Johan 12
12
Mary Ta Zingsuv Ziyhmyi A Thuv
(Mat 26:6-13; Mar 14:3-9)
1Lawsena Pyi hluo, ning caruv lie kha Zingsuv ca thiyna taata a pathu pakhaapapaa Lazaruh a awnapa, Bethani khy luo kha a vaa. 2Zuosa duonapa tuepa yite Martha ca sa pi aa bya yi; Lazaruh ca Zingsuv hneta cabya lie a tu pakhawpa tie hrawlie kha a aw ra. 3Mary ta paw kha aa riypa, a phang phasapa hne a muo ruvsapa ziyhmyi thyikha kha la te Zingsuv phyi kha bya te a suo ta a hruv. Ziyhmyi rang pa-ue ca ingchung bangkhuo kha aa ze diy. 4Zingsuv ziytuv chung taata pakha a cuopa, ama a lyituv riypapaa, Judas Iskariot khata, 5“Khaapanakawma hingpa ziyhmyi hing denarii#12:5 Denarii zathung kuliy re a hriepa pakha kung kha thavie tluv vuotaa a ta. zathung ta zaa yi sala siypasa tie kha ama pi va? a ta. 6(Hinghaahingta bie a ripa hing siypasa tie kaw a pacuo nakaw cuo li pata a paruvpa a cuo nakawtana a cuo. Tuokaa baw a cake tuvpa ta cuote tuokaa kha a hmuo paruv taw.) 7Zingsuv ta, “Ama hing sue phaw kha ung! A hnyipa ca i riy paby ning thue huota a chi se. 8Siypasa tie ca niema hrawlie ama aw pari aa, cuorasala kama ca niema'a lie aw pari'a va ang,” a ta.
Lazaruh Thie Riypa Ta Ama Raw
9Judah ming hluvpuv ta Bethani liena Zingsuv a aw tapa kha ama thyi nakawta capa khy luo ca ama vaa. Zingsuv vuota dyi cuo li pata Zingsuv ta thiyna taata a pathu sa pakhaapa Lazaruh ama hmung khing nakawta a cuo. 10Cacuonakawta Tluobyilepa tie ta Lazaruh zaw kha thiepuo riypata khue ama khuo; 11tahematapakieca capa kawlie cata Judah ming hluvpuv ta iema kha thuse yite Zingsuv kha ama zang.
Zingsuv Rungnaasa Pata Jerusalem Luo A Ngie
(Mat 21:1-11; Mar 11:1-11; Luk 19:28-40)
12A mawluopa taca Lawsena Pyi luo a vawpa cawsaazaapuv ta Jerusalem luona Zingsuv a vaw tapa kha ama thyi. 13Cacuonakawta ama daw riypata canungbachuv hnaa a cyi yite ama pya,
“Hosanna!
“Abyipa ming ta a vawpa ca
Khazing ta thluechiy pi mangsue.
Israel Siepahruo ca!” tapata ama khi.
14Zingsuv ca laa taata kha hmung te aa khang; Caapathepa lie a capepa haata:
15Zion sacanung, na thlaa zang kha se.
Na siepahruo ca aa vawle nguoluo,
Laataata a khang te aa vawle nguoluo!
16Ama a ziytuv tie ta capa cuo ning ca hingpa hmang siyluo hing za pachang khu vayi, cuorasala Zingsuv ca rungnaana hne pathu pakhaapa a cuo tiyta Caapathepa ta a ripa hing ama kaw cuote, ama tuepa hmang zaw kha ama huotana a cuo tapa kha ama palung a vuo pakhaa. 17Zingsuv ta Lazaruh kha thluo chung taata ku pathla te a pathu pakhaapa a hmungpa cawsaa tie khata hmang a cuopa kha ama ri pachaale. 18Cahaapaapa kharuehaa hmang na a tue tapa kha cawsaazaapuv ta ama thyi nakawta ama kha amaa vya taw. 19Farasi tie ta pakha hne pakha kha, “Hmung ung ca ma, khaahmuo tue khu va ungciy! Mang tie ung, chuelyi ming ta ama ama paziy diy tli hing haw! amaa ta.
