Gha ta Wəshi 46
46
Zhakob kadzawa Ɛzhipte
1Cape Zhakob kwa hweŋkwa le pɛtɛa wəshia ŋkɛ. Ma kwa ntsehe ŋkɛ kwa Bɛrshɛba ne, pa ŋkɛ dzeghekɛ nda melɛ ke Shala ta yitenyɛ Izak. 2Ma ke Shala sha Israyɛl vəa ŋkwa nya nza ŋkɛ yitea hɛ heviɗi: «Zhakob! Zhakob!» -- «We», ke Zhakob zhɛnete. 3Ma ke Shala zhɛkwa: «'Ya ya kaShala, kaShala ta yiteyɛ ŋa. Ghazlənəma na va dzawa Ɛzhipte ma, kwa nza ŋkɛ katezhɛre hwelefefia ŋa 'ya kwagha kambeli kwele kwele. 4'Ya le ghəa ɗa nde tebeghe ŋa kadzawa Ɛzhipte. 'Ya shɛ nde tezhɛne ŋa same kwagha. Ma vəa ŋkwa nya temte na ne, Zhozɛf nde tenza kənəa gha.» 5Ntəŋə Zhakob shave mbe Bɛrshɛba. Kəliɓə ŋwalea ŋkɛ fəte yɛ yiteyɛa nci Zhakob, mia nci ba'a ŋwalea nci kwa wəmata gədəwə nyi ghweneghe Farawon kafə hɛ. 6Pa hɛ fəghe pɛtɛa wəshi keseɗa ta nci ba'a wəshi nyi kemave hɛ te hɛɗia Kanan perə. Hwa'a yɛ Zhakob le hwelefefia ŋkɛ pɛtɛ kwa Ɛzhipte: 7ŋwale tezhilia ŋkɛ ba'a ŋwalea kwɛa ŋkɛ, hwelefefia ŋkɛ nyi kazhili ba'a nyi kami. Pɛtɛ fəghe hwelefe ta ŋkɛ ŋkɛ kadzawa Ɛzhipte.
Mbelia Zhakob
8Wa nyi sləa ka Israyɛl, geze ta ŋkɛ, Zhakob, ŋwalea ŋkɛ ba'a hwelefefia ŋkɛ nyi kedzawa Ɛzhipte nyi:
Yɛ Rəbɛn, kwa ghate ta wəzege ta Zhakob 9le ŋwalea ŋkɛ Hanok, Paləw, Hɛsron ba'a Karmi.
10Yɛ Simɛyon le ŋwalea ŋkɛ Yeməwɛl, Yamin, Ohad, Yakin, Sohar ba'a Shawəl nya kawəzege nya kesawa hwa wəzha ta ka Kanan.
11Yɛ Lɛvi le ŋwalea ŋkɛ Gɛrshon, Kɛhat ba'a Merari.
12Yɛ Zhəwda le ŋwalea ŋkɛ Shɛla, Pɛrɛs ba'a Zɛra. Nahe yɛ Ɛr le Onan, nyi kaŋwalea Zhəwda kempənji te hɛɗia Kanan. Ŋwale tezhili bake yayake Pɛrɛs: yɛ Hɛsron le Haməwl.
13Yɛ Isakar le ŋwalea ŋkɛ Tola, Pəwa, Yashəwb ba'a Shimron. 14Yɛ Zabəlon le ŋwalea ŋkɛ Sɛrɛd, Ɛlon ba'a Yalɛyɛl.
15Nyi ya kaŋwale tezhili nyi yake nda Lɛya ke Zhakob mbe Mɛzopotami, tsagha wəzha ta megheyɛa nci Dina. Zlaɓe le zhigə ŋa nci ŋwale ne, mahekenemsə mahekeneghəmbe hɛ pɛtɛa nci.
16Yɛ Gad le ŋwalea ŋkɛ Sefon, Hagi, Shəwni, Ɛsbon, Ɛri, Arod ba'a Arɛli.
17Yɛ Asɛr le ŋwalea ŋkɛ Imna, Isheva, Ishevi ba'a Beriya, tsagha wəzha ta megheyɛa nci Sɛra. Ŋwale tezhili bake yayake Beriya: yɛ Hɛbɛr le Malkiyɛl.
18Nyi ya kaŋwale ba'a kahwelefefia yɛ Zhakob le Zilpa nya ndeke nda Laban kakwatera ke wəzha ta ŋkɛ Lɛya: meŋe ŋkwaŋeghəmbe hɛ pɛtɛa nci.
19Ŋwale tezhili nyi yake nda Rashɛl ke Zhakob: yɛ Zhozɛf le Bɛnjamɛn. 20Mbe Ɛzhipte ne, nahe Zhozɛf keyake ŋwale tezhili bake sawa hwa male ta ŋkɛ Asnat, wəzha ta Potifɛra nya kande dzeghe shala mbe meleme ta On: yɛ Manasɛ le Ɛfrayim.
21Ŋwale tezhili meŋe yayake Bɛnjamɛn: yɛ Bɛla, Bɛkɛr, Ashebɛl, Gɛra, Na'aman, Ɛhi, Rosh, Məwpim, Həwpim ba'a Arde.
22Nyi ya kaŋwale ba'a kahwelefefia yɛ Zhakob le Rashɛl: meŋe wəfaɗeghəmbe hɛ pɛtɛ nci.
23Yɛ Dan le wəzege ta ŋkɛ Həwshim.
24Yɛ Nɛftali le ŋwalea ŋkɛ Yasiyɛl, Gəwni, Yɛsɛr ba'a Shilɛm.
25Nyi ya kaŋwale ba'a kahwelefefia yɛ Zhakob le Bila nya ndeke nda Laban kakwatera ke wəzha ta ŋkɛ Rashɛl: mberefaŋe hɛ pɛtɛa nci.
26Ma mbelia Zhakob nyi kedzawa Ɛzhipte ne, ŋkwaŋemsə ŋkwaŋeghəmbe hɛ pɛtɛa nci, kaɗema mbeli keɓelate ka makwashia ŋkɛ. 27Zlaɓe le ŋwalea Zhozɛf bake nyi keya pelɛ Ɛzhipte ne, mbeli mberefaŋemsə mbelia Zhakob nyi kenzanji mbe Ɛzhipte.
Zhakob kwa Ɛzhipte
28Pa Zhakob ghwenakɛ Zhəwda te kema sha Zhozɛf kezha neghe ŋkɛ ŋkɛ mbe Goshɛn. Ma kwa ntsehe hɛ te hɛɗia Goshɛn ne, 29tarame Zhozɛf pelɛ wəmata gədəwəa ŋkɛ, cape ŋkɛ kadzeme Goshɛn kezha begeme le yitenyɛ. Nakɛma ta ŋkɛ ke yitenyɛ, həməwə ŋkɛ həməwəve ŋkɛ, ntake ŋkɛ kanehwene va zlama katemə kwele kwele, mba hɛ hehəməwə. 30Ma ke Zhakob sha Zhozɛf: «Ma tsetsenya kwa nakɛ kema ta ŋa 'ya, ya 'ya mte ɗa ne, nahe, kwa nza ŋkɛ mba na teghweme.» 31Ma ke Zhozɛf sha ka kesaka yitenyɛ ba'a mbeli nyi ki ghɛa yitenyɛ: «Katedzeme 'ya kageze nda ke Farawon, ma 'ya shɛ: ‹Nahe ka kesaka yiteyɛ ɗa ba'a mbeli nyi ki ghɛa yitea ɗa nyi kese pelɛ hɛɗia Kanan kesawanji sha 'ya. 32Ka ya wəshi mbelia shɛhɛ, wəshi keseɗa ya va hɛ. Nahe hɛ kefəke timɛtia nci, kwia nci, sla ta nci ba'a wəshi nyi va hɛ pɛtɛ.› 33Ma kehekake ŋayɛ Farawon ka'yɛwe slene nya mene yɛ ne, 34ma tezhɛne nda yɛ: ‹Wəshi keseɗa yaya n'yɛ se kaŋwale pa ɓeshi, kala nya se ka shihɛ n'yɛ kaya.› Ma tsagha, waɗe tenza hweŋkwa va gheyɛ kanza te hɛɗia Goshɛn, kwa nza ŋkɛ kaɗe ghena ta ka ya wəshi keseɗa nyi ɓɛhwɛ ɓɛhwɛ ka Ɛzhipte we.»
Currently Selected:
Gha ta Wəshi 46: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 46
46
Zhakob kadzawa Ɛzhipte
1Cape Zhakob kwa hweŋkwa le pɛtɛa wəshia ŋkɛ. Ma kwa ntsehe ŋkɛ kwa Bɛrshɛba ne, pa ŋkɛ dzeghekɛ nda melɛ ke Shala ta yitenyɛ Izak. 2Ma ke Shala sha Israyɛl vəa ŋkwa nya nza ŋkɛ yitea hɛ heviɗi: «Zhakob! Zhakob!» -- «We», ke Zhakob zhɛnete. 3Ma ke Shala zhɛkwa: «'Ya ya kaShala, kaShala ta yiteyɛ ŋa. Ghazlənəma na va dzawa Ɛzhipte ma, kwa nza ŋkɛ katezhɛre hwelefefia ŋa 'ya kwagha kambeli kwele kwele. 4'Ya le ghəa ɗa nde tebeghe ŋa kadzawa Ɛzhipte. 'Ya shɛ nde tezhɛne ŋa same kwagha. Ma vəa ŋkwa nya temte na ne, Zhozɛf nde tenza kənəa gha.» 5Ntəŋə Zhakob shave mbe Bɛrshɛba. Kəliɓə ŋwalea ŋkɛ fəte yɛ yiteyɛa nci Zhakob, mia nci ba'a ŋwalea nci kwa wəmata gədəwə nyi ghweneghe Farawon kafə hɛ. 6Pa hɛ fəghe pɛtɛa wəshi keseɗa ta nci ba'a wəshi nyi kemave hɛ te hɛɗia Kanan perə. Hwa'a yɛ Zhakob le hwelefefia ŋkɛ pɛtɛ kwa Ɛzhipte: 7ŋwale tezhilia ŋkɛ ba'a ŋwalea kwɛa ŋkɛ, hwelefefia ŋkɛ nyi kazhili ba'a nyi kami. Pɛtɛ fəghe hwelefe ta ŋkɛ ŋkɛ kadzawa Ɛzhipte.
Mbelia Zhakob
8Wa nyi sləa ka Israyɛl, geze ta ŋkɛ, Zhakob, ŋwalea ŋkɛ ba'a hwelefefia ŋkɛ nyi kedzawa Ɛzhipte nyi:
Yɛ Rəbɛn, kwa ghate ta wəzege ta Zhakob 9le ŋwalea ŋkɛ Hanok, Paləw, Hɛsron ba'a Karmi.
10Yɛ Simɛyon le ŋwalea ŋkɛ Yeməwɛl, Yamin, Ohad, Yakin, Sohar ba'a Shawəl nya kawəzege nya kesawa hwa wəzha ta ka Kanan.
11Yɛ Lɛvi le ŋwalea ŋkɛ Gɛrshon, Kɛhat ba'a Merari.
12Yɛ Zhəwda le ŋwalea ŋkɛ Shɛla, Pɛrɛs ba'a Zɛra. Nahe yɛ Ɛr le Onan, nyi kaŋwalea Zhəwda kempənji te hɛɗia Kanan. Ŋwale tezhili bake yayake Pɛrɛs: yɛ Hɛsron le Haməwl.
13Yɛ Isakar le ŋwalea ŋkɛ Tola, Pəwa, Yashəwb ba'a Shimron. 14Yɛ Zabəlon le ŋwalea ŋkɛ Sɛrɛd, Ɛlon ba'a Yalɛyɛl.
15Nyi ya kaŋwale tezhili nyi yake nda Lɛya ke Zhakob mbe Mɛzopotami, tsagha wəzha ta megheyɛa nci Dina. Zlaɓe le zhigə ŋa nci ŋwale ne, mahekenemsə mahekeneghəmbe hɛ pɛtɛa nci.
16Yɛ Gad le ŋwalea ŋkɛ Sefon, Hagi, Shəwni, Ɛsbon, Ɛri, Arod ba'a Arɛli.
17Yɛ Asɛr le ŋwalea ŋkɛ Imna, Isheva, Ishevi ba'a Beriya, tsagha wəzha ta megheyɛa nci Sɛra. Ŋwale tezhili bake yayake Beriya: yɛ Hɛbɛr le Malkiyɛl.
18Nyi ya kaŋwale ba'a kahwelefefia yɛ Zhakob le Zilpa nya ndeke nda Laban kakwatera ke wəzha ta ŋkɛ Lɛya: meŋe ŋkwaŋeghəmbe hɛ pɛtɛa nci.
19Ŋwale tezhili nyi yake nda Rashɛl ke Zhakob: yɛ Zhozɛf le Bɛnjamɛn. 20Mbe Ɛzhipte ne, nahe Zhozɛf keyake ŋwale tezhili bake sawa hwa male ta ŋkɛ Asnat, wəzha ta Potifɛra nya kande dzeghe shala mbe meleme ta On: yɛ Manasɛ le Ɛfrayim.
21Ŋwale tezhili meŋe yayake Bɛnjamɛn: yɛ Bɛla, Bɛkɛr, Ashebɛl, Gɛra, Na'aman, Ɛhi, Rosh, Məwpim, Həwpim ba'a Arde.
22Nyi ya kaŋwale ba'a kahwelefefia yɛ Zhakob le Rashɛl: meŋe wəfaɗeghəmbe hɛ pɛtɛ nci.
23Yɛ Dan le wəzege ta ŋkɛ Həwshim.
24Yɛ Nɛftali le ŋwalea ŋkɛ Yasiyɛl, Gəwni, Yɛsɛr ba'a Shilɛm.
25Nyi ya kaŋwale ba'a kahwelefefia yɛ Zhakob le Bila nya ndeke nda Laban kakwatera ke wəzha ta ŋkɛ Rashɛl: mberefaŋe hɛ pɛtɛa nci.
26Ma mbelia Zhakob nyi kedzawa Ɛzhipte ne, ŋkwaŋemsə ŋkwaŋeghəmbe hɛ pɛtɛa nci, kaɗema mbeli keɓelate ka makwashia ŋkɛ. 27Zlaɓe le ŋwalea Zhozɛf bake nyi keya pelɛ Ɛzhipte ne, mbeli mberefaŋemsə mbelia Zhakob nyi kenzanji mbe Ɛzhipte.
Zhakob kwa Ɛzhipte
28Pa Zhakob ghwenakɛ Zhəwda te kema sha Zhozɛf kezha neghe ŋkɛ ŋkɛ mbe Goshɛn. Ma kwa ntsehe hɛ te hɛɗia Goshɛn ne, 29tarame Zhozɛf pelɛ wəmata gədəwəa ŋkɛ, cape ŋkɛ kadzeme Goshɛn kezha begeme le yitenyɛ. Nakɛma ta ŋkɛ ke yitenyɛ, həməwə ŋkɛ həməwəve ŋkɛ, ntake ŋkɛ kanehwene va zlama katemə kwele kwele, mba hɛ hehəməwə. 30Ma ke Zhakob sha Zhozɛf: «Ma tsetsenya kwa nakɛ kema ta ŋa 'ya, ya 'ya mte ɗa ne, nahe, kwa nza ŋkɛ mba na teghweme.» 31Ma ke Zhozɛf sha ka kesaka yitenyɛ ba'a mbeli nyi ki ghɛa yitenyɛ: «Katedzeme 'ya kageze nda ke Farawon, ma 'ya shɛ: ‹Nahe ka kesaka yiteyɛ ɗa ba'a mbeli nyi ki ghɛa yitea ɗa nyi kese pelɛ hɛɗia Kanan kesawanji sha 'ya. 32Ka ya wəshi mbelia shɛhɛ, wəshi keseɗa ya va hɛ. Nahe hɛ kefəke timɛtia nci, kwia nci, sla ta nci ba'a wəshi nyi va hɛ pɛtɛ.› 33Ma kehekake ŋayɛ Farawon ka'yɛwe slene nya mene yɛ ne, 34ma tezhɛne nda yɛ: ‹Wəshi keseɗa yaya n'yɛ se kaŋwale pa ɓeshi, kala nya se ka shihɛ n'yɛ kaya.› Ma tsagha, waɗe tenza hweŋkwa va gheyɛ kanza te hɛɗia Goshɛn, kwa nza ŋkɛ kaɗe ghena ta ka ya wəshi keseɗa nyi ɓɛhwɛ ɓɛhwɛ ka Ɛzhipte we.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.