GÉNESIS 26
26
Isaac runaca, Gerar shuti pueblopimi causajushca
1Chai jipami chai llactapica, jatun yarjai tiarca. Abraham causajui punllacunapi yarjai tiashcashnallatami, cutin tiarcara. Shinamandami Isaac runaca, filisteocunata jatun mandaj Abimelec causajuj Gerar shuti puebloman rirca. 2Mandaj Diosca, Isaacman ricurishpami, cashna nijurca: “Ama Egiptoman urai richu. Maijan llactapi ñuca causai nijpipash, chaipi causanguilla. 3Shuj llactamanda purij runashna, cai llactapillata causajuilla. Ñucaca canhuanmi casha, candaca bendiciashami. Cai tucui alpacunataca canmambash, cambaj miraicunamambashmi carasha. Chashna carashpami, cambaj taita Abrahamman juramentushcataca pactachisha. 4Cambaj miraicunataca, jahua pachapi luzerocunatashnami, ashtaca ashtacata mirachisha. Cambaj miraicunamanmi, cai tucui alpacunataca carasha. Tucui cai pachapi tiaj llactacunaca, cambaj miraicunamandami bendiciai tucunajunga. 5Ñuca rimashcata Abraham uyashcamanda, imata rurai nishcata, ñuca mandashcacunata, ñuca escribichishca shimicunata, ñuca mandashca shimicunata cazushcamandami, bendiciai tucunajunga” nijurcami. 6Isaac runaca, Gerar shuti pueblopimi causajurca. 7Chaipi causanajuj runacuna, paipaj huarmimanda tapunajujpimi: “Ñuca panimi” nishpa tigrachirca. Chaipi causanajuj runacunaca, Rebecamanda huañuchihuaipajpash yashpami: “Ñuca huarmimi” ningapaca manllarca. Rebeca huarmiguca, juyaillagupachami carca.
8Isaac runaca, tauca punllacunata ña chaipi causajujpimi, cashna tucurca: Filisteocunata jatun mandaj Abimelec shuti runaca, shuj ventanamanda ricujushpami Isaac runaca, paipaj huarmita llambuchishpa juyachijujta ricurca. 9Chaimandami Abimelec runaca, Isaacta cayashpa cashna nirca:
—Ricui, chai huarmica cambaj huarmipachamari cashca. ¿Imamandata: ‘Ñuca panimi’ nircangui?— nircami.
Shina nijpimi Isaac runaca, cashna nishpa tigrachirca:
—Ñuca huarmimanda huañuchihuaipajpash yashpami, chashna niparcani— nircami.
10Shina nijpimi Abimelec runaca, cashna nirca:
—¿Imapajta ñucanchitaca, caita rurarcangui? Cai pueblopi causaj puramanda huaquingunaca, ashamandallami na cambaj huarmihuan siririshca. Shina cajpica canmi, ñucanchita juchata rurachinguiman carca— nircami.
11Shinamandami Abimelec runaca, tucui gentecunata cashna nishpa mandarca:
—Cai runata, na cashpaca paipaj huarmita maijambash tacarillatapash tacarishpaca, huañungapachami— nircami.
12Isaac runaca, chai alpapillatami tarpushpa causajurca. Chai huatapica, shujlla granomanda patsaj granotami cozechajurca. Chashnami, Mandaj Diosca bendiciarca.
13Isaac runaca, tucuipi ali llujshishpami ninanda charijyarca. Chaimandami paica ninan charij tucushpa, ninan ushaita charirca. 14Llamacunata, huarmi huagracunata, tarpushca chagracunataca, ashtacatapachami charirca. Shina cajpimi filisteocunaca, ñucanchipash paishna charishcaiman yashpa ricunajurca. 15Isaacpaj taita Abraham causajui punllacunapimi, Abrahamda servijcunaca yacuta llujchina jatun utujuta allashca carca. Chaitami, filisteocunaca alpata jundachishpa, tucuillata quilpashca carca. 16Shinamandami Abimelec runapash, Isaactaca cashna nirca:
—Canga, ñucanchimanda anchuri. Canga, ñucanchita yali ushaita charijmari tucushcangui— nircami.
