Shave 35
35
MENE TA ŊKWA NYA KEVEYI GEVA TEKELEKE
35–40
Ghena te ghəa veci kezhɛne mpi
1Pa Moyize tsenete pɛtɛa ka Israyɛl, ma ke sha hɛ: «Wa nyi wəshi nyi geze Mahwətə kamene nyi: 2Hɛ ŋkwaŋe ya shɛ mbe shikwə kezha mene slene. Ama kwa mberefaŋe ta hɛ ne, veci nya keveyi geva tekeleke ŋkɛ, veci kezhɛne mpi kezha Mahwətə. Ma yayata wəndə nya ketemene slene te vecia shɛ ne, katepesle ŋkɛ mbeli. 3Katemeha ghwə yɛ kwa reghwetɛ te veci kezhɛne mpi te yayata ŋkwa nya nza yɛ we.»
Ka Israyɛl katsehe wəshi kase
4Ma ke Moyize sha pɛtɛa ka Israyɛl: «Wa nya ghena nya geze Mahwətə nya: 5Tsehe mə wəshi kwelɛ ghəa ŋayɛ kezha Mahwətə. Ma pɛtɛa mbeli nyi ketemene le wənə kwetɛŋe ne, katefə nda mama ta wəshi hɛ kase ke Mahwətə: mze kwa tere tere, mze kwa tɛawetɛa, mze kwa ghwə ghwə, 6shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ, pawa nyi slɛahe slɛahe, shintia kwe, 7hweta ta gamea lɛmə nyi kefi fi le yirə kwa gheme, hweta nyi berete berete, sheghwəa gwevɛre, 8n'yi kemeha ghwə kwa paterela, 'wərdə kemene hwa n'yi keve ŋkwa tekeleke ba'a 'wərdə ketere, 9pelɛ nyi ghemea ghemea ba'a kweci pelɛ nyi nza zləvə te kezha lekwesa nya kənəa rewebe ba'a wəsə nya slape kwa hate ta wəndə kwelea ka dzeghe Shala. 10Pɛtɛa ka caŋa caŋa nyi hwa gheyɛ katetsene geva kezha mene wəsə nya gezete Mahwətə: 11ŋkwa nya keveyi geva tekeleke le cɛ lekwesa ba'a zlave nyi kənə, ndɛaŋe nyi te, sheghwəa ŋkɛ nyi slapesla slapesla, sheghwə nyi jive te, yɛ seləa ŋkɛ le wəshi kentare te, 12səndəkwəa jikə geva, yɛ geta ta ŋkɛ, wəsə keŋzle ta ŋkɛ, mayafe kenehe ŋkwa, 13tabele, yɛ geta ta ŋkɛ, wəshi kemene slene te pɛtɛ ba'a ɗafa nyi fəke mbeli, 14wəsə kentare yɛ paterela, wəshi nyi te, yɛ paterela ba'a n'yi kegə kwa paterela, 15reghwetɛ ketere 'wərdə le yɛ geta ta ŋkɛ, n'yi keve ŋkwa tekeleke, 'wərdə ketere, mayafe nya mɛa ŋkwa kedzembe ŋkwa nya keveyi geva tekeleke, 16reghwetɛ kedzeghe melɛ le wəsəa ŋkɛ kala lɛ kepesa sli nya le mze kwa ghwə ghwə, yɛ geta ta ŋkɛ ba'a wəshi kemene slene te. Kwenə nya wəba ba'a wəsə nya ntare mbeli te, 17zlave nyi dzeyi yitea ŋwela, yɛ seləa ŋkɛ ba'a wəshi kentare hɛ, mayafe nya mɛa ŋkwa kedzete ŋwela shɛ, 18sheghwə nyi baŋeyi mbeli kwa hɛɗi dzeyi yitea cɛ lekwesa ba'a dzeyi yitea ŋkwa nya dzeyi yitea ŋwela nya yite ba'a zewe ta nci, 19yɛ lekwesa kemene slene mbe ŋkwa nya keveyi geva tekeleke, yɛ lekwesa nyi keveyi geva tekeleke kaŋa yɛ Aron le ŋwalea ŋkɛ mbe slene ta nci.»
