Matthai 17
17
Zingsuv Hminghmie A Thlena
(Mar 9:2-13; Luk 9:28-36)
1Ning caruv khu taata Zingsuv ta Piter hne uvcanu tie Jeim hne Johan kha tluocung luo kie khyi yite iema selaw ta ama aw. 2Ama ming hmungna lie kha Zingsuv ca a hminghmie a thle; a hmie ca ning haata khe te a caw ca ming khepahli nate ta a ruo. 3Sungkhabala ta Moses hne Elijah zaa luo yite Zingsuv hne bie ama rihnepa kha ama hmung. 4Cacuonakaw Piter ta Zingsuv kha, “Abyipa, hingpa lie ma awpa hing a pha hringhruo! Na khingpa a cuo kieca, thluodaa suothung; nama cuo suokha, Moses cuo suokha, Elijah cuo suokha i#17:4 Hluo vie caa-uv lieca ma sa aa a ta. sa aa,” a ta. 5Cahaa cata bie a ri nguoluo ning kha amyi ruopa ta buv yite, amyi chung taa ueryi suokha ta, “Hingpapaa hing i Duepa i Saacapaa na a cuo, i palung naa hmung ciemuopa tana a cuo, a ri kha a ngie tie ung,” a ta. 6Capa ueryi ca ziytuv tie ta ama thyi tiyta ama thlaa zang suesaa te alyi lie kha a maa bu. 7Cuorasala Zingsuv kha a vaw te a hrie khu taayita, “Thu tie ung, nama thlaa zang kha se,” a ta yi. 8Cacuonakaw ama kya mang ca ahunghmuo hmung li pata Zingsuv dyi ama hmung.
9Tluocung taa ama za cungpuo pata Zingsuv ta, “Hing nama hmungpa muocuo hing Cawsaa Saacapaa thiyna taata pathu pakhaapa ta a cuo hluo li ahunghmuo chang'a va ungciy,” a ta yi. 10Cakhutaa ziytuv tie ta Zingsuv kha, “Khaapanakawma phungbiesaya tie ta Elijah na a vaw taa riypata a cuo ama ta?” ta yite ama hiehriy. 11Zingsuv ta, “Elijah ca a vaw taa sasaw'a te hmangting bangkhuo kha a ting pacie diy aa. 12Cuorasala ica chang yi: Elijah ca a vaw mangtli, cadyiseca cawsaa ta pachang va laa yite ama khing ta ama tue. Cahaa cata Cawsaa Saacapaa zaw hing iema kuv chunglie ruvnaana a ang ra aa,” a ta. 13Cakhutaa ziytuv tie ta tiynawtuv Johan kaw muo malie a chang ta tapa kha ama pachang.
Zingsuv Ta Khuevuo A Hryipa Haatiypa A Patluo Sa
(Mar 9:14-29; Luk 9:37-43a)
14Cawsaazaapuv'a luo ama vya kaa pahne ta cawsaa pakha ca Zingsuv'a luo kha a vaw te a hmiekunglie kha a pakhuv vya pane te, 15“Abyipa, i saacapaapa hing ngiechi thi tie, ama ca siypatyi the te a rie a thyi hringhruo, a siy kyry ta myi chung luo hne tiy chung luo zaw aa lie taw. 16Na hnang caa ziytuv tie'a luo a vawkhyi raalaa ang te patluo khu vayi,” a ta. 17Zingsuv ta, “Niema zangna a hnyi lipa, a pali a pahnaa ta a hringpa phang, kha cuo ma niema'a lie i aw kalie a hu aa? Kha cuo ma ica aw puo kalie yi a hu aa? Haatiypapaa ca kama'a luo a vaw khyi tie ung,” a ta yi. 18Zingsuv ta khuevuo ca chuo te haatiypapaa chung taata a pya, capa cuo taacata haatiypapaa ca a tluo. 19Cakhutaa ziytuv tie ca Zingsuv'a luo kha iema se ta a vaw yite, “Khaapanakawma khuevuo ma papya khu va,” tapata ama hie hriy. 20Zingsuv ta, “Nama zangnapa a caw nakaw na a cuo. Biehmisi tana ica chang yi: Uotuo hmung tie zangna nama hnyi kieca, hingpa tluo hing, ‘A hnyi,’ ta ungla a hnyi thluo aa. Niema cuota a cuo khu lipa aw'a vyi,” a ta yi. 21Cuorasala hingpa phang hing ca thlaachuona hne sa-uvna ta ta li pata ca khaapatahmuo papya khu vyi,” a ta.#17:21 Hluo vie caa-uv lieca rina tluo 21 hing aw vyi.
