Marka 5
5
Zingsuv Ta Khuevuo Aa Hryipapaa A Patluo Sa
(Mat 8:28-34; Luk 8:26-39)
1Zingsuv hne ziytuv tie ca Galilee riyliy huesuo Gerasaa pe luo kha ama va pha. 2Sawkawpalaw chung taata Zingsuv a cung pahne ta thluokung lie a awpa a pyalyipa thlaapa ta aa hryipa cawsaa pakha ta aa vya taw. 3Thluokung lie khy a sapa ta cuote ahungtahmuo hre khu vayi. 4A kuv hne a phyi kha thaabuoliriy ta yi hluvpuv ama cakhiy, cadyiseca thaabuoliriy kha chipachung diy te ama cakhiynapa kha a ca ang patlaa diy. Ahungtahmuo hri khu vayi. 5Chung hne zuo hne thluokung lie hne thluo cunglie kha khi-ule te alung kha aa pa-uo sale. 6Luohlaa taata Zingsuv a vya hmung pahne ta a vya ruo te a phyi thabaw lie kha a vya bu te, 7“Cungnungce Khazing Saacapaa Zingsuv! Tuokhaatama ina tue khing ciy? Duo na te thi kha tapata Khazing ming ta paa ica kie”, tapata khuosa ta a khi. 8Hinghaahingta a khinapa ca, Zingsuv ta, “A pyalyipa thlaapa, hingpapaa chung taahingta pya!” a ta nakaw a cuo. 9Cacuonakaw Zingsuv ta, “Na ming ahung ma?” a ta. Cawsaapapaa ta, “I ming ca ‘Hluvpuv’ tana i cuo, tahematapakieca a hluvpuv ma ta,” a ta. 10Capa ruochung taacata a papya li riypa yita Zingsuv kha khuopuv ta paa a kie. 11Capa kiecahriy, tluocung lie kha va a hluvpuv ama tle nguoluo. 12A pyalyipa thlaapa tie ta Zingsuv kha, “Va chung luo malie pangie sa thi tie,” ama ta. 13Zingsuv ta a ngiena naw a pi yi. A pyalyipa thlaapa tie ca cawsaapapaa chung taacata pya yite va chung luo ca ama vaa ngie. Va thawhning hraw ca lungkuo daw taakhata a zu yite riyliy luo ama tlasa diy.
14Va a khietuv tie ca a ruo yite capa thuohlaa ca khypuv hne khyta bangkhuo ta ama pathyi sa. Cawsaa kha pya yite khaapama a cuo tapa kha ama va mang. 15Zingsuv'a luo kha ama va pha tiyta khuevuo ta a zaa hryi tawpapaa kha zaa tu te, caw a tue te lungsingpyata tah a aw pakha ama hmung ca ama thlaa a zangsa. 16A hmungpa tie ta khuevuo ta a hryipa cawsaapapaa hne va cunglie khaapama a tlung tapa kha cawsaa zaw'a luo kha ama va ri. 17Cacuonakaw ama ruo taata pya riypata Zingsuv kha paa ama kie. 18Sawkawpalaw luo Zingsuv a kie pahne, khuevuo ta a zaa hryipapaa khata, nama'a liena i vya si ra aa, a ta. 19Zingsuv ta bu te, “Ing luo kha kaa hriy la na viesaa tie'a lie kha Abyipa ta khatluv tama nang aca due tapa hne na cunglie a tuepa kaw kha va chang tie yi,” a ta. 20Capa cawsaapa ca cakuo te Dekhapolis ruochung kha tlaw te Zingsuv ta a cunglie a tuepa kaw kha a phu. Cawsaa mekaa ca ama kharue a haa hringhruo.