Grik Ming Chekha Ta Zingsuv Ama Hmung Khing
20Pyi chunglie Khazing abie riypata Jerusalem luo a kiepa tie hrawlie kha Grik ming chekha amaa te. 21Galilee pe Bethsaida khy ming Filip'a luo kha a vaw yite, “Abyipa, Zingsuv na ma hmung khing,” ama ta. 22Filip ta Andru kha va chang te, ama pahning ta Zingsuv'a luo kha ama vaa. 23Zingsuv ta, “Cawsaapa Saacapaa ta rungnaana a hmungna cuo ca a vya chiy tli. 24Biehmisi tana ica chang yi: saciy hmung kha ca alyi lie tuv pata a thiy taa li kieca suokha dyi tana a cuo pari aa. A thiy taa khutaa dyina saciy a hluvsa a papung sa. 25A hringna a duepa ca a hringna kha pavie'a te, hing chuelyi lie a hringna a huepa ca chuozaa cuota a hringna kha a hnyi mangtli. 26Ahunghmuo cuose i re a hriepa ca ina ziy a hu te i changtaapa ca i awna lie a aw ra aa. Ahunghmuo cuose i re a hrietuv ca Paa ta pa-uvsathyina a pi aa,” a ta.
Zingsuv Ta A Thiyna Riypa Kaw A Ri
27Zingsuv ta, “I palung rie na a thyisa—tuokhaatama i ri aa? ‘I Paa, hing cuo chung taahingta na khuo tie i ta'a ma? Cuovyi, ama kawlie hing camuo hingpa cuo hing i vya pha ta. 28I Paa, na ming ca pa rungnaa sa tie!” a ta. Cakhutaata, vuoruo taata ueryi zaa thyi te, “Rungnaana pi tli ang te, i pi kalie aa,” a ta. 29Capa lie a daapa cawsaazaapuv khata ueryi ca thyi yite, chekha ta, “khalung na a thy,” ta yite chekha ta, “Avuoming na ama kha bie a chang,” ama ta. 30Zingsuv ta, “Hingpa ueryi hing kama cuota a zuv vyi, niema cuota na aa zuv,” a ta. 31Hing chuelyi hing a bie ripa riypa cuo a tling tli; hing chuelyi uvtuv byi zaw hing a cadepa ta ama cuo aa. 32Hing alyi taa hing calangpa i cuo thueta cawsaa#12:32 Hluo vie caa-uv lieca hmangting bangkhuo a ta. bangkhuo hing kama'a luo i zaa da diy'a yi,” a ta. 33Hinghaahingta a ripa hing tuokhaapa thiyna ma i ang aa tapa khana a paluo sa khing. 34Cawsaazaapuv ta, “Kiema phungbie ta ca Messiah#12:34 Or Khrih ca chuozaa tana a hring aa, a ta. Tuokhaatama Cawsaa Saacapaa ca calangthawpa tana a cuo aa, na ta the?” ama ta. 35Zingsuv ta, “Khena ca niema'a lie cuo pachangta chung a aw kalie aa. Khena nama hnyi chung hing zingna ta aca vya law li riypa yita cakuo tie ung. Zingna chunglie a cakuopa ca khaapalie ma i cakuo tapa kha pachang vyi. 36Khena nama hnyi chung hingta khena saa zaw nama cuo thena riypata khena ca zang tie ung,” a ta.
Cawsaa Ta Zang Lina
Capa bie a ri khu taata Zingsuv ca iema'a taata pya te aa nu. 37Ama hmungna lieta cazawbangkhuo kharuehaa hmang a tue thluo pata ama kha zang vayi. 38Capaca profet ta:
Abyipa, ma bie ripa ca ahungma a zang,
Abyipa cahrana ca ahung'a luo ma aa luo?
tapata a za ripa kha a tlingna riypatana a cuo. 39Cuorasala zang khu ngiethie vayi, Isaiah ngiethie ta,
40Ama ta ama ming pacue sa yite,
ama palung a paping yi.
Ama ming ta ama mang li riypa hne,
ama palung ta ama pachang li riypa hne,
Kama'a luo a vya pali'a yite,
i patluo sa pathlyi li riypa yita,
Khazing ta a ta,” tapata a za ri.
41Isaiah ta hinghaahingta a ripa ca Zingsuv rungnaana kha za hmung tli te a kaw zaw a za ri tli nakawta a cuo. 42Cakhutaa zaw cata Judah ming uvthyi a hluvpuv zawte ta Zingsuv ca ama zang. Cuorasala Farasi tie ca apungna-ing taata malie papya'a kie yi tapata a luohuo ta zang nguo vayi; 43iema ca cawsaa rungnaana kha Khazing'a taata hmungpa rungnaana laata ama khing vie.
Zingsuv Pacuvna
44Zingsuv ta khuopuv ta khi te, “Ahunghmuo cuose kama naa zangpa bangkhuo ca kama dyi ina zangpa cuo li pata kama naa pathlietuv zaw kha a zangpa tana a cuo. 45Kama naa hmungpa ca naa pathlietuv zaw kha a hmungpa a cuo. 46Kama naa zangpa ahunghmuo zingna chunglie ama aw li riypata hing chuelyi luo hing khena ta i vaw tli. 47I bie kha thyi te a ziy lipa kha a bie ripa'a va ang. Kama ca chuelyi bie ripa riypata a vaw va ang, cuorasala khuo riypatana i vaw. 48Kama kha na thaw te i bie kha a cuhluo lipa ca bie a ripatuv riypa pakha a hnyi. Kama i ripa bie hingna ningchuonapa ning thueta a bie a ripatuv ta a cuo aa! 49Tahematapakieca kama ri ta i ripa cuo vyi, cuorasala naa pathlietuv i Paa ama hrahring ta ri riypata ina changpa bie khana i ripa ta a cuo. 50Ama ta ri riypata ina changpa bie ca chuozaa hringna tana a cuo tapa kha i pachang. Cacuonakawta i ripa bie hing Paa ta ina changpa haata i ripa tana a cuo,” a ta yi.
Currently Selected:
Johan 12: LNT1
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.
Johan 12
12
Mary Ta Zingsuv Ziyhmyi A Thuv
(Mat 26:6-13; Mar 14:3-9)
1Lawsena Pyi hluo, ning caruv lie kha Zingsuv ca thiyna taata a pathu pakhaapapaa Lazaruh a awnapa, Bethani khy luo kha a vaa. 2Zuosa duonapa tuepa yite Martha ca sa pi aa bya yi; Lazaruh ca Zingsuv hneta cabya lie a tu pakhawpa tie hrawlie kha a aw ra. 3Mary ta paw kha aa riypa, a phang phasapa hne a muo ruvsapa ziyhmyi thyikha kha la te Zingsuv phyi kha bya te a suo ta a hruv. Ziyhmyi rang pa-ue ca ingchung bangkhuo kha aa ze diy. 4Zingsuv ziytuv chung taata pakha a cuopa, ama a lyituv riypapaa, Judas Iskariot khata, 5“Khaapanakawma hingpa ziyhmyi hing denarii#12:5 Denarii zathung kuliy re a hriepa pakha kung kha thavie tluv vuotaa a ta. zathung ta zaa yi sala siypasa tie kha ama pi va? a ta. 6(Hinghaahingta bie a ripa hing siypasa tie kaw a pacuo nakaw cuo li pata a paruvpa a cuo nakawtana a cuo. Tuokaa baw a cake tuvpa ta cuote tuokaa kha a hmuo paruv taw.) 7Zingsuv ta, “Ama hing sue phaw kha ung! A hnyipa ca i riy paby ning thue huota a chi se. 8Siypasa tie ca niema hrawlie ama aw pari aa, cuorasala kama ca niema'a lie aw pari'a va ang,” a ta.
Lazaruh Thie Riypa Ta Ama Raw
9Judah ming hluvpuv ta Bethani liena Zingsuv a aw tapa kha ama thyi nakawta capa khy luo ca ama vaa. Zingsuv vuota dyi cuo li pata Zingsuv ta thiyna taata a pathu sa pakhaapa Lazaruh ama hmung khing nakawta a cuo. 10Cacuonakawta Tluobyilepa tie ta Lazaruh zaw kha thiepuo riypata khue ama khuo; 11tahematapakieca capa kawlie cata Judah ming hluvpuv ta iema kha thuse yite Zingsuv kha ama zang.
Zingsuv Rungnaasa Pata Jerusalem Luo A Ngie
(Mat 21:1-11; Mar 11:1-11; Luk 19:28-40)
12A mawluopa taca Lawsena Pyi luo a vawpa cawsaazaapuv ta Jerusalem luona Zingsuv a vaw tapa kha ama thyi. 13Cacuonakawta ama daw riypata canungbachuv hnaa a cyi yite ama pya,
“Hosanna!
“Abyipa ming ta a vawpa ca
Khazing ta thluechiy pi mangsue.
Israel Siepahruo ca!” tapata ama khi.
14Zingsuv ca laa taata kha hmung te aa khang; Caapathepa lie a capepa haata:
15Zion sacanung, na thlaa zang kha se.
Na siepahruo ca aa vawle nguoluo,
Laataata a khang te aa vawle nguoluo!
16Ama a ziytuv tie ta capa cuo ning ca hingpa hmang siyluo hing za pachang khu vayi, cuorasala Zingsuv ca rungnaana hne pathu pakhaapa a cuo tiyta Caapathepa ta a ripa hing ama kaw cuote, ama tuepa hmang zaw kha ama huotana a cuo tapa kha ama palung a vuo pakhaa. 17Zingsuv ta Lazaruh kha thluo chung taata ku pathla te a pathu pakhaapa a hmungpa cawsaa tie khata hmang a cuopa kha ama ri pachaale. 18Cahaapaapa kharuehaa hmang na a tue tapa kha cawsaazaapuv ta ama thyi nakawta ama kha amaa vya taw. 19Farasi tie ta pakha hne pakha kha, “Hmung ung ca ma, khaahmuo tue khu va ungciy! Mang tie ung, chuelyi ming ta ama ama paziy diy tli hing haw! amaa ta.
Grik Ming Chekha Ta Zingsuv Ama Hmung Khing
20Pyi chunglie Khazing abie riypata Jerusalem luo a kiepa tie hrawlie kha Grik ming chekha amaa te. 21Galilee pe Bethsaida khy ming Filip'a luo kha a vaw yite, “Abyipa, Zingsuv na ma hmung khing,” ama ta. 22Filip ta Andru kha va chang te, ama pahning ta Zingsuv'a luo kha ama vaa. 23Zingsuv ta, “Cawsaapa Saacapaa ta rungnaana a hmungna cuo ca a vya chiy tli. 24Biehmisi tana ica chang yi: saciy hmung kha ca alyi lie tuv pata a thiy taa li kieca suokha dyi tana a cuo pari aa. A thiy taa khutaa dyina saciy a hluvsa a papung sa. 25A hringna a duepa ca a hringna kha pavie'a te, hing chuelyi lie a hringna a huepa ca chuozaa cuota a hringna kha a hnyi mangtli. 26Ahunghmuo cuose i re a hriepa ca ina ziy a hu te i changtaapa ca i awna lie a aw ra aa. Ahunghmuo cuose i re a hrietuv ca Paa ta pa-uvsathyina a pi aa,” a ta.
Zingsuv Ta A Thiyna Riypa Kaw A Ri
27Zingsuv ta, “I palung rie na a thyisa—tuokhaatama i ri aa? ‘I Paa, hing cuo chung taahingta na khuo tie i ta'a ma? Cuovyi, ama kawlie hing camuo hingpa cuo hing i vya pha ta. 28I Paa, na ming ca pa rungnaa sa tie!” a ta. Cakhutaata, vuoruo taata ueryi zaa thyi te, “Rungnaana pi tli ang te, i pi kalie aa,” a ta. 29Capa lie a daapa cawsaazaapuv khata ueryi ca thyi yite, chekha ta, “khalung na a thy,” ta yite chekha ta, “Avuoming na ama kha bie a chang,” ama ta. 30Zingsuv ta, “Hingpa ueryi hing kama cuota a zuv vyi, niema cuota na aa zuv,” a ta. 31Hing chuelyi hing a bie ripa riypa cuo a tling tli; hing chuelyi uvtuv byi zaw hing a cadepa ta ama cuo aa. 32Hing alyi taa hing calangpa i cuo thueta cawsaa#12:32 Hluo vie caa-uv lieca hmangting bangkhuo a ta. bangkhuo hing kama'a luo i zaa da diy'a yi,” a ta. 33Hinghaahingta a ripa hing tuokhaapa thiyna ma i ang aa tapa khana a paluo sa khing. 34Cawsaazaapuv ta, “Kiema phungbie ta ca Messiah#12:34 Or Khrih ca chuozaa tana a hring aa, a ta. Tuokhaatama Cawsaa Saacapaa ca calangthawpa tana a cuo aa, na ta the?” ama ta. 35Zingsuv ta, “Khena ca niema'a lie cuo pachangta chung a aw kalie aa. Khena nama hnyi chung hing zingna ta aca vya law li riypa yita cakuo tie ung. Zingna chunglie a cakuopa ca khaapalie ma i cakuo tapa kha pachang vyi. 36Khena nama hnyi chung hingta khena saa zaw nama cuo thena riypata khena ca zang tie ung,” a ta.
Cawsaa Ta Zang Lina
Capa bie a ri khu taata Zingsuv ca iema'a taata pya te aa nu. 37Ama hmungna lieta cazawbangkhuo kharuehaa hmang a tue thluo pata ama kha zang vayi. 38Capaca profet ta:
Abyipa, ma bie ripa ca ahungma a zang,
Abyipa cahrana ca ahung'a luo ma aa luo?
tapata a za ripa kha a tlingna riypatana a cuo. 39Cuorasala zang khu ngiethie vayi, Isaiah ngiethie ta,
40Ama ta ama ming pacue sa yite,
ama palung a paping yi.
Ama ming ta ama mang li riypa hne,
ama palung ta ama pachang li riypa hne,
Kama'a luo a vya pali'a yite,
i patluo sa pathlyi li riypa yita,
Khazing ta a ta,” tapata a za ri.
41Isaiah ta hinghaahingta a ripa ca Zingsuv rungnaana kha za hmung tli te a kaw zaw a za ri tli nakawta a cuo. 42Cakhutaa zaw cata Judah ming uvthyi a hluvpuv zawte ta Zingsuv ca ama zang. Cuorasala Farasi tie ca apungna-ing taata malie papya'a kie yi tapata a luohuo ta zang nguo vayi; 43iema ca cawsaa rungnaana kha Khazing'a taata hmungpa rungnaana laata ama khing vie.
Zingsuv Pacuvna
44Zingsuv ta khuopuv ta khi te, “Ahunghmuo cuose kama naa zangpa bangkhuo ca kama dyi ina zangpa cuo li pata kama naa pathlietuv zaw kha a zangpa tana a cuo. 45Kama naa hmungpa ca naa pathlietuv zaw kha a hmungpa a cuo. 46Kama naa zangpa ahunghmuo zingna chunglie ama aw li riypata hing chuelyi luo hing khena ta i vaw tli. 47I bie kha thyi te a ziy lipa kha a bie ripa'a va ang. Kama ca chuelyi bie ripa riypata a vaw va ang, cuorasala khuo riypatana i vaw. 48Kama kha na thaw te i bie kha a cuhluo lipa ca bie a ripatuv riypa pakha a hnyi. Kama i ripa bie hingna ningchuonapa ning thueta a bie a ripatuv ta a cuo aa! 49Tahematapakieca kama ri ta i ripa cuo vyi, cuorasala naa pathlietuv i Paa ama hrahring ta ri riypata ina changpa bie khana i ripa ta a cuo. 50Ama ta ri riypata ina changpa bie ca chuozaa hringna tana a cuo tapa kha i pachang. Cacuonakawta i ripa bie hing Paa ta ina changpa haata i ripa tana a cuo,” a ta yi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.