Luk 15
15
Iyool-ọga dị aphe
(Matiu 18.12-14)
1 #
Luk 5.29, 30 Eniin aḍio, ịbadi ạbubonyiom iisogh rꞌabuḍighinom ịkaraph uru ni ịlo ọnaghanan ạJizos. 2Kụ aFarisi phọ rꞌạbutughemia iilogh phọ omiigh ogumogh mọ, “Tạa, oye phọ ọphon rạloghoma ghan buḍighinom ịkaraph kalian ghan eḍien rꞌạbidi.” 3Kụ ạJizos adogh ḍidogh phọ ạḍien ạḅeni bịdi mọ:
4“Eru mạar dị oniin ọnyo anyina ạmoogh okuron iyool-ịga kụ oniin aphe, ọdi kaḍighi ika? Ọdi kạbile esughadi rꞌesugha phọ ẹpe ẹdala phọ, ạki ạwa nyọpo aphe bọ tụtu ọdi ạmiin. 5Ọdi rọmiin, kụ anyora ọpha ọdi rꞌọḅaal ologhi. 6Kụ rorigheel ologhi otu kụ ạamaghagh rịghiri ramatuman ọdi, kụ ạḅeni mọ, ‘Mị mạmiin oyool-ọga ạmi dị aphe. Itu ọmoogh iboh.’” 7Kụ ạJizos ạghaaph ạloghom mọ, “Mị rịḅeni ghan inyina mọ ịduon kẹn kụ ẹdi kokol oniin ọkaraph oye lọ akiton esi ịkaraph phọ ọdi oboh iboh ẹpe kꞌạke opu ịlo esughadi rꞌesugha awe aruukuan dị rogbi ghan mọ ạbuno úḍighi ịkaraph oghol kụ okiton.”
Opoḍi dị aphe
8“Ḅịle kẹn, ạnir lọ ạmoogh ḍioph ipoḍi asilva kụ oniin aphe kaḍighi ika? Ọdi kạsu ọtozi, aḅeer, ạmaar azuumaam aaphoghogh oomo ạrughulukul otu phọ tụtu ọdi ạmiin. 9Kụ ạmiin, kạamaghagh ni rịghiri rꞌamatuman ọdi kụ ạḅeni mọ, ‘Mị mạmiin opoḍi asilva ạmi dị aphe. Itu ọmoogh iboh.’” 10Kụ ạJizos ạghaaph ạloghom mọ, “Mị rịḅeni ghan inyina mọ ịduon kẹn kụ ẹdi ạruukpaany phọ Ẹnaan kekol ẹmhu oniin ọkaraph oye lọ akiton esi ịkaraph phọ ọdi ẹmoogh iboh.”
Ọony dị aphe
11ẠJizos ạḅem mọ, “Oniin oye ạmar ri ịyal ạnmuny, 12kụ rọmanam, bịn esoony phọ ạmagh ọde phọ ọdi mọ, ‘Ọde ạmi, di bin erua mụo ạmi ụngo.’ Kụ ọde phọ adiemi nmụny phọ erua phọ ọdi imoom. 13Íbia bịn esoony phọ aalhaghi oomo ạraraar phọ ọdi, kụ ạghi eelhe dị ẹkel, kụ aliom ikpoki phọ ọdi uruur. 14Kụ roliom rọmadan, kụ ilhom ịgbakuro esoor ẹmha phọ, kụ ọdi amiigh ọrol ọkoony. 15Kụ ạghi oḍighinaan oḍighi oniin ọlo ẹmha phọ ẹpe, dị ạlogh nyọdi ọghi ghan ozo ookonom arophoropo. 16Ọdi ạnya ghan ni ọsighe ịiya phọ arophoropo phọ rele ghan bọ omuzeḍian ọkuruḅaka, kụ rꞌoye ọ́ngo nyọdi ịyaar ole. 17Mem dị ọdi malhoghoma loor ọdi kụ ạḅem mọ, ‘Ọde ạmi ạmoogh ni ịbadi iphireneen awe dị rạperemi ghan eḍien, kụ mị odi bọ ẹphen ramugh ọkoony. 18Mị kaḅetenu ni ạki ạteeny ọde phọ ạmi ạḅeni mọ, “Ọde ạmi, mị maḍighi ni ịkaraph ghisigh Ẹnaan rꞌaghisigh ạna. 19Mị ụ́kpianaan mun oghol mọ ọony ạna. Ụsighe ghụn ịmi aḍighi aani oniin ophirineen oye kꞌạna.”’ 20Kụ ọdi aḅetenu ạghi ọteeny ọde phọ ọdi.
“Kụ ọdi odi ni kꞌegher, kụ ọde phọ ọdi ạmiin nyọdi, kụ ạmoogh igbiririph esi ọdi, kụ aghiil ạghi aghurughi nyọdi, kụ ạkpun okpo ọdi. 21Kụ ọony phọ ạḅeni nyọdi mọ, ‘Ọde ạmi, mị maḍighi ni ịkaraph ghisigh Ẹnaan rꞌaghisigh ạna. Mị ụ́kpianaan mun dị nạ kakol mọ ọony ạna.’ 22Kụ ọde phọ ọdi ạmagh rẹbene ọdi ạḅeni mọ, ‘Ịnuun ẹghi ẹsighe ạsuoma dị ạnighe ẹkpologhi nyọdi, ẹlhogh gulu ghụnugh ọdi, ẹlhogh rokoro rạda ọdi, 23ẹsighe oophoony ọony ạnam mọ eghiigh, oliom eḍien oboom iboh, 24ịdi eḍighi bọ ọony phọ ạmi ọphon amugh ni kụ mạḅile atigheel, aphe ni kụ mamite.’ Kụ bịdi omiigh olhe ẹyaal.
25“Mem mọ ạmuen phọ ọkpana ọony phọ ạrol ozo. Kụ mem dị ọdi ạḍua ratigheel, kụ rọobeeph sịphe otu phọ kụ ạnaghan iitia rꞌạḍigum ịḅa. 26Kụ ọdi ạmagh oniin ọony-otu apuru mọ, ‘Eeghe kụ imite sịen?’ 27Kụ ọdi mọ, ‘Umor phọ ạna marigheel, kụ ọde phọ ạna akiigh oophoony ọony ạnam mọ, loor esi dị ọony phọ ọdi ạkologha ni atigheel rꞌomoon aloor.’
28“Kụ iphin ni ologhi ọkpana ọony phọ iboom dị úmeera uḍigh otu. Kụ ọde phọ ọdi amite ạaḅereghian nyọdi mọ aru aḍigh otu. 29Kụ ọdi ạphagharanaan ọde phọ ọdi mọ, ‘Mịin, mị makumu ni nyịna ịbadi ạsia phọ ịphen, kụ amem lọ mị mapel ghan ọnhu ạna kẹ̋rol. Nạ mụngo ghan ịmi eeghe? Rꞌọga kẹn ni bịn, nạ ịmi kụ̋ngo ghan mọ ạrighiri ạmi rꞌạmi oghiigh olhiom ẹyaal. 30Kụ ọony phọ ạna ọphon phọ aphiemi bọ oomo ạraraar phọ ạna loor abulhiom ẹmha ạnmariir, kụ ọdi rorigheel kụ nạ maghiighaan oophoony ọony ạnam mọ.’ 31Kụ ọde phọ mọ, ‘Mọony ạmi, oomo amem mọ nạ odi ghan sịen ologhi otu. Oomo ạraraar phọ mị ạmoogh bọ ịlo ạna ni. 32Kụ ẹkpe ni dị yira kole ẹyaal ọmoogh ọḅaal ologhi, ịdi eḍighi bọ umor phọ ạna amugh ni kụ mạḅile atigheel, aphe ni kụ mamite.’”
Currently Selected:
Luk 15: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Luk 15
15
Iyool-ọga dị aphe
(Matiu 18.12-14)
1 #
Luk 5.29, 30 Eniin aḍio, ịbadi ạbubonyiom iisogh rꞌabuḍighinom ịkaraph uru ni ịlo ọnaghanan ạJizos. 2Kụ aFarisi phọ rꞌạbutughemia iilogh phọ omiigh ogumogh mọ, “Tạa, oye phọ ọphon rạloghoma ghan buḍighinom ịkaraph kalian ghan eḍien rꞌạbidi.” 3Kụ ạJizos adogh ḍidogh phọ ạḍien ạḅeni bịdi mọ:
4“Eru mạar dị oniin ọnyo anyina ạmoogh okuron iyool-ịga kụ oniin aphe, ọdi kaḍighi ika? Ọdi kạbile esughadi rꞌesugha phọ ẹpe ẹdala phọ, ạki ạwa nyọpo aphe bọ tụtu ọdi ạmiin. 5Ọdi rọmiin, kụ anyora ọpha ọdi rꞌọḅaal ologhi. 6Kụ rorigheel ologhi otu kụ ạamaghagh rịghiri ramatuman ọdi, kụ ạḅeni mọ, ‘Mị mạmiin oyool-ọga ạmi dị aphe. Itu ọmoogh iboh.’” 7Kụ ạJizos ạghaaph ạloghom mọ, “Mị rịḅeni ghan inyina mọ ịduon kẹn kụ ẹdi kokol oniin ọkaraph oye lọ akiton esi ịkaraph phọ ọdi oboh iboh ẹpe kꞌạke opu ịlo esughadi rꞌesugha awe aruukuan dị rogbi ghan mọ ạbuno úḍighi ịkaraph oghol kụ okiton.”
Opoḍi dị aphe
8“Ḅịle kẹn, ạnir lọ ạmoogh ḍioph ipoḍi asilva kụ oniin aphe kaḍighi ika? Ọdi kạsu ọtozi, aḅeer, ạmaar azuumaam aaphoghogh oomo ạrughulukul otu phọ tụtu ọdi ạmiin. 9Kụ ạmiin, kạamaghagh ni rịghiri rꞌamatuman ọdi kụ ạḅeni mọ, ‘Mị mạmiin opoḍi asilva ạmi dị aphe. Itu ọmoogh iboh.’” 10Kụ ạJizos ạghaaph ạloghom mọ, “Mị rịḅeni ghan inyina mọ ịduon kẹn kụ ẹdi ạruukpaany phọ Ẹnaan kekol ẹmhu oniin ọkaraph oye lọ akiton esi ịkaraph phọ ọdi ẹmoogh iboh.”
Ọony dị aphe
11ẠJizos ạḅem mọ, “Oniin oye ạmar ri ịyal ạnmuny, 12kụ rọmanam, bịn esoony phọ ạmagh ọde phọ ọdi mọ, ‘Ọde ạmi, di bin erua mụo ạmi ụngo.’ Kụ ọde phọ adiemi nmụny phọ erua phọ ọdi imoom. 13Íbia bịn esoony phọ aalhaghi oomo ạraraar phọ ọdi, kụ ạghi eelhe dị ẹkel, kụ aliom ikpoki phọ ọdi uruur. 14Kụ roliom rọmadan, kụ ilhom ịgbakuro esoor ẹmha phọ, kụ ọdi amiigh ọrol ọkoony. 15Kụ ạghi oḍighinaan oḍighi oniin ọlo ẹmha phọ ẹpe, dị ạlogh nyọdi ọghi ghan ozo ookonom arophoropo. 16Ọdi ạnya ghan ni ọsighe ịiya phọ arophoropo phọ rele ghan bọ omuzeḍian ọkuruḅaka, kụ rꞌoye ọ́ngo nyọdi ịyaar ole. 17Mem dị ọdi malhoghoma loor ọdi kụ ạḅem mọ, ‘Ọde ạmi ạmoogh ni ịbadi iphireneen awe dị rạperemi ghan eḍien, kụ mị odi bọ ẹphen ramugh ọkoony. 18Mị kaḅetenu ni ạki ạteeny ọde phọ ạmi ạḅeni mọ, “Ọde ạmi, mị maḍighi ni ịkaraph ghisigh Ẹnaan rꞌaghisigh ạna. 19Mị ụ́kpianaan mun oghol mọ ọony ạna. Ụsighe ghụn ịmi aḍighi aani oniin ophirineen oye kꞌạna.”’ 20Kụ ọdi aḅetenu ạghi ọteeny ọde phọ ọdi.
“Kụ ọdi odi ni kꞌegher, kụ ọde phọ ọdi ạmiin nyọdi, kụ ạmoogh igbiririph esi ọdi, kụ aghiil ạghi aghurughi nyọdi, kụ ạkpun okpo ọdi. 21Kụ ọony phọ ạḅeni nyọdi mọ, ‘Ọde ạmi, mị maḍighi ni ịkaraph ghisigh Ẹnaan rꞌaghisigh ạna. Mị ụ́kpianaan mun dị nạ kakol mọ ọony ạna.’ 22Kụ ọde phọ ọdi ạmagh rẹbene ọdi ạḅeni mọ, ‘Ịnuun ẹghi ẹsighe ạsuoma dị ạnighe ẹkpologhi nyọdi, ẹlhogh gulu ghụnugh ọdi, ẹlhogh rokoro rạda ọdi, 23ẹsighe oophoony ọony ạnam mọ eghiigh, oliom eḍien oboom iboh, 24ịdi eḍighi bọ ọony phọ ạmi ọphon amugh ni kụ mạḅile atigheel, aphe ni kụ mamite.’ Kụ bịdi omiigh olhe ẹyaal.
25“Mem mọ ạmuen phọ ọkpana ọony phọ ạrol ozo. Kụ mem dị ọdi ạḍua ratigheel, kụ rọobeeph sịphe otu phọ kụ ạnaghan iitia rꞌạḍigum ịḅa. 26Kụ ọdi ạmagh oniin ọony-otu apuru mọ, ‘Eeghe kụ imite sịen?’ 27Kụ ọdi mọ, ‘Umor phọ ạna marigheel, kụ ọde phọ ạna akiigh oophoony ọony ạnam mọ, loor esi dị ọony phọ ọdi ạkologha ni atigheel rꞌomoon aloor.’
28“Kụ iphin ni ologhi ọkpana ọony phọ iboom dị úmeera uḍigh otu. Kụ ọde phọ ọdi amite ạaḅereghian nyọdi mọ aru aḍigh otu. 29Kụ ọdi ạphagharanaan ọde phọ ọdi mọ, ‘Mịin, mị makumu ni nyịna ịbadi ạsia phọ ịphen, kụ amem lọ mị mapel ghan ọnhu ạna kẹ̋rol. Nạ mụngo ghan ịmi eeghe? Rꞌọga kẹn ni bịn, nạ ịmi kụ̋ngo ghan mọ ạrighiri ạmi rꞌạmi oghiigh olhiom ẹyaal. 30Kụ ọony phọ ạna ọphon phọ aphiemi bọ oomo ạraraar phọ ạna loor abulhiom ẹmha ạnmariir, kụ ọdi rorigheel kụ nạ maghiighaan oophoony ọony ạnam mọ.’ 31Kụ ọde phọ mọ, ‘Mọony ạmi, oomo amem mọ nạ odi ghan sịen ologhi otu. Oomo ạraraar phọ mị ạmoogh bọ ịlo ạna ni. 32Kụ ẹkpe ni dị yira kole ẹyaal ọmoogh ọḅaal ologhi, ịdi eḍighi bọ umor phọ ạna amugh ni kụ mạḅile atigheel, aphe ni kụ mamite.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS