Iiḍighi 2
2
Erumom Uwaloor Iigbia phọ
1 #
Lịv 23.15-21; Dut 16.9-11 Kụ rẹteeny ḍịroor ẹyaal ạPentikost phọ, kụ oomo ạbuphe omeeraam bọ ookpomoghan eniin esi. 2Egina amem bịn oghur ạḍua ẹpe kꞌạke ịdipho oboom ookuugh amuza ologhi otu phọ bịdi ọrologhu bọ. 3Kụ asinem dị ẹghighogh nịan, emiteghunaan bịdi edia yogh kụ esoroghuom rụmhu phọ ạbidi, 4kụ Uwaloor Iigbia phọ aḍigh loor oomo phọ ạbidi amuza kụ ạngo bịdi ịikpo ọḅaam ọnhu kịrokiro.
5Igbo ạbuo aJu phọ orugh aani bọ Jeruselem buniin uḍighi ni weye aruukuan dị ọḍua eelhe kịrokiro sịen aḅirini phọ kụ oru. 6Kụ mem mọ ọnaghan bọ oghur phọ ọphon, aḍita awe uukpomoghan ni. Bịdi usinighian ni ịdi eḍighi bọ oye ye ạnaghan ni dị ạbuphe omeeraam bọ rọḅa ghan ọnhu ọdi. 7Kụ eḍighi iikia rꞌaruugu esi ạbidi, kụ ọḅem ghan mọ, “Ịduon phọ ika? Oomo phọ ạbuen rọkam bọ ọnhu kịrokiro phọ, ạbuo aGalili ni. 8Iḍighi bọ ika kụ tọro ọnyo ayira rạnaghan bọ ni ọnhu ẹmha phọ ọdi? 9Buniin ayira ụḍua Pạatia, rꞌaMedia, rꞌIlam; ḅịle rꞌaMesopotamia, rꞌaJudia, rꞌaKapadosia; ḅịle rꞌạPontos, rꞌEsia, 10rꞌaFrijia, rꞌaPamfilia, rꞌIjipt, rꞌạpakiri ạLibia ọpo atuman bọ Sairini, rꞌaRom, kụ oru bọ sịen. 11Buniin ayira ạbuo aJu, kụ abuniin, aruuruen dị rooko aani ghan eḍighinom ịyaar ạbuo aJu phọ bịn. Kụ buniin ayira ạbuo aKrit, buniin ạbuo Arebia. Bịn kụ oomo phọ ayira rọnaghan ni dị bịdi ọsighe ọnhu ạramha ayira kụ rọkaaphom iboom iiḍighi phọ Ẹnaan.” 12Kụ iḍighi ni iikia rꞌịwalawala iloghi esi ạbidi, kụ oniin apuru ghan nyoniin mọ, “Ịduon phọ ika?”
13Kụ buniin ọgilaam ghan bịdi mọ, “Amumoom amiim kụ rakiigh.”
Ọghaaph phọ aPita
14Kụ aPita rꞌiḍioph rꞌoniin phọ oḅerenu, kụ aPita aphoophe ẹḍogh ọdi kụ ạghaaph ạḅeni bịdi mọ, “Weye ạbuo aJu, rꞌoomo anyina phọ erugh bọ Jeruselem! Iler rụru ẹnaghan elegheri ịphen mị kạkaaph bọ! 15Awe phọ ạbuen phọ miim ụ́pughol, ịdipho nyina regbiom bọ. Pụruku ẹteeny esugha asuo ạḍiroor. 16Kụ ịphen phọ ghụn, ịpe oyil aJoel ạghaaph bọ mọ,
17 #
Joel 2.28-32
“‘Ẹnaan ẹḅem mọ, Ịphen kụ ịdi mị kaḍighi ruukuna phọ.
Mị kaḍighi ịdi Uwaloor phọ ạmi kasoorom oomo awe.
Ạnmuny anyina rꞌạnmanyaan anyina kọkaaph ni ịpe mị agananami bọ;
ugheel ạnmuny anyina kọmiin ni uḍien,
kụ ikumoor awe anyina kọmalha yogh ni rạmalha.
18Ii, mị kaḍighi ni ịdi Uwaloor phọ ạmi kasoorom
nmụny phọ rꞌạnmanyaan-otu phọ ạmi riiḍio phọ ịpe,
kụ bịdi kọkaaph ni ịpe mị agananami bọ.
19Mị kaḍeenaan ni ịiḍaany ẹpe ạnyu ạke phọ
rꞌimananaany sịen ade phọ, kụ ịḅaal, rꞌạnian,
rꞌaḍiphulaam ạmughi kẹtol li.
20Erumuḍio phọ kekitonu ni eḍighi ufiri,
kụ ụnwanyu phọ ạtogh ịdipho ịḅaal,
kụ egbi ọteeny aḍio phọ Ọmoogh-we phọ katu bọ, ḍiboom mọ aḍio phọ ạḍiphe keḍighan bọ ni elegh.
21Kụ mem mọ ọpo tọrobo oye lọ ạmagh ḍien Ọmoogh-we phọ kạmoogh ni pẹleeny.’
22“Weye Ịzirel, ịnaghan ọghaaph phọ ọphon! Mị rạkaaph ịlo ạJizos ọpo ạNazeret, ọpo Ẹnaan ẹngo bọ ịikpo oḍighi yogh rạraar aruugu rꞌịiḍaany rꞌareḍeenaan, ịlo ogananami esi anyina mọ ọno kụ arom ni nyọdi. Ịphen phọ imiteghu ni sịphe ogbo phọ anyina, ịdipho nyina elegheri bọ ni. 23#Mat 27.35; Mạk 15.24; Luk 23.33; Jọn 19.18Igeedi phọ Ẹnaan ilegheri ni kụ emeeraam mọ ọḅogh Jịzos ịngo inyina. Kụ nyina eḍighi bọ dị abuḍighinom ịkaraph phọ ọkan nyọdi loor oreeny oghiigh. 24#Mat 28.5, 6; Mạk 16.6; Luk 24.5Kụ Ẹnaan ẹekpo nyọdi esi eephina aḍuugh phọ eḅeton. Ídughanaan dị aḍuugh kekpophonom nyọdi. 25#Ạsuo 16.8-11ADevid ạghaaph ni ịlo ọdi mọ,
“‘Mị ụmiin ghan ni Ọmoogh-we phọ oomo amem dị odi rꞌạmi,
ịdi eḍighi bọ ọdi odi ghan ḍịghaagh elhiom ạmi, ọbo kụuḅaghami ghan bọ ịmi.
26Ịduon kụ iḍighi kụ ologhi ạmi ạḅaal bọ, kụ mị abo bọ iboh phọ;
ịdi etum pạ, aḍizu phọ ạmi kẹtolan oḍuom ologhi,
27ịdi eḍighi bọ nạ kạ́bile uwaloor phọ ạmi ẹpe ọmar iḍim,
ḅịle kẹn aḍizu Oye Aghuḍuul phọ kꞌạna kẹ́ḅor.
28Nạ muḍeenaan ịmi reten aghuḍum,
kụ egbodo phọ ạna kẹḅaalami ologhi ạmi iboom.’
29“Bụo asiya, ipakian ílho ịphen mị kịḅeni bọ inyina ịlo aDevid ọdaam mọ, ogbogh ọde phọ ayira. Ọdi phọ amugh ni kụ oḍi, kụ oḍi phọ ọdi odi ni rꞌayira kꞌarodon. 30#Ạsuo 132.11; 2 Sạm 7.12, 13Aḍighi ni oyil, kụ alegheri ni mọ Ẹnaan phọ ighunya ni, mọ ọno kamitiom ni ọnyo ẹemara ọdi dị kạtolom ạgada ọdaam ẹmha phọ ọdi. 31ADevid ạphur ri ạmiin ịpe Ẹnaan keḍighi bọ kụ ạghaaph bọ ịlo oḅetenu esi aḍuugh aMesaya phọ mọ,
“‘Ụ́bile nyọdi ọmar iḍim,
kụ aḍizu phọ ọdi ị́ḅor.’
32“ẠJizos phọ ọphon kụ ọdi Ẹnaan meḅeton bọ sịphe aḍuugh phọ, kụ esi ịphen phọ kụ ẹdi yoor rọkaaphaan bọ. 33Ọphon kụ ọdi Ẹnaan mephophe bọ pạ ạḍighaagh elhiom mọ ọdi, kụ ạarom Uwaloor Iigbia phọ, ịdipho Ọde phọ aguanaan bọ. Kụ ịphen nyina rẹmiin bọ kẹḅile ẹnaghan ịikpo Uwaloor Iigbia phọ ạJizos mụngo bọ iyoor. 34#Ạsuo 110.1ADevid rꞌaloor ọdi ógheel kꞌạke, kụ ọlo ạḅem mọ,
“‘Ẹnaan phọ ẹḅeni Ọmoogh-we ạmi mọ,
“Tọl ḍịghaagh elhiom ạmi,
35tụtu ẹteeny mem dị mị kaḍighi bụmulogh-ḍien phọ ạna
ịkasi ọkpasaghiom aruwol.”’
36“Oomo awe phọ Ịzirel, ịsighe ịphen phọ ẹmaar elegheriom mọ ạJizos phọ ọpo nyina ẹkan bọ loor oreeny phọ eghiigh, Ẹnaan mẹsighe nyọdi eḍighi Ọmoogh-we rꞌaMesaya.”
37Kụ mem dị bịdi ọnaghan bọ ịphen phọ, imoogh ni bịdi, kụ opuru Pita rꞌạbueri phọ abutelhedom mọ, mọ, “Bụo asiya, yoor oḍighi ika?”
38Kụ aPita ạḅeni bịdi mọ, “Ikiton esi ịkaraph phọ anyina, ọbo owur tọrobo ọnyo anyina mụum esi aḍien phọ ạJizos Kraist, ịlo ọsar ịkaraph ọwilenaan, kụ nyina kẹmoogh ni inmo Uwaloor Iigbia phọ kꞌẸnaan. 39Oguan phọ Ẹnaan eguan bọ ọlo anyina rꞌạnmuny anyina, rꞌoomo ạbudi odi egher, rꞌạtorobo ọlo Ọmoogh-we phọ Ẹnaan phọ ayira kẹmagh ẹloghoma.”
40APita ạghaaph ni ịminighan ạraraar ịlo ọkparamiom kụ ạḅem mọ, “Ikpetenaan ghẹlhe phọ kạtolonaan bọ ọkaraph oghiil phọ ọphon.” 41Kụ uwurogh ni mụum bụphe omeeraam bọ ọghaaph phọ ọdi, kụ ḍio phọ ạḍiphe bụdi omeeraam ọḅaram bịdi ụghiom ni ịraar ọonir awe. 42Kụ bụphe momeeraam bọ ọkuom loor ạbidi ọnaghan ghan ịtughemi abutelhedom mọ, rꞌọrolan ạdol abumor, rꞌọḅophoghan ọparion ạbred phọ, ḅịle rꞌọoḅereghi Ẹnaan.
Ẹrolom ạbuphe momeeraam bọ
43Kụ aruugu asiph ni oomo ạbidi, kụ abutelhedom mọ uḍighi ni ịbadi ịiḍaany rꞌareḍeenaan. 44#Iiḍ 4.32-35Kụ oomo phọ ạbuphe omeeraam bọ ụrol li egina esi kụ osereghi rạraar ạbidi ogbo. 45Kụ bịdi aalhaghi ghan rạraar rꞌaruphua ạbidi, kụ ọdaph ghan dọl ḍịo oye rꞌoye kụ odiighi ikpoki phọ. 46Kụ aḍio etum ḍio, oomo phọ ạbidi ụghi ghan ni pạ Otu Ịiḅereghi phọ, ọparion ghan ạbred iloghi aruutu phọ ạbidi, kụ ọsighe ghan mụḅoph rꞌọḅaal ologhi kụ oliom eḍien. 47Oboom ghan Ẹnaan, kụ oḍigh ịiseeny esi oomo awe, kụ aḍio etum ḍio Ọmoogh-we phọ ạḅaranaan ghan ni bịdi bụphe rọpel bọ kotene.
Currently Selected:
Iiḍighi 2: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Iiḍighi 2
2
Erumom Uwaloor Iigbia phọ
1 #
Lịv 23.15-21; Dut 16.9-11 Kụ rẹteeny ḍịroor ẹyaal ạPentikost phọ, kụ oomo ạbuphe omeeraam bọ ookpomoghan eniin esi. 2Egina amem bịn oghur ạḍua ẹpe kꞌạke ịdipho oboom ookuugh amuza ologhi otu phọ bịdi ọrologhu bọ. 3Kụ asinem dị ẹghighogh nịan, emiteghunaan bịdi edia yogh kụ esoroghuom rụmhu phọ ạbidi, 4kụ Uwaloor Iigbia phọ aḍigh loor oomo phọ ạbidi amuza kụ ạngo bịdi ịikpo ọḅaam ọnhu kịrokiro.
5Igbo ạbuo aJu phọ orugh aani bọ Jeruselem buniin uḍighi ni weye aruukuan dị ọḍua eelhe kịrokiro sịen aḅirini phọ kụ oru. 6Kụ mem mọ ọnaghan bọ oghur phọ ọphon, aḍita awe uukpomoghan ni. Bịdi usinighian ni ịdi eḍighi bọ oye ye ạnaghan ni dị ạbuphe omeeraam bọ rọḅa ghan ọnhu ọdi. 7Kụ eḍighi iikia rꞌaruugu esi ạbidi, kụ ọḅem ghan mọ, “Ịduon phọ ika? Oomo phọ ạbuen rọkam bọ ọnhu kịrokiro phọ, ạbuo aGalili ni. 8Iḍighi bọ ika kụ tọro ọnyo ayira rạnaghan bọ ni ọnhu ẹmha phọ ọdi? 9Buniin ayira ụḍua Pạatia, rꞌaMedia, rꞌIlam; ḅịle rꞌaMesopotamia, rꞌaJudia, rꞌaKapadosia; ḅịle rꞌạPontos, rꞌEsia, 10rꞌaFrijia, rꞌaPamfilia, rꞌIjipt, rꞌạpakiri ạLibia ọpo atuman bọ Sairini, rꞌaRom, kụ oru bọ sịen. 11Buniin ayira ạbuo aJu, kụ abuniin, aruuruen dị rooko aani ghan eḍighinom ịyaar ạbuo aJu phọ bịn. Kụ buniin ayira ạbuo aKrit, buniin ạbuo Arebia. Bịn kụ oomo phọ ayira rọnaghan ni dị bịdi ọsighe ọnhu ạramha ayira kụ rọkaaphom iboom iiḍighi phọ Ẹnaan.” 12Kụ iḍighi ni iikia rꞌịwalawala iloghi esi ạbidi, kụ oniin apuru ghan nyoniin mọ, “Ịduon phọ ika?”
13Kụ buniin ọgilaam ghan bịdi mọ, “Amumoom amiim kụ rakiigh.”
Ọghaaph phọ aPita
14Kụ aPita rꞌiḍioph rꞌoniin phọ oḅerenu, kụ aPita aphoophe ẹḍogh ọdi kụ ạghaaph ạḅeni bịdi mọ, “Weye ạbuo aJu, rꞌoomo anyina phọ erugh bọ Jeruselem! Iler rụru ẹnaghan elegheri ịphen mị kạkaaph bọ! 15Awe phọ ạbuen phọ miim ụ́pughol, ịdipho nyina regbiom bọ. Pụruku ẹteeny esugha asuo ạḍiroor. 16Kụ ịphen phọ ghụn, ịpe oyil aJoel ạghaaph bọ mọ,
17 #
Joel 2.28-32
“‘Ẹnaan ẹḅem mọ, Ịphen kụ ịdi mị kaḍighi ruukuna phọ.
Mị kaḍighi ịdi Uwaloor phọ ạmi kasoorom oomo awe.
Ạnmuny anyina rꞌạnmanyaan anyina kọkaaph ni ịpe mị agananami bọ;
ugheel ạnmuny anyina kọmiin ni uḍien,
kụ ikumoor awe anyina kọmalha yogh ni rạmalha.
18Ii, mị kaḍighi ni ịdi Uwaloor phọ ạmi kasoorom
nmụny phọ rꞌạnmanyaan-otu phọ ạmi riiḍio phọ ịpe,
kụ bịdi kọkaaph ni ịpe mị agananami bọ.
19Mị kaḍeenaan ni ịiḍaany ẹpe ạnyu ạke phọ
rꞌimananaany sịen ade phọ, kụ ịḅaal, rꞌạnian,
rꞌaḍiphulaam ạmughi kẹtol li.
20Erumuḍio phọ kekitonu ni eḍighi ufiri,
kụ ụnwanyu phọ ạtogh ịdipho ịḅaal,
kụ egbi ọteeny aḍio phọ Ọmoogh-we phọ katu bọ, ḍiboom mọ aḍio phọ ạḍiphe keḍighan bọ ni elegh.
21Kụ mem mọ ọpo tọrobo oye lọ ạmagh ḍien Ọmoogh-we phọ kạmoogh ni pẹleeny.’
22“Weye Ịzirel, ịnaghan ọghaaph phọ ọphon! Mị rạkaaph ịlo ạJizos ọpo ạNazeret, ọpo Ẹnaan ẹngo bọ ịikpo oḍighi yogh rạraar aruugu rꞌịiḍaany rꞌareḍeenaan, ịlo ogananami esi anyina mọ ọno kụ arom ni nyọdi. Ịphen phọ imiteghu ni sịphe ogbo phọ anyina, ịdipho nyina elegheri bọ ni. 23#Mat 27.35; Mạk 15.24; Luk 23.33; Jọn 19.18Igeedi phọ Ẹnaan ilegheri ni kụ emeeraam mọ ọḅogh Jịzos ịngo inyina. Kụ nyina eḍighi bọ dị abuḍighinom ịkaraph phọ ọkan nyọdi loor oreeny oghiigh. 24#Mat 28.5, 6; Mạk 16.6; Luk 24.5Kụ Ẹnaan ẹekpo nyọdi esi eephina aḍuugh phọ eḅeton. Ídughanaan dị aḍuugh kekpophonom nyọdi. 25#Ạsuo 16.8-11ADevid ạghaaph ni ịlo ọdi mọ,
“‘Mị ụmiin ghan ni Ọmoogh-we phọ oomo amem dị odi rꞌạmi,
ịdi eḍighi bọ ọdi odi ghan ḍịghaagh elhiom ạmi, ọbo kụuḅaghami ghan bọ ịmi.
26Ịduon kụ iḍighi kụ ologhi ạmi ạḅaal bọ, kụ mị abo bọ iboh phọ;
ịdi etum pạ, aḍizu phọ ạmi kẹtolan oḍuom ologhi,
27ịdi eḍighi bọ nạ kạ́bile uwaloor phọ ạmi ẹpe ọmar iḍim,
ḅịle kẹn aḍizu Oye Aghuḍuul phọ kꞌạna kẹ́ḅor.
28Nạ muḍeenaan ịmi reten aghuḍum,
kụ egbodo phọ ạna kẹḅaalami ologhi ạmi iboom.’
29“Bụo asiya, ipakian ílho ịphen mị kịḅeni bọ inyina ịlo aDevid ọdaam mọ, ogbogh ọde phọ ayira. Ọdi phọ amugh ni kụ oḍi, kụ oḍi phọ ọdi odi ni rꞌayira kꞌarodon. 30#Ạsuo 132.11; 2 Sạm 7.12, 13Aḍighi ni oyil, kụ alegheri ni mọ Ẹnaan phọ ighunya ni, mọ ọno kamitiom ni ọnyo ẹemara ọdi dị kạtolom ạgada ọdaam ẹmha phọ ọdi. 31ADevid ạphur ri ạmiin ịpe Ẹnaan keḍighi bọ kụ ạghaaph bọ ịlo oḅetenu esi aḍuugh aMesaya phọ mọ,
“‘Ụ́bile nyọdi ọmar iḍim,
kụ aḍizu phọ ọdi ị́ḅor.’
32“ẠJizos phọ ọphon kụ ọdi Ẹnaan meḅeton bọ sịphe aḍuugh phọ, kụ esi ịphen phọ kụ ẹdi yoor rọkaaphaan bọ. 33Ọphon kụ ọdi Ẹnaan mephophe bọ pạ ạḍighaagh elhiom mọ ọdi, kụ ạarom Uwaloor Iigbia phọ, ịdipho Ọde phọ aguanaan bọ. Kụ ịphen nyina rẹmiin bọ kẹḅile ẹnaghan ịikpo Uwaloor Iigbia phọ ạJizos mụngo bọ iyoor. 34#Ạsuo 110.1ADevid rꞌaloor ọdi ógheel kꞌạke, kụ ọlo ạḅem mọ,
“‘Ẹnaan phọ ẹḅeni Ọmoogh-we ạmi mọ,
“Tọl ḍịghaagh elhiom ạmi,
35tụtu ẹteeny mem dị mị kaḍighi bụmulogh-ḍien phọ ạna
ịkasi ọkpasaghiom aruwol.”’
36“Oomo awe phọ Ịzirel, ịsighe ịphen phọ ẹmaar elegheriom mọ ạJizos phọ ọpo nyina ẹkan bọ loor oreeny phọ eghiigh, Ẹnaan mẹsighe nyọdi eḍighi Ọmoogh-we rꞌaMesaya.”
37Kụ mem dị bịdi ọnaghan bọ ịphen phọ, imoogh ni bịdi, kụ opuru Pita rꞌạbueri phọ abutelhedom mọ, mọ, “Bụo asiya, yoor oḍighi ika?”
38Kụ aPita ạḅeni bịdi mọ, “Ikiton esi ịkaraph phọ anyina, ọbo owur tọrobo ọnyo anyina mụum esi aḍien phọ ạJizos Kraist, ịlo ọsar ịkaraph ọwilenaan, kụ nyina kẹmoogh ni inmo Uwaloor Iigbia phọ kꞌẸnaan. 39Oguan phọ Ẹnaan eguan bọ ọlo anyina rꞌạnmuny anyina, rꞌoomo ạbudi odi egher, rꞌạtorobo ọlo Ọmoogh-we phọ Ẹnaan phọ ayira kẹmagh ẹloghoma.”
40APita ạghaaph ni ịminighan ạraraar ịlo ọkparamiom kụ ạḅem mọ, “Ikpetenaan ghẹlhe phọ kạtolonaan bọ ọkaraph oghiil phọ ọphon.” 41Kụ uwurogh ni mụum bụphe omeeraam bọ ọghaaph phọ ọdi, kụ ḍio phọ ạḍiphe bụdi omeeraam ọḅaram bịdi ụghiom ni ịraar ọonir awe. 42Kụ bụphe momeeraam bọ ọkuom loor ạbidi ọnaghan ghan ịtughemi abutelhedom mọ, rꞌọrolan ạdol abumor, rꞌọḅophoghan ọparion ạbred phọ, ḅịle rꞌọoḅereghi Ẹnaan.
Ẹrolom ạbuphe momeeraam bọ
43Kụ aruugu asiph ni oomo ạbidi, kụ abutelhedom mọ uḍighi ni ịbadi ịiḍaany rꞌareḍeenaan. 44#Iiḍ 4.32-35Kụ oomo phọ ạbuphe omeeraam bọ ụrol li egina esi kụ osereghi rạraar ạbidi ogbo. 45Kụ bịdi aalhaghi ghan rạraar rꞌaruphua ạbidi, kụ ọdaph ghan dọl ḍịo oye rꞌoye kụ odiighi ikpoki phọ. 46Kụ aḍio etum ḍio, oomo phọ ạbidi ụghi ghan ni pạ Otu Ịiḅereghi phọ, ọparion ghan ạbred iloghi aruutu phọ ạbidi, kụ ọsighe ghan mụḅoph rꞌọḅaal ologhi kụ oliom eḍien. 47Oboom ghan Ẹnaan, kụ oḍigh ịiseeny esi oomo awe, kụ aḍio etum ḍio Ọmoogh-we phọ ạḅaranaan ghan ni bịdi bụphe rọpel bọ kotene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS