ti eri shi ta twa hwuŋ eshe na bụtụ ata, to buhongwu tu zhagajɛ shɛ no tu o. 27Nazhɛ yɛu ɛtɛ bụ ugondu, na shɛ bishi tu iti hiɛŋ, Hi mepi maa miaụŋ mi yebi gba biyikwo mi ge Rechɛl meci ne mi. 28Ike hwulwo la yee n genji, Ngɛɛ hiɛŋ, Iwɛ-tɛkana usunda uko ụwɛ onsotongwo bu feye wuŋzu wuŋzu. Te kwuni na aka ata N kwụbɛ shɛ bụ ya kwukwuŋ o. 29Yaa shɛ ebi leshigeneni inɛ gɛ no olugwo mi, iyi iwɛ vwuteni bu, asha hi zhɛ hio tocingo tuhwaŋla ti mi nu u'uye na amɛ-tụhaŋtụ, na ti'inga ti mi. 30Iwɛ inɛ ɛtɛ, aka na Ngee ci bishi mi hwuwayɛ go, baa kwụbɛ shɛ ti yɛu gɛ zhagajɛ no tu, gana na tu uraiŋ ubwa umpi nu una yɛu gɛ, asha bi zhɛ bo 'wo. 31Asha miaụŋ-mu-ugondu ga bụ, aba kwụnɛ bishi ba aba na amɛ-tụhaŋtụ na ti'inga tu bwa. 32Gamba yɛu gɛ bu ugondu kaa n lɛshijɛ la yɛu gɛ i'ɛlɛ no ofwo bishi mi, Ngɛɛ hiɛŋ bụ, Yaa shɛ Ngee bu gwuricingeni shi bu, asha Gamba n zhɛ ma 'waŋna tijama tu bwa tutu tu'wo ti mi. 33Iyɛri mi, ma bu tabwa hwuwayɛ go Gamba yɛu gɛ bu ugondu, maa ma vwa yibwa tụlụkpashɛ ti yɛu gɛ tidice, maa ma sha bujama bụ. Lono yibwa maa yɛu gɛ tidice gwuri na atagwụ ubwa kaa. 34Iwɛnɛ po gana na Ngee eri mo gwulo pe bishi mi ti yɛu gɛ zhagajɛ shɛ no tuu? Ma nda inyɛsɛ iwɛ iyi iwɛ nɛ zhɛ yo vwutono bishi mi.
Currently Selected:
UMOZHIGO 44: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UMOZHIGO 44
44
Ti'inta tu Josɛf maa Gɛgɛcɛnga Bɛnjamin
1Go Josɛf peni uhiu ihwɛ ibwɛ unu, bɛɛ hiɛŋ, Shidongo iyimɛyɛ na azhɛka etwenyi ata te gembenji gana na ee eri a 'waŋna, maa shiyeni ukwuribi bụtụ bụtụ nụ ụzhɛka ubwa. 2Shiyono hwayɛ ukwopi mu wa azụrụfa nụ ụzhɛka buhongwu ata ba aba bu umɛwɛɛ, medenji ukwuribi iyimɛyɛ ibwɛ. Baa njɛ ga gana na go Josɛf peni bu unu.
3Gunu na ti iyi suji fwoo nu uvwungwa, ee genji etwenyi ata ee hwuri nu nzhinyacɛ ma aba. 4Aka na te e beni nu ụshɛpwụ ata, e te zhe shi taa dụlụ o, go Josɛf hiɛŋ uhiu ihwɛ ibwɛ, Ishijɛ maa 'wa etwenyi ga. Aka na ebu vwuteni aŋ hwayɛ, hiɛŋ aŋ, Imbe po ahiɛ tụpanɛ iyi iwɛ iwɛ iyi ibiyee? Imbe po ehi zunje ukwopi wa azụrụfa agwuma-ihwɛ mii?#44:4 Imbe po ehi zunje ukwopi wa azụrụfa agwuma-ihwɛ mii? N-ndumwa ma ata mu zaba natɛjɛshɛrɛga ta abayiburu oko 5Shɛ nu bwa suu agwuma-ihwɛ mi a swa meni? Shɛ nu bwa suu boo hioko uhwaŋna? Iyi nɛ ahiɛ njɛ 'wanjɛ tebiye.
6Aka na ti yɛu ɛtɛ ugondu vwuteni aŋ ga, bee mbishi aŋ n-ndumwa ma ata hwɛɛ.
7Ɛɛ hiɛŋ bụ, Iyɛri, iwembe po aba duma n-ndumwa mu gana gaa? Ajama ga bụ shɛ shɛ atwa na eri a nda iyi gɛnɛ go kwukwuŋ! 8Hioko, ukwuribi na otu to la ugbe na azhɛka tu, tu banɛ taa na cɛnjɛ ti Kenan etu bu gwuricingeni uŋ, gana na ya ɛti zhɛ te zunje azụrụfa kwo kaa azhɛnarɛya nu umwono wa agwuma-ihwɛ bụụ? 9Iyɛri, bụtụ be elele na oo to uŋ hwayɛ ugbe na ashashɛ ajama ga bụ, asha ubwa zhɛ bo 'wo, ti zhɛ du kaa ta sha ajama bụ.
10Bɛɛ hiɛŋ, Ga i shɛ gana go ahiɛ jɛmɛ, maa bụtụ na oo to uŋ hwayɛ ugbe no olugwo ubwa, asha ubwa zhɛ ba sha bujama mi, ahiɛba atwa vwɛ hi zhɛ hio jiyo.
11Nazhɛ bụtụ bụtụ shishijɛ i'wɛŋnɛ ibwɛ kakayɛ, ee kepeshenji azhɛka aba. 12Bee dwelekeci pece pece, te kwuni no olugwo iyɛri ya aba, baa kwunanjɛ no ofwo yɛu, boo to ukwopi ata ugbe nụ ụzhɛka Bɛnjamin. 13Nazhɛ ee dwetweji tugwuno ta aba,#44:13 ee dwetweji tugwuno ta aba: Zhaga kwụba ti'eshicigono tu 37:34. bụtụ bụtụ peteni izhinyɛci ibwɛ i'wɛŋnɛ, ee gwuri nụ ụshɛpwụ ata.
14Aka na go Juda na miaụŋ-mo-ono bwa zhajɛ nu umwono Josɛf, yaa shɛ bu ta namba waa apata, aa 'waŋ na cɛnjɛ ee kwuzenji na agba ubwa. 15Go Josɛf hiɛŋ aŋ, Imbe nɛ kwuuŋ ahiɛ njɛɛ? Hi mepi shi suu maa bụtụ bu gana ga Ngaa shɛ, N eri mo hioko uhwaŋna?
16Nazhɛ go Juda hiɛŋ bụ, Iyɛri, imbe kwuuŋ ɛti zhɛ tɛ hiɛɛŋ? Imbe kwuuŋ ɛti zhɛ ta dumaa? Gana na eti eri tu mama lashagaa? Agwatana towo tụwụma ta ajama ga bụ ugbe. Hioko, Iyɛri, tɛ shɛ ajama bụ, ta atuba, ta bụtụ na oo to ukwopi ugbe ni i'ɛlɛ ibwɛ.
17Go Josɛf hiɛŋ aŋ, N eri shi ma nda gana ata kwukwuŋ! Semi bụtụ ata oo to ukwopi ugbe ni i'ɛlɛ ibwɛ kiri zhɛ ba sha bujama mi, ama yaa shɛ inee hiŋ, zhaga hwulo ma ujiyo pe bishi hiŋ na amɛ-olom.
Go Juda Njɛ Orogwu iwɛ Bɛnjamin
18Nazhɛ go Juda munji no ofwo Josɛf, bɛɛ hiɛŋ bụ, Oo iyɛri, lono maa ma bu tabwa, Gamba bujama ga bụ, maa mo mbiso iyɛri mi n-ndumwa mu tuswɛɛ. Iyɛri mi, ta nda du kaa isɛbwɛ na bujama ga bụ o. Iwɛnɛ po gabụ bɛ shɛ gana Faro ni ikɛnyi ibwɛ. 19Iyɛri, gabụ la bu unseni miaụŋ-mu-ugondu ga bụ, ɛbi hiɛŋ, Hi ta 'yajɛ suu bishi kwo kaa yɛu-bino inyɛ? 20Ibɛ po ɛti hiɛŋ iyɛri mi, Iiŋ tu ta 'yajɛ bishi na shɛ iyɛri keeni buhongwu tu bu umɛwɛɛ, yɛu nɛ bee meci na ti'inga tu bwa. Batagwụ bwa kaa uwo, bwooko kiri vwɛ na amɛ bino ba aba, bishi bwa kaa bo lubo bu duwa duwa. 21Nazhɛ ɛbi hiɛŋ miaụŋ-mu-ugondu ga bụ maa, N zarɛganɛ bu ma, maa eshe mi twa nu bwa. 22Ɛti bi hiɛŋ, Yɛu ɛtɛ tidice eri shi yɛ gɛnjɛ bishi bwa o, yaa shɛ bɛ gɛnjɛ bụ, asha bishi ata bwa zhɛ bo 'wo. 23Nazhɛ ɛbi hiɛŋ miaụŋ-mu-ugondu ga bụ, Yaa shɛ buhongwu ata hiŋ bu umɛwɛɛ zhagajɛ shɛ ne hiŋ, asha hi zha shɛ hia kwụba hwuŋ eshe mi o. 24Aka na eti gwuri no ofwo yɛu ɛtɛ bụ ugondu, na shɛ bishi tu, eti mbishi bu n-ndumwa ma ata ebi ti mbishi la. 25Aka na te bishi tu hiɛŋ, Zhaga ma sasana, sɛ ma iyimɛyɛ dice. 26Ɛti hiɛŋ bụ, Ti eri shi ta zha o. Yaa shɛ buhongwu tu zhagajɛ no tu nazhɛ ɛti zhɛ ta zha. Iwɛnɛ po ti eri shi ta twa hwuŋ eshe na bụtụ ata, to buhongwu tu zhagajɛ shɛ no tu o. 27Nazhɛ yɛu ɛtɛ bụ ugondu, na shɛ bishi tu iti hiɛŋ, Hi mepi maa miaụŋ mi yebi gba biyikwo mi ge Rechɛl meci ne mi. 28Ike hwulwo la yee n genji, Ngɛɛ hiɛŋ, Iwɛ-tɛkana usunda uko ụwɛ onsotongwo bu feye wuŋzu wuŋzu. Te kwuni na aka ata N kwụbɛ shɛ bụ ya kwukwuŋ o. 29Yaa shɛ ebi leshigeneni inɛ gɛ no olugwo mi, iyi iwɛ vwuteni bu, asha hi zhɛ hio tocingo tuhwaŋla ti mi nu u'uye na amɛ-tụhaŋtụ, na ti'inga ti mi. 30Iwɛ inɛ ɛtɛ, aka na Ngee ci bishi mi hwuwayɛ go, baa kwụbɛ shɛ ti yɛu gɛ zhagajɛ no tu, gana na tu uraiŋ ubwa umpi nu una yɛu gɛ, asha bi zhɛ bo 'wo. 31Asha miaụŋ-mu-ugondu ga bụ, aba kwụnɛ bishi ba aba na amɛ-tụhaŋtụ na ti'inga tu bwa. 32Gamba yɛu gɛ bu ugondu kaa n lɛshijɛ la yɛu gɛ i'ɛlɛ no ofwo bishi mi, Ngɛɛ hiɛŋ bụ, Yaa shɛ Ngee bu gwuricingeni shi bu, asha Gamba n zhɛ ma 'waŋna tijama tu bwa tutu tu'wo ti mi. 33Iyɛri mi, ma bu tabwa hwuwayɛ go Gamba yɛu gɛ bu ugondu, maa ma vwa yibwa tụlụkpashɛ ti yɛu gɛ tidice, maa ma sha bujama bụ. Lono yibwa maa yɛu gɛ tidice gwuri na atagwụ ubwa kaa. 34Iwɛnɛ po gana na Ngee eri mo gwulo pe bishi mi ti yɛu gɛ zhagajɛ shɛ no tuu? Ma nda inyɛsɛ iwɛ iyi iwɛ nɛ zhɛ yo vwutono bishi mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008