Shave 20
20
Wəshi mahalegə meŋe
(ZGWM 5.6-21)
1Wa nyi ghena nyi gezete nda Shala ke hwelefe ta Israyɛl nyi:
2«'Ya ya kaMahwətə Shala ta ŋa nya kekelakave ŋa shave mbe Ɛzhipte nya se na kamava.
3Gwəɗəŋəma na kwa kema ta kweci shala keɗema 'ya kwetɛŋe ɗa ma.
4Mene nda ma kwete shala na ke ghəa ŋa, ya pa ta wəshi nyi pelɛ ghweme, te hɛɗi keɗema kwa yɛmə nya mbe hɛɗi ma. 5Gwəɗəŋəma na kwa kema ta pa ta wəshia shɛhɛ ma, hawema na va hɛ ma. Kwa nza ŋkɛ ne, 'ya ya kaMahwətə Shala ta ŋa, Shala nya kezlɛ. Ma kebezemte ɗa ghena wəndə ne, kateme 'ya te wəndəa shɛ, te ŋwalea ŋkɛ, hwa'a te kwa maheke keɗema kwa wəfaɗe ta hwelefe. 6Ama kamene nda ganyɛ 'ya ke mbeli nyi keɗe ɗa ba'a nyi kehawe va wəshi mahalegəa ɗa hwa'a te te hwelefefi slibə.
7Hekɛmema sləa ɗa, 'ya Shala Mahwətə ta ŋa na gəmə ma, kwa nza ŋkɛ kande beze ghena ve wəndə nya kala nyagha 'ya, 'ya Mahwətə.
8Zaghəma ve ɗa veci kezhɛne mpi na tekeleke ma. 9Hɛ ŋkwaŋe temene na kamene slene nyi va gha. 10Ama kwa mberefaŋe ta hɛ ne, gheŋkɛ ya kaveci kezhɛne mpi nya keveyi ɗa geva tekeleke, 'ya Shala Mahwətə ta ŋa. Menema slene na te vecia shɛ, ya gha, ya wəzege teza ta ŋa, ya wəzha ta ŋa, ya nde mene slene ta ŋa, ya kwatera ta ŋa, ya wəshi keseɗa ta ŋa, ya nde se se nya ki ghɛa ŋa ma. 11Kwa nza ŋkɛ mbe hɛ ŋkwaŋe pate ghweme ba'a wəshi nyi pelɛ, hɛɗi ba'a wəshi nyi te, ndərə ba'a wəshi nyi kwa 'ya, kwa sebe ta ŋkɛ, pa 'ya zhɛnakɛ mpi te hɛ kwa mberefaŋe. Vatse wəpikɛ ba'a veyi veci kezhɛne mpi 'ya tekeleke, 'ya Mahwətə.
12Hawe va yiteyɛ ŋa ba'a meyɛ ŋa, yitea jive hɛa ŋa biyake te hɛɗi nya ve ŋa 'ya, 'ya Shala Mahwətə ta ŋa.
13Peslema wəndə na ma.
14Valema na tahe ma.
15Ghərəma na ma.
16Negha nda ma fete tseŋwə na ke nde ghedəkwəa ŋa ma.
17Slama ntsə na yitea ghɛa nde ghedəkwəa ŋa, ya male ta ŋkɛ, ya nde mene slene ta ŋkɛ, ya kwatera ta ŋkɛ, ya sla ta ŋkɛ, ya kwara ta ŋkɛ, ya yayata wəsə nya ve ma.»
18Nahe pɛtɛa ka Israyɛl kefate berazlɛ ta va ba'a vɛ ta tereme, pɛtɛ nci kenakɛ slesla ta va ba'a ghweme nya bətə mbe n'yi. Ntake hɛ kabare bare va ghazlənə ba'a pa hɛ nzanji cakeɗake. 19Ma ke hɛ sha Moyize: «Geze n'yɛ ghena, gha le ghəa ŋa, katefa ghena ta ŋa n'yɛ. Ama kaɗe n'yɛ kageze n'yɛ ghena Shala kata kata we, katempə n'yɛ.» 20Ma ke Moyize sha hɛ: «Ghazlənəma yɛ ma! Ma nda hendeke ŋayɛ geva Shala ne, kezha dzeghe ŋayɛ. Kaɗe ŋkɛ kezha ɗepete berete ta ŋkɛ yɛ ba'a kezha ɗema yɛ mene jaɗafa.» 21Pa ka Israyɛl nzanji cakeɗake, ama pa Moyize hendave nda geva ke ləmbə nya diŋwədi nya nza nya Shala mbe.