20Pa ka Israyɛl slənji yitea Moyize. 21Kwa sebe ta ŋkɛ ne, pɛtɛa mbeli nyi kendeke nda ghəa nci ba'a mehele ta nci fəke nda wəshi ke Mahwətə kezha slene ta cɛ lekwesa kebegeme geva, kezha slene nyi mene mbeli mbe ba'a kezha tsa lekwesa nyi keveyi geva tekeleke. 22Pa yɛ zhili le mi nyi kendeke nda ghəa nci fəke mama ta wəshi kepesa geva nyi le mze kwa tere tere: wəshi nyi mbe sleme, yɛ takase, yɛ ŋgwedɛba keɗema livə nyi kwa welɛ, pa hɛ fəave nda hɛ ke Mahwətə kala nya ve nda mze kwa tere tere mbeli. 23Pa mbeli nyi nza shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ, pawa nyi slɛahe slɛahe, shintia kwe, hweta ta gamea lɛmə nyi kefi fi le yirə kwa ghɛmɛ keɗema hweta nyi berete berete fəke hɛ kase. 24Pa mbeli nyi kebeteyi mze kwa tɛawetɛa keɗema mze kwa ghwə ghwə tekeleke kezha Mahwətə fəke hɛ kase. Pa mbeli nyi nza sheghwəa gwevɛre va hɛ kezha mene slenea shɛ fəke hɛ. 25Pa mi nyi caŋa caŋa fəke pawa nyi slɛahe slɛahe ba'a shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ nyi lemete hɛ le dzeve ta nci. 26Pa kweci mi nyi caŋa caŋa nyi kendeke nda ghəa nci lemete shintia kwe. 27Pa mbeli nyi te ghəa hwelefe fəke pelɛ nyi ghemea ghemea ba'a kweci pelɛ nyi nza zləvə te hɛ kezha lekwesa nya kənəa rewebe ba'a wəsə nya slape kwa hate ta wəndə kwelea ka dzeghe Shala, 28tsagha yɛ 'wərdə ba'a n'yi kezha yɛ paterela, kezha ve ŋkwa tekeleke ba'a kezha 'wərdə ketere. 29Pɛtɛa ka Israyɛl nyi kendeke nda ghəa nci, zhili keɗema mi, fəke nda wəshi le ɗe ta nci ke Mahwətə, kezha mene slene nya gezave nda Mahwətə ke Moyize.
Yɛ Bɛsalɛl le Oholiyab kakese slene
30Ma ke Moyize sha ka Israyɛl: «Newema mə tsema tsema ntave Bɛsalɛl, wəzege ta Əwri ba'a shia Həwr, kwa yita ta Zhəwda Mahwətə gi! 31Nahe ŋkɛ keviɗikɛ le sefəa ŋkɛ kezha ve nda caŋa ba'a ɗepe wəshi. Nahe Bɛsalɛl keɗepe mene mama ta slene: 32nahe keɗepe nca wəshi ganji, vɛsə mze kwa tere tere, mze kwa tɛawetɛa ba'a mze kwa ghwə ghwə, 33tsehe pelɛ nyi nza zləvə te hɛ ba'a ŋa ŋkwa le hɛ, nahe keɗepe feɗe sheghwə. Geze ta ŋkɛ ne, nahe keɗepe mene mama ta wəshi. 34Nahe Mahwətə kendeke nda ntsehwele keteke nda slenea shɛhɛ ke mbeli kala ŋa Oholiyab, wəzege ta Ahisamak, kwa yita ta Dan. 35Nahe kendeke nda caŋa ke hɛ kezha ɗepe mene slene ta tsehe pelɛ nyi nza zləvə te hɛ, rafe pa ta wəshi, tsa wəshi le shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ, tsa wəshi le pawa nyi slɛahe slɛahe ba'a tsa mama ta wəshi. Wərə hɛ kamenete yayata slene ta nde ɗepe mene wəshi keɗema ŋa nde ɗepe nca wəshi.
Currently Selected:
Shave 35: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Shave 35
35
MENE TA ŊKWA NYA KEVEYI GEVA TEKELEKE
35–40
Ghena te ghəa veci kezhɛne mpi
1Pa Moyize tsenete pɛtɛa ka Israyɛl, ma ke sha hɛ: «Wa nyi wəshi nyi geze Mahwətə kamene nyi: 2Hɛ ŋkwaŋe ya shɛ mbe shikwə kezha mene slene. Ama kwa mberefaŋe ta hɛ ne, veci nya keveyi geva tekeleke ŋkɛ, veci kezhɛne mpi kezha Mahwətə. Ma yayata wəndə nya ketemene slene te vecia shɛ ne, katepesle ŋkɛ mbeli. 3Katemeha ghwə yɛ kwa reghwetɛ te veci kezhɛne mpi te yayata ŋkwa nya nza yɛ we.»
Ka Israyɛl katsehe wəshi kase
4Ma ke Moyize sha pɛtɛa ka Israyɛl: «Wa nya ghena nya geze Mahwətə nya: 5Tsehe mə wəshi kwelɛ ghəa ŋayɛ kezha Mahwətə. Ma pɛtɛa mbeli nyi ketemene le wənə kwetɛŋe ne, katefə nda mama ta wəshi hɛ kase ke Mahwətə: mze kwa tere tere, mze kwa tɛawetɛa, mze kwa ghwə ghwə, 6shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ, pawa nyi slɛahe slɛahe, shintia kwe, 7hweta ta gamea lɛmə nyi kefi fi le yirə kwa gheme, hweta nyi berete berete, sheghwəa gwevɛre, 8n'yi kemeha ghwə kwa paterela, 'wərdə kemene hwa n'yi keve ŋkwa tekeleke ba'a 'wərdə ketere, 9pelɛ nyi ghemea ghemea ba'a kweci pelɛ nyi nza zləvə te kezha lekwesa nya kənəa rewebe ba'a wəsə nya slape kwa hate ta wəndə kwelea ka dzeghe Shala. 10Pɛtɛa ka caŋa caŋa nyi hwa gheyɛ katetsene geva kezha mene wəsə nya gezete Mahwətə: 11ŋkwa nya keveyi geva tekeleke le cɛ lekwesa ba'a zlave nyi kənə, ndɛaŋe nyi te, sheghwəa ŋkɛ nyi slapesla slapesla, sheghwə nyi jive te, yɛ seləa ŋkɛ le wəshi kentare te, 12səndəkwəa jikə geva, yɛ geta ta ŋkɛ, wəsə keŋzle ta ŋkɛ, mayafe kenehe ŋkwa, 13tabele, yɛ geta ta ŋkɛ, wəshi kemene slene te pɛtɛ ba'a ɗafa nyi fəke mbeli, 14wəsə kentare yɛ paterela, wəshi nyi te, yɛ paterela ba'a n'yi kegə kwa paterela, 15reghwetɛ ketere 'wərdə le yɛ geta ta ŋkɛ, n'yi keve ŋkwa tekeleke, 'wərdə ketere, mayafe nya mɛa ŋkwa kedzembe ŋkwa nya keveyi geva tekeleke, 16reghwetɛ kedzeghe melɛ le wəsəa ŋkɛ kala lɛ kepesa sli nya le mze kwa ghwə ghwə, yɛ geta ta ŋkɛ ba'a wəshi kemene slene te. Kwenə nya wəba ba'a wəsə nya ntare mbeli te, 17zlave nyi dzeyi yitea ŋwela, yɛ seləa ŋkɛ ba'a wəshi kentare hɛ, mayafe nya mɛa ŋkwa kedzete ŋwela shɛ, 18sheghwə nyi baŋeyi mbeli kwa hɛɗi dzeyi yitea cɛ lekwesa ba'a dzeyi yitea ŋkwa nya dzeyi yitea ŋwela nya yite ba'a zewe ta nci, 19yɛ lekwesa kemene slene mbe ŋkwa nya keveyi geva tekeleke, yɛ lekwesa nyi keveyi geva tekeleke kaŋa yɛ Aron le ŋwalea ŋkɛ mbe slene ta nci.»