17Isaac runaca, chai llactamanda llujshishpa rishpami, Gerar shuti pueblo lado pugru pambapi carpata shayachishpa, chaipi causajurca. 18Isaac runaca, paipaj taita Abraham causajui punllacunapi, yacuta llujchingapaj allashca jatun utujucunatami cutin allarca. Chai utujucunataca, Abraham huañushca jipami, filisteocuna quilpashca carca. Chaicunataca, paipaj taita shutichishca shutitallatami shutichirca. 19Ashtahuangarin Isaacta servij runacunaca, chai pugru pambapi allanajushpami, chaipica yacu jicharijuj jatun utujuta tarirca. 20Gerar shuti pueblomanda michijcunahuan, Isaacpaj michijcunahuan ninandapacha fiñanajushpami: “Yacuca ñucanchipajmi” nirinajurca. Paicuna fiñanajushcamandami, yacuta llujchingapaj allashca chai jatun utujutaca, “Esek” shutita shutichirca. 21Shinamandami, shuj jatun utujuta allanajurca. Chai jatun utujumandapashmi, mitsarishpa ninandapacha fiñanajunajurca. Chaimandami, “Sitna” shutita shutichirca.
22Isaac runaca, chaimanda anchurishpami, shuj jatun utujuta allachirca. Chai yacumandaca, na fiñanajurcachu. Chaimandami chai yacutaca, “Rehobot” shutita shutichirca. Paica cashnami nijurca: “Tucuipi ali llujshichunmi, Mandaj Diosca ayudahuarca. Chaimanda cai alpapillata mirashunchilla” nijurcami.
23Chai pushtumandami Isaac runaca, Beerseba puebloman vichai rirca. 24Chai tutallatami Mandaj Diosca, Isaacman ricurishpa, cashna nirca: “Ñucami, cambaj taita Abrahambaj Taita Dios cani. Ama manllaichu, ñucami canhuan cani. Ñucata servij Abrahamda juyashcamandami, candaca bendiciasha. Cambaj huahuacunatapash, ashtacatami mirachisha” nircami.
25Shina nijpimi Isaac runaca, chaipi shuj altarta shayachishpa, Mandaj Diospaj shutipi mañajurca. Shinallata paipaj carpatapashmi, chaipi shayachirca. Chaipillatami Isaacta servijcunaca, yacuta llujchingapaj shuj jatun utujuta allarca.
26Abimelec runaca, Gerar shuti pueblomandapachami, paipaj cumba Ahuzat shuti runandi, paipaj soldadocunata mandaj Ficol shuti runandi, Isaacpajman shamurca. 27Shina shamujpimi Isaac runaca, cashna nirca:
—¿Imapajta ñucapajman shamunguichi? ¿Nachu ñucataca na ricunayachishpa, canguna puramanda llujchishpa cachahuarcanguichi?— nircami.
28Shina nijpimi, cashna nishpa tigrachinajurca:
—Mandaj Diosca, canhuan cajtami ricupashcanchi. Shinamandami, cashna nircanchi: ‘Cunanga cambash, ñucanchipash ñucanchipura juramentupashun. Chashna rurashpami, canhuan ari nipashun. 29Imashnami ñucanchipash candaca, tacaritapash na tacarishpa, alitalla rurashpa casilla aliguta cachamurcanchi, chashnallata ñucanchitapash ima nalitapash ama ruranguichu. Cunanga, Mandaj Dios bendiciashcamari capangui’ nircanchimi— ninajurcami.
30Chai jipaca, jatun micuita Isaac rurajpimi micunajurca, ufianajurca. 31Tutamandata jatarishpami caishujmanda, chaishujmanda juramentunajurca. Chashnami Isaacpash, paicunata cayacaman nishpa cacharca. Paicunapash Isaactaca, cayacaman nishpami, casilla aliguta rinajurca.
32Chai punllacunallatami, cashna tucurca: Isaacta servij runacunaca, yacuta llujchingapaj jatun utujuta paicuna allashcata, Isaacman villaj shamushpami:
—Ñucanchica, yacuta tarishcanchimi— ninajurca.
33Chaitaca, “Seba” shutitami shutichirca. Chaimandami, chai puebloca cunan punllacaman, “Beerseba” shutihuan quedashca.
34Esaú runaca, chuscu chunga huatata charishpami, heteopura Beeri shuti runapaj ushi Judit huarmihuan cazararca. Shinallata heteo puramandallata, Elón shuti runapaj ushi Basemat shuti huarmihuambashmi cazararca. 35Chai huarmicunaca Isaacpaj, Rebecapaj shungupica ninandami llaquichinajurca.
Currently Selected:
GÉNESIS 26: QUII
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.
GÉNESIS 26
26
Isaac runaca, Gerar shuti pueblopimi causajushca
1Chai jipami chai llactapica, jatun yarjai tiarca. Abraham causajui punllacunapi yarjai tiashcashnallatami, cutin tiarcara. Shinamandami Isaac runaca, filisteocunata jatun mandaj Abimelec causajuj Gerar shuti puebloman rirca. 2Mandaj Diosca, Isaacman ricurishpami, cashna nijurca: “Ama Egiptoman urai richu. Maijan llactapi ñuca causai nijpipash, chaipi causanguilla. 3Shuj llactamanda purij runashna, cai llactapillata causajuilla. Ñucaca canhuanmi casha, candaca bendiciashami. Cai tucui alpacunataca canmambash, cambaj miraicunamambashmi carasha. Chashna carashpami, cambaj taita Abrahamman juramentushcataca pactachisha. 4Cambaj miraicunataca, jahua pachapi luzerocunatashnami, ashtaca ashtacata mirachisha. Cambaj miraicunamanmi, cai tucui alpacunataca carasha. Tucui cai pachapi tiaj llactacunaca, cambaj miraicunamandami bendiciai tucunajunga. 5Ñuca rimashcata Abraham uyashcamanda, imata rurai nishcata, ñuca mandashcacunata, ñuca escribichishca shimicunata, ñuca mandashca shimicunata cazushcamandami, bendiciai tucunajunga” nijurcami. 6Isaac runaca, Gerar shuti pueblopimi causajurca. 7Chaipi causanajuj runacuna, paipaj huarmimanda tapunajujpimi: “Ñuca panimi” nishpa tigrachirca. Chaipi causanajuj runacunaca, Rebecamanda huañuchihuaipajpash yashpami: “Ñuca huarmimi” ningapaca manllarca. Rebeca huarmiguca, juyaillagupachami carca.
8Isaac runaca, tauca punllacunata ña chaipi causajujpimi, cashna tucurca: Filisteocunata jatun mandaj Abimelec shuti runaca, shuj ventanamanda ricujushpami Isaac runaca, paipaj huarmita llambuchishpa juyachijujta ricurca. 9Chaimandami Abimelec runaca, Isaacta cayashpa cashna nirca:
—Ricui, chai huarmica cambaj huarmipachamari cashca. ¿Imamandata: ‘Ñuca panimi’ nircangui?— nircami.
Shina nijpimi Isaac runaca, cashna nishpa tigrachirca:
—Ñuca huarmimanda huañuchihuaipajpash yashpami, chashna niparcani— nircami.
10Shina nijpimi Abimelec runaca, cashna nirca:
—¿Imapajta ñucanchitaca, caita rurarcangui? Cai pueblopi causaj puramanda huaquingunaca, ashamandallami na cambaj huarmihuan siririshca. Shina cajpica canmi, ñucanchita juchata rurachinguiman carca— nircami.
11Shinamandami Abimelec runaca, tucui gentecunata cashna nishpa mandarca:
—Cai runata, na cashpaca paipaj huarmita maijambash tacarillatapash tacarishpaca, huañungapachami— nircami.
12Isaac runaca, chai alpapillatami tarpushpa causajurca. Chai huatapica, shujlla granomanda patsaj granotami cozechajurca. Chashnami, Mandaj Diosca bendiciarca.
13Isaac runaca, tucuipi ali llujshishpami ninanda charijyarca. Chaimandami paica ninan charij tucushpa, ninan ushaita charirca. 14Llamacunata, huarmi huagracunata, tarpushca chagracunataca, ashtacatapachami charirca. Shina cajpimi filisteocunaca, ñucanchipash paishna charishcaiman yashpa ricunajurca. 15Isaacpaj taita Abraham causajui punllacunapimi, Abrahamda servijcunaca yacuta llujchina jatun utujuta allashca carca. Chaitami, filisteocunaca alpata jundachishpa, tucuillata quilpashca carca. 16Shinamandami Abimelec runapash, Isaactaca cashna nirca:
—Canga, ñucanchimanda anchuri. Canga, ñucanchita yali ushaita charijmari tucushcangui— nircami.
17Isaac runaca, chai llactamanda llujshishpa rishpami, Gerar shuti pueblo lado pugru pambapi carpata shayachishpa, chaipi causajurca. 18Isaac runaca, paipaj taita Abraham causajui punllacunapi, yacuta llujchingapaj allashca jatun utujucunatami cutin allarca. Chai utujucunataca, Abraham huañushca jipami, filisteocuna quilpashca carca. Chaicunataca, paipaj taita shutichishca shutitallatami shutichirca. 19Ashtahuangarin Isaacta servij runacunaca, chai pugru pambapi allanajushpami, chaipica yacu jicharijuj jatun utujuta tarirca. 20Gerar shuti pueblomanda michijcunahuan, Isaacpaj michijcunahuan ninandapacha fiñanajushpami: “Yacuca ñucanchipajmi” nirinajurca. Paicuna fiñanajushcamandami, yacuta llujchingapaj allashca chai jatun utujutaca, “Esek” shutita shutichirca. 21Shinamandami, shuj jatun utujuta allanajurca. Chai jatun utujumandapashmi, mitsarishpa ninandapacha fiñanajunajurca. Chaimandami, “Sitna” shutita shutichirca.
22Isaac runaca, chaimanda anchurishpami, shuj jatun utujuta allachirca. Chai yacumandaca, na fiñanajurcachu. Chaimandami chai yacutaca, “Rehobot” shutita shutichirca. Paica cashnami nijurca: “Tucuipi ali llujshichunmi, Mandaj Diosca ayudahuarca. Chaimanda cai alpapillata mirashunchilla” nijurcami.
23Chai pushtumandami Isaac runaca, Beerseba puebloman vichai rirca. 24Chai tutallatami Mandaj Diosca, Isaacman ricurishpa, cashna nirca: “Ñucami, cambaj taita Abrahambaj Taita Dios cani. Ama manllaichu, ñucami canhuan cani. Ñucata servij Abrahamda juyashcamandami, candaca bendiciasha. Cambaj huahuacunatapash, ashtacatami mirachisha” nircami.
25Shina nijpimi Isaac runaca, chaipi shuj altarta shayachishpa, Mandaj Diospaj shutipi mañajurca. Shinallata paipaj carpatapashmi, chaipi shayachirca. Chaipillatami Isaacta servijcunaca, yacuta llujchingapaj shuj jatun utujuta allarca.
26Abimelec runaca, Gerar shuti pueblomandapachami, paipaj cumba Ahuzat shuti runandi, paipaj soldadocunata mandaj Ficol shuti runandi, Isaacpajman shamurca. 27Shina shamujpimi Isaac runaca, cashna nirca:
—¿Imapajta ñucapajman shamunguichi? ¿Nachu ñucataca na ricunayachishpa, canguna puramanda llujchishpa cachahuarcanguichi?— nircami.
28Shina nijpimi, cashna nishpa tigrachinajurca:
—Mandaj Diosca, canhuan cajtami ricupashcanchi. Shinamandami, cashna nircanchi: ‘Cunanga cambash, ñucanchipash ñucanchipura juramentupashun. Chashna rurashpami, canhuan ari nipashun. 29Imashnami ñucanchipash candaca, tacaritapash na tacarishpa, alitalla rurashpa casilla aliguta cachamurcanchi, chashnallata ñucanchitapash ima nalitapash ama ruranguichu. Cunanga, Mandaj Dios bendiciashcamari capangui’ nircanchimi— ninajurcami.
30Chai jipaca, jatun micuita Isaac rurajpimi micunajurca, ufianajurca. 31Tutamandata jatarishpami caishujmanda, chaishujmanda juramentunajurca. Chashnami Isaacpash, paicunata cayacaman nishpa cacharca. Paicunapash Isaactaca, cayacaman nishpami, casilla aliguta rinajurca.
32Chai punllacunallatami, cashna tucurca: Isaacta servij runacunaca, yacuta llujchingapaj jatun utujuta paicuna allashcata, Isaacman villaj shamushpami:
—Ñucanchica, yacuta tarishcanchimi— ninajurca.
33Chaitaca, “Seba” shutitami shutichirca. Chaimandami, chai puebloca cunan punllacaman, “Beerseba” shutihuan quedashca.
34Esaú runaca, chuscu chunga huatata charishpami, heteopura Beeri shuti runapaj ushi Judit huarmihuan cazararca. Shinallata heteo puramandallata, Elón shuti runapaj ushi Basemat shuti huarmihuambashmi cazararca. 35Chai huarmicunaca Isaacpaj, Rebecapaj shungupica ninandami llaquichinajurca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Imbabura Bible © United Bible Societies, 1994.