Gha ta Wəshi 49
49
Zhakob kawəpi ŋwale tezhilia ŋkɛ nyi 12
1Pa Zhakob hekake ŋwale tezhilia ŋkɛ, ma ke sha hɛ:
«Tsenete mə ghəa ŋayɛ, 'ya kategeze ŋayɛ
wəsə nya ketemene ŋayɛ geva te kwete veci.
2Rəkwəte mə ghəa ŋayɛ, fate mə, ŋwalea Zhakob,
fate mə ghena ta Israyɛl, yiteyɛ ŋayɛ.
3Gha ya kande ghate ta wəzege ta ɗa Rəbɛn,
nde ghate ta wəzege nya yake 'ya
kwa nza berete mba mbe 'ya.
Za ma na ke ka kesaka yiteyɛ ŋa
laka nza kaza ba'a laka berete.
4Kala hələ nya kegaŋkeɓe na.
Ama katezhɛne na kanza kande ghate we,
kwa nza ŋkɛ nahe na kekelemte zləvə te ghəa ŋa
kwa se na kaɓelahe te gezlea ɗa le kwete hwa mia ɗa.
5Ka mama yɛ Simɛyon le Lɛvi:
nahe hɛ ketsahwe yitea mene wəsə kwa berete.
6Kadzehwa ghena nya tsa hɛ 'ya we,
kadzehwa tsene ta nci 'ya we,
kwa nza ŋkɛ nahe hɛ kempəmte mbeli mbe hwepe ta wənəa nci,
nahe hɛ ketsetsaslemte ŋeli yitea mcɛmcɛli va mawe ta nci.
7'Ya kabezla nza ghwə ta hwepe ta wənəa nci
ba'a zhɛma helia nci nyagha.
'Ya katetaze hwelefefia nci 'ya dzeyi hwa ka Israyɛl,
'ya katepesle hɛ kwetɛ kwetɛŋe te hɛɗi nya.
8Zhəwda, gha yatetsahe ka kesaka meyɛ ŋa.
Katenza na bereteke kənəa ka jaga ta na,
kategwəɗəŋə ka kesaka yiteyɛ ŋa kwa kema ta ŋa.
9Wəzege ta ɗa Zhəwda,
kala megela nivɛrə nya kempeɗehwe wəsə
ba'a nya kezhɛneke geva kadzete ghweɓea ŋkɛ na.
Kacɛfɛakwe nivɛrə, kaɓelahe ŋkɛ.
Wa nde nza kaŋkakate ŋkɛ sate te ŋkwa wa?
10Va sebe ta Zhəwda tenza geta ta meghe.
Mbe dzeve ta hwelefe ta ŋkɛ tenza geta meghe
pa te və nya tese wəndə nya nza ŋkɛ kaŋa ŋkɛ fate fate,
wəndə nya tenza mbeli mbe dzeve ta ŋkɛ.
11Gheŋkɛ nde tehwepe kwara ta ŋkɛ vare wəfe ta rɛzɛŋe,
ba'a leve ta kwara ta ŋkɛ te dzeve ta wəfe ta rɛzɛŋe.
Tɛa rɛzɛŋe yatetsewe lekwesa ta ŋkɛ ŋkɛ le
ba'a yɛməa rɛzɛŋe yateghwəɓə lekwesa ganyɛ ta ŋkɛ ŋkɛ le.
12Ghɛmɛ ma tenza ntsə ta ŋkɛ ke tɛ
ba'a tɛawetɛa ma tenza yɛ slene ta ŋkɛ ke ŋ'wa.
13Mɛa ndərə tenza Zabəlon,
te ŋkwa nya ghereŋe yɛ kwambelə.
Hwa'a mbe Sidon tenza hɛɗia ŋkɛ.
14Nahe Isakar kenza bidalea kwara
nya keɓelahenyɛ kwa zlema.
15Nahe ŋkɛ kenakɛ ganyɛke ŋkwa shɛ
ba'a keɗehwe hɛɗia shɛ.
Pa ŋkɛ hite wəmbə kezha fə wəshi,
megela ŋkɛ kezha slene mava.
16Dan nde temeha ghwə te mbelia ŋkɛ
kala kweci yitehɛ ta Israyɛl.
17Nahe Dan kenza kala shishi nya kwa hweŋkwa,
kala mentsape nya mɛa hweŋkwa.
Kahale gədəwə ŋkɛ yitea seɗa
kezha teɗe nde zleɗe gədəwə me'yaŋe 'yaŋe.
18Mahwətə yawe, katembele ɗa na zəzə 'ya!
19Ma kahave nda mpa ka mefətekwə ke Gad ne,
kabazle ghəa ŋkɛ ŋkɛ, kakeka hɛ ŋkɛ.
20Kwele kwele temene wəshi te hɛɗia Asɛr,
wəshi kezeme ta ka meghe yatemene hɛɗia ŋkɛ.
21Kala kɛme nya werete nya keya ŋwale ganji Nɛftali.
22Kala wəfe nya keya ŋkerɛape Zhozɛf,
kala wəfe nya keya ŋkerɛape mɛa ɗasle.
Bebiya ma ke zli ha yɛ dzeve ta ŋkɛ.
23Pa ka he have se kaɗeke ŋkɛ le have,
pa hɛ ghwezakɛ mɛ hwe, have nda mpa.
24Ama rape keseyi rəgia ŋkɛ ŋkɛ le berete,
nahe mɓəa ŋkɛ ba'a dzeve ta ŋkɛ kehite geva megela.
Laka berete ta Shala nde berete ta Zhakob ne,
nahe na kezhɛre ŋa kande ya wəshi, kakeleɓa ta Israyɛl.
25Laka Shala ta yiteyɛ ŋa nya kekemane ŋa,
laka Shala nde berete nya kewəpi ŋa ne,
kemave wəshi ganjia va nya keme sawa pelɛ ghweme,
ŋa yɛmə nya kesame kwa zeweve ta hɛɗi,
tsagha ŋwale ba'a wəshi keseɗa kwele kwele.
26Ma wəpi nyi wəpi ŋkwa yiteyɛ ŋa ne,
za ma hɛ ke wəshi ganjia ghweme nyi ghalanzanji,
za ma hɛ ke mcɛlə nyi pelɛ wəmbə nyi hecanji.
Dzeghəa Zhozɛf wəpi ta yitenyɛ,
gheŋkɛ nya keveyi geva tekeleke hwa ka kesaka yitenyɛ!
27Makwagwele nya ghyana Bɛnjamɛn.
Masheke ne, kampeɗe wəsə nya keseve ŋkɛ ŋkɛ,
ma hetɛhwɛɗi, kanehe wəsə nya keseke ŋkɛ ŋkɛ.»
28Ghenci ya kaka yitehɛ nyi meŋe bakeghəmbe mbe Israyɛl. Nyi ya kaghena nyi gezete nda yiteyɛa nci ke hɛ vəa ŋkwa nya wəpikɛ hɛ ŋkɛ. Yayata wəndə kekemave ŋa ŋkɛ wəpi tekeleke.
Mte ta Zhakob
29Kwa sebe ta ŋkɛ, pa ŋkɛ gezave nda ghena nyi ke hɛ, ma ke: «Ma kemte 'ya ne, lamte ɗa mə hwa ka shihɛ ɗa mbe zlera nya mbe wəvea Ɛfron, nde Hɛt, 30mbe Makpɛla, terasle yitea Mamrɛ, te hɛɗia Kanan. Nahe Abraham kepahwe wəvea shɛ va Ɛfron yitea nza ŋkɛ kaŋkwa kela ŋkwa ta ŋkɛ. 31Mbe lamte yɛ Abraham mbeli le male ta ŋkɛ Sara, mbe lamte yɛ Izak mbeli le male ta ŋkɛ Rɛbɛka, mbe lamte Lɛya 'ya. 32Ma yɛ wəvea shɛ le zlera shɛ ne, va ka Hɛt pave mbeli.» 33Ma kwa keɗaŋemte geze nda ghena Zhakob ke ŋwalea ŋkɛ ne, pa ŋkɛ zhɛne kaɓelahe, kwa sebe ta ŋkɛ, mtiwə ŋkɛ, jikə ŋkɛ hwa ka shihɛnyɛ.
Currently Selected:
Gha ta Wəshi 49: BEKDC12
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.
Gha ta Wəshi 49
49
Zhakob kawəpi ŋwale tezhilia ŋkɛ nyi 12
1Pa Zhakob hekake ŋwale tezhilia ŋkɛ, ma ke sha hɛ:
«Tsenete mə ghəa ŋayɛ, 'ya kategeze ŋayɛ
wəsə nya ketemene ŋayɛ geva te kwete veci.
2Rəkwəte mə ghəa ŋayɛ, fate mə, ŋwalea Zhakob,
fate mə ghena ta Israyɛl, yiteyɛ ŋayɛ.
3Gha ya kande ghate ta wəzege ta ɗa Rəbɛn,
nde ghate ta wəzege nya yake 'ya
kwa nza berete mba mbe 'ya.
Za ma na ke ka kesaka yiteyɛ ŋa
laka nza kaza ba'a laka berete.
4Kala hələ nya kegaŋkeɓe na.
Ama katezhɛne na kanza kande ghate we,
kwa nza ŋkɛ nahe na kekelemte zləvə te ghəa ŋa
kwa se na kaɓelahe te gezlea ɗa le kwete hwa mia ɗa.
5Ka mama yɛ Simɛyon le Lɛvi:
nahe hɛ ketsahwe yitea mene wəsə kwa berete.
6Kadzehwa ghena nya tsa hɛ 'ya we,
kadzehwa tsene ta nci 'ya we,
kwa nza ŋkɛ nahe hɛ kempəmte mbeli mbe hwepe ta wənəa nci,
nahe hɛ ketsetsaslemte ŋeli yitea mcɛmcɛli va mawe ta nci.
7'Ya kabezla nza ghwə ta hwepe ta wənəa nci
ba'a zhɛma helia nci nyagha.
'Ya katetaze hwelefefia nci 'ya dzeyi hwa ka Israyɛl,
'ya katepesle hɛ kwetɛ kwetɛŋe te hɛɗi nya.
8Zhəwda, gha yatetsahe ka kesaka meyɛ ŋa.
Katenza na bereteke kənəa ka jaga ta na,
kategwəɗəŋə ka kesaka yiteyɛ ŋa kwa kema ta ŋa.
9Wəzege ta ɗa Zhəwda,
kala megela nivɛrə nya kempeɗehwe wəsə
ba'a nya kezhɛneke geva kadzete ghweɓea ŋkɛ na.
Kacɛfɛakwe nivɛrə, kaɓelahe ŋkɛ.
Wa nde nza kaŋkakate ŋkɛ sate te ŋkwa wa?
10Va sebe ta Zhəwda tenza geta ta meghe.
Mbe dzeve ta hwelefe ta ŋkɛ tenza geta meghe
pa te və nya tese wəndə nya nza ŋkɛ kaŋa ŋkɛ fate fate,
wəndə nya tenza mbeli mbe dzeve ta ŋkɛ.
11Gheŋkɛ nde tehwepe kwara ta ŋkɛ vare wəfe ta rɛzɛŋe,
ba'a leve ta kwara ta ŋkɛ te dzeve ta wəfe ta rɛzɛŋe.
Tɛa rɛzɛŋe yatetsewe lekwesa ta ŋkɛ ŋkɛ le
ba'a yɛməa rɛzɛŋe yateghwəɓə lekwesa ganyɛ ta ŋkɛ ŋkɛ le.
12Ghɛmɛ ma tenza ntsə ta ŋkɛ ke tɛ
ba'a tɛawetɛa ma tenza yɛ slene ta ŋkɛ ke ŋ'wa.
13Mɛa ndərə tenza Zabəlon,
te ŋkwa nya ghereŋe yɛ kwambelə.
Hwa'a mbe Sidon tenza hɛɗia ŋkɛ.
14Nahe Isakar kenza bidalea kwara
nya keɓelahenyɛ kwa zlema.
15Nahe ŋkɛ kenakɛ ganyɛke ŋkwa shɛ
ba'a keɗehwe hɛɗia shɛ.
Pa ŋkɛ hite wəmbə kezha fə wəshi,
megela ŋkɛ kezha slene mava.
16Dan nde temeha ghwə te mbelia ŋkɛ
kala kweci yitehɛ ta Israyɛl.
17Nahe Dan kenza kala shishi nya kwa hweŋkwa,
kala mentsape nya mɛa hweŋkwa.
Kahale gədəwə ŋkɛ yitea seɗa
kezha teɗe nde zleɗe gədəwə me'yaŋe 'yaŋe.
18Mahwətə yawe, katembele ɗa na zəzə 'ya!
19Ma kahave nda mpa ka mefətekwə ke Gad ne,
kabazle ghəa ŋkɛ ŋkɛ, kakeka hɛ ŋkɛ.
20Kwele kwele temene wəshi te hɛɗia Asɛr,
wəshi kezeme ta ka meghe yatemene hɛɗia ŋkɛ.
21Kala kɛme nya werete nya keya ŋwale ganji Nɛftali.
22Kala wəfe nya keya ŋkerɛape Zhozɛf,
kala wəfe nya keya ŋkerɛape mɛa ɗasle.
Bebiya ma ke zli ha yɛ dzeve ta ŋkɛ.
23Pa ka he have se kaɗeke ŋkɛ le have,
pa hɛ ghwezakɛ mɛ hwe, have nda mpa.
24Ama rape keseyi rəgia ŋkɛ ŋkɛ le berete,
nahe mɓəa ŋkɛ ba'a dzeve ta ŋkɛ kehite geva megela.
Laka berete ta Shala nde berete ta Zhakob ne,
nahe na kezhɛre ŋa kande ya wəshi, kakeleɓa ta Israyɛl.
25Laka Shala ta yiteyɛ ŋa nya kekemane ŋa,
laka Shala nde berete nya kewəpi ŋa ne,
kemave wəshi ganjia va nya keme sawa pelɛ ghweme,
ŋa yɛmə nya kesame kwa zeweve ta hɛɗi,
tsagha ŋwale ba'a wəshi keseɗa kwele kwele.
26Ma wəpi nyi wəpi ŋkwa yiteyɛ ŋa ne,
za ma hɛ ke wəshi ganjia ghweme nyi ghalanzanji,
za ma hɛ ke mcɛlə nyi pelɛ wəmbə nyi hecanji.
Dzeghəa Zhozɛf wəpi ta yitenyɛ,
gheŋkɛ nya keveyi geva tekeleke hwa ka kesaka yitenyɛ!
27Makwagwele nya ghyana Bɛnjamɛn.
Masheke ne, kampeɗe wəsə nya keseve ŋkɛ ŋkɛ,
ma hetɛhwɛɗi, kanehe wəsə nya keseke ŋkɛ ŋkɛ.»
28Ghenci ya kaka yitehɛ nyi meŋe bakeghəmbe mbe Israyɛl. Nyi ya kaghena nyi gezete nda yiteyɛa nci ke hɛ vəa ŋkwa nya wəpikɛ hɛ ŋkɛ. Yayata wəndə kekemave ŋa ŋkɛ wəpi tekeleke.
Mte ta Zhakob
29Kwa sebe ta ŋkɛ, pa ŋkɛ gezave nda ghena nyi ke hɛ, ma ke: «Ma kemte 'ya ne, lamte ɗa mə hwa ka shihɛ ɗa mbe zlera nya mbe wəvea Ɛfron, nde Hɛt, 30mbe Makpɛla, terasle yitea Mamrɛ, te hɛɗia Kanan. Nahe Abraham kepahwe wəvea shɛ va Ɛfron yitea nza ŋkɛ kaŋkwa kela ŋkwa ta ŋkɛ. 31Mbe lamte yɛ Abraham mbeli le male ta ŋkɛ Sara, mbe lamte yɛ Izak mbeli le male ta ŋkɛ Rɛbɛka, mbe lamte Lɛya 'ya. 32Ma yɛ wəvea shɛ le zlera shɛ ne, va ka Hɛt pave mbeli.» 33Ma kwa keɗaŋemte geze nda ghena Zhakob ke ŋwalea ŋkɛ ne, pa ŋkɛ zhɛne kaɓelahe, kwa sebe ta ŋkɛ, mtiwə ŋkɛ, jikə ŋkɛ hwa ka shihɛnyɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en langue Kapsiki avec les livres deutérocanoniques © Alliance Biblique du Cameroun 2012.