Ghena te ghəa reghwetɛ kedzeghe melɛ
22Ma ke Mahwətə sha Moyize: «Wa nyi ghena ta ɗa nyi tegeze nda na ke ka Israyɛl nyi: ‹Nahe yɛ kenakɛ nahe 'ya kegezete ŋayɛ ghena sawa pelɛ ghweme. 23Mene nda ma kweci shala yɛ ke ghəa ŋayɛ le mze kwa tɛawetɛa keɗema le mze kwa tere tere, kezha hawe va hɛ mba 'ya ma. 24Pa yɛ ŋate ɗa reghwetɛ rekɛ nya tedzeghe ɗa melɛ kwa tere tere keɗema melɛ kejikə ghə yɛ le timɛtia ŋayɛ, yɛ kwia ŋayɛ ba'a yɛ sla ta ŋayɛ te. Ma 'ya gɛ ne, katese 'ya kawəpi ŋayɛ te yayata ŋkwa nya tencɛ zləvəa ɗa 'ya. 25Ma kenza yɛ kapa ɗa reghwetɛ pelɛ ne, pama ŋkɛ yɛ le pelɛ nyi ketsehe tsehe ma, kwa nza ŋkɛ, ma kwa tsehe hɛ yɛ le lɛ ne, nahe yɛ kezhɛrete hɛ wale wale. 26Pa ɗa ma reghwetɛ nya dzeme mbeli dzeme dzeme yɛ ma, yagha mbeli katenewe zeweve ta wəndə nya pelɛ.›»
Currently Selected:
Shave 20: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 20
20
Wəshi mahalegə meŋe
(ZGWM 5.6-21)
1Wa nyi ghena nyi gezete nda Shala ke hwelefe ta Israyɛl nyi:
2«'Ya ya kaMahwətə Shala ta ŋa nya kekelakave ŋa shave mbe Ɛzhipte nya se na kamava.
3Gwəɗəŋəma na kwa kema ta kweci shala keɗema 'ya kwetɛŋe ɗa ma.
4Mene nda ma kwete shala na ke ghəa ŋa, ya pa ta wəshi nyi pelɛ ghweme, te hɛɗi keɗema kwa yɛmə nya mbe hɛɗi ma. 5Gwəɗəŋəma na kwa kema ta pa ta wəshia shɛhɛ ma, hawema na va hɛ ma. Kwa nza ŋkɛ ne, 'ya ya kaMahwətə Shala ta ŋa, Shala nya kezlɛ. Ma kebezemte ɗa ghena wəndə ne, kateme 'ya te wəndəa shɛ, te ŋwalea ŋkɛ, hwa'a te kwa maheke keɗema kwa wəfaɗe ta hwelefe. 6Ama kamene nda ganyɛ 'ya ke mbeli nyi keɗe ɗa ba'a nyi kehawe va wəshi mahalegəa ɗa hwa'a te te hwelefefi slibə.
7Hekɛmema sləa ɗa, 'ya Shala Mahwətə ta ŋa na gəmə ma, kwa nza ŋkɛ kande beze ghena ve wəndə nya kala nyagha 'ya, 'ya Mahwətə.
8Zaghəma ve ɗa veci kezhɛne mpi na tekeleke ma. 9Hɛ ŋkwaŋe temene na kamene slene nyi va gha. 10Ama kwa mberefaŋe ta hɛ ne, gheŋkɛ ya kaveci kezhɛne mpi nya keveyi ɗa geva tekeleke, 'ya Shala Mahwətə ta ŋa. Menema slene na te vecia shɛ, ya gha, ya wəzege teza ta ŋa, ya wəzha ta ŋa, ya nde mene slene ta ŋa, ya kwatera ta ŋa, ya wəshi keseɗa ta ŋa, ya nde se se nya ki ghɛa ŋa ma. 11Kwa nza ŋkɛ mbe hɛ ŋkwaŋe pate ghweme ba'a wəshi nyi pelɛ, hɛɗi ba'a wəshi nyi te, ndərə ba'a wəshi nyi kwa 'ya, kwa sebe ta ŋkɛ, pa 'ya zhɛnakɛ mpi te hɛ kwa mberefaŋe. Vatse wəpikɛ ba'a veyi veci kezhɛne mpi 'ya tekeleke, 'ya Mahwətə.
12Hawe va yiteyɛ ŋa ba'a meyɛ ŋa, yitea jive hɛa ŋa biyake te hɛɗi nya ve ŋa 'ya, 'ya Shala Mahwətə ta ŋa.
13Peslema wəndə na ma.
14Valema na tahe ma.
15Ghərəma na ma.
16Negha nda ma fete tseŋwə na ke nde ghedəkwəa ŋa ma.
17Slama ntsə na yitea ghɛa nde ghedəkwəa ŋa, ya male ta ŋkɛ, ya nde mene slene ta ŋkɛ, ya kwatera ta ŋkɛ, ya sla ta ŋkɛ, ya kwara ta ŋkɛ, ya yayata wəsə nya ve ma.»
18Nahe pɛtɛa ka Israyɛl kefate berazlɛ ta va ba'a vɛ ta tereme, pɛtɛ nci kenakɛ slesla ta va ba'a ghweme nya bətə mbe n'yi. Ntake hɛ kabare bare va ghazlənə ba'a pa hɛ nzanji cakeɗake. 19Ma ke hɛ sha Moyize: «Geze n'yɛ ghena, gha le ghəa ŋa, katefa ghena ta ŋa n'yɛ. Ama kaɗe n'yɛ kageze n'yɛ ghena Shala kata kata we, katempə n'yɛ.» 20Ma ke Moyize sha hɛ: «Ghazlənəma yɛ ma! Ma nda hendeke ŋayɛ geva Shala ne, kezha dzeghe ŋayɛ. Kaɗe ŋkɛ kezha ɗepete berete ta ŋkɛ yɛ ba'a kezha ɗema yɛ mene jaɗafa.» 21Pa ka Israyɛl nzanji cakeɗake, ama pa Moyize hendave nda geva ke ləmbə nya diŋwədi nya nza nya Shala mbe.
Ghena te ghəa reghwetɛ kedzeghe melɛ
22Ma ke Mahwətə sha Moyize: «Wa nyi ghena ta ɗa nyi tegeze nda na ke ka Israyɛl nyi: ‹Nahe yɛ kenakɛ nahe 'ya kegezete ŋayɛ ghena sawa pelɛ ghweme. 23Mene nda ma kweci shala yɛ ke ghəa ŋayɛ le mze kwa tɛawetɛa keɗema le mze kwa tere tere, kezha hawe va hɛ mba 'ya ma. 24Pa yɛ ŋate ɗa reghwetɛ rekɛ nya tedzeghe ɗa melɛ kwa tere tere keɗema melɛ kejikə ghə yɛ le timɛtia ŋayɛ, yɛ kwia ŋayɛ ba'a yɛ sla ta ŋayɛ te. Ma 'ya gɛ ne, katese 'ya kawəpi ŋayɛ te yayata ŋkwa nya tencɛ zləvəa ɗa 'ya. 25Ma kenza yɛ kapa ɗa reghwetɛ pelɛ ne, pama ŋkɛ yɛ le pelɛ nyi ketsehe tsehe ma, kwa nza ŋkɛ, ma kwa tsehe hɛ yɛ le lɛ ne, nahe yɛ kezhɛrete hɛ wale wale. 26Pa ɗa ma reghwetɛ nya dzeme mbeli dzeme dzeme yɛ ma, yagha mbeli katenewe zeweve ta wəndə nya pelɛ.›»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.