Shave 11
11
Geze ta kwa keɗaŋe ta ndiremi
1Ma ke Mahwətə sha Moyize: «'Ya kateve kwa keɗaŋe ta ndiremi te Farawon ba'a te ka Ɛzhipte. Ma kwa sebe ta ŋkɛ ne, katepele ŋayɛ ŋkɛ kaslə, kateŋka ŋayɛ ŋkɛ fəyitekeghə teke. 2Ma pa na sha ka Israyɛl: ‹'Yɛwe wəshi nyi le mze kwa tere tere keɗema nyi le mze kwa tɛawetɛa yayata za va nde ghedəkwəa ŋkɛ, yayata male va kwa ghedəkwəa nta.›» 3Ma te zlaɓa ta Mahwətə ne, ntake ka Ɛzhipte kanewe ka Israyɛl kambeli ganji. Bandanyɛ ne, kawəndə nya hawe mbeli ve Moyize mbe Ɛzhipte, se te mbeli nyi yitea Farawon hwa'a te mbeli.
4Ma ke Moyize sha Farawon: «Wa nya ghena nya geze Mahwətə nya: ‹Ma te tepe ta viɗi ne, katedzeyi 'ya mbe Ɛzhipte. 5Pɛtɛ tempə ka tezhɛa ŋwale nyi mbe Ɛzhipte, se te tezhɛa wəzege ta ŋa nya ketedzeme pasla hwa'a te tezhɛa kwatera nya kehə. Pɛtɛ tempə tsəməa wəshi keseɗa ɓiyitsa. 6Tagha gɛ ne, katetsa geva lewela nya wəba mbe Ɛzhipte pɛtɛ, lewela nya ghama mbeli kafate ba'a nya ɗema mbeli mba katefa. 7Ama te hɛɗi nya nza ka Israyɛl ne, katefa mbɛhwe ta kelɛ mbeli yitea wəndə keɗema yitea wəsə keseɗa we. Ma tsagha gɛ, kaɗepete yɛ 'ya Mahwətə nde nta ghala kwelɛ ka Ɛzhipte le ka Israyɛl.›» 8Ma ke Moyize sha meghe ɓiyitsa: «Ma vəa ŋkwa shɛ ne, katese mbeli nyi teke nyi yitea gha pɛtɛ kagwəɗəŋə kwa kema ta ɗa, ma ke hɛ sha tegeze ɗa: ‹Slə mə teke le mbeli nyi kwa sebe ta ŋa!› Taghanyɛ kateslə 'ya.» Cape Moyize le wənə le wənə shave ki ghɛa Farawon.
9Ma ke Mahwətə shɛ zhɛkwa: «Ma nda ɗema Farawon fa ghena ta ŋayɛ ne, baŋe 'ya kamenete wəshi meŋele kwele kwele te hɛɗia ŋkɛ.» 10Kaganda ne, nahe yɛ Moyize le Aron kemenete wəshi meŋele kwele kwele kwa ntsə ta Farawon, ama nahe Mahwətə kezhɛrete nda mehele ntɛaŋe ntɛaŋe yitea ɗema ŋkɛ pele ka Israyɛl kaslə te hɛɗia ŋkɛ.
Currently Selected:
Shave 11: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 11
11
Geze ta kwa keɗaŋe ta ndiremi
1Ma ke Mahwətə sha Moyize: «'Ya kateve kwa keɗaŋe ta ndiremi te Farawon ba'a te ka Ɛzhipte. Ma kwa sebe ta ŋkɛ ne, katepele ŋayɛ ŋkɛ kaslə, kateŋka ŋayɛ ŋkɛ fəyitekeghə teke. 2Ma pa na sha ka Israyɛl: ‹'Yɛwe wəshi nyi le mze kwa tere tere keɗema nyi le mze kwa tɛawetɛa yayata za va nde ghedəkwəa ŋkɛ, yayata male va kwa ghedəkwəa nta.›» 3Ma te zlaɓa ta Mahwətə ne, ntake ka Ɛzhipte kanewe ka Israyɛl kambeli ganji. Bandanyɛ ne, kawəndə nya hawe mbeli ve Moyize mbe Ɛzhipte, se te mbeli nyi yitea Farawon hwa'a te mbeli.
4Ma ke Moyize sha Farawon: «Wa nya ghena nya geze Mahwətə nya: ‹Ma te tepe ta viɗi ne, katedzeyi 'ya mbe Ɛzhipte. 5Pɛtɛ tempə ka tezhɛa ŋwale nyi mbe Ɛzhipte, se te tezhɛa wəzege ta ŋa nya ketedzeme pasla hwa'a te tezhɛa kwatera nya kehə. Pɛtɛ tempə tsəməa wəshi keseɗa ɓiyitsa. 6Tagha gɛ ne, katetsa geva lewela nya wəba mbe Ɛzhipte pɛtɛ, lewela nya ghama mbeli kafate ba'a nya ɗema mbeli mba katefa. 7Ama te hɛɗi nya nza ka Israyɛl ne, katefa mbɛhwe ta kelɛ mbeli yitea wəndə keɗema yitea wəsə keseɗa we. Ma tsagha gɛ, kaɗepete yɛ 'ya Mahwətə nde nta ghala kwelɛ ka Ɛzhipte le ka Israyɛl.›» 8Ma ke Moyize sha meghe ɓiyitsa: «Ma vəa ŋkwa shɛ ne, katese mbeli nyi teke nyi yitea gha pɛtɛ kagwəɗəŋə kwa kema ta ɗa, ma ke hɛ sha tegeze ɗa: ‹Slə mə teke le mbeli nyi kwa sebe ta ŋa!› Taghanyɛ kateslə 'ya.» Cape Moyize le wənə le wənə shave ki ghɛa Farawon.
9Ma ke Mahwətə shɛ zhɛkwa: «Ma nda ɗema Farawon fa ghena ta ŋayɛ ne, baŋe 'ya kamenete wəshi meŋele kwele kwele te hɛɗia ŋkɛ.» 10Kaganda ne, nahe yɛ Moyize le Aron kemenete wəshi meŋele kwele kwele kwa ntsə ta Farawon, ama nahe Mahwətə kezhɛrete nda mehele ntɛaŋe ntɛaŋe yitea ɗema ŋkɛ pele ka Israyɛl kaslə te hɛɗia ŋkɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.