Luk 6
6
Aḍipuru ịlo aḍio ophooghian phọ
(Matiu 12.1-8; Mạk 2.23-28)
1 #
Dut 23.25
Ḍiniin aḍio ophooghian dị ạJizos rꞌạbumatuan phọ ọdi orelhe roten ozo ịbiakpa, ạbumatuan phọ ụkuughi ni ịbiakpa phọ ọponyon ole. 2Kụ buniin aFarisi phọ ụḅeni ni nyọdi mọ, “Nyina reḍighi ghan ugbini ugbini ḍio ophooghian phọ.”
3Kụ ạJizos mọ, “Nyina kạ̋al ghan ịpe aDevid aḍighi bọ mem mọ ọkoony asiph bọ nyọdi rꞌạbuphe ọdaph bọ nyọdi, kụ bịdi ịyaar olhe phọ ụ́moogh bọ? 4#Lịv 24.9#1 Sạm 21.1-6Ịdi ọdi aḍigh otu Ẹnaan kụ alhe eḍien phọ oseere bọ sịphe ạdol iigbia phọ, kụ ạngaani bụphe ọdaph bọ nyọdi, nyẹpe emuton bụpinyon rịkia phọ ị́kpe bọ dị ọnon oye kale.”
5Kụ ạJizos ạḅem aseeriom mọ, “Ọony phọ Oye kụ ạmooghom ni ḍio ophooghian phọ.”
Ịlo oye dị ạḍighaagh ẹḅoonian
(Matiu 12.9-14; Mạk 3.1-6)
6Ẹnon aḍio ophooghian, kụ ạJizos ạḅile aḍigh obughotu phọ ạtughemi we phọ, kụ oniin oye dị ạḍighaagh elhiom mọ ẹḅoonian ạrol aani ni pạ phọ. 7Kụ ạbutughemia iilogh phọ rꞌaFarisi phọ ukori ghan ni ọmiin mọ ạJizos kaakonom ni oye ḍio ophooghian phọ, ọbo bịdi osoorom nyọdi erugh. 8Kụ ọdi alegheri ni ịitughian phọ ạbidi, kụ ạḅeni oye phọ ạḍighaagh phọ ẹḅoonian bọ mọ, “Ḅetenu amite sịen ogbo phọ.” Kụ ọdi aḅetenu amite. 9Kụ ạJizos ạḅeni bịdi mọ, “Mị ạmoogh ni ḍipuru opuru anyina. Iilogh phọ ayira ẹḅem mọ yira oḍighi ghan ika ḍio ophooghian phọ? Oḍighi ghan iiḅi ḍụghum, kụ oḍighi ghan ịkaraph? Ẹkpe oḍume oye, kụ ẹkpe ophiemi ḍụghum?” 10Kụ ọdi aphogh oomo phọ ạbidi akitonom kụ ạḅeni oye phọ mọ asele ḍịghaagh phọ ọdi. Kụ oye phọ ạtuugh ịdipho aḍighi, kụ ạḍighaagh phọ emoon.
11Kụ ịghagh ni iloghi phọ ạbidi kụ omite ezue oopuruan ịlo bịdi koḍighi Jịzos.
ẠJizos ạma ḍioph rꞌịyal awe
(Matiu 10.1-4; Mạk 3.13-19)
12Riiḍio phọ ịpe, ạJizos ạghi ni ạsiiny ẹeḅaraph ọoḅereghi Ẹnaan, kụ ạrol ịiḅereghi oomo aḍughul phọ. 13Rẹteeny ḍịroor kụ ọdi ạmagh bụmatuan phọ ọdi aakpomoghi kụ ạsaḅar ḍioph rꞌịyal awe aghol mọ abutelhedom. 14ASaimon ọpo ọdi ạta bọ mọ aPita, rꞌẠndru umor ọdi, rꞌaJems, rꞌạJon, rꞌaFilip, rꞌaBatolomiu, 15rꞌaMatiu, rꞌạTomos, rꞌaJems ọony phọ Ạlfios, rꞌaSaimon Zelotis, rꞌaJudas ọony aJems, 16rꞌaJudas Ịskariot ọpo aal bọ nyọdi.
ẠJizos ạtughemi ghan we, ạḅile aakonom bụdi úmoonogh
(Matiu 4.23-25)
17ẠJizos rꞌạbidi ọḍua ạnyu ẹeḅaraph phọ rotu osoor, kụ ọdi ạmeera esi dị eeleeny. Aḍiboom aḍita awe dị ọḍua oomo eelhe aJudia rꞌẹmha aJeruselem rꞌạramha aTaya rꞌaSaidon ẹpe iigbom ọphiiny-ạbazi phọ kụ oru, 18ụrol aani ni ịlo ọnaghan ọghaaph phọ ọdi rꞌookonoma asiloor phọ ạbidi. Bụdi ịkaraph aruwaloor eghola yogh uru kẹn ni ookonoma aani siloor phọ ạbidi. 19Oomo awe phọ eenan ghan ọteeny aani ọdi ọḅogh, ịdi eḍighi bọ ịikpo ịḍua ghan ni loor ọdi eekonom yogh oomo phọ ạbidi.
Iboh rꞌịminimiin
(Matiu 5.1-12)
20Kụ ạJizos aphogh bụmatuan phọ ọdi kụ ạḅeni mọ,
“Iboh kꞌẸnaan ịrolonaan inyina arukulom mọ.
Ọmar phọ kꞌẸnaan ọlo anyina ni.
21Iboh kꞌẸnaan ịrolonaan inyina ạbuphe
ọkoony phọ rasiph bọ nyịidipho.
Nyina kele ni emuzeḍi rụkuruḅaka phọ anyina.
Iboh kꞌẸnaan ịrolonaan inyina ạbuphe romoghi bọ nyịidipho.
Nyina kẹmilogh ni tugey ạreegh.
22 #
1 Pit 4.14
“Iboh kꞌẸnaan ịrolonaan inyina mem dị awe ịlogh inyina ḍien kụ ighel inyina kụ iituuny inyina kụ isuughi inyina ịnhu loor ẹmhu Ọony phọ Oye. 23#2 Krọ 36.16; Iiḍ 7.52Ịmoogh iboh rꞌọḍe mem lọ ịphen phọ emite, ịdi eḍighi bọ iseenaan ni inyina igbogh aruunmo ẹpe kꞌạke. Ilegheri mọ ạburude ạburude phọ ạbidi ụkpiloghom ni ịduon riil phọ Ẹnaan.
24“Pọ eeghe ọdo ịminimiin dị kịrolonaan inyina
ạbuphe ẹmoogh bọ ẹelha phọ nyịidipho.
Nyina mẹghelom dọl ẹeḍiom mọ anyina ẹman.
25Pọ eeghe ọdo ịminimiin dị kịrolonaan inyina
ạbuphe molhe bọ nyịidipho omuzeḍi
rụkuruḅaka phọ.
Nyina kẹtol li ọkoony.
Pọ eeghe ọdo ịminimiin dị kịrolonaan inyina
ạbuphe rẹmilogh bọ nyịidipho,
nyina kẹmoogh ni ọto rꞌemoghi.
26“Pọ eeghe ọdo ịminimiin dị kịrolonaan inyina mem dị oomo awe ọgba igey ịlo anyina. Ilegheri mọ ạburude ạburude phọ ạbidi ụghaaphaan ghan ọdo phọ ịphen riil ọkpe phọ.
Ịpomoghian bụmulogh-ḍien phọ anyina!
(Matiu 5.38-48; 7.12a)
27“Kụ mị rịḅeni ghan inyina phọ rịnaghan bọ ịmi mọ ịpomoghian bụmulogh-ḍien anyina, eḍighi igey ẹngo bụphe ịlogh bọ inyina ḍien phọ. 28Ịngo ooḅi ọghor bụphe isuughi bọ inyina ịnhu phọ, ẹeḅereghi ẹngo bụphe ịmiine bọ inyina. 29Oye lọ aḅor nyoniin okpo ạna, ḅịle ni ạngo nyọori phọ dị ạḅile aḅor. Oye lọ ạsighe ạsuoma ạna, kámirighan ukpe lọ nạ ramuuna ghan ologhi. 30Ngọ ghan ni ịyaar lọ oye ạlom nyịna. Oye lọ ạsighe ịyaar ạna, kápuru mọ ọdi aḅulemi. 31#Mat 7.12Tụugh ịlo oḍighi nyịna kụ kẹnighe kụ aḍighi ghan bụnon awe.
32“Nyina ẹphomoghian ghan bụlo ịphomoghian inyina bịn, eeghe aruunmo kụ ẹdi Ẹnaan kiinmo bọ inyina? Rꞌabuḍighinom ịkaraph phọ bịn rọpomoghian ghan ni bụphe ọphomoghian bọ bịdi. 33Nyina eḍighi ghan igey bụlo riḍighi ghan inyina igey bịn, eeghe aruunmo kụ ẹdi Ẹnaan kiinmo bọ inyina? Rꞌabuḍighinom ịkaraph phọ bịn roḍighi ghan ni ịphen phọ. 34Nyina etene ghan ọmugh bụlo nyina eḍuom ologhi mọ kọkpe ni bịn, eeghe aruunmo kụ ẹdi Ẹnaan kiinmo bọ inyina? Rꞌabuḍighinom ịkaraph phọ bịn, oniin ratene ghan ni nyoniin ọmugh, eḍighi mạar dị kọkpe ni ọmugh phọ dị atene bọ. 35Ịpomoghian ghụn bụmulogh-ḍien anyina eḍighi ghan bịdi iiḅi. Iteneghi ghan ịimugh bịn képuru ghan mọ ọḅile ịkpeeghi inyina. Ịduon kụ ẹdi nyina kẹmoogh iboom aruunmo. Nyina kụ keḍighi nmụny Egbogh Ẹnaan phọ. Ọdi ạnighe ni esi ạbuphe rólegheri ghan bọ iiḅi lọ oḍighi bịdi rꞌabuḍighinom ịkaraph. 36Ịnma ghan ighirigiir ịdipho Ọde phọ anyina rạnma ghan bọ ighirigiir phọ.
Kéegboonaan ịiruen bụnon awe
(Matiu 7.1-5)
37“Nyina íigboonaan ịiruen bụnon, Ẹnaan inyina ịiruen kíigboonaan. Nyina ị́ḍagha bụnon, Ẹnaan inyina kị́ḍagha. Ịsar ghan ẹwilenaan bụnon, Ẹnaan kẹsar ghan ni ịwilenaan inyina. 38Ịngaani ghan bụnon, Ẹnaan kịngaani ghan ni inyina, kụ kọto ghan ni, oviil, opighemi, kụ ẹmaar emuza ẹbeleghian ẹtoom mọ nyina kẹboor bọ. Ịpe nyina edi bọ ẹngo bụnon kụ ịdi Ẹnaan kedi ni ịngo aani inyina.”
39 #
Mat 15.14
Kụ ạJizos ạḅile adoghonaan bịdi ḍidogh phọ ạḍien mọ, “Oye ikpom ariḍien kátue aḍiemiom oye ikpom ariḍien. Aḍiemiom, pọ ịyal phọ ạbidi komeleghu ni osuma ooni. 40#Mat 10.24, 25; Jọn 13.16; 15.20Ạmatuan rápu ghan ọtughemia phọ ọdi, kụ tọrobo oye lọ ạtuugha ạmadan kạtol aani ni ịdipho ọtughemia phọ ọdi.
41“Iḍighi bọ ika nụun kụ nạ ạmiin bọ ọpherepe ạḍipe phọ ọpo aḍigh bọ ekpeḍien umor phọ ạna, kụ nạ óloghoma bọ mọ aḍiboom ạḍupo edi aani ni ologhi ekpeḍien phọ ạna? 42Nạ katue bọ ạḅeni ika umor ạna mọ, ‘Umor ạmi, mị ạsighe ọpherepe ạḍipe phọ aḍigh bọ ekpeḍien phọ ạna,’ kụ ạri nạ óloghoma ḍiboom ạḍupo phọ edi aani bọ ologhi ekpeḍien phọ ạna? Nạ olegheri-ịlo-ọnon, ịlo-ạna-úlegheri. Pụr ạsighenaan ḍiboom ạḍupo phọ eḍigh bọ ekpeḍien phọ ạna, pịdi nạ ạmaar ạsighe ọpherepe ạḍipe phọ ọpo odi bọ ologhi ekpeḍien umor phọ ạna.
Ireeny rꞌiimuma phọ ạbidi
(Matiu 7.16-20; 12.33-35)
43“Ogey oreeny dị ramuum ghan ịkaraph iimuma ólho, ọkaraph oreeny dị ramuum ghan igey iimuma ólho. 44#Mat 12.33Oreeny oreeny rolegheriom ghan iimuma phọ ọdi. Oḍebe rámuum ghan rughuuny uman, ọoka rámuum ghan rughuuny oogiri. 45#Mat 12.34Ogey oye rạkaaph ghan igey ạraraar sịphe aḍita igey ạraraar phọ dị aakpomoghi bọ sịphe ologhi phọ ọdi kụ kamitiom, kụ ọkaraph oye rạkaaph ghan ịkaraph ạraraar phọ dị aakpomoghi bọ sịphe ologhi phọ ọdi kụ kamitiom. Ịpe edi bọ ologhi oye phọ kụ ẹdi oye phọ rạkaaph ghan kamitiom.
Ịyal ạbuloghom ruutu
(Matiu 7.24-27)
46“Iḍighi bọ ika nụun kụ nyina rịmagh ghan bọ ịmi mọ, ‘Ọmoogh-we, Ọmoogh-we,’ kụ nyina íḍighi bọ ịpe mị ịḅeni bọ inyina mọ iḍighi ghan phọ? 47Tọrobo oye lọ aru ụteeny ịmi kụ ạnaghan ikpo ọnhu phọ ạmi kụ ạtuugh aḍighi, mị kiḍeenaan inyina oye dị ọdi ạghigh. 48Ọdi ạkigh oye dị aguph de phọ ạkele kụ aphighi otu ọdi ạnyu aḍighiigh. Kụ aḍigho eḍigh ẹtophoron kụ otu phọ óphiigha, ịdi eḍighi bọ opighi ạnyu aḍighiigh. 49Kụ tọrobo oye lọ ạnaghan ikpo ọnhu phọ ạmi kụ ụ́tuugh uḍighi, mị kạmaaniom nyọdi oye dị ạlogh otu ọdi ạnyu ịisaar dị úguphogh de phọ ụkele kụ aphighi. Kụ aḍigho eḍigh ẹtophoron, kụ otu phọ ameel. Pọ eeghe ọdo emeleghuom dị otu phọ ọpo ameleghu.”
Currently Selected:
Luk 6: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Luk 6
6
Aḍipuru ịlo aḍio ophooghian phọ
(Matiu 12.1-8; Mạk 2.23-28)
1 #
Dut 23.25
Ḍiniin aḍio ophooghian dị ạJizos rꞌạbumatuan phọ ọdi orelhe roten ozo ịbiakpa, ạbumatuan phọ ụkuughi ni ịbiakpa phọ ọponyon ole. 2Kụ buniin aFarisi phọ ụḅeni ni nyọdi mọ, “Nyina reḍighi ghan ugbini ugbini ḍio ophooghian phọ.”
3Kụ ạJizos mọ, “Nyina kạ̋al ghan ịpe aDevid aḍighi bọ mem mọ ọkoony asiph bọ nyọdi rꞌạbuphe ọdaph bọ nyọdi, kụ bịdi ịyaar olhe phọ ụ́moogh bọ? 4#Lịv 24.9#1 Sạm 21.1-6Ịdi ọdi aḍigh otu Ẹnaan kụ alhe eḍien phọ oseere bọ sịphe ạdol iigbia phọ, kụ ạngaani bụphe ọdaph bọ nyọdi, nyẹpe emuton bụpinyon rịkia phọ ị́kpe bọ dị ọnon oye kale.”
5Kụ ạJizos ạḅem aseeriom mọ, “Ọony phọ Oye kụ ạmooghom ni ḍio ophooghian phọ.”
Ịlo oye dị ạḍighaagh ẹḅoonian
(Matiu 12.9-14; Mạk 3.1-6)
6Ẹnon aḍio ophooghian, kụ ạJizos ạḅile aḍigh obughotu phọ ạtughemi we phọ, kụ oniin oye dị ạḍighaagh elhiom mọ ẹḅoonian ạrol aani ni pạ phọ. 7Kụ ạbutughemia iilogh phọ rꞌaFarisi phọ ukori ghan ni ọmiin mọ ạJizos kaakonom ni oye ḍio ophooghian phọ, ọbo bịdi osoorom nyọdi erugh. 8Kụ ọdi alegheri ni ịitughian phọ ạbidi, kụ ạḅeni oye phọ ạḍighaagh phọ ẹḅoonian bọ mọ, “Ḅetenu amite sịen ogbo phọ.” Kụ ọdi aḅetenu amite. 9Kụ ạJizos ạḅeni bịdi mọ, “Mị ạmoogh ni ḍipuru opuru anyina. Iilogh phọ ayira ẹḅem mọ yira oḍighi ghan ika ḍio ophooghian phọ? Oḍighi ghan iiḅi ḍụghum, kụ oḍighi ghan ịkaraph? Ẹkpe oḍume oye, kụ ẹkpe ophiemi ḍụghum?” 10Kụ ọdi aphogh oomo phọ ạbidi akitonom kụ ạḅeni oye phọ mọ asele ḍịghaagh phọ ọdi. Kụ oye phọ ạtuugh ịdipho aḍighi, kụ ạḍighaagh phọ emoon.
11Kụ ịghagh ni iloghi phọ ạbidi kụ omite ezue oopuruan ịlo bịdi koḍighi Jịzos.
ẠJizos ạma ḍioph rꞌịyal awe
(Matiu 10.1-4; Mạk 3.13-19)
12Riiḍio phọ ịpe, ạJizos ạghi ni ạsiiny ẹeḅaraph ọoḅereghi Ẹnaan, kụ ạrol ịiḅereghi oomo aḍughul phọ. 13Rẹteeny ḍịroor kụ ọdi ạmagh bụmatuan phọ ọdi aakpomoghi kụ ạsaḅar ḍioph rꞌịyal awe aghol mọ abutelhedom. 14ASaimon ọpo ọdi ạta bọ mọ aPita, rꞌẠndru umor ọdi, rꞌaJems, rꞌạJon, rꞌaFilip, rꞌaBatolomiu, 15rꞌaMatiu, rꞌạTomos, rꞌaJems ọony phọ Ạlfios, rꞌaSaimon Zelotis, rꞌaJudas ọony aJems, 16rꞌaJudas Ịskariot ọpo aal bọ nyọdi.
ẠJizos ạtughemi ghan we, ạḅile aakonom bụdi úmoonogh
(Matiu 4.23-25)
17ẠJizos rꞌạbidi ọḍua ạnyu ẹeḅaraph phọ rotu osoor, kụ ọdi ạmeera esi dị eeleeny. Aḍiboom aḍita awe dị ọḍua oomo eelhe aJudia rꞌẹmha aJeruselem rꞌạramha aTaya rꞌaSaidon ẹpe iigbom ọphiiny-ạbazi phọ kụ oru, 18ụrol aani ni ịlo ọnaghan ọghaaph phọ ọdi rꞌookonoma asiloor phọ ạbidi. Bụdi ịkaraph aruwaloor eghola yogh uru kẹn ni ookonoma aani siloor phọ ạbidi. 19Oomo awe phọ eenan ghan ọteeny aani ọdi ọḅogh, ịdi eḍighi bọ ịikpo ịḍua ghan ni loor ọdi eekonom yogh oomo phọ ạbidi.
Iboh rꞌịminimiin
(Matiu 5.1-12)
20Kụ ạJizos aphogh bụmatuan phọ ọdi kụ ạḅeni mọ,
“Iboh kꞌẸnaan ịrolonaan inyina arukulom mọ.
Ọmar phọ kꞌẸnaan ọlo anyina ni.
21Iboh kꞌẸnaan ịrolonaan inyina ạbuphe
ọkoony phọ rasiph bọ nyịidipho.
Nyina kele ni emuzeḍi rụkuruḅaka phọ anyina.
Iboh kꞌẸnaan ịrolonaan inyina ạbuphe romoghi bọ nyịidipho.
Nyina kẹmilogh ni tugey ạreegh.
22 #
1 Pit 4.14
“Iboh kꞌẸnaan ịrolonaan inyina mem dị awe ịlogh inyina ḍien kụ ighel inyina kụ iituuny inyina kụ isuughi inyina ịnhu loor ẹmhu Ọony phọ Oye. 23#2 Krọ 36.16; Iiḍ 7.52Ịmoogh iboh rꞌọḍe mem lọ ịphen phọ emite, ịdi eḍighi bọ iseenaan ni inyina igbogh aruunmo ẹpe kꞌạke. Ilegheri mọ ạburude ạburude phọ ạbidi ụkpiloghom ni ịduon riil phọ Ẹnaan.
24“Pọ eeghe ọdo ịminimiin dị kịrolonaan inyina
ạbuphe ẹmoogh bọ ẹelha phọ nyịidipho.
Nyina mẹghelom dọl ẹeḍiom mọ anyina ẹman.
25Pọ eeghe ọdo ịminimiin dị kịrolonaan inyina
ạbuphe molhe bọ nyịidipho omuzeḍi
rụkuruḅaka phọ.
Nyina kẹtol li ọkoony.
Pọ eeghe ọdo ịminimiin dị kịrolonaan inyina
ạbuphe rẹmilogh bọ nyịidipho,
nyina kẹmoogh ni ọto rꞌemoghi.
26“Pọ eeghe ọdo ịminimiin dị kịrolonaan inyina mem dị oomo awe ọgba igey ịlo anyina. Ilegheri mọ ạburude ạburude phọ ạbidi ụghaaphaan ghan ọdo phọ ịphen riil ọkpe phọ.
Ịpomoghian bụmulogh-ḍien phọ anyina!
(Matiu 5.38-48; 7.12a)
27“Kụ mị rịḅeni ghan inyina phọ rịnaghan bọ ịmi mọ ịpomoghian bụmulogh-ḍien anyina, eḍighi igey ẹngo bụphe ịlogh bọ inyina ḍien phọ. 28Ịngo ooḅi ọghor bụphe isuughi bọ inyina ịnhu phọ, ẹeḅereghi ẹngo bụphe ịmiine bọ inyina. 29Oye lọ aḅor nyoniin okpo ạna, ḅịle ni ạngo nyọori phọ dị ạḅile aḅor. Oye lọ ạsighe ạsuoma ạna, kámirighan ukpe lọ nạ ramuuna ghan ologhi. 30Ngọ ghan ni ịyaar lọ oye ạlom nyịna. Oye lọ ạsighe ịyaar ạna, kápuru mọ ọdi aḅulemi. 31#Mat 7.12Tụugh ịlo oḍighi nyịna kụ kẹnighe kụ aḍighi ghan bụnon awe.
32“Nyina ẹphomoghian ghan bụlo ịphomoghian inyina bịn, eeghe aruunmo kụ ẹdi Ẹnaan kiinmo bọ inyina? Rꞌabuḍighinom ịkaraph phọ bịn rọpomoghian ghan ni bụphe ọphomoghian bọ bịdi. 33Nyina eḍighi ghan igey bụlo riḍighi ghan inyina igey bịn, eeghe aruunmo kụ ẹdi Ẹnaan kiinmo bọ inyina? Rꞌabuḍighinom ịkaraph phọ bịn roḍighi ghan ni ịphen phọ. 34Nyina etene ghan ọmugh bụlo nyina eḍuom ologhi mọ kọkpe ni bịn, eeghe aruunmo kụ ẹdi Ẹnaan kiinmo bọ inyina? Rꞌabuḍighinom ịkaraph phọ bịn, oniin ratene ghan ni nyoniin ọmugh, eḍighi mạar dị kọkpe ni ọmugh phọ dị atene bọ. 35Ịpomoghian ghụn bụmulogh-ḍien anyina eḍighi ghan bịdi iiḅi. Iteneghi ghan ịimugh bịn képuru ghan mọ ọḅile ịkpeeghi inyina. Ịduon kụ ẹdi nyina kẹmoogh iboom aruunmo. Nyina kụ keḍighi nmụny Egbogh Ẹnaan phọ. Ọdi ạnighe ni esi ạbuphe rólegheri ghan bọ iiḅi lọ oḍighi bịdi rꞌabuḍighinom ịkaraph. 36Ịnma ghan ighirigiir ịdipho Ọde phọ anyina rạnma ghan bọ ighirigiir phọ.
Kéegboonaan ịiruen bụnon awe
(Matiu 7.1-5)
37“Nyina íigboonaan ịiruen bụnon, Ẹnaan inyina ịiruen kíigboonaan. Nyina ị́ḍagha bụnon, Ẹnaan inyina kị́ḍagha. Ịsar ghan ẹwilenaan bụnon, Ẹnaan kẹsar ghan ni ịwilenaan inyina. 38Ịngaani ghan bụnon, Ẹnaan kịngaani ghan ni inyina, kụ kọto ghan ni, oviil, opighemi, kụ ẹmaar emuza ẹbeleghian ẹtoom mọ nyina kẹboor bọ. Ịpe nyina edi bọ ẹngo bụnon kụ ịdi Ẹnaan kedi ni ịngo aani inyina.”
39 #
Mat 15.14
Kụ ạJizos ạḅile adoghonaan bịdi ḍidogh phọ ạḍien mọ, “Oye ikpom ariḍien kátue aḍiemiom oye ikpom ariḍien. Aḍiemiom, pọ ịyal phọ ạbidi komeleghu ni osuma ooni. 40#Mat 10.24, 25; Jọn 13.16; 15.20Ạmatuan rápu ghan ọtughemia phọ ọdi, kụ tọrobo oye lọ ạtuugha ạmadan kạtol aani ni ịdipho ọtughemia phọ ọdi.
41“Iḍighi bọ ika nụun kụ nạ ạmiin bọ ọpherepe ạḍipe phọ ọpo aḍigh bọ ekpeḍien umor phọ ạna, kụ nạ óloghoma bọ mọ aḍiboom ạḍupo edi aani ni ologhi ekpeḍien phọ ạna? 42Nạ katue bọ ạḅeni ika umor ạna mọ, ‘Umor ạmi, mị ạsighe ọpherepe ạḍipe phọ aḍigh bọ ekpeḍien phọ ạna,’ kụ ạri nạ óloghoma ḍiboom ạḍupo phọ edi aani bọ ologhi ekpeḍien phọ ạna? Nạ olegheri-ịlo-ọnon, ịlo-ạna-úlegheri. Pụr ạsighenaan ḍiboom ạḍupo phọ eḍigh bọ ekpeḍien phọ ạna, pịdi nạ ạmaar ạsighe ọpherepe ạḍipe phọ ọpo odi bọ ologhi ekpeḍien umor phọ ạna.
Ireeny rꞌiimuma phọ ạbidi
(Matiu 7.16-20; 12.33-35)
43“Ogey oreeny dị ramuum ghan ịkaraph iimuma ólho, ọkaraph oreeny dị ramuum ghan igey iimuma ólho. 44#Mat 12.33Oreeny oreeny rolegheriom ghan iimuma phọ ọdi. Oḍebe rámuum ghan rughuuny uman, ọoka rámuum ghan rughuuny oogiri. 45#Mat 12.34Ogey oye rạkaaph ghan igey ạraraar sịphe aḍita igey ạraraar phọ dị aakpomoghi bọ sịphe ologhi phọ ọdi kụ kamitiom, kụ ọkaraph oye rạkaaph ghan ịkaraph ạraraar phọ dị aakpomoghi bọ sịphe ologhi phọ ọdi kụ kamitiom. Ịpe edi bọ ologhi oye phọ kụ ẹdi oye phọ rạkaaph ghan kamitiom.
Ịyal ạbuloghom ruutu
(Matiu 7.24-27)
46“Iḍighi bọ ika nụun kụ nyina rịmagh ghan bọ ịmi mọ, ‘Ọmoogh-we, Ọmoogh-we,’ kụ nyina íḍighi bọ ịpe mị ịḅeni bọ inyina mọ iḍighi ghan phọ? 47Tọrobo oye lọ aru ụteeny ịmi kụ ạnaghan ikpo ọnhu phọ ạmi kụ ạtuugh aḍighi, mị kiḍeenaan inyina oye dị ọdi ạghigh. 48Ọdi ạkigh oye dị aguph de phọ ạkele kụ aphighi otu ọdi ạnyu aḍighiigh. Kụ aḍigho eḍigh ẹtophoron kụ otu phọ óphiigha, ịdi eḍighi bọ opighi ạnyu aḍighiigh. 49Kụ tọrobo oye lọ ạnaghan ikpo ọnhu phọ ạmi kụ ụ́tuugh uḍighi, mị kạmaaniom nyọdi oye dị ạlogh otu ọdi ạnyu ịisaar dị úguphogh de phọ ụkele kụ aphighi. Kụ aḍigho eḍigh ẹtophoron, kụ otu phọ ameel. Pọ eeghe ọdo emeleghuom dị otu phọ ọpo ameleghu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS