Emiighom 17
17
Oḍuna kụ elegh ịyo phọ
1Mem dị Ebram mạman esughadi rꞌesugha ạsia, kụ Ọmoogh-we phọ amite egaan esi ọdi kụ ạḅeni mọ, “Mị kụ Ẹnaan Oomo Ịikpo phọ. Ụnaghanan ịmi aḍighi oye dị ịḍagha ílho. 2Mị kakiran ịyo rꞌạna kụ mị ạngo nyịna ọoloogh ẹemara ẹemara.” 3Ebram azumeri ẹmhu ọdi tụtu aghisigh ọdi ạḅogh ude, kụ Ẹnaan ẹḅem mọ 4“Mị rakiran ịyo phọ ịphen rꞌạna: Mị aguanaan mọ nạ kaḍighi ni ọde ịminighan areelhe. 5#Rom 4.17Ḍien ạna kókol ghan mun mọ Ebram, kokol mọ Ebraham, ịdi eḍighi bọ mị raḍighi nyịna ọde ịminighan areelhe. 6Mị kạbughe ni ẹemara ẹemara phọ ạna. Areelhe kẹḍua esi ạna kụ emite; ạbudaam kọḍua ọkuruḅaka ạna kụ omite.
7 #
Luk 1.55
“Mị kạkparami ni ịyo phọ ạmi rꞌạna, rꞌẹemara ẹemara phọ ạna, rꞌarighiil ạna ghisigh. Ịyo phọ ạmi kẹtol li kꞌagee-pọ. Mị kaḍighi Ẹnaan ạna rꞌẸnaan ẹemara ẹemara phọ ạna. 8#Iiḍ 7.5Mị kạngo nyịna rꞌẹemara ẹemara phọ ạna de phọ ạḍien nạ aḍighi bọ ooruen nyịidipho; oomo ade phọ aKenan keḍighi ḍịo ana kꞌagee-pọ kụ mị aḍighi Ẹnaan ạbidi.”
9Ẹnaan ẹḅeni Ebraham mọ, “Tụugh ịduon aako ịyo phọ ạmi, nạ rꞌẹemara ẹemara ạna rꞌarighiil ạna ghisigh. 10#Iiḍ 7.8; Rom 4.11Ịphen kụ ịyo phọ ạmi nạ kaako ghan bọ; ịyo phọ ạmi rꞌạna rꞌẹemara ẹemara ạna ghisigh: tọrobo olephiri ọony lọ nyina ẹmar iḍun ghan. 11Ḍun ghan oodu phọ ạsighe loor iphulupul phọ. Ẹphen phọ kụ keḍighi ghan eḍeenaan ịyo phọ mị rꞌạna oghiran bọ. 12Tọrobo olephiri ọony lọ nạ ạmar kụ rẹman ọphaanya aḍughul-otu bịn aḍun ghan; tọrobo olephiri ọony sịphe oomo arighiil phọ ạna, mọ ọlo ọmar kꞌạna, mọ ẹbene lọ oghoom ikpoki lọ útu ọto ọophi ạna. 13Mọ ọlo ọmar sịphe kꞌạna, mọ ọlo oghoom ikpoki, pọ iḍun ghan ni. Ịduon kụ ịdi ịyo phọ ạmi kẹtol loor ạna kꞌagee-pọ. 14Tọrobo olephiri ọony lọ úḍuna, dị údun oodu phọ ọdi ụ́sighe, pọ awe phọ omutonaan nyọdi, pọ ọdi mạapu ịyo phọ ạmi.”
15Ẹnaan ẹḅeni Ebraham mọ, “Kákol ghan mun ḍien ạnir phọ ạna mọ aSerai. Emiigh nyịidipho kụ ẹghi, aSera kụ aḍien ọdi. 16Mị kạseph ni nyọdi kụ ọdi kạmaranaan ni nyịna olephiri ọony. Mị kạseph ni nyọdi ọdi aḍighi onhiin areelhe, ạraalha kọḍua ẹemara ẹemara ọdi kụ omite.”
17Ebraham azumeri ẹmhu ọdi tụtu aghisigh ọdi ạḅogh ude kụ ạmilogh kụ apuruan loor ọdi mọ, “Okumor oye oniin okuron ạsia phọ kụ kạmar mọony? Okumor ạnir esughadi ạsia kụ kạmar mọony?” 18Kụ Ebraham apuru Ẹnaan mọ, “Nạ ọwile ghan Ịsmael alhe erua phọ ạmi?”
19Ẹnaan ẹḅeni Ebraham mọ, “Ịdipho kéḍighi. ASera ạnir phọ ạna kạmaranaan ni nyịna mọony. Nạ kakol ḍien ọdi mọ Ạizik. Mị kạpamanam ni ịyo phọ ạmi esi ọdi, ịyo dị kẹtol kꞌagee-pọ ẹgbaam ẹemara ẹemara ọdi. 20Mị mạnaghan ni ịlom mọ ạna ịlo Ịsmael. Mị mạseph ni nyọdi asu nyọdi ọghor ẹmaria mọ ọdi ạmar amuzeḍi. Ọdi kạmar bọ ḍioph rꞌịyal ạnmuny dị koḍighi bụo ịtooghi. Bụo ẹemara phọ ọdi kọda ghan eboom eelhe. 21Kụ ọlo mị kạpamanam ịyo phọ ạmi rꞌẠizik ọony phọ aSera kạmaranaan bọ nyịna ọdo phọ oogho phọ ọphon nana.” 22Rọghaaph bọ ọghaaph phọ rọmadan kụ Ẹnaan ẹwile Ebraham ẹḍua.
23Eniin phọ aḍio phọ, Ebraham ạnaghanan ni Ẹnaan kụ ạsighe Ịsmael ọony phọ ọdi rꞌoomo ạnmuny phọ ọmar bọ sịphe kꞌọdi, ọḅaram oomo ạbuphe ọdi aghoom bọ ikpoki rꞌoomo alephiri ạnmuny phọ ọrol bọ sịphe kꞌọdi kụ aḍunogh bịdi. 24Ebraham ạman bọ esughadi rꞌesugha ạsia mem mọ oḍun bọ nyọdi. 25Ịsmael ọony phọ ọdi ạman bọ ḍioph rꞌịraar ạsia mem mọ oḍun bọ nyọdi. 26Egina phọ aḍio phọ kụ ẹdi oḍunogh bọ Ebraham rꞌỊsmael ọony phọ ọdi. 27Ụḅaram bịdi oḍunogh oomo alephiri ạnmuny phọ ọrologhu bọ kꞌọdi.
Currently Selected:
Emiighom 17: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Emiighom 17
17
Oḍuna kụ elegh ịyo phọ
1Mem dị Ebram mạman esughadi rꞌesugha ạsia, kụ Ọmoogh-we phọ amite egaan esi ọdi kụ ạḅeni mọ, “Mị kụ Ẹnaan Oomo Ịikpo phọ. Ụnaghanan ịmi aḍighi oye dị ịḍagha ílho. 2Mị kakiran ịyo rꞌạna kụ mị ạngo nyịna ọoloogh ẹemara ẹemara.” 3Ebram azumeri ẹmhu ọdi tụtu aghisigh ọdi ạḅogh ude, kụ Ẹnaan ẹḅem mọ 4“Mị rakiran ịyo phọ ịphen rꞌạna: Mị aguanaan mọ nạ kaḍighi ni ọde ịminighan areelhe. 5#Rom 4.17Ḍien ạna kókol ghan mun mọ Ebram, kokol mọ Ebraham, ịdi eḍighi bọ mị raḍighi nyịna ọde ịminighan areelhe. 6Mị kạbughe ni ẹemara ẹemara phọ ạna. Areelhe kẹḍua esi ạna kụ emite; ạbudaam kọḍua ọkuruḅaka ạna kụ omite.
7 #
Luk 1.55
“Mị kạkparami ni ịyo phọ ạmi rꞌạna, rꞌẹemara ẹemara phọ ạna, rꞌarighiil ạna ghisigh. Ịyo phọ ạmi kẹtol li kꞌagee-pọ. Mị kaḍighi Ẹnaan ạna rꞌẸnaan ẹemara ẹemara phọ ạna. 8#Iiḍ 7.5Mị kạngo nyịna rꞌẹemara ẹemara phọ ạna de phọ ạḍien nạ aḍighi bọ ooruen nyịidipho; oomo ade phọ aKenan keḍighi ḍịo ana kꞌagee-pọ kụ mị aḍighi Ẹnaan ạbidi.”
9Ẹnaan ẹḅeni Ebraham mọ, “Tụugh ịduon aako ịyo phọ ạmi, nạ rꞌẹemara ẹemara ạna rꞌarighiil ạna ghisigh. 10#Iiḍ 7.8; Rom 4.11Ịphen kụ ịyo phọ ạmi nạ kaako ghan bọ; ịyo phọ ạmi rꞌạna rꞌẹemara ẹemara ạna ghisigh: tọrobo olephiri ọony lọ nyina ẹmar iḍun ghan. 11Ḍun ghan oodu phọ ạsighe loor iphulupul phọ. Ẹphen phọ kụ keḍighi ghan eḍeenaan ịyo phọ mị rꞌạna oghiran bọ. 12Tọrobo olephiri ọony lọ nạ ạmar kụ rẹman ọphaanya aḍughul-otu bịn aḍun ghan; tọrobo olephiri ọony sịphe oomo arighiil phọ ạna, mọ ọlo ọmar kꞌạna, mọ ẹbene lọ oghoom ikpoki lọ útu ọto ọophi ạna. 13Mọ ọlo ọmar sịphe kꞌạna, mọ ọlo oghoom ikpoki, pọ iḍun ghan ni. Ịduon kụ ịdi ịyo phọ ạmi kẹtol loor ạna kꞌagee-pọ. 14Tọrobo olephiri ọony lọ úḍuna, dị údun oodu phọ ọdi ụ́sighe, pọ awe phọ omutonaan nyọdi, pọ ọdi mạapu ịyo phọ ạmi.”
15Ẹnaan ẹḅeni Ebraham mọ, “Kákol ghan mun ḍien ạnir phọ ạna mọ aSerai. Emiigh nyịidipho kụ ẹghi, aSera kụ aḍien ọdi. 16Mị kạseph ni nyọdi kụ ọdi kạmaranaan ni nyịna olephiri ọony. Mị kạseph ni nyọdi ọdi aḍighi onhiin areelhe, ạraalha kọḍua ẹemara ẹemara ọdi kụ omite.”
17Ebraham azumeri ẹmhu ọdi tụtu aghisigh ọdi ạḅogh ude kụ ạmilogh kụ apuruan loor ọdi mọ, “Okumor oye oniin okuron ạsia phọ kụ kạmar mọony? Okumor ạnir esughadi ạsia kụ kạmar mọony?” 18Kụ Ebraham apuru Ẹnaan mọ, “Nạ ọwile ghan Ịsmael alhe erua phọ ạmi?”
19Ẹnaan ẹḅeni Ebraham mọ, “Ịdipho kéḍighi. ASera ạnir phọ ạna kạmaranaan ni nyịna mọony. Nạ kakol ḍien ọdi mọ Ạizik. Mị kạpamanam ni ịyo phọ ạmi esi ọdi, ịyo dị kẹtol kꞌagee-pọ ẹgbaam ẹemara ẹemara ọdi. 20Mị mạnaghan ni ịlom mọ ạna ịlo Ịsmael. Mị mạseph ni nyọdi asu nyọdi ọghor ẹmaria mọ ọdi ạmar amuzeḍi. Ọdi kạmar bọ ḍioph rꞌịyal ạnmuny dị koḍighi bụo ịtooghi. Bụo ẹemara phọ ọdi kọda ghan eboom eelhe. 21Kụ ọlo mị kạpamanam ịyo phọ ạmi rꞌẠizik ọony phọ aSera kạmaranaan bọ nyịna ọdo phọ oogho phọ ọphon nana.” 22Rọghaaph bọ ọghaaph phọ rọmadan kụ Ẹnaan ẹwile Ebraham ẹḍua.
23Eniin phọ aḍio phọ, Ebraham ạnaghanan ni Ẹnaan kụ ạsighe Ịsmael ọony phọ ọdi rꞌoomo ạnmuny phọ ọmar bọ sịphe kꞌọdi, ọḅaram oomo ạbuphe ọdi aghoom bọ ikpoki rꞌoomo alephiri ạnmuny phọ ọrol bọ sịphe kꞌọdi kụ aḍunogh bịdi. 24Ebraham ạman bọ esughadi rꞌesugha ạsia mem mọ oḍun bọ nyọdi. 25Ịsmael ọony phọ ọdi ạman bọ ḍioph rꞌịraar ạsia mem mọ oḍun bọ nyọdi. 26Egina phọ aḍio phọ kụ ẹdi oḍunogh bọ Ebraham rꞌỊsmael ọony phọ ọdi. 27Ụḅaram bịdi oḍunogh oomo alephiri ạnmuny phọ ọrologhu bọ kꞌọdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS