Jọn 9
9
ẠJizos aakonom oye dị ọmaram ikpom ariḍien
1Mem dị ạJizos arelhe raten, ọdi ạmiin ni oye dị ọmaram ikpom ariḍien. 2Kụ ạbumatuan phọ ọdi opuru nyọdi mọ, “Ọtughemia, ịkaraph ạnhian kụ iḍighi bọ ịyaar phọ ọmaram bọ nyọdi ikpom ariḍien phọ? Ịlo ọdi ḍụghum kụ ịlo ọde rꞌonhiin phọ ọdi?”
3Kụ ạJizos mọ, “Ikpom ariḍien phọ ọdi ị́moogh rọmoogh ịyaar oḍighinom ịkaraph ọdi mọ ịlo ọde rꞌonhiin phọ ọdi. Ụtuan ogananami ịikpo phọ Ẹnaan esi ọdi kụ ọmaram bọ nyọdi ikpom ariḍien phọ. 4Yoor koḍighi ghan iiḍighi ọpo urom bọ ịmi, sịen ke̋kpereghian bọ. Aḍughul phọ rekul li, dị oye oḍighi kátue mun aḍighi. 5#Mat 5.14; Jọn 8.12Ịduon mị odi bọ ni sịen aḅirini phọ, mị kụ ạḍiḅaal aḅirini phọ.”
6ẠJizos rọḅem bọ ịphen phọ kụ ạsin ịghor sịphe ude phọ, kụ ạatoghoḍiom ọposo phọ agbul riḍien oye phọ 7kụ ạḅeni nyọdi mọ, “Kịa ẹpe ebaraph aSiloam aatola.” (Ẹmhu aSiloam mọ pọ “eeroma.”) Kụ oye phọ rọghi rootola bịn ạmiin eten arigheel.
8Kụ amatuman phọ rꞌạbuphe mọmiin ghan bọ oye ikpom ariḍien phọ dị rạlom ghan ịlom, ọḅem ghan mọ, “Ọphon ḍịen kụ kóye phọ ạrol ghan bọ ude kụ ạlom ghan bọ ịlom mọ?”
9Buniin ụḅem ghan mọ, “Ọphon ọdi ni.” Buniin mọ, “Ạkigh ni bịn, kọ́di.”
Kụ oye phọ rꞌaloor ọdi mọ, “Mị kụ oye phọ ni.”
10Kụ bịdi opuru ghan nyọdi mọ, “Ụḅarion ika riḍien phọ ạna?”
11Kụ ọdi mọ, “Oye phọ ọpo oghol bọ mọ ạJizos phọ kụ aphin ọposo agbul riḍien phọ ạmi, kụ ụḅeni ịmi mọ, ‘Kịa ẹpe ebaraph aSiloam aatola,’ kụ mị rọghi rootola bịn mị rạmiin aani bọ eten phọ.”
12Kụ bịdi opuru mọ, “Ọdi phọ odi ẹghen?”
Kụ ọdi mọ, “Mị úlegheri.”
Ạbuo otul aFarisi phọ oḅiligha ịlo olegheri ịpe emite bọ
13Kụ ọsighe oye phọ ọpo eten phọ ụ́miin ghan bọ ọghiomaan Farisi phọ. 14Aḍio phọ ạḍiphe ạJizos aphin bọ ọposo phọ ạḅarionom riḍien oye phọ iḍighi ḍio ophooghian. 15Kụ aFarisi phọ ọḅile opuru oye phọ ịpe eḍighi bọ kụ ọdi rạmiin bọ eten phọ. Kụ ọdi ạḅeni bịdi mọ, “Ọdi ạsighe ọposo kụ agbul riḍien phọ ạmi, kụ mị rootola kụ mị rạmiin bọ eten phọ.”
16Buniin aFarisi phọ ụḅem ghan mọ, “Oye phọ ọphon ọ́ḍua kꞌẸnaan kụ aru bọ, ịdi eḍighi bọ ọdi ráako ghan iilogh aḍio ophooghian phọ.”
Kụ ạbunon ọḅem ghan mọ, “Keḍighi ika kụ oḍighinom ịkaraph aḍighi ọdo phọ ịiḍaany phọ ịphen?” Kụ bịdi ọnhu ụ́ḅoph.
17Kụ bịdi ọḅile opuru oye phọ mọ, “Nạ rạḅem ghan ika ịlo ọdi, ịdipho ọdi kụ ạḅarion bọ riḍien phọ ạna?”
Kụ oye phọ mọ, “Ọdi oyil Ẹnaan.”
18Kụ ạbuo aJu phọ úmeeraam mọ ọdi mạmoogh ghan ni ikpom ariḍien dị ọḅarion, tụtu bịdi ọmagh bụphe ọmar bọ nyọdi 19kụ opuru mọ, “Ọphon ọony phọ anyina ni ḍụghum? Nyina rẹḅem ghan bọ mọ ụmaram nyọdi ikpom ariḍien phọ, aḍighi ika kụ rạmiin bọ eten phọ nyịidipho?”
20Kụ bụphe ọmar bọ nyọdi ọḅem mọ, “Yoor olegheri ni mọ ọphon ọony phọ ayoor ri, ḅịle mọ ụmaram ni nyọdi ikpom ariḍien. 21Ịpe emite bọ kụ ọdi rạmiin bọ eten phọ, yoor úlegheri, ḅịle kẹn yoor úlegheri oye phọ ọpo ạḅarion bọ riḍien phọ ọdi. Ọdi mạmanam ni. Ipuru nyọdi. Ọdi kạgbaanaan ni ẹmhu ọdi.” 22Bụphe ọmar bọ nyọdi ụḅem ịduon phọ, loor oghiilaan ạbuo aJu phọ, ịdi eḍighi bọ ạbuo aJu phọ mọḅoph ọnhu, mọ oye lọ ạgba amitiom mọ ọdi kụ aMesaya phọ, pọ kotoph nyọdi ogbeph sịphe obughotu phọ. 23Bụphe ọmar bọ nyọdi ụtu ịphen phọ kụ ọḅem bọ mọ, “Ọdi mạmanam ni. Ipuru nyọdi,” phọ.
24Kụ bịdi ọḅile ọmagh oye phọ ạmoogh ghan bọ ikpom ariḍien phọ omuneniom ịyal amem kụ ọḅeni mọ, “Gbạ ghan ịyaar igey aghueniom Ẹnaan. Yoor olegheri mọ oye phọ ọphon oḍighinom ịkaraph.”
25Kụ ọdi mọ, “Mụghumo ọdi oḍighinom ịkaraph mọ kóḍighinom ịkaraph mị úlegheri aani. Eniin ịyaar dị mị alegheri aani ịduon: mị ụ́miin ghan eten, kụ mị rạmiin aani eten nyịidipho.”
26Kụ bịdi ọḅile opuru nyọdi mọ, “Ọdi phọ ạkaraghi aḍighi ika nyịna? Ọdi ạḅarion riḍien phọ ạna ika?”
27Kụ oye phọ mọ, “Mị mịḅeni ni inyina, kụ nyina ị́naghan. Uḍighi ika kụ nyina rẹwa bọ ọḅile ọnaghan phọ? Ẹkigh mụdi nyina keḍighi aani bụmatuan phọ ọdi.”
28Kụ bịdi omooghaam nyọdi kụ ọḅem mọ, “Nạ kụ ạmatuan ọpo phọ. Yoor ạbumatuan aMozis. 29Yoor olegheri ni mọ Ẹnaan ịghaaph ni rạraar ẹḅeni Mozis: kụ ọpo ọpo phọ, yoor úlegheri ekpisi dị ọdi ạḍua kụ aru.”
30Kụ oye phọ ạḅeni bịdi mọ, “Ịphen phọ eḍighi ịikia iikia, mọ nyina ílegheri ekpisi dị ọdi ạḍua kụ aru, kụ ọdi kụ ạḅarion bọ ni riḍien phọ ạmi. 31Yira olegheri ni mọ Ẹnaan rẹ́naghanan ghan buḍighinom ịkaraph, kụ oye lọ rạlogh ghan eegu Ẹnaan, ạḅile raḍighi ghan ịpe ọdi rạwa bọ kụ ọdi rọnaghanan ghan. 32Kꞌamem mọ aḅirini phọ amiigh bọ kọ̋naghan ghan mọ oye mạḅarion ghan ni riḍien oye dị ọmaram ikpom ariḍien. 33Eḍighi ịyaar dị oye phọ ọphon ụ́ḍua kꞌẸnaan kụ aru, ọdi rꞌịyaar kátue aḍighi.”
34Kụ bịdi ọḅeni nyọdi mọ, “Ụmaram nyịna ịkaraph, ookonomom nyịna ịkaraph, kụ nạ ghụn kụ rạwa ghan ọtughemi ayoor!” Kụ bịdi ozin nyọdi omitiom obughotu phọ.
Aruwaloor dị eten rẹ́miin
35ẠJizos ạnaghan bọ mọ mozin nyọdi omitiom mọ, ạwa ni nyọdi ạmiin apuru mọ, “Nạ ameeraam ni Mọony phọ Oye ḍụghum?”
36Kụ ọdi mọ, “Oye phọ, ọdi phọ ạnhian? Ụḅeni ịmi pịdi mị ameeraam nyọdi.”
37Kụ ạJizos ạḅeni nyọdi mọ, “Nạ mạmiin ni nyọdi phọ. Ọphon rạḅaanaan bọ nyịna kụ ọdi phọ ni.”
38Kụ ọdi ạḅem mọ, “Ọmoogh-we, mị ameeraam ni,” kụ akpuḍian aaseeny nyọdi.
39Kụ ạJizos ạḅem mọ, “Mị ụtuan oogbo ịiruen kụ aru bọ sịen aḅirini phọ, pịdi ạbuo ikpom ariḍien phọ ọmiin eten kụ ariḍien ạbuphe rọmiin bọ eten phọ eḅomoghian.”
40Kụ mem dị buniin aFarisi phọ ọrol aani bọ sịphe phọ ọnaghan bọ ọghaaph phọ ọphon, ụḅeni ni mọ, “Tọ nạ rạḅem ghan mọ yoor ạbuo ikpom ariḍien aani ni!”
41Kụ ạJizos ạḅeni bịdi mọ, “Mọ nyina eten rẹ́miin, ọbo ịkaraph anyina mị́tol. Kụ nyina mẹḅem bọ mọ, ‘Yoor rọmiin ni eten phọ,’ pọ ịkaraph phọ anyina edi ni.”
Currently Selected:
Jọn 9: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Jọn 9
9
ẠJizos aakonom oye dị ọmaram ikpom ariḍien
1Mem dị ạJizos arelhe raten, ọdi ạmiin ni oye dị ọmaram ikpom ariḍien. 2Kụ ạbumatuan phọ ọdi opuru nyọdi mọ, “Ọtughemia, ịkaraph ạnhian kụ iḍighi bọ ịyaar phọ ọmaram bọ nyọdi ikpom ariḍien phọ? Ịlo ọdi ḍụghum kụ ịlo ọde rꞌonhiin phọ ọdi?”
3Kụ ạJizos mọ, “Ikpom ariḍien phọ ọdi ị́moogh rọmoogh ịyaar oḍighinom ịkaraph ọdi mọ ịlo ọde rꞌonhiin phọ ọdi. Ụtuan ogananami ịikpo phọ Ẹnaan esi ọdi kụ ọmaram bọ nyọdi ikpom ariḍien phọ. 4Yoor koḍighi ghan iiḍighi ọpo urom bọ ịmi, sịen ke̋kpereghian bọ. Aḍughul phọ rekul li, dị oye oḍighi kátue mun aḍighi. 5#Mat 5.14; Jọn 8.12Ịduon mị odi bọ ni sịen aḅirini phọ, mị kụ ạḍiḅaal aḅirini phọ.”
6ẠJizos rọḅem bọ ịphen phọ kụ ạsin ịghor sịphe ude phọ, kụ ạatoghoḍiom ọposo phọ agbul riḍien oye phọ 7kụ ạḅeni nyọdi mọ, “Kịa ẹpe ebaraph aSiloam aatola.” (Ẹmhu aSiloam mọ pọ “eeroma.”) Kụ oye phọ rọghi rootola bịn ạmiin eten arigheel.
8Kụ amatuman phọ rꞌạbuphe mọmiin ghan bọ oye ikpom ariḍien phọ dị rạlom ghan ịlom, ọḅem ghan mọ, “Ọphon ḍịen kụ kóye phọ ạrol ghan bọ ude kụ ạlom ghan bọ ịlom mọ?”
9Buniin ụḅem ghan mọ, “Ọphon ọdi ni.” Buniin mọ, “Ạkigh ni bịn, kọ́di.”
Kụ oye phọ rꞌaloor ọdi mọ, “Mị kụ oye phọ ni.”
10Kụ bịdi opuru ghan nyọdi mọ, “Ụḅarion ika riḍien phọ ạna?”
11Kụ ọdi mọ, “Oye phọ ọpo oghol bọ mọ ạJizos phọ kụ aphin ọposo agbul riḍien phọ ạmi, kụ ụḅeni ịmi mọ, ‘Kịa ẹpe ebaraph aSiloam aatola,’ kụ mị rọghi rootola bịn mị rạmiin aani bọ eten phọ.”
12Kụ bịdi opuru mọ, “Ọdi phọ odi ẹghen?”
Kụ ọdi mọ, “Mị úlegheri.”
Ạbuo otul aFarisi phọ oḅiligha ịlo olegheri ịpe emite bọ
13Kụ ọsighe oye phọ ọpo eten phọ ụ́miin ghan bọ ọghiomaan Farisi phọ. 14Aḍio phọ ạḍiphe ạJizos aphin bọ ọposo phọ ạḅarionom riḍien oye phọ iḍighi ḍio ophooghian. 15Kụ aFarisi phọ ọḅile opuru oye phọ ịpe eḍighi bọ kụ ọdi rạmiin bọ eten phọ. Kụ ọdi ạḅeni bịdi mọ, “Ọdi ạsighe ọposo kụ agbul riḍien phọ ạmi, kụ mị rootola kụ mị rạmiin bọ eten phọ.”
16Buniin aFarisi phọ ụḅem ghan mọ, “Oye phọ ọphon ọ́ḍua kꞌẸnaan kụ aru bọ, ịdi eḍighi bọ ọdi ráako ghan iilogh aḍio ophooghian phọ.”
Kụ ạbunon ọḅem ghan mọ, “Keḍighi ika kụ oḍighinom ịkaraph aḍighi ọdo phọ ịiḍaany phọ ịphen?” Kụ bịdi ọnhu ụ́ḅoph.
17Kụ bịdi ọḅile opuru oye phọ mọ, “Nạ rạḅem ghan ika ịlo ọdi, ịdipho ọdi kụ ạḅarion bọ riḍien phọ ạna?”
Kụ oye phọ mọ, “Ọdi oyil Ẹnaan.”
18Kụ ạbuo aJu phọ úmeeraam mọ ọdi mạmoogh ghan ni ikpom ariḍien dị ọḅarion, tụtu bịdi ọmagh bụphe ọmar bọ nyọdi 19kụ opuru mọ, “Ọphon ọony phọ anyina ni ḍụghum? Nyina rẹḅem ghan bọ mọ ụmaram nyọdi ikpom ariḍien phọ, aḍighi ika kụ rạmiin bọ eten phọ nyịidipho?”
20Kụ bụphe ọmar bọ nyọdi ọḅem mọ, “Yoor olegheri ni mọ ọphon ọony phọ ayoor ri, ḅịle mọ ụmaram ni nyọdi ikpom ariḍien. 21Ịpe emite bọ kụ ọdi rạmiin bọ eten phọ, yoor úlegheri, ḅịle kẹn yoor úlegheri oye phọ ọpo ạḅarion bọ riḍien phọ ọdi. Ọdi mạmanam ni. Ipuru nyọdi. Ọdi kạgbaanaan ni ẹmhu ọdi.” 22Bụphe ọmar bọ nyọdi ụḅem ịduon phọ, loor oghiilaan ạbuo aJu phọ, ịdi eḍighi bọ ạbuo aJu phọ mọḅoph ọnhu, mọ oye lọ ạgba amitiom mọ ọdi kụ aMesaya phọ, pọ kotoph nyọdi ogbeph sịphe obughotu phọ. 23Bụphe ọmar bọ nyọdi ụtu ịphen phọ kụ ọḅem bọ mọ, “Ọdi mạmanam ni. Ipuru nyọdi,” phọ.
24Kụ bịdi ọḅile ọmagh oye phọ ạmoogh ghan bọ ikpom ariḍien phọ omuneniom ịyal amem kụ ọḅeni mọ, “Gbạ ghan ịyaar igey aghueniom Ẹnaan. Yoor olegheri mọ oye phọ ọphon oḍighinom ịkaraph.”
25Kụ ọdi mọ, “Mụghumo ọdi oḍighinom ịkaraph mọ kóḍighinom ịkaraph mị úlegheri aani. Eniin ịyaar dị mị alegheri aani ịduon: mị ụ́miin ghan eten, kụ mị rạmiin aani eten nyịidipho.”
26Kụ bịdi ọḅile opuru nyọdi mọ, “Ọdi phọ ạkaraghi aḍighi ika nyịna? Ọdi ạḅarion riḍien phọ ạna ika?”
27Kụ oye phọ mọ, “Mị mịḅeni ni inyina, kụ nyina ị́naghan. Uḍighi ika kụ nyina rẹwa bọ ọḅile ọnaghan phọ? Ẹkigh mụdi nyina keḍighi aani bụmatuan phọ ọdi.”
28Kụ bịdi omooghaam nyọdi kụ ọḅem mọ, “Nạ kụ ạmatuan ọpo phọ. Yoor ạbumatuan aMozis. 29Yoor olegheri ni mọ Ẹnaan ịghaaph ni rạraar ẹḅeni Mozis: kụ ọpo ọpo phọ, yoor úlegheri ekpisi dị ọdi ạḍua kụ aru.”
30Kụ oye phọ ạḅeni bịdi mọ, “Ịphen phọ eḍighi ịikia iikia, mọ nyina ílegheri ekpisi dị ọdi ạḍua kụ aru, kụ ọdi kụ ạḅarion bọ ni riḍien phọ ạmi. 31Yira olegheri ni mọ Ẹnaan rẹ́naghanan ghan buḍighinom ịkaraph, kụ oye lọ rạlogh ghan eegu Ẹnaan, ạḅile raḍighi ghan ịpe ọdi rạwa bọ kụ ọdi rọnaghanan ghan. 32Kꞌamem mọ aḅirini phọ amiigh bọ kọ̋naghan ghan mọ oye mạḅarion ghan ni riḍien oye dị ọmaram ikpom ariḍien. 33Eḍighi ịyaar dị oye phọ ọphon ụ́ḍua kꞌẸnaan kụ aru, ọdi rꞌịyaar kátue aḍighi.”
34Kụ bịdi ọḅeni nyọdi mọ, “Ụmaram nyịna ịkaraph, ookonomom nyịna ịkaraph, kụ nạ ghụn kụ rạwa ghan ọtughemi ayoor!” Kụ bịdi ozin nyọdi omitiom obughotu phọ.
Aruwaloor dị eten rẹ́miin
35ẠJizos ạnaghan bọ mọ mozin nyọdi omitiom mọ, ạwa ni nyọdi ạmiin apuru mọ, “Nạ ameeraam ni Mọony phọ Oye ḍụghum?”
36Kụ ọdi mọ, “Oye phọ, ọdi phọ ạnhian? Ụḅeni ịmi pịdi mị ameeraam nyọdi.”
37Kụ ạJizos ạḅeni nyọdi mọ, “Nạ mạmiin ni nyọdi phọ. Ọphon rạḅaanaan bọ nyịna kụ ọdi phọ ni.”
38Kụ ọdi ạḅem mọ, “Ọmoogh-we, mị ameeraam ni,” kụ akpuḍian aaseeny nyọdi.
39Kụ ạJizos ạḅem mọ, “Mị ụtuan oogbo ịiruen kụ aru bọ sịen aḅirini phọ, pịdi ạbuo ikpom ariḍien phọ ọmiin eten kụ ariḍien ạbuphe rọmiin bọ eten phọ eḅomoghian.”
40Kụ mem dị buniin aFarisi phọ ọrol aani bọ sịphe phọ ọnaghan bọ ọghaaph phọ ọphon, ụḅeni ni mọ, “Tọ nạ rạḅem ghan mọ yoor ạbuo ikpom ariḍien aani ni!”
41Kụ ạJizos ạḅeni bịdi mọ, “Mọ nyina eten rẹ́miin, ọbo ịkaraph anyina mị́tol. Kụ nyina mẹḅem bọ mọ, ‘Yoor rọmiin ni eten phọ,’ pọ ịkaraph phọ anyina edi ni.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS