Shave 25
25
NZA TA GHƐA SHALA
25–31
Wəshi gəmə nyi fəke ka Israyɛl kezha ghɛa Shala
1Ma ke Mahwətə sha Moyize: 2«Geze nda ke ka Israyɛl katsehe ɗa wəshi: mbeli nyi kekeleke le wənə kwetɛŋe yakele mbeli va hɛ. 3Wa nyi wəshi nyi tetsehe yɛ va hɛ nyi: mze kwa tere tere, mze kwa tɛawetɛa, mze kwa ghwə ghwə, 4shintia təmə nyi fikɛ mbeli le yirə kwa ndereme ndereme, kwa gheme keɗema kwa ghɛmɛ, pawa nya shɛanɛa, shintia kwe, 5yɛ hweta ta gamea lɛmə nyi fikɛ mbeli le yirə kwa ghɛmɛ, hweta ta mamena yɛmə, sheghwəa gwevɛre, 6n'yia paterela, 'wərdə kemene n'yi kefi ba'a 'wərdə ketere, 7pelɛ nyi ghemea ghemea ba'a kweci pelɛ nyi nza zləvə te hɛ kezha mene dzeyi te lekwesa nya kənəa rewebe ba'a dzeyi te wəsə nya slape kwa hate ta wəndə kwelea ka dzeghe Shala. 8Katemɓe ɗa cɛ lekwesa nya keveyi geva tekeleke ka Israyɛl kezha nza 'ya te tepe ta nci. 9Katencɛ ŋa nza ta ghɛa shɛ ba'a nza ta wəshi nyi ketenza mbe 'ya: tserame temene hɛ yɛ kala nyagha.
Səndəkwəa jikə geva
10Katebaŋe səndəkwə mbeli yitea sheghwəa gwevɛre. Dzeghe bake slə yitea fegwele hwa'a mɛa ŋwalea dzeve ba'a kwete gasle yite tenza biya ta ŋkɛ, dzeghe kwetɛŋe ba'a kwete gasle yite bezlea ŋkɛ, dzeghe kwetɛŋe ba'a kwete gasle yite dzeme ghweme ta ŋkɛ. 11Katefi mze kwa tere tere nya wɛŋe mbeli kənə ba'a kwa hwəa ŋkɛ, katemene mze kwa tere tere mbeli dzasle dzeyi mɛa mɛa ŋkɛ. 12Katevɛsə takase mze kwa tere tere mbeli wəfaɗe, katebete hɛ mbeli te megwekwe nyi wəfaɗe te səndəkwə: takase bake laka kwete bela, bake laka kwete. 13Katefeɗe geta mbeli bake yitea gwevɛre ba'a katefi mze kwa tere tere mbeli kənəa hɛ. 14Kateha hɛ mbeli mbe takase nyi dzeyi vare yɛ bela ta səndəkwəa shɛ kezha kele te. 15Mbe takase nyi te səndəkwə tenza geta shɛhɛ, kazhɛne mbeli kantsehe hɛ shave mbe we. 16Katebete pelɛ nyi slapesla slapesla nyi teve ŋa nyi 'ya na kwa səndəkwəa shɛ.
17Kwa sebe ta ŋkɛ ne, katevɛsə wəsə keŋzle mbeli le mze kwa tere tere nya wɛŋe. Dzeghe bake ba'a kwete gasle yite se yitea fegwele hwa'a mɛa ŋwalea dzeve tenza biya ta ŋkɛ, dzeghe kwetɛŋe ba'a kwete gasle yite bezlea ŋkɛ. 18Katevɛsə ka shɛrəbɛŋe mbeli bake le mze kwa tere tere te bela nyi bake te wəsə keŋzle. 19Ma ka shɛrəbɛŋe nyi bake nyi ne, tendeɓe tenza hɛ te wəsə keŋzle, te bela ta ŋkɛ nyi bake. 20Kwa kema kwa kema tenza hɛ ba'a laka wəsə keŋzle nya teya hɛ le bidzəa nci nyi pelake tenza kema ta nci. 21Kateve wəsə keŋzle mbeli mɛa səndəkwə kwa sebe ta nya beteyi pelɛ nyi slapesla slapesla nyi teve ŋa 'ya na kwa. 22Tagha tencɛ ŋa ghəa ɗa 'ya, te wəsə keŋzle ta səndəkwə, kwelɛ tepe ta ka shɛrəbɛŋe nyi bake nyi. Tagha tegeze ŋa ghena 'ya kezha ka Israyɛl.
Tabelea ɗafa nyi ve nda mbeli ke Shala
23Katebaŋe tabele mbeli yitea sheghwəa gwevɛre. Kadzeghe bake se yitea fegwele hwa'a mɛa ŋwalea dzeve tenza biya ta ŋkɛ, kadzeghe kwetɛŋe bezlea ŋkɛ, kadzeghe kwetɛŋe ba'a kwete gasle yite dzeme ghweme ta ŋkɛ. 24Katefi mze kwa tere tere nya wɛŋe mbeli kənə, katemene mze kwa tere tere mbeli dzasle dzeyi mɛ. 25Katemene sheghwə kwa slapesla mbeli gare bezlea hwə dzeve dzeyi mɛa bela ta ŋkɛ nyi wəfaɗe, katefi mze kwa tere tere mbeli dzeyi mɛa sheghwəa shɛ dzasle. 26Katevɛsə takase nyi le mze kwa tere tere mbeli wəfaɗe kezha ve te megwekwe ta ŋkɛ nyi wəfaɗe, terasle yitea seɗa nyi wəfaɗe. 27Terasle tenza takasea shɛhɛ yitea sheghwə nya dzeyi yite. Mbe hɛ teha yɛ geta mbeli kezha kele tabele. 28Katefeɗe geta gwevɛre mbeli bake ba'a katefi mze kwa tere tere mbeli kənəa hɛ. Te hɛ tekele tabele mbeli. 29Katevɛsə yɛ parantɛ, yɛ tasa, yɛ kwalekwə ba'a yɛ ghwelepe tɛ mbeli le mze kwa tere tere nya wɛŋe. 30Te tabelea shɛ tebete ɗafa nyi fə ɗa mbeli mbeli. Kaghala ghala tenza hɛ kwa kema ta ɗa.
Wəsə kentare yɛ paterela nya nza dzeve mberefaŋe te
31Kategezla wəsə kentare yɛ paterela mbeli le mze kwa tere tere ganyɛ. Kanya kwetɛŋe tenza seɗa ta ŋkɛ, yɛ dzeve ta ŋkɛ, yɛ wəbəzlia n'yi nyi te, kweci wəshia ŋkɛ nyi tehwepərə tehwepərə ba'a kweci wəshia ŋkɛ nyi kala ghwə ta wəfe. 32Kateshave dzeve ŋkwaŋe mbe seɗa ta ŋkɛ, dzeve mahekene laka bela kwa zeme, dzeve mahekene laka bela kwa gwela. 33Ma te yayata dzeve ne, wəbəzli nyi kala ya ta vegeme ya shɛ mahekene, kweci wəshi tehwepərə tehwepərə ba'a kweci wəshi kala ghwə ta wəfe ya te. 34Ma te dəŋwə ne, wəbəzli nyi kala ya ta vegeme ya shɛ wəfaɗe, kweci wəshi tehwepərə tehwepərə ba'a kweci wəshi kala ghwə ta wəfe ya te. 35Ma kwayite ta yayata jikə ta dzeve nyi keslə bake nyi, bake nyi mahekene zhigə te dəŋwə: kwete wəsə ya shɛ tehwepərə. 36Ma wəshi nyi tehwepərə tehwepərə nyi ba'a yɛ dzeve ne, kanya kwetɛŋe tenza hɛ le wəshi nyi ketene, kategezla ŋkɛ mbeli le mze kwa tere tere ganyɛ. 37Katevɛsə paterela mbeli mberefaŋe. Katentare hɛ mbeli te wəsə kentare yɛ paterela kezha waŋe ŋkwa nya te kema ta ŋkɛ. 38Ma kweci wəshi kemene slene kala yɛ mekese ba'a wəshi kefə pəsəɗə ne, le mze kwa tere tere nya wɛŋe tenza hɛ. 39Ma kezha vɛsə wəsə kentare yɛ paterela ba'a kweci wəshia ŋkɛ ne, kiləwəa mze kwa tere tere nya wɛŋe mahekenemsə yatekele mbeli. 40Gha Moyize, gha nde tenewe ghweme te slenea shɛ kezha menete geva ŋkɛ kala nya ncɛte ŋa 'ya teke, pelɛ ghweme nya.»
Currently Selected:
Shave 25: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 25
25
NZA TA GHƐA SHALA
25–31
Wəshi gəmə nyi fəke ka Israyɛl kezha ghɛa Shala
1Ma ke Mahwətə sha Moyize: 2«Geze nda ke ka Israyɛl katsehe ɗa wəshi: mbeli nyi kekeleke le wənə kwetɛŋe yakele mbeli va hɛ. 3Wa nyi wəshi nyi tetsehe yɛ va hɛ nyi: mze kwa tere tere, mze kwa tɛawetɛa, mze kwa ghwə ghwə, 4shintia təmə nyi fikɛ mbeli le yirə kwa ndereme ndereme, kwa gheme keɗema kwa ghɛmɛ, pawa nya shɛanɛa, shintia kwe, 5yɛ hweta ta gamea lɛmə nyi fikɛ mbeli le yirə kwa ghɛmɛ, hweta ta mamena yɛmə, sheghwəa gwevɛre, 6n'yia paterela, 'wərdə kemene n'yi kefi ba'a 'wərdə ketere, 7pelɛ nyi ghemea ghemea ba'a kweci pelɛ nyi nza zləvə te hɛ kezha mene dzeyi te lekwesa nya kənəa rewebe ba'a dzeyi te wəsə nya slape kwa hate ta wəndə kwelea ka dzeghe Shala. 8Katemɓe ɗa cɛ lekwesa nya keveyi geva tekeleke ka Israyɛl kezha nza 'ya te tepe ta nci. 9Katencɛ ŋa nza ta ghɛa shɛ ba'a nza ta wəshi nyi ketenza mbe 'ya: tserame temene hɛ yɛ kala nyagha.
Səndəkwəa jikə geva
10Katebaŋe səndəkwə mbeli yitea sheghwəa gwevɛre. Dzeghe bake slə yitea fegwele hwa'a mɛa ŋwalea dzeve ba'a kwete gasle yite tenza biya ta ŋkɛ, dzeghe kwetɛŋe ba'a kwete gasle yite bezlea ŋkɛ, dzeghe kwetɛŋe ba'a kwete gasle yite dzeme ghweme ta ŋkɛ. 11Katefi mze kwa tere tere nya wɛŋe mbeli kənə ba'a kwa hwəa ŋkɛ, katemene mze kwa tere tere mbeli dzasle dzeyi mɛa mɛa ŋkɛ. 12Katevɛsə takase mze kwa tere tere mbeli wəfaɗe, katebete hɛ mbeli te megwekwe nyi wəfaɗe te səndəkwə: takase bake laka kwete bela, bake laka kwete. 13Katefeɗe geta mbeli bake yitea gwevɛre ba'a katefi mze kwa tere tere mbeli kənəa hɛ. 14Kateha hɛ mbeli mbe takase nyi dzeyi vare yɛ bela ta səndəkwəa shɛ kezha kele te. 15Mbe takase nyi te səndəkwə tenza geta shɛhɛ, kazhɛne mbeli kantsehe hɛ shave mbe we. 16Katebete pelɛ nyi slapesla slapesla nyi teve ŋa nyi 'ya na kwa səndəkwəa shɛ.
17Kwa sebe ta ŋkɛ ne, katevɛsə wəsə keŋzle mbeli le mze kwa tere tere nya wɛŋe. Dzeghe bake ba'a kwete gasle yite se yitea fegwele hwa'a mɛa ŋwalea dzeve tenza biya ta ŋkɛ, dzeghe kwetɛŋe ba'a kwete gasle yite bezlea ŋkɛ. 18Katevɛsə ka shɛrəbɛŋe mbeli bake le mze kwa tere tere te bela nyi bake te wəsə keŋzle. 19Ma ka shɛrəbɛŋe nyi bake nyi ne, tendeɓe tenza hɛ te wəsə keŋzle, te bela ta ŋkɛ nyi bake. 20Kwa kema kwa kema tenza hɛ ba'a laka wəsə keŋzle nya teya hɛ le bidzəa nci nyi pelake tenza kema ta nci. 21Kateve wəsə keŋzle mbeli mɛa səndəkwə kwa sebe ta nya beteyi pelɛ nyi slapesla slapesla nyi teve ŋa 'ya na kwa. 22Tagha tencɛ ŋa ghəa ɗa 'ya, te wəsə keŋzle ta səndəkwə, kwelɛ tepe ta ka shɛrəbɛŋe nyi bake nyi. Tagha tegeze ŋa ghena 'ya kezha ka Israyɛl.
Tabelea ɗafa nyi ve nda mbeli ke Shala
23Katebaŋe tabele mbeli yitea sheghwəa gwevɛre. Kadzeghe bake se yitea fegwele hwa'a mɛa ŋwalea dzeve tenza biya ta ŋkɛ, kadzeghe kwetɛŋe bezlea ŋkɛ, kadzeghe kwetɛŋe ba'a kwete gasle yite dzeme ghweme ta ŋkɛ. 24Katefi mze kwa tere tere nya wɛŋe mbeli kənə, katemene mze kwa tere tere mbeli dzasle dzeyi mɛ. 25Katemene sheghwə kwa slapesla mbeli gare bezlea hwə dzeve dzeyi mɛa bela ta ŋkɛ nyi wəfaɗe, katefi mze kwa tere tere mbeli dzeyi mɛa sheghwəa shɛ dzasle. 26Katevɛsə takase nyi le mze kwa tere tere mbeli wəfaɗe kezha ve te megwekwe ta ŋkɛ nyi wəfaɗe, terasle yitea seɗa nyi wəfaɗe. 27Terasle tenza takasea shɛhɛ yitea sheghwə nya dzeyi yite. Mbe hɛ teha yɛ geta mbeli kezha kele tabele. 28Katefeɗe geta gwevɛre mbeli bake ba'a katefi mze kwa tere tere mbeli kənəa hɛ. Te hɛ tekele tabele mbeli. 29Katevɛsə yɛ parantɛ, yɛ tasa, yɛ kwalekwə ba'a yɛ ghwelepe tɛ mbeli le mze kwa tere tere nya wɛŋe. 30Te tabelea shɛ tebete ɗafa nyi fə ɗa mbeli mbeli. Kaghala ghala tenza hɛ kwa kema ta ɗa.
Wəsə kentare yɛ paterela nya nza dzeve mberefaŋe te
31Kategezla wəsə kentare yɛ paterela mbeli le mze kwa tere tere ganyɛ. Kanya kwetɛŋe tenza seɗa ta ŋkɛ, yɛ dzeve ta ŋkɛ, yɛ wəbəzlia n'yi nyi te, kweci wəshia ŋkɛ nyi tehwepərə tehwepərə ba'a kweci wəshia ŋkɛ nyi kala ghwə ta wəfe. 32Kateshave dzeve ŋkwaŋe mbe seɗa ta ŋkɛ, dzeve mahekene laka bela kwa zeme, dzeve mahekene laka bela kwa gwela. 33Ma te yayata dzeve ne, wəbəzli nyi kala ya ta vegeme ya shɛ mahekene, kweci wəshi tehwepərə tehwepərə ba'a kweci wəshi kala ghwə ta wəfe ya te. 34Ma te dəŋwə ne, wəbəzli nyi kala ya ta vegeme ya shɛ wəfaɗe, kweci wəshi tehwepərə tehwepərə ba'a kweci wəshi kala ghwə ta wəfe ya te. 35Ma kwayite ta yayata jikə ta dzeve nyi keslə bake nyi, bake nyi mahekene zhigə te dəŋwə: kwete wəsə ya shɛ tehwepərə. 36Ma wəshi nyi tehwepərə tehwepərə nyi ba'a yɛ dzeve ne, kanya kwetɛŋe tenza hɛ le wəshi nyi ketene, kategezla ŋkɛ mbeli le mze kwa tere tere ganyɛ. 37Katevɛsə paterela mbeli mberefaŋe. Katentare hɛ mbeli te wəsə kentare yɛ paterela kezha waŋe ŋkwa nya te kema ta ŋkɛ. 38Ma kweci wəshi kemene slene kala yɛ mekese ba'a wəshi kefə pəsəɗə ne, le mze kwa tere tere nya wɛŋe tenza hɛ. 39Ma kezha vɛsə wəsə kentare yɛ paterela ba'a kweci wəshia ŋkɛ ne, kiləwəa mze kwa tere tere nya wɛŋe mahekenemsə yatekele mbeli. 40Gha Moyize, gha nde tenewe ghweme te slenea shɛ kezha menete geva ŋkɛ kala nya ncɛte ŋa 'ya teke, pelɛ ghweme nya.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.