Shave 22
22
1Ma kecehate ghərə mbeli kantsa dewe heviɗi nda mpave mbeli kamte ne, kaɓela nyagha mbeli kapesle ŋkwa we. 2Ama nda heveci peslekɛ mbeli ne, pesle ŋkwa nyagha. Pa ghərə hi kaŋkikɛ wəsə nya ghərəve ŋkɛ. Ma keɗema wəsə ve ne, pa mbeli pamte ŋkɛ kamava.
3Ma kesləyi sla, kwara, təmə keɗema kwe nya keseve ghərə mbeli teghweme ne, pa zhɛneke wəsə keseɗa shɛ ba'a kwete yite.
Te ghəa kweci wəshi nyi kemene geva
4Ma kezehwe wəshi nyi te wəve keɗema wəvea rɛzɛŋea wəndə kwete wəndə le wəshi keseɗa ne, wəshi nyi te wəve ganyɛa ŋkɛ ba'a nyi kese mbe wəvea rɛzɛŋe ganyɛa ŋkɛ yafə ŋkɛ kase te ŋkwa ŋkɛ.
5Ma kenza wəndə kandə yɛ tigə nda mbelenyɛ ghwə kandəmte yɛ ghwɛpɛa ha, ha nyi mba yitea ghweme keɗema ha nyi kenakama kashave le ghə ne, pa wəndə nya kendəte ghwəa shɛ ŋkikɛ wəshi nyi teremte ŋkɛ.
6Ma kewəfərəakɛ cɛdɛ keɗema kweci wəshi wəndə va nde ghedəkwəa ŋkɛ, nda ghərəhwe mbeli ki ghɛa ŋkɛ, ma kentsate ghərəa shɛ mbeli ne, bake zhigə teŋki wəsə nya ghərəve ŋkɛ ŋkɛ. 7Ma keɗema mbeli kentsate ghərəa shɛ ne, pa wəndə nya wəfərəakɛ wəsə mbeli ve neghate fete kwa kema ta Shala kaɗema ŋkɛ le ghəa ŋkɛ kegete mbəɗəkwə le wəsəa shɛ. 8Ma te ghəa mbəɗəkwə nya kemenete geva te sla, kwara, təmə, kwe, lekwesa keɗema yayata wəsə nya keza ne, pa mbeli nyi bake nyi keghəpə te wəsə keseɗa keɗema kwete wəsə neghate fete kwa kema ta Shala: ma wəndə nya veyi Shala kande beze ghena ne, kazhigə bake teŋki nda ŋkɛ ke kwete wəndəa ŋkɛ.
9Ma kedapave nda kwara, sla, təmə, kwe, keɗema kwete wəsə keseɗa wəndə ke nde ghedəkwəa ŋkɛ nda mtenyɛ wəsə keseɗa shɛ keɗema zhi nde ɗakɛ keɗema nda kelehwe wəsə keseɗa shɛ ka ghərəa kɛfi kaɗema mbeli kenakɛ ne, 10pa nde ghedəkwə nyagha zemete fela le Mahwətə kaɗema ŋkɛ kegete mbəɗəkwə le wəsə keseɗa shɛ. Kateyɛ fela ta ŋkɛ wəndə ke wəsə keseɗa, wəsə shɛ kateŋki nde ghedəkwə nyagha we. 11Ama nda mbeli nde ghərəhwe wəsə keseɗa shɛ yite ne, pa ŋkikɛ nda ke wəndə ke wəsə.
12Ma kenza nde wəshi nyi hwa gamba ka mpeɗehwe wəsə keseɗa shɛ ne, pa wəndə nyagha fəke nyi ketene kezha negha fete, ma tsagha ne, wəsə shɛ kateŋki ŋkɛ we.
13Ma kesəkwəve wəsə keseɗa wəndə va nde ghedəkwəa ŋkɛ nda ɗakɛ zhi keɗema nda mtenyɛ nde kaɗema wəndə ke wəsə keseɗa shɛ tagha ne, pa wəndə nya kesəkwəve wəsə keseɗa nyagha vate kwete te ŋkwa ŋkɛ. 14Ama nda tagha wəndə ke wəsə ne, wəsə shɛ kateŋki wəndə nya kesəkwəve nyagha we. Ma kakane kelete wəsə keseɗa shɛ ŋkɛ ne, wəsə nya slate hɛ yakele ŋkɛ kase.
Kweci wəshi mahalegə
15Ma keghwetete degheli nya ɗema za mbe wəndə ba'a keɓelahehwe ɓelahe ŋkɛ le ne, pa wəmekɛ ŋkɛ kezha nza nde kamale ta ŋkɛ. 16Ma keɗema yitenyɛ kave nda ne, pa wəndəa shɛ ŋkikɛ cɛdɛ kala nya wəme degheli mbeli.
17Mba yɛ kesərə male nya kemene ghwɛ teghweme.
18Ma wəndə nya kevale wəsə keseɗa ne, katepesle ŋkɛ mbeli.
19Ma wəndə nya kedzeghe nda melɛ ke kweci shala, kaɗema ke Mahwətə ne, katepesle ŋkɛ mbeli.
20Mba yɛ kesa nda yaka ke ka se se ba'a kefə wəshia nci, kwa nza ŋkɛ ne, kaka se se se yɛ mbe Ɛzhipte. 21Sa nda ma yaka yɛ ke ka wedidi ba'a ke ka mezhɛtiti ma. 22Ma kenza yɛ kasa nda yaka ke hɛ ne, katetsa ɗa lewela hɛ, fəyitekeghə geze ŋayɛ 'ya katefa lewela ta nci 'ya. 23Katehwepe wənə 'ya va gheyɛ ba'a katempə ŋayɛ 'ya kwamte mpa. Ma tsagha gɛ, katenza mia ŋayɛ kaka wedidi ba'a ŋwalea ŋayɛ kaka mezhɛtiti. 24Ma kenzəɓəave nda cɛdɛ na ke menə ŋa, ke nde titikwə nya vare gha ne, menema na kala kweci mbeli nyi kenzəɓə nda cɛdɛ ke mbeli ma, 'yɛwema yɛmə na yite ma.
25Ma kekelete gwada ta wəndə na te ŋkwa kwete wəsə ne, zhɛnave nda wəsəa ŋkɛ nda tepəkwə veci. 26Deke gheŋkɛ ya ve kezha dəpə ghəa ŋkɛ ba'a kezha ya geva ta ŋkɛ. Ma keɗema ŋkɛ tsagha ne, mbe wa tehɛ ŋkɛ wa? Ma ketsave ɗa lewela ŋkɛ ne, katefa 'ya, kwa nza ŋkɛ ma 'ya ne, Shala nya ganyɛa mehele 'ya. 27Ŋele ɗa ma yɛ, 'ya Shala ta ŋayɛ ma. Bezlama wəndə nya te ghəa hwelefe ta ŋayɛ yɛ ma.
28Fəke ɗa mə zhigə ŋa ɗa bela ta wəshi nyi kese te wəve ba'a tɛa rɛzɛŋe kahe kahe.
Veyi ɗa mə tsəməa ŋwale tezhilia ŋayɛ tekeleke.
29Ma kaŋa tsəməa wəzege ta sla, təmə keɗema kwe ne, pa mbeli sərəakɛ yitea ŋ'wa kahɛ mberefaŋe. Ma te kwa deghese ta hɛ ne, dzeghekɛ ɗa mə melɛ le.
30Katenza yɛ kambeli nyi keveyi geva tekeleke kaŋa ɗa. Mba yɛ kezeme slia wəsə keseɗa nya mpeɗehwe wəshi nyi hwa gamba. Neghave nda mə ke kelɛa keti.
Currently Selected:
Shave 22: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 22
22
1Ma kecehate ghərə mbeli kantsa dewe heviɗi nda mpave mbeli kamte ne, kaɓela nyagha mbeli kapesle ŋkwa we. 2Ama nda heveci peslekɛ mbeli ne, pesle ŋkwa nyagha. Pa ghərə hi kaŋkikɛ wəsə nya ghərəve ŋkɛ. Ma keɗema wəsə ve ne, pa mbeli pamte ŋkɛ kamava.
3Ma kesləyi sla, kwara, təmə keɗema kwe nya keseve ghərə mbeli teghweme ne, pa zhɛneke wəsə keseɗa shɛ ba'a kwete yite.
Te ghəa kweci wəshi nyi kemene geva
4Ma kezehwe wəshi nyi te wəve keɗema wəvea rɛzɛŋea wəndə kwete wəndə le wəshi keseɗa ne, wəshi nyi te wəve ganyɛa ŋkɛ ba'a nyi kese mbe wəvea rɛzɛŋe ganyɛa ŋkɛ yafə ŋkɛ kase te ŋkwa ŋkɛ.
5Ma kenza wəndə kandə yɛ tigə nda mbelenyɛ ghwə kandəmte yɛ ghwɛpɛa ha, ha nyi mba yitea ghweme keɗema ha nyi kenakama kashave le ghə ne, pa wəndə nya kendəte ghwəa shɛ ŋkikɛ wəshi nyi teremte ŋkɛ.
6Ma kewəfərəakɛ cɛdɛ keɗema kweci wəshi wəndə va nde ghedəkwəa ŋkɛ, nda ghərəhwe mbeli ki ghɛa ŋkɛ, ma kentsate ghərəa shɛ mbeli ne, bake zhigə teŋki wəsə nya ghərəve ŋkɛ ŋkɛ. 7Ma keɗema mbeli kentsate ghərəa shɛ ne, pa wəndə nya wəfərəakɛ wəsə mbeli ve neghate fete kwa kema ta Shala kaɗema ŋkɛ le ghəa ŋkɛ kegete mbəɗəkwə le wəsəa shɛ. 8Ma te ghəa mbəɗəkwə nya kemenete geva te sla, kwara, təmə, kwe, lekwesa keɗema yayata wəsə nya keza ne, pa mbeli nyi bake nyi keghəpə te wəsə keseɗa keɗema kwete wəsə neghate fete kwa kema ta Shala: ma wəndə nya veyi Shala kande beze ghena ne, kazhigə bake teŋki nda ŋkɛ ke kwete wəndəa ŋkɛ.
9Ma kedapave nda kwara, sla, təmə, kwe, keɗema kwete wəsə keseɗa wəndə ke nde ghedəkwəa ŋkɛ nda mtenyɛ wəsə keseɗa shɛ keɗema zhi nde ɗakɛ keɗema nda kelehwe wəsə keseɗa shɛ ka ghərəa kɛfi kaɗema mbeli kenakɛ ne, 10pa nde ghedəkwə nyagha zemete fela le Mahwətə kaɗema ŋkɛ kegete mbəɗəkwə le wəsə keseɗa shɛ. Kateyɛ fela ta ŋkɛ wəndə ke wəsə keseɗa, wəsə shɛ kateŋki nde ghedəkwə nyagha we. 11Ama nda mbeli nde ghərəhwe wəsə keseɗa shɛ yite ne, pa ŋkikɛ nda ke wəndə ke wəsə.
12Ma kenza nde wəshi nyi hwa gamba ka mpeɗehwe wəsə keseɗa shɛ ne, pa wəndə nyagha fəke nyi ketene kezha negha fete, ma tsagha ne, wəsə shɛ kateŋki ŋkɛ we.
13Ma kesəkwəve wəsə keseɗa wəndə va nde ghedəkwəa ŋkɛ nda ɗakɛ zhi keɗema nda mtenyɛ nde kaɗema wəndə ke wəsə keseɗa shɛ tagha ne, pa wəndə nya kesəkwəve wəsə keseɗa nyagha vate kwete te ŋkwa ŋkɛ. 14Ama nda tagha wəndə ke wəsə ne, wəsə shɛ kateŋki wəndə nya kesəkwəve nyagha we. Ma kakane kelete wəsə keseɗa shɛ ŋkɛ ne, wəsə nya slate hɛ yakele ŋkɛ kase.
Kweci wəshi mahalegə
15Ma keghwetete degheli nya ɗema za mbe wəndə ba'a keɓelahehwe ɓelahe ŋkɛ le ne, pa wəmekɛ ŋkɛ kezha nza nde kamale ta ŋkɛ. 16Ma keɗema yitenyɛ kave nda ne, pa wəndəa shɛ ŋkikɛ cɛdɛ kala nya wəme degheli mbeli.
17Mba yɛ kesərə male nya kemene ghwɛ teghweme.
18Ma wəndə nya kevale wəsə keseɗa ne, katepesle ŋkɛ mbeli.
19Ma wəndə nya kedzeghe nda melɛ ke kweci shala, kaɗema ke Mahwətə ne, katepesle ŋkɛ mbeli.
20Mba yɛ kesa nda yaka ke ka se se ba'a kefə wəshia nci, kwa nza ŋkɛ ne, kaka se se se yɛ mbe Ɛzhipte. 21Sa nda ma yaka yɛ ke ka wedidi ba'a ke ka mezhɛtiti ma. 22Ma kenza yɛ kasa nda yaka ke hɛ ne, katetsa ɗa lewela hɛ, fəyitekeghə geze ŋayɛ 'ya katefa lewela ta nci 'ya. 23Katehwepe wənə 'ya va gheyɛ ba'a katempə ŋayɛ 'ya kwamte mpa. Ma tsagha gɛ, katenza mia ŋayɛ kaka wedidi ba'a ŋwalea ŋayɛ kaka mezhɛtiti. 24Ma kenzəɓəave nda cɛdɛ na ke menə ŋa, ke nde titikwə nya vare gha ne, menema na kala kweci mbeli nyi kenzəɓə nda cɛdɛ ke mbeli ma, 'yɛwema yɛmə na yite ma.
25Ma kekelete gwada ta wəndə na te ŋkwa kwete wəsə ne, zhɛnave nda wəsəa ŋkɛ nda tepəkwə veci. 26Deke gheŋkɛ ya ve kezha dəpə ghəa ŋkɛ ba'a kezha ya geva ta ŋkɛ. Ma keɗema ŋkɛ tsagha ne, mbe wa tehɛ ŋkɛ wa? Ma ketsave ɗa lewela ŋkɛ ne, katefa 'ya, kwa nza ŋkɛ ma 'ya ne, Shala nya ganyɛa mehele 'ya. 27Ŋele ɗa ma yɛ, 'ya Shala ta ŋayɛ ma. Bezlama wəndə nya te ghəa hwelefe ta ŋayɛ yɛ ma.
28Fəke ɗa mə zhigə ŋa ɗa bela ta wəshi nyi kese te wəve ba'a tɛa rɛzɛŋe kahe kahe.
Veyi ɗa mə tsəməa ŋwale tezhilia ŋayɛ tekeleke.
29Ma kaŋa tsəməa wəzege ta sla, təmə keɗema kwe ne, pa mbeli sərəakɛ yitea ŋ'wa kahɛ mberefaŋe. Ma te kwa deghese ta hɛ ne, dzeghekɛ ɗa mə melɛ le.
30Katenza yɛ kambeli nyi keveyi geva tekeleke kaŋa ɗa. Mba yɛ kezeme slia wəsə keseɗa nya mpeɗehwe wəshi nyi hwa gamba. Neghave nda mə ke kelɛa keti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.