Matthai 15
15
Mingnungmingpa Phungluo
(Mar 7:1-13)
1Cakhutaa Farasi tie hne phungbie saya tie ca Jerusa-lem taakhata Zingsuv'a luo a vaw yite, 2“Khaapanakawma caa ziytuv tie ta mingnungmingpa phungluo ama para? Tahematapakieca sa ning hluo ta ama kuv a siy vayi,” ama ta. 3Zingsuv ta, “Cacuokie, Khaapanakawma niema zaw hing niema phungluo kawlieta Khazing nawbie kha nama para? a ta yi. 4Khazing ta, ‘Na nung hne na paa va ciyzaa yi, a nung cuose a paa cuose chie a sapa ca thie pata cuose,’ a ta. 5Cuorasala niema ta nama pacuvpa ca, cawsaa pakhakha ta a nung ma, a paa ma bya riypata chechiy a hnyipa kha, ‘Hingpa hing ca Khazing huopa na a cuo,’ a ta kieca a nung cuose a paa cuose a bya a hu va tli, nama ta. 6Cacuonakawta nama phungluo kawlieta Khazing bie#15:6 Hluo vie caa-uv lieca chekha ta phungbie ta yite chekha ta nawhnyina ama ta. kha siysaa ri li pata nama aw. 7Niema, phahruocuo tie! Profet Isaiah ta niema kaw a ripa hing khatluv tama aa hmuo! Isaiah ta,
8‘Hingpa cawsaa zaw hingta
ama pakaa dyi ta na pa-uvsathyi yite,
ama pathiypalung ca
kama hne aa hla hringhruo.
9Cawsaa ta tuechawpa phung kha,
Khazing bie haata pacuv yite,
Kama ina bienapa yi hing
Khaahmuo thlahne vyi,’ Khazing ta a ta,” a ta yi.
Cawsaa A Papyalyi Sapa Hmang
(Mar 7:14-23)
10Cakhutaa Zingsuv ta cawsaa-zaapuv kha ama'a luo ku yite, “Naathlie ungla pachang tie ung: 11cawsaa a papya a palyituv hing a pakaa taata a ngiepa cuo li pata, a pakaa taata a pyapa na a cuo,” a ta. 12Cakhutaa, ziytuv tie kha ama'a luo a vaw yite, “Na ripa hingta Farasi tie palung a pasa sa yi tapa pachang va cama?” ama ta. 13Zingsuv ta, “Vuoruo lie a awpa i Paa ta a ling lipa bangkhuo ca phie pata ama cuo aa. 14Iema ta tah aw thluo yi se; Iema ca mingcue tie luochiytuv#15:14 Hluo vie caa-uv lieca mingcue tie a hruetuv tapa hing aw vyi. mingcue luochiytuv tana ama cuo. Mingcuepa ta mingcuepa kha luo a chiy kieca ama pahning tana khue luo kha ama thlahne aa,” a ta. 15Cuorasala Piter ta, “Capa pakhingpuonabie ca a siesa pata a siyluo malie chang tie,” a ta. 16Zingsuv ta, “Niema zaw hing a ta tepa ta pachang the tang va ung cama? 17Cawsaa pakaa chung taata a ngiepa hmang ca a riy chung luo kha chiy te ale luo a pya pakhaa. 18Cuorasala pakaa taata a pyapa ca palung chung taata a pyapa a cuo nakawta cawsaa kha a papya a palyi. 19A pha lipa ruena, lienawna, nungvaathingsuena, aparuvsuena, paruvna, hangna, cawsaa thuochi rina tapa bangkhuo ca pathiypalung chung taata a pyapa tana ama cuo. 20Hingpa tie hingna cawsaa ca a papya a palyi sa yi, kuv a siy li pata sa ningnapa ta cawsaa kha papyapalyi sa vyi,” a ta.
Kanaan Zaanung Zangna
(Mar 7:24-30)
21Zingsuv ca capa hmang taacata pya te Tair hne Sidon pe luo kha a vaa. 22Capa ruo lie a awpa Kanaan zaanung pakha ca Zingsuv'a luo kha a vaw te, “David Saacapaa, Abyipa, ngie na chi thi tie. I sacanung kha khuevuo ta a hryi te a lalilahie dyina a chiy thluo,” a ta. 23Cuorasala Zingsuv ta kaa kha hmuo palie vyi. Ziytuv tie ta, “Hingpa nung hing cakuo sa tie, malie paziyle te malie a khisue byalya,” ama ta. 24Cakhutaa, Zingsuv ta, “Kama ca Israel ming hraw taata a viepa tuv tie'a luo kyalyadyi pathliepa tana i cuo,” a ta. 25Cuorasala canungnung ca Zingsuv phyi thabaw lie kha a vya bu te, “Abyipa naa bya thi tie,” a ta. 26Zingsuv ta, “Haatiy sa kha la pata uv pipa ca a hmuo vyi,” a ta. 27Canung nung ta, “Na tapa ca a hmuo, Abyipa; cuorasala a byipaapa cabya taata a tlapa sa diydya ca uv zaw ta ama ning ra taw thluo muo,” a ta. 28Cacuonakaw Zingsuv ta, “Canung nung na zangnapa na a le hringhruo! Na khingpa ca tuepa pata cuose,” a ta. Capa cuota liecata a sacanung ca a tluo.
Zingsuv Ta Cawsaa Hluvpuv A Patluo Sa
29Zingsuv ta capa hmang ca thuse khu taata Galilee riyliy kie hraw kha cahraw te tluo luo kha kie te a tu. 30Cawsaa hluvpuv ta ama kha vya pangie yite, a phyi cabiepa, a mingcuepa, a pakyapa, bie a ri the lipa hne a hrangpa a pasapa hluvpuv kha amaa vaw khyi. A phyi thabaw lie kha chi yite a patluo sa yi. 31Bie a ri the lipa tie ta bie ama ri the, a pakyapa tie ama tluo, a phyi cabiepa tie ama cakuopa hne mingcuepa tie ta ama hmung pakhaapa kha ama hmung tiyta zaapuv ca ama kharue haasa te Israel Khazing kha ama pathuosa.
Thawpaliy Saduona
(Mar 8:1-10)
32Zingsuv ta a ziytuv tie kha ku yite, “Hingpa cawsaa zaw hing kama'a lie ningthung chung aw tli yite ata hing sa ning riypa ama hnyi li nakawta i ngie ina chisa yi. Ama nangdiy pata ca cakuo sa khing vayi ang, luopuv liena ama hyle pathlyi aa,” a ta. 33Ziytuv tie ta, “Hing ruocaapa lie hing tuokhaatama hing zi cawsaa ning riypa sa ma hmung khu aa?” ama ta. 34Zingsuv ta, “Viechuo tluo khazaa ma nama hnyi,” a ta. Iema ta, “Tluo sariy hne ngaa diyta a cawta,’ ama ta. 35Cacuonakaw Zingsuv ta zaapuv kha alyi lie patu sa yite, 36viechuo tluosariy hne ngaa kha la te, Khazing'a luo alawna bie a ri khu taata viechuo kha chechi te, ziytuv tie kha pi yite ziytuv tie ta cawsaazaapuv kha ama re. 37Ama bangkhuo ta ning yite ama riy a bi. Ziytuv tie ta ama ningbuopa kha pakhaw yite beke zungsariy a bi. 38Canung hne haatiy ri li pata a ningpa capaa thawpaliy ama ta. 39Zingsuv ca cawsaazaapuv kha a pathlie khu taayita sawkawpalaw luo kha kie te, Magadan ruo luo kha a si.
Currently Selected:
Matthai 15: LNT1
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.
Matthai 15
15
Mingnungmingpa Phungluo
(Mar 7:1-13)
1Cakhutaa Farasi tie hne phungbie saya tie ca Jerusa-lem taakhata Zingsuv'a luo a vaw yite, 2“Khaapanakawma caa ziytuv tie ta mingnungmingpa phungluo ama para? Tahematapakieca sa ning hluo ta ama kuv a siy vayi,” ama ta. 3Zingsuv ta, “Cacuokie, Khaapanakawma niema zaw hing niema phungluo kawlieta Khazing nawbie kha nama para? a ta yi. 4Khazing ta, ‘Na nung hne na paa va ciyzaa yi, a nung cuose a paa cuose chie a sapa ca thie pata cuose,’ a ta. 5Cuorasala niema ta nama pacuvpa ca, cawsaa pakhakha ta a nung ma, a paa ma bya riypata chechiy a hnyipa kha, ‘Hingpa hing ca Khazing huopa na a cuo,’ a ta kieca a nung cuose a paa cuose a bya a hu va tli, nama ta. 6Cacuonakawta nama phungluo kawlieta Khazing bie#15:6 Hluo vie caa-uv lieca chekha ta phungbie ta yite chekha ta nawhnyina ama ta. kha siysaa ri li pata nama aw. 7Niema, phahruocuo tie! Profet Isaiah ta niema kaw a ripa hing khatluv tama aa hmuo! Isaiah ta,
8‘Hingpa cawsaa zaw hingta
ama pakaa dyi ta na pa-uvsathyi yite,
ama pathiypalung ca
kama hne aa hla hringhruo.
9Cawsaa ta tuechawpa phung kha,
Khazing bie haata pacuv yite,
Kama ina bienapa yi hing
Khaahmuo thlahne vyi,’ Khazing ta a ta,” a ta yi.
Cawsaa A Papyalyi Sapa Hmang
(Mar 7:14-23)
10Cakhutaa Zingsuv ta cawsaa-zaapuv kha ama'a luo ku yite, “Naathlie ungla pachang tie ung: 11cawsaa a papya a palyituv hing a pakaa taata a ngiepa cuo li pata, a pakaa taata a pyapa na a cuo,” a ta. 12Cakhutaa, ziytuv tie kha ama'a luo a vaw yite, “Na ripa hingta Farasi tie palung a pasa sa yi tapa pachang va cama?” ama ta. 13Zingsuv ta, “Vuoruo lie a awpa i Paa ta a ling lipa bangkhuo ca phie pata ama cuo aa. 14Iema ta tah aw thluo yi se; Iema ca mingcue tie luochiytuv#15:14 Hluo vie caa-uv lieca mingcue tie a hruetuv tapa hing aw vyi. mingcue luochiytuv tana ama cuo. Mingcuepa ta mingcuepa kha luo a chiy kieca ama pahning tana khue luo kha ama thlahne aa,” a ta. 15Cuorasala Piter ta, “Capa pakhingpuonabie ca a siesa pata a siyluo malie chang tie,” a ta. 16Zingsuv ta, “Niema zaw hing a ta tepa ta pachang the tang va ung cama? 17Cawsaa pakaa chung taata a ngiepa hmang ca a riy chung luo kha chiy te ale luo a pya pakhaa. 18Cuorasala pakaa taata a pyapa ca palung chung taata a pyapa a cuo nakawta cawsaa kha a papya a palyi. 19A pha lipa ruena, lienawna, nungvaathingsuena, aparuvsuena, paruvna, hangna, cawsaa thuochi rina tapa bangkhuo ca pathiypalung chung taata a pyapa tana ama cuo. 20Hingpa tie hingna cawsaa ca a papya a palyi sa yi, kuv a siy li pata sa ningnapa ta cawsaa kha papyapalyi sa vyi,” a ta.
Kanaan Zaanung Zangna
(Mar 7:24-30)
21Zingsuv ca capa hmang taacata pya te Tair hne Sidon pe luo kha a vaa. 22Capa ruo lie a awpa Kanaan zaanung pakha ca Zingsuv'a luo kha a vaw te, “David Saacapaa, Abyipa, ngie na chi thi tie. I sacanung kha khuevuo ta a hryi te a lalilahie dyina a chiy thluo,” a ta. 23Cuorasala Zingsuv ta kaa kha hmuo palie vyi. Ziytuv tie ta, “Hingpa nung hing cakuo sa tie, malie paziyle te malie a khisue byalya,” ama ta. 24Cakhutaa, Zingsuv ta, “Kama ca Israel ming hraw taata a viepa tuv tie'a luo kyalyadyi pathliepa tana i cuo,” a ta. 25Cuorasala canungnung ca Zingsuv phyi thabaw lie kha a vya bu te, “Abyipa naa bya thi tie,” a ta. 26Zingsuv ta, “Haatiy sa kha la pata uv pipa ca a hmuo vyi,” a ta. 27Canung nung ta, “Na tapa ca a hmuo, Abyipa; cuorasala a byipaapa cabya taata a tlapa sa diydya ca uv zaw ta ama ning ra taw thluo muo,” a ta. 28Cacuonakaw Zingsuv ta, “Canung nung na zangnapa na a le hringhruo! Na khingpa ca tuepa pata cuose,” a ta. Capa cuota liecata a sacanung ca a tluo.
Zingsuv Ta Cawsaa Hluvpuv A Patluo Sa
29Zingsuv ta capa hmang ca thuse khu taata Galilee riyliy kie hraw kha cahraw te tluo luo kha kie te a tu. 30Cawsaa hluvpuv ta ama kha vya pangie yite, a phyi cabiepa, a mingcuepa, a pakyapa, bie a ri the lipa hne a hrangpa a pasapa hluvpuv kha amaa vaw khyi. A phyi thabaw lie kha chi yite a patluo sa yi. 31Bie a ri the lipa tie ta bie ama ri the, a pakyapa tie ama tluo, a phyi cabiepa tie ama cakuopa hne mingcuepa tie ta ama hmung pakhaapa kha ama hmung tiyta zaapuv ca ama kharue haasa te Israel Khazing kha ama pathuosa.
Thawpaliy Saduona
(Mar 8:1-10)
32Zingsuv ta a ziytuv tie kha ku yite, “Hingpa cawsaa zaw hing kama'a lie ningthung chung aw tli yite ata hing sa ning riypa ama hnyi li nakawta i ngie ina chisa yi. Ama nangdiy pata ca cakuo sa khing vayi ang, luopuv liena ama hyle pathlyi aa,” a ta. 33Ziytuv tie ta, “Hing ruocaapa lie hing tuokhaatama hing zi cawsaa ning riypa sa ma hmung khu aa?” ama ta. 34Zingsuv ta, “Viechuo tluo khazaa ma nama hnyi,” a ta. Iema ta, “Tluo sariy hne ngaa diyta a cawta,’ ama ta. 35Cacuonakaw Zingsuv ta zaapuv kha alyi lie patu sa yite, 36viechuo tluosariy hne ngaa kha la te, Khazing'a luo alawna bie a ri khu taata viechuo kha chechi te, ziytuv tie kha pi yite ziytuv tie ta cawsaazaapuv kha ama re. 37Ama bangkhuo ta ning yite ama riy a bi. Ziytuv tie ta ama ningbuopa kha pakhaw yite beke zungsariy a bi. 38Canung hne haatiy ri li pata a ningpa capaa thawpaliy ama ta. 39Zingsuv ca cawsaazaapuv kha a pathlie khu taayita sawkawpalaw luo kha kie te, Magadan ruo luo kha a si.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.