Shave 14
14
Farawon kakeka ka Israyɛl
1Ma ke Mahwətə sha Moyize: 2«Gezete nda ke ka Israyɛl kezha zhɛneke geva hɛ kanza takwa yitea Pi-Hahirot, nya kwelɛ yɛ Migdol le ndərəa ghwəvərə. Tagha temɓe cɛ lekwesa ta ŋayɛ yɛ kwa kema ta Ba'al-Sefon, mɛa ndərə. 3Ma zəzə Farawon ne, katendeŋe yɛ te hɛɗia shɛ, katenza yɛ kaka mavashi nyi te ɓerama. 4Katezhɛre nda mehele 'ya ntɛaŋe ntɛaŋe ke Farawon ba'a katekeka ŋayɛ ŋkɛ. Katencɛ zləvəa ɗa 'ya laka mpə hɛ le ka sewajɛa ŋkɛ pɛtɛ. Ma tsagha ne, kateɗepete ka Ɛzhipte 'ya ya kaMahwətə.» Pa ka Israyɛl menete kala nya kegezete geva.
5Ma kwa gezete nda mbeli ke yɛ Farawon le mbeli nyi yite nahe ka Israyɛl keslənji te hɛɗi ne, pa hɛ mbeɗete zəzə laka hɛ, ma ke hɛ kwelɛ ghəa nci: «Wa wəsə nya menete nya mə wa? Wa raberə pelakɛ ka Israyɛl mə kaslənji, kaɗema gheɓəmə kekeseyi hɛ kaka mavashi wa?» 6Pa Farawon kelete wəmata gədəwəa ŋkɛ, cape ŋkɛ le ka sewajɛa ŋkɛ. 7Pa ŋkɛ fəte wəmata gədəwə ganji gwəmsə ŋkwaŋe, tsagha kweci wəmata gədəwə nyi mbe Ɛzhipte. Mbeli mahekene ya pelɛ yayata wəmata gədəwə. 8Pa Mahwətə zhɛrete mehele ta Farawon nya kameghea ka Ɛzhipte ntɛaŋe ntɛaŋe, ntake ŋkɛ kakeka ka Israyɛl, vəa ŋkwa nya shave hɛ mbe Ɛzhipte waɗe. 9Tereŋe ka sewajɛa ka Ɛzhipte le gədəwəa lɛməa nci, le wəmata gədəwəa nci ba'a le ka zleɗe gədəwə nci kwa sebe ta ka Israyɛl. Pa hɛ kekave hɛ takwa yitea Pi-Hahirot, kwa kema ta Ba'al-Sefon, te ŋkwa nya nzanji hɛ takwa yitea ndərə.
10Ma kwa nakɛ ka Israyɛl kwa hweŋkwa ka Ɛzhipte kakeka hɛ ba'a nahe Farawon kehendeke nda geva ke hɛ ne, pa hɛ ghazlənənji kwele kwele, kɛake hɛ tsave nda lewela ke Mahwətə. 11Ma ke hɛ sha Moyize: «Dewə ŋkwa kela ŋkwa mbe Ɛzhipte nda fəke n'yɛ na kase kampə te ɓerama na? Wa raberə fəakave n'yɛ na mbe Ɛzhipte wa? 12Kegezete ŋa ghen'yɛ kwa nza gheɓəmə mba kwagha kezha sərə n'yɛ kwagha kamene nda slene ke ka Ɛzhipte wəka? Megela ma ŋkɛ sha ghen'yɛ kempə te ɓerama.» 13Ma ke Moyize sha ka Israyɛl: «Ghazlənəma yɛ ma! Hwepe mə ghə! Katenewe yɛ tsema tsema tembele ŋayɛ Mahwətə ɓeshi. Kwa nza ŋkɛ ma ka Ɛzhipte nyi newe nyi yɛ ɓeshi ne, mba yɛ katenakɛ hɛ tɛape we. 14Mahwətə nde tempa te ŋkwa ŋayɛ. Ma gheyɛ le ŋa ŋayɛ ne, divə tenza yɛ.»
Shala kaŋa hweŋkwa jive te ndərə
15Ma ke Mahwətə sha Moyize: «Wa raberə tsa ɗa lewela na wa? Geze nda ke ka Israyɛl kaslə. 16Kelete geta ta ŋa shɛ na kafete kənəa ndərə. Ŋate hweŋkwa te ndərə yitea jivenji ka Israyɛl te ndaleghe kwa ghwele ghwele. 17Ma 'ya le ŋa ɗa ne, katezhɛre nda mehele 'ya ntɛaŋe ntɛaŋe ke ka Ɛzhipte kezha dzawa hɛ kwa sebe ta ŋayɛ. Tagha gɛ, katencɛ zləvəa ɗa 'ya laka mpə yɛ Farawon le ka sewajɛa ŋkɛ pɛtɛ, yɛ wəmata gədəwəa ŋkɛ ba'a ka zleɗe gədəwəa lɛməa ŋkɛ. 18Ma tsagha ne, kateɗepete ka Ɛzhipte 'ya ya kaMahwətə, vəa ŋkwa nya tencɛte zləvəa ɗa 'ya kala nyagha.»