Zingsuv Ta A Thiyna Hne A Thupakhaana Kaw A Rilu Pakhaa
(Mar 9:30-32; Luk 9:43b-45)
22Ziytuv tie Galilee lie amaa tawpakhaw taata#17:22 Hluo vie caa-uv lieca ama aw nguoluo ningta a ta. Zingsuv ta, “Cawsaa Saacapaa hing cawsaa kuv luo a catli pata pipa cuo'a te, 23ama thie aa; cuorasala ningthungna lieta pathu pakhaapa ta a cuo aa,” a ta yi. Ziytuv tie ca ama ngie a chi hringhruo.
Zingsuv Hne Biena-ing Ngukhyi
24Kapernaum khy ama vya pha tiyta biena-ing ngukhyituv pakha ca Piter'a luo a vaw te, “Na sayapa hing biena-ing ngukhyi pi vama? a ta. 25Piter ta, “A pi ne,” a ta. Piter ingchung luo a zaa ngie pahne Zingsuv ta vya thukhyi taa te, “Simon tuokhaama na rue? Chuelyi siepahruo tie hing a ahung ma ruohrang chechiy a ngiekhyi muo hne ngukhyi a pi yi? Ruochung ming ma a cuo li kie ruohrang ming? a ta. 26Piter ta, “Ruohrang ming,” a ta. Zingsuv ta, A pha, cacuokieca ruochung ming ca pi a hu vyi. 27Cadyiseca hing cawsaa zaw ama palung pasa sa li riypata riyliy luo kha vaa la kyipa va pathla tie; na thue taapa ngaa a pakaa kha cakang la ngu tuokaa#17:27 Gk stater ama tapa Gk tuokaa cuote stater suokha ca didrachmas suohning hneta aa khing. phiekha na hmung aa; capaca la la nama hne kama cuota va pi tie yi,” a ta.
Currently Selected:
Matthai 17: LNT1
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.
Matthai 17
17
Zingsuv Hminghmie A Thlena
(Mar 9:2-13; Luk 9:28-36)
1Ning caruv khu taata Zingsuv ta Piter hne uvcanu tie Jeim hne Johan kha tluocung luo kie khyi yite iema selaw ta ama aw. 2Ama ming hmungna lie kha Zingsuv ca a hminghmie a thle; a hmie ca ning haata khe te a caw ca ming khepahli nate ta a ruo. 3Sungkhabala ta Moses hne Elijah zaa luo yite Zingsuv hne bie ama rihnepa kha ama hmung. 4Cacuonakaw Piter ta Zingsuv kha, “Abyipa, hingpa lie ma awpa hing a pha hringhruo! Na khingpa a cuo kieca, thluodaa suothung; nama cuo suokha, Moses cuo suokha, Elijah cuo suokha i#17:4 Hluo vie caa-uv lieca ma sa aa a ta. sa aa,” a ta. 5Cahaa cata bie a ri nguoluo ning kha amyi ruopa ta buv yite, amyi chung taa ueryi suokha ta, “Hingpapaa hing i Duepa i Saacapaa na a cuo, i palung naa hmung ciemuopa tana a cuo, a ri kha a ngie tie ung,” a ta. 6Capa ueryi ca ziytuv tie ta ama thyi tiyta ama thlaa zang suesaa te alyi lie kha a maa bu. 7Cuorasala Zingsuv kha a vaw te a hrie khu taayita, “Thu tie ung, nama thlaa zang kha se,” a ta yi. 8Cacuonakaw ama kya mang ca ahunghmuo hmung li pata Zingsuv dyi ama hmung.