Jairu Sacanung Hne Zingsuv Pangpe A Hrie Nung
(Mat 9:18-26; Luk 8:40-56)
21Zingsuv ca riyliy huesuo luo kha vaa pakhaa te riyliy kielie kha cawsaa hluvsa ta amaa hmya puo. 22Apungna-ing uvthyi pakha ta a cuopa Jairu ca vya chiy te Zingsuv kha a hmung pahne ta a phyi thabaw lie kha a bu te 23paa a kie byalya. “I sacanung ca vuotaa a thiy'a nang. Hring'a te a tluo khuna riypata a vaw la a cunglie na kuv vya khang thi tie,” a ta. 24Cacuonakawta Zingsuv ca capapaa hne cata ama cakuo.
Cawsaa hluvpuv ta ziy yite ama kha ama hruv ama depaa patlaw. 25Capa lieca thiylang pasana ta kung hraa hlyihning a pasapa canung pakha a aw ra. 26#Luk 3:19-20Siybyi a hluvpuv ta za mang yite a hnyipa bangkhuo kha a pachuo diy raalaa pata tluo vie li pata a ruv hryly. 27Zingsuv kaw kha a thyi tiyta cawsaazaapuv hraw taakhata kya pya te Zingsuv pang kha a hrie, 28tahematapakieca ama ta, “A pang chuo kha i hrie kieca i tluo aa,” a ta. 29Sungkha ta a thiy langpa kha a due te a pasana taata a tluo tlipa kha aa pachang. 30Zingsuv ta cahranapa na i chung taata a pya tapa kha aa pachang pahne ta zaapuv'a luo kha a pali te, “Ahungma i pangpe a taw?” a ta. 31Ziytuv tie ta ama kha, “Cawsaa hluvpuv ta aca hruvpaa patlaw payi na hmung thluo pata tuokhaatama ahungma naa taw, na ta,” ama ta. 32Zingsuv ta ahungma a pangpe a taw tapa kha a cahriycake kha mang te a huv. 33Cuorasala canungnung ta khaapama a cuo tapa kha a pachang nakawta ciysa te a cathangpuo pata a vaw te Zingsuv hmielie ca a pakhuv vya pane te a cuopa bangkhuo kha a chang. 34Zingsuv ta, “I sanung na zangnapa na caa patluo sa. A diesa pata cakuo la na pasana taata va tluo tie,” a ta.
35Zingsuv ta capa bie a ri nguoluo ning kha Jairu ing taata cawsaa chekha a vaw yite, “Na sacanung ca a thiy tli, khaapanakawma sayapa ca riethyi na pi nguoluo ri,” ama ta. 36Zingsuv ta khaapama ama ri tapa kha siysaa ri li pata, Jairu kyihuo kha, “Ciy lieciy, zangna dyi hnyi tie,” a ta. 37Piter, Jeim, hne a nuta Johan ri li pata ahunghmuo a paziy sa li pata Jairu hne khata ama si. 38Jairu ing luo kha ama chiy ca cawsaa kha alyi-avuo za khue patlaw yite khuosa ta ama khipa hne ama caapa kha a hmung. 39Ingchung luo kha a ngie te iema kha, “Khaapanakawma alyi-avuo khue patlaw ung cate nama caa? Haatiynung hing thiy vade, aa hmungpa muo a cuo ta,” a ta yi. 40A pahnyi ta ama pahnyi sue. Cacuonakaw Zingsuv ta ingchung taata papya diy yite, haatiynung a nung hne a paa, ziytuv tie pathung hne dyi khata haatiynung awna khuo luo kha amaa ngie. 41A kuv ta la te, haatiynung kyihuo kha, “Talitha, koum,” a ta. A siyluo ca, “Haatiynung, thu tie,” tanapa ta a cuo. 42Haatiynung ca sungkha ta kya thu te luo a cakuo. (Ama ca kung hraa hlyihning tana a cuo). Capa hmang kawlie cata iema ca ama nang dyi a uo. 43Zingsuv ta hingpa kaw hing ahunghmuo pachang sa'a va ungciy tapata khuopuv ta thlu yite, haatiynung kha ning riypa pi riypata a chang yi.
Currently Selected:
Marka 5: LNT1
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.
Marka 5
5
Zingsuv Ta Khuevuo Aa Hryipapaa A Patluo Sa
(Mat 8:28-34; Luk 8:26-39)
1Zingsuv hne ziytuv tie ca Galilee riyliy huesuo Gerasaa pe luo kha ama va pha. 2Sawkawpalaw chung taata Zingsuv a cung pahne ta thluokung lie a awpa a pyalyipa thlaapa ta aa hryipa cawsaa pakha ta aa vya taw. 3Thluokung lie khy a sapa ta cuote ahungtahmuo hre khu vayi. 4A kuv hne a phyi kha thaabuoliriy ta yi hluvpuv ama cakhiy, cadyiseca thaabuoliriy kha chipachung diy te ama cakhiynapa kha a ca ang patlaa diy. Ahungtahmuo hri khu vayi. 5Chung hne zuo hne thluokung lie hne thluo cunglie kha khi-ule te alung kha aa pa-uo sale. 6Luohlaa taata Zingsuv a vya hmung pahne ta a vya ruo te a phyi thabaw lie kha a vya bu te, 7“Cungnungce Khazing Saacapaa Zingsuv! Tuokhaatama ina tue khing ciy? Duo na te thi kha tapata Khazing ming ta paa ica kie”, tapata khuosa ta a khi. 8Hinghaahingta a khinapa ca, Zingsuv ta, “A pyalyipa thlaapa, hingpapaa chung taahingta pya!” a ta nakaw a cuo. 9Cacuonakaw Zingsuv ta, “Na ming ahung ma?” a ta. Cawsaapapaa ta, “I ming ca ‘Hluvpuv’ tana i cuo, tahematapakieca a hluvpuv ma ta,” a ta. 10Capa ruochung taacata a papya li riypa yita Zingsuv kha khuopuv ta paa a kie. 11Capa kiecahriy, tluocung lie kha va a hluvpuv ama tle nguoluo. 12A pyalyipa thlaapa tie ta Zingsuv kha, “Va chung luo malie pangie sa thi tie,” ama ta. 13Zingsuv ta a ngiena naw a pi yi. A pyalyipa thlaapa tie ca cawsaapapaa chung taacata pya yite va chung luo ca ama vaa ngie. Va thawhning hraw ca lungkuo daw taakhata a zu yite riyliy luo ama tlasa diy.
14Va a khietuv tie ca a ruo yite capa thuohlaa ca khypuv hne khyta bangkhuo ta ama pathyi sa. Cawsaa kha pya yite khaapama a cuo tapa kha ama va mang. 15Zingsuv'a luo kha ama va pha tiyta khuevuo ta a zaa hryi tawpapaa kha zaa tu te, caw a tue te lungsingpyata tah a aw pakha ama hmung ca ama thlaa a zangsa. 16A hmungpa tie ta khuevuo ta a hryipa cawsaapapaa hne va cunglie khaapama a tlung tapa kha cawsaa zaw'a luo kha ama va ri. 17Cacuonakaw ama ruo taata pya riypata Zingsuv kha paa ama kie. 18Sawkawpalaw luo Zingsuv a kie pahne, khuevuo ta a zaa hryipapaa khata, nama'a liena i vya si ra aa, a ta. 19Zingsuv ta bu te, “Ing luo kha kaa hriy la na viesaa tie'a lie kha Abyipa ta khatluv tama nang aca due tapa hne na cunglie a tuepa kaw kha va chang tie yi,” a ta. 20Capa cawsaapa ca cakuo te Dekhapolis ruochung kha tlaw te Zingsuv ta a cunglie a tuepa kaw kha a phu. Cawsaa mekaa ca ama kharue a haa hringhruo.
Jairu Sacanung Hne Zingsuv Pangpe A Hrie Nung
(Mat 9:18-26; Luk 8:40-56)
21Zingsuv ca riyliy huesuo luo kha vaa pakhaa te riyliy kielie kha cawsaa hluvsa ta amaa hmya puo. 22Apungna-ing uvthyi pakha ta a cuopa Jairu ca vya chiy te Zingsuv kha a hmung pahne ta a phyi thabaw lie kha a bu te 23paa a kie byalya. “I sacanung ca vuotaa a thiy'a nang. Hring'a te a tluo khuna riypata a vaw la a cunglie na kuv vya khang thi tie,” a ta. 24Cacuonakawta Zingsuv ca capapaa hne cata ama cakuo.
Cawsaa hluvpuv ta ziy yite ama kha ama hruv ama depaa patlaw. 25Capa lieca thiylang pasana ta kung hraa hlyihning a pasapa canung pakha a aw ra. 26#Luk 3:19-20Siybyi a hluvpuv ta za mang yite a hnyipa bangkhuo kha a pachuo diy raalaa pata tluo vie li pata a ruv hryly. 27Zingsuv kaw kha a thyi tiyta cawsaazaapuv hraw taakhata kya pya te Zingsuv pang kha a hrie, 28tahematapakieca ama ta, “A pang chuo kha i hrie kieca i tluo aa,” a ta. 29Sungkha ta a thiy langpa kha a due te a pasana taata a tluo tlipa kha aa pachang. 30Zingsuv ta cahranapa na i chung taata a pya tapa kha aa pachang pahne ta zaapuv'a luo kha a pali te, “Ahungma i pangpe a taw?” a ta. 31Ziytuv tie ta ama kha, “Cawsaa hluvpuv ta aca hruvpaa patlaw payi na hmung thluo pata tuokhaatama ahungma naa taw, na ta,” ama ta. 32Zingsuv ta ahungma a pangpe a taw tapa kha a cahriycake kha mang te a huv. 33Cuorasala canungnung ta khaapama a cuo tapa kha a pachang nakawta ciysa te a cathangpuo pata a vaw te Zingsuv hmielie ca a pakhuv vya pane te a cuopa bangkhuo kha a chang. 34Zingsuv ta, “I sanung na zangnapa na caa patluo sa. A diesa pata cakuo la na pasana taata va tluo tie,” a ta.
35Zingsuv ta capa bie a ri nguoluo ning kha Jairu ing taata cawsaa chekha a vaw yite, “Na sacanung ca a thiy tli, khaapanakawma sayapa ca riethyi na pi nguoluo ri,” ama ta. 36Zingsuv ta khaapama ama ri tapa kha siysaa ri li pata, Jairu kyihuo kha, “Ciy lieciy, zangna dyi hnyi tie,” a ta. 37Piter, Jeim, hne a nuta Johan ri li pata ahunghmuo a paziy sa li pata Jairu hne khata ama si. 38Jairu ing luo kha ama chiy ca cawsaa kha alyi-avuo za khue patlaw yite khuosa ta ama khipa hne ama caapa kha a hmung. 39Ingchung luo kha a ngie te iema kha, “Khaapanakawma alyi-avuo khue patlaw ung cate nama caa? Haatiynung hing thiy vade, aa hmungpa muo a cuo ta,” a ta yi. 40A pahnyi ta ama pahnyi sue. Cacuonakaw Zingsuv ta ingchung taata papya diy yite, haatiynung a nung hne a paa, ziytuv tie pathung hne dyi khata haatiynung awna khuo luo kha amaa ngie. 41A kuv ta la te, haatiynung kyihuo kha, “Talitha, koum,” a ta. A siyluo ca, “Haatiynung, thu tie,” tanapa ta a cuo. 42Haatiynung ca sungkha ta kya thu te luo a cakuo. (Ama ca kung hraa hlyihning tana a cuo). Capa hmang kawlie cata iema ca ama nang dyi a uo. 43Zingsuv ta hingpa kaw hing ahunghmuo pachang sa'a va ungciy tapata khuopuv ta thlu yite, haatiynung kha ning riypa pi riypata a chang yi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.