20Pa ka Israyɛl slənji yitea Moyize. 21Kwa sebe ta ŋkɛ ne, pɛtɛa mbeli nyi kendeke nda ghəa nci ba'a mehele ta nci fəke nda wəshi ke Mahwətə kezha slene ta cɛ lekwesa kebegeme geva, kezha slene nyi mene mbeli mbe ba'a kezha tsa lekwesa nyi keveyi geva tekeleke. 22Pa yɛ zhili le mi nyi kendeke nda ghəa nci fəke mama ta wəshi kepesa geva nyi le mze kwa tere tere: wəshi nyi mbe sleme, yɛ takase, yɛ ŋgwedɛba keɗema livə nyi kwa welɛ, pa hɛ fəave nda hɛ ke Mahwətə kala nya ve nda mze kwa tere tere mbeli. 23Pa mbeli nyi nza shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ, pawa nyi slɛahe slɛahe, shintia kwe, hweta ta gamea lɛmə nyi kefi fi le yirə kwa ghɛmɛ keɗema hweta nyi berete berete fəke hɛ kase. 24Pa mbeli nyi kebeteyi mze kwa tɛawetɛa keɗema mze kwa ghwə ghwə tekeleke kezha Mahwətə fəke hɛ kase. Pa mbeli nyi nza sheghwəa gwevɛre va hɛ kezha mene slenea shɛ fəke hɛ. 25Pa mi nyi caŋa caŋa fəke pawa nyi slɛahe slɛahe ba'a shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ nyi lemete hɛ le dzeve ta nci. 26Pa kweci mi nyi caŋa caŋa nyi kendeke nda ghəa nci lemete shintia kwe. 27Pa mbeli nyi te ghəa hwelefe fəke pelɛ nyi ghemea ghemea ba'a kweci pelɛ nyi nza zləvə te hɛ kezha lekwesa nya kənəa rewebe ba'a wəsə nya slape kwa hate ta wəndə kwelea ka dzeghe Shala, 28tsagha yɛ 'wərdə ba'a n'yi kezha yɛ paterela, kezha ve ŋkwa tekeleke ba'a kezha 'wərdə ketere. 29Pɛtɛa ka Israyɛl nyi kendeke nda ghəa nci, zhili keɗema mi, fəke nda wəshi le ɗe ta nci ke Mahwətə, kezha mene slene nya gezave nda Mahwətə ke Moyize.
Yɛ Bɛsalɛl le Oholiyab kakese slene
30Ma ke Moyize sha ka Israyɛl: «Newema mə tsema tsema ntave Bɛsalɛl, wəzege ta Əwri ba'a shia Həwr, kwa yita ta Zhəwda Mahwətə gi! 31Nahe ŋkɛ keviɗikɛ le sefəa ŋkɛ kezha ve nda caŋa ba'a ɗepe wəshi. Nahe Bɛsalɛl keɗepe mene mama ta slene: 32nahe keɗepe nca wəshi ganji, vɛsə mze kwa tere tere, mze kwa tɛawetɛa ba'a mze kwa ghwə ghwə, 33tsehe pelɛ nyi nza zləvə te hɛ ba'a ŋa ŋkwa le hɛ, nahe keɗepe feɗe sheghwə. Geze ta ŋkɛ ne, nahe keɗepe mene mama ta wəshi. 34Nahe Mahwətə kendeke nda ntsehwele keteke nda slenea shɛhɛ ke mbeli kala ŋa Oholiyab, wəzege ta Ahisamak, kwa yita ta Dan. 35Nahe kendeke nda caŋa ke hɛ kezha ɗepe mene slene ta tsehe pelɛ nyi nza zləvə te hɛ, rafe pa ta wəshi, tsa wəshi le shintia təmə nyi kefi fi le yirə kwa ndereme ndereme, kwa gheme keɗema kwa ghɛmɛ, tsa wəshi le pawa nyi slɛahe slɛahe ba'a tsa mama ta wəshi. Wərə hɛ kamenete yayata slene ta nde ɗepe mene wəshi keɗema ŋa nde ɗepe nca wəshi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.