19Pa nde ghwene ta Shala nya kese kadzeghwa te kema ta ka Israyɛl seyinyɛ kwetere wəmbəa nci. Tsagha shɛnyɛ ne, pa meləkwə ləkwə nya kese te kema ta nci seyinyɛ kwetere wəmbəa nci. 20Pa nzanyɛ kwelɛ ghedəkwəa ka Ɛzhipte le ŋa ka Israyɛl. Ma meləkwə ləkwəa shɛ ne, kaŋkwesle ŋkɛ laka bela ta ka Ɛzhipte, ama kawaŋe ŋkwa ŋkɛ heviɗi laka bela ta ka Israyɛl. Vatse shɛma hɛ shɛ hende nda geva ke ghəa nci kahɛ hwencɛke ncɛke.
21Pa Moyize kafete dzeve kənəa ndərə. Tagha gɛ, pa Mahwətə vɛke sefə nya wəba se laka ŋkwa kesame ta veci kahɛ hwencɛke ncɛke kezha zhɛne yɛməa ndərə dzeyi te sebe ba'a kezha ghwele ŋkɛ. Pa yɛmə neheve geva mbe. 22Pa ka Israyɛl jivenji te ndaleghe nya keghwele ghwele kwelɛ tepe ta yɛmə: pa yɛmə zhɛrenyɛ kala zli laka yayata bela. 23Tereŋe ka Ɛzhipte kwa sebe ta nci. Shishilimə gədəwəa lɛməa Farawon, yɛ wəmata gədəwəa ŋkɛ ba'a ka zleɗe gədəwəa ŋkɛ dzawa kwa sebe ta nci kwelɛ tepe ta yɛmə. 24Ma takwa ŋkwa kakiɗi ne, pa Mahwətə nya mbe tepe ta geɗeɗe ta ghwə ba'a ŋa meləkwə ləkwə vate ntsə te ka sewajɛa ka Ɛzhipte ba'a tazemte mehele ta nci kwetɛ kwetɛŋe. 25Pa bezemte seɗa ta yɛ wəmata gədəwə kezha shɛma hɛ dzeghwa. Tagha gɛ, kɛake ka Ɛzhipte sha lewela: «Hwɛ ɓəmə cakeɗake va ka Israyɛl, kwa nza ŋkɛ Mahwətə nde mpa nda mpa ke hɛ le gheɓəmə!»
26Ma ke Mahwətə sha Moyize: «Kafete dzeve ta ŋa kənəa ndərə kezha zhɛne geva yɛmə kadzeghəa yɛ wəmata gədəwə ba'a ka zleɗe gədəwəa lɛməa ka Ɛzhipte.» 27Pa Moyize kafete dzeve kənəa ndərə. Ma tekiɗi ta ŋkwa ne, nahe yɛmə kezhɛneyi geva te ŋkwa nya se ŋkɛ. Taghanyɛ ne, vəkə yɛmə yitea ka Ɛzhipte nyi kehwɛ, ama pa Mahwətə zamte hɛ kwa. 28Pa yɛmə zhiɓəaghe geva kənəa yɛ wəmata gədəwə, ka zleɗe gədəwəa lɛmə ba'a pɛtɛa ka sewajɛa Farawon nyi kese kakeka ka Israyɛl kwa ndərə. Wəndə shɛ kembele we. 29Ma ka Israyɛl le ŋa nci ne, nahe hɛ kejivenji te ndaleghe nya keghwele ghwele, nahe yɛmə kezhɛrete geva kala zli laka yayata bela.
30Ma te vecia shɛ ne, pa Mahwətə mbelemte ka Israyɛl shave mbe dzeve ta ka Ɛzhipte, kanewe newe ka Ɛzhipte nyi kempə ka Israyɛl dzeyi mɛa hələbəa ndərə. 31Nahe ka Israyɛl kenakɛ berete nya ɗate ka Ɛzhipte Mahwətə le. Vatse ɗepete kwelea ŋkɛ hɛ. Pa hɛ ndeke nda ghəa nci ke Mahwətə ba'a vate ghə te Moyize, nde mene slene ta ŋkɛ.
Currently Selected:
Shave 14: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 14
14
Farawon kakeka ka Israyɛl
1Ma ke Mahwətə sha Moyize: 2«Gezete nda ke ka Israyɛl kezha zhɛneke geva hɛ kanza takwa yitea Pi-Hahirot, nya kwelɛ yɛ Migdol le ndərəa ghwəvərə. Tagha temɓe cɛ lekwesa ta ŋayɛ yɛ kwa kema ta Ba'al-Sefon, mɛa ndərə. 3Ma zəzə Farawon ne, katendeŋe yɛ te hɛɗia shɛ, katenza yɛ kaka mavashi nyi te ɓerama. 4Katezhɛre nda mehele 'ya ntɛaŋe ntɛaŋe ke Farawon ba'a katekeka ŋayɛ ŋkɛ. Katencɛ zləvəa ɗa 'ya laka mpə hɛ le ka sewajɛa ŋkɛ pɛtɛ. Ma tsagha ne, kateɗepete ka Ɛzhipte 'ya ya kaMahwətə.» Pa ka Israyɛl menete kala nya kegezete geva.
5Ma kwa gezete nda mbeli ke yɛ Farawon le mbeli nyi yite nahe ka Israyɛl keslənji te hɛɗi ne, pa hɛ mbeɗete zəzə laka hɛ, ma ke hɛ kwelɛ ghəa nci: «Wa wəsə nya menete nya mə wa? Wa raberə pelakɛ ka Israyɛl mə kaslənji, kaɗema gheɓəmə kekeseyi hɛ kaka mavashi wa?» 6Pa Farawon kelete wəmata gədəwəa ŋkɛ, cape ŋkɛ le ka sewajɛa ŋkɛ. 7Pa ŋkɛ fəte wəmata gədəwə ganji gwəmsə ŋkwaŋe, tsagha kweci wəmata gədəwə nyi mbe Ɛzhipte. Mbeli mahekene ya pelɛ yayata wəmata gədəwə. 8Pa Mahwətə zhɛrete mehele ta Farawon nya kameghea ka Ɛzhipte ntɛaŋe ntɛaŋe, ntake ŋkɛ kakeka ka Israyɛl, vəa ŋkwa nya shave hɛ mbe Ɛzhipte waɗe. 9Tereŋe ka sewajɛa ka Ɛzhipte le gədəwəa lɛməa nci, le wəmata gədəwəa nci ba'a le ka zleɗe gədəwə nci kwa sebe ta ka Israyɛl. Pa hɛ kekave hɛ takwa yitea Pi-Hahirot, kwa kema ta Ba'al-Sefon, te ŋkwa nya nzanji hɛ takwa yitea ndərə.
10Ma kwa nakɛ ka Israyɛl kwa hweŋkwa ka Ɛzhipte kakeka hɛ ba'a nahe Farawon kehendeke nda geva ke hɛ ne, pa hɛ ghazlənənji kwele kwele, kɛake hɛ tsave nda lewela ke Mahwətə. 11Ma ke hɛ sha Moyize: «Dewə ŋkwa kela ŋkwa mbe Ɛzhipte nda fəke n'yɛ na kase kampə te ɓerama na? Wa raberə fəakave n'yɛ na mbe Ɛzhipte wa? 12Kegezete ŋa ghen'yɛ kwa nza gheɓəmə mba kwagha kezha sərə n'yɛ kwagha kamene nda slene ke ka Ɛzhipte wəka? Megela ma ŋkɛ sha ghen'yɛ kempə te ɓerama.» 13Ma ke Moyize sha ka Israyɛl: «Ghazlənəma yɛ ma! Hwepe mə ghə! Katenewe yɛ tsema tsema tembele ŋayɛ Mahwətə ɓeshi. Kwa nza ŋkɛ ma ka Ɛzhipte nyi newe nyi yɛ ɓeshi ne, mba yɛ katenakɛ hɛ tɛape we. 14Mahwətə nde tempa te ŋkwa ŋayɛ. Ma gheyɛ le ŋa ŋayɛ ne, divə tenza yɛ.»
Shala kaŋa hweŋkwa jive te ndərə
15Ma ke Mahwətə sha Moyize: «Wa raberə tsa ɗa lewela na wa? Geze nda ke ka Israyɛl kaslə. 16Kelete geta ta ŋa shɛ na kafete kənəa ndərə. Ŋate hweŋkwa te ndərə yitea jivenji ka Israyɛl te ndaleghe kwa ghwele ghwele. 17Ma 'ya le ŋa ɗa ne, katezhɛre nda mehele 'ya ntɛaŋe ntɛaŋe ke ka Ɛzhipte kezha dzawa hɛ kwa sebe ta ŋayɛ. Tagha gɛ, katencɛ zləvəa ɗa 'ya laka mpə yɛ Farawon le ka sewajɛa ŋkɛ pɛtɛ, yɛ wəmata gədəwəa ŋkɛ ba'a ka zleɗe gədəwəa lɛməa ŋkɛ. 18Ma tsagha ne, kateɗepete ka Ɛzhipte 'ya ya kaMahwətə, vəa ŋkwa nya tencɛte zləvəa ɗa 'ya kala nyagha.»
19Pa nde ghwene ta Shala nya kese kadzeghwa te kema ta ka Israyɛl seyinyɛ kwetere wəmbəa nci. Tsagha shɛnyɛ ne, pa meləkwə ləkwə nya kese te kema ta nci seyinyɛ kwetere wəmbəa nci. 20Pa nzanyɛ kwelɛ ghedəkwəa ka Ɛzhipte le ŋa ka Israyɛl. Ma meləkwə ləkwəa shɛ ne, kaŋkwesle ŋkɛ laka bela ta ka Ɛzhipte, ama kawaŋe ŋkwa ŋkɛ heviɗi laka bela ta ka Israyɛl. Vatse shɛma hɛ shɛ hende nda geva ke ghəa nci kahɛ hwencɛke ncɛke.
21Pa Moyize kafete dzeve kənəa ndərə. Tagha gɛ, pa Mahwətə vɛke sefə nya wəba se laka ŋkwa kesame ta veci kahɛ hwencɛke ncɛke kezha zhɛne yɛməa ndərə dzeyi te sebe ba'a kezha ghwele ŋkɛ. Pa yɛmə neheve geva mbe. 22Pa ka Israyɛl jivenji te ndaleghe nya keghwele ghwele kwelɛ tepe ta yɛmə: pa yɛmə zhɛrenyɛ kala zli laka yayata bela. 23Tereŋe ka Ɛzhipte kwa sebe ta nci. Shishilimə gədəwəa lɛməa Farawon, yɛ wəmata gədəwəa ŋkɛ ba'a ka zleɗe gədəwəa ŋkɛ dzawa kwa sebe ta nci kwelɛ tepe ta yɛmə. 24Ma takwa ŋkwa kakiɗi ne, pa Mahwətə nya mbe tepe ta geɗeɗe ta ghwə ba'a ŋa meləkwə ləkwə vate ntsə te ka sewajɛa ka Ɛzhipte ba'a tazemte mehele ta nci kwetɛ kwetɛŋe. 25Pa bezemte seɗa ta yɛ wəmata gədəwə kezha shɛma hɛ dzeghwa. Tagha gɛ, kɛake ka Ɛzhipte sha lewela: «Hwɛ ɓəmə cakeɗake va ka Israyɛl, kwa nza ŋkɛ Mahwətə nde mpa nda mpa ke hɛ le gheɓəmə!»
26Ma ke Mahwətə sha Moyize: «Kafete dzeve ta ŋa kənəa ndərə kezha zhɛne geva yɛmə kadzeghəa yɛ wəmata gədəwə ba'a ka zleɗe gədəwəa lɛməa ka Ɛzhipte.» 27Pa Moyize kafete dzeve kənəa ndərə. Ma tekiɗi ta ŋkwa ne, nahe yɛmə kezhɛneyi geva te ŋkwa nya se ŋkɛ. Taghanyɛ ne, vəkə yɛmə yitea ka Ɛzhipte nyi kehwɛ, ama pa Mahwətə zamte hɛ kwa. 28Pa yɛmə zhiɓəaghe geva kənəa yɛ wəmata gədəwə, ka zleɗe gədəwəa lɛmə ba'a pɛtɛa ka sewajɛa Farawon nyi kese kakeka ka Israyɛl kwa ndərə. Wəndə shɛ kembele we. 29Ma ka Israyɛl le ŋa nci ne, nahe hɛ kejivenji te ndaleghe nya keghwele ghwele, nahe yɛmə kezhɛrete geva kala zli laka yayata bela.
30Ma te vecia shɛ ne, pa Mahwətə mbelemte ka Israyɛl shave mbe dzeve ta ka Ɛzhipte, kanewe newe ka Ɛzhipte nyi kempə ka Israyɛl dzeyi mɛa hələbəa ndərə. 31Nahe ka Israyɛl kenakɛ berete nya ɗate ka Ɛzhipte Mahwətə le. Vatse ɗepete kwelea ŋkɛ hɛ. Pa hɛ ndeke nda ghəa nci ke Mahwətə ba'a vate ghə te Moyize, nde mene slene ta ŋkɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.