9Tluocung taa ama za cungpuo pata Zingsuv ta, “Hing nama hmungpa muocuo hing Cawsaa Saacapaa thiyna taata pathu pakhaapa ta a cuo hluo li ahunghmuo chang'a va ungciy,” a ta yi. 10Cakhutaa ziytuv tie ta Zingsuv kha, “Khaapanakawma phungbiesaya tie ta Elijah na a vaw taa riypata a cuo ama ta?” ta yite ama hiehriy. 11Zingsuv ta, “Elijah ca a vaw taa sasaw'a te hmangting bangkhuo kha a ting pacie diy aa. 12Cuorasala ica chang yi: Elijah ca a vaw mangtli, cadyiseca cawsaa ta pachang va laa yite ama khing ta ama tue. Cahaa cata Cawsaa Saacapaa zaw hing iema kuv chunglie ruvnaana a ang ra aa,” a ta. 13Cakhutaa ziytuv tie ta tiynawtuv Johan kaw muo malie a chang ta tapa kha ama pachang.
Zingsuv Ta Khuevuo A Hryipa Haatiypa A Patluo Sa
(Mar 9:14-29; Luk 9:37-43a)
14Cawsaazaapuv'a luo ama vya kaa pahne ta cawsaa pakha ca Zingsuv'a luo kha a vaw te a hmiekunglie kha a pakhuv vya pane te, 15“Abyipa, i saacapaapa hing ngiechi thi tie, ama ca siypatyi the te a rie a thyi hringhruo, a siy kyry ta myi chung luo hne tiy chung luo zaw aa lie taw. 16Na hnang caa ziytuv tie'a luo a vawkhyi raalaa ang te patluo khu vayi,” a ta. 17Zingsuv ta, “Niema zangna a hnyi lipa, a pali a pahnaa ta a hringpa phang, kha cuo ma niema'a lie i aw kalie a hu aa? Kha cuo ma ica aw puo kalie yi a hu aa? Haatiypapaa ca kama'a luo a vaw khyi tie ung,” a ta yi. 18Zingsuv ta khuevuo ca chuo te haatiypapaa chung taata a pya, capa cuo taacata haatiypapaa ca a tluo. 19Cakhutaa ziytuv tie ca Zingsuv'a luo kha iema se ta a vaw yite, “Khaapanakawma khuevuo ma papya khu va,” tapata ama hie hriy. 20Zingsuv ta, “Nama zangnapa a caw nakaw na a cuo. Biehmisi tana ica chang yi: Uotuo hmung tie zangna nama hnyi kieca, hingpa tluo hing, ‘A hnyi,’ ta ungla a hnyi thluo aa. Niema cuota a cuo khu lipa aw'a vyi,” a ta yi. 21Cuorasala hingpa phang hing ca thlaachuona hne sa-uvna ta ta li pata ca khaapatahmuo papya khu vyi,” a ta.#17:21 Hluo vie caa-uv lieca rina tluo 21 hing aw vyi.
Zingsuv Ta A Thiyna Hne A Thupakhaana Kaw A Rilu Pakhaa
(Mar 9:30-32; Luk 9:43b-45)
22Ziytuv tie Galilee lie amaa tawpakhaw taata#17:22 Hluo vie caa-uv lieca ama aw nguoluo ningta a ta. Zingsuv ta, “Cawsaa Saacapaa hing cawsaa kuv luo a catli pata pipa cuo'a te, 23ama thie aa; cuorasala ningthungna lieta pathu pakhaapa ta a cuo aa,” a ta yi. Ziytuv tie ca ama ngie a chi hringhruo.
Zingsuv Hne Biena-ing Ngukhyi
24Kapernaum khy ama vya pha tiyta biena-ing ngukhyituv pakha ca Piter'a luo a vaw te, “Na sayapa hing biena-ing ngukhyi pi vama? a ta. 25Piter ta, “A pi ne,” a ta. Piter ingchung luo a zaa ngie pahne Zingsuv ta vya thukhyi taa te, “Simon tuokhaama na rue? Chuelyi siepahruo tie hing a ahung ma ruohrang chechiy a ngiekhyi muo hne ngukhyi a pi yi? Ruochung ming ma a cuo li kie ruohrang ming? a ta. 26Piter ta, “Ruohrang ming,” a ta. Zingsuv ta, A pha, cacuokieca ruochung ming ca pi a hu vyi. 27Cadyiseca hing cawsaa zaw ama palung pasa sa li riypata riyliy luo kha vaa la kyipa va pathla tie; na thue taapa ngaa a pakaa kha cakang la ngu tuokaa#17:27 Gk stater ama tapa Gk tuokaa cuote stater suokha ca didrachmas suohning hneta aa khing. phiekha na hmung aa; capaca la la nama hne kama cuota va pi tie yi,” a ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.