Marka 8
8
Zingsuv Ta Cawsaa Thawpaliy Sa A Duo Yi
(Mat 15:32-39)
1Capa hrawning ngiethie cata cawsaazaapuv kha a vya hmya yite ning riypa khaapahmuo ama hnyi li nakawta Zingsuv ta ziytuv tie kha ku yite, 2“Cawsaazaapuv hing i ngie na ina chi yi, tahematapakieca kama'a lie ningthung aw tli yite ata hing ning riy hnyi vayi. 3Ama nangdiy pata ing luo i pakaa kie yi ca luo lieta ama hyle aa _ chekha ca luohlaasa taata a vawpa tana ama cuo,” a ta. 4Ziytuv tie ta, “Hingpa ruocaa lie hing hing zaa cawsaa hing ahungma viechuo a duo khu'a yi?” ama ta. 5Zingsuv ta, “Viechuo tluo khazaa ma nama hnyi?” a ta yi. “Tluo sariy,” ama ta. 6Zaapuv kha alyi lie patu sa yite viechuo tluo sariy kha la te, Khazing'a luo kha palungtluona bie a hluo khu taata chechi te zaapuv re riypata ziytuv tie kha pi yite ama re. 7Ngaa a cawta zaw kha hnyi yite, thluechiy a pi khu taata ziytuv tie kha a pare sa ra yi. 8Ama bangkhuo ta ning yite ama riy a bi, azungpepa kha ama pakhaw ca beke ta zung sariy a bi. 9Cawsaa ca thaw paliy hraw ama ta. Cakhutaacata a pathlie yi. 10Ziytuv tie hneta sawkawpalaw luo kha a catlisa pata kie yite Dalmanutha#8:10 Hluo vie caa-uv lieca Mageda a cuo li kie Magdala a ta. pe luo kha ama si.
Kharuehaa Hmang Tue Riypata Ama Hie
(Mat 12:38-42; 16:1-4)
11Farasi tie chekha a vaw yite Zingsuv hneta bie amaa i. Ama kha ama dyapasya khing nakawta, vuoruo taata kharuehaa hmang suokha ama hie. 12Zingsuv ca a huv kha pa-y te, “Khaapanakawma ata chuo saa zaw ta kharuehaa hmang tue riypa ina hie yi? Biehmisi tana ica chang yi: Tuokhaapa kharuehaa hmang hmuota ata chuo cawsaa zaw hmielie hing tue pata cuo'a vyi,” a ta. 13Iema kha thuse yite, sawkawpalaw chung luo kha a ngie pakhaa te, riyliy huesuo luo kha a vaa.
Farasi Tie Hne Herod Thiynung
14Ziytuv tie ta viechuo vya phyale ama maw nakawta sawkawpalaw chunglie kha tluokha dyi ama hnyi. 15Zingsuv ta, “Farasi tie thiynung hne Herod thiynung kha a raaring ung,” a ta yi.
16Pakha hne pakha kha, “Viechuo ma hnyi li nakawna a cuo,” amaa ta.
17Zingsuv ta amaa ruepa kha a pachang nakawta, “Khaapanakawma viechuo nama hnyi lipa kaw ca namaa rue? Ata tepa hingta pachangpasie khu the va ung cama? Nama palung ma aca paping yi? 18Ming nama hnyi thluo raalaa pata, hmung va ung cama? Naa nama hnyi thluo raalaa pata, thyi va ung cama? A thyi the va tli ung cama? 19Cawsaa thawpangaa cuota viechuo tluo pangaa i chechi ning kha azungpepa beke zung khazaa ma namaa haa?” a ta yi. “Zung hraa hlyihning,” ama ta. 20Cawsaa thaw paliy cuota tluo sariy i chechi ning khahaw azungpepa beke zung khazaa ma namaa haa? a ta yi. “Zung sariy,” ama ta. 21“Cakhutaa, ata te pata pachangpasie khu va ung cama?” a ta yi.
Bethsaida Lie Zingsuv Ta Mingcuepapaa A Patluo Sa
22Bethsaida luo kha ama chiy. Cawsaa chekha ta mingcuepa pakha kha Zingsuv'a luo vya chiykhyi yite a hrie riypata paa ama kie. 23Zingsuv ta mingcuepapaa kha a kuv ta ca-ya te khyle luo kha a pyakhyi. A ming lie kha a paciy a be khu taata, a kuv kha a cunglie khang te, “Suokha chuo na hmung ma? a ta. 24Cawsaapapaa ca vuopaa kya ang te, “Cawsaa kha i hmung khu yi, cuorasala thingkungpa na a cakuole tapa haatana i hmung yi,” a ta. 25Zingsuv ta cawsaapapaa ming kha a kuv ta a taw pakhaa. Cawsaapapaa ca khuosa ta mang te a ming a vya vuo nakawta zezaw bangkhuo kha a siesa pata a hmung. 26Cakhutaata Zingsuv ta ing luo kha padiy sa te, “Khychung luo vaa ngie khya,” a ta.
Peter Ta Zingsuv Kaw A Phu
(Mat 16:13-20; Luk 9:18-21)
27Zingsuv ca ziytuv tie hneta Sisaria Filipi pe khyta luo kha ama tlaw. Luopuv lie kha ziytuv tie kyihuo ta, “Kama hing cawsaa ta ahung ina ta yi ma? a ta yi. 28Iema ta, “Tiynawtuv Johan tana na cuo,” ta yite, a hrangpa tie ta, “Elijah tana na cuo,” ama ta. A hrangpa tie ta, “Profet pakhakha tana na cuo,” ama ta. 29Ama ta, “Niema haw, ahung ina ta ung cama?” a ta yi. Piter ta, “Messiah#8:29 Or Khrih tana na cuo,” a ta. 30Cakhutaa, Zingsuv ta, a kaw kha ahunghmuo chang li riypata a thlu yi.
Zingsuv Ta A Thiyna Hne A Thupakhaana Kaw A Ri
(Mat 16:21-28; Luk 9:22-27)
31Cakhutaacata Zingsuv ta ziytuv tie kha pacuv yite, “Cawsaa Saacapaa ca te-angna khuopuv ta a taw'a te, uvthyi tie, tluobyilepa tie, hne phungbie saya tie ta ama thaw aa, thie'a yite, ningthung khu taata a thupakhaa aa,” a ta yi. 32Hingpa hing a siesa pata a chang yi. Cacuonakaw Piter ta a cawta cakuo khyi te a chuo. 33Cadyiseca Zingsuv ta ziytuv tie'a luo kha a pali te Piter kha a chuo hriy. “Setaa, i hnang luo kha a hnyi,” a ta. “Na ruenapa hing Khazing hmang cunglie chi vaciy, cawsaa hmang cungliena na chi,” a ta.
34Cawsaazaapuv hne ziytuv tie kha ku yite, “Naa ziytuv a cuo khingpa ca ama hne ama kha a thaw sala, a vieluo kha a puv pata na ziy se. 35A hringna kha a khuo khingpa ca a hringna kha aa sung aa, cadyiseca kama cuo hne thuophaabie cuota a hringna a pipa ca a hringna kha a khuo aa. 36Cawsaa pakha ta chuelyi hing a yalya ta cu sala, a hringna aa sung tlung kieca khaapama a thlahne aa? Thlahne'a vyi! 37A hringna kha khaapa hmang tama aa thla khu aa? 38Hingpa a siyhrawpa hne a suepa chuo lie hing kama hne i bie a zaakhyipa ca, Cawsaa Saacapaa ta a Paa rungnaana hne a pathepa avuoming zaw hne aa zuv thueta ama kha a zaakhyi ra aa,” a ta.
Currently Selected:
Marka 8: LNT1
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.
Marka 8
8
Zingsuv Ta Cawsaa Thawpaliy Sa A Duo Yi
(Mat 15:32-39)
1Capa hrawning ngiethie cata cawsaazaapuv kha a vya hmya yite ning riypa khaapahmuo ama hnyi li nakawta Zingsuv ta ziytuv tie kha ku yite, 2“Cawsaazaapuv hing i ngie na ina chi yi, tahematapakieca kama'a lie ningthung aw tli yite ata hing ning riy hnyi vayi. 3Ama nangdiy pata ing luo i pakaa kie yi ca luo lieta ama hyle aa _ chekha ca luohlaasa taata a vawpa tana ama cuo,” a ta. 4Ziytuv tie ta, “Hingpa ruocaa lie hing hing zaa cawsaa hing ahungma viechuo a duo khu'a yi?” ama ta. 5Zingsuv ta, “Viechuo tluo khazaa ma nama hnyi?” a ta yi. “Tluo sariy,” ama ta. 6Zaapuv kha alyi lie patu sa yite viechuo tluo sariy kha la te, Khazing'a luo kha palungtluona bie a hluo khu taata chechi te zaapuv re riypata ziytuv tie kha pi yite ama re. 7Ngaa a cawta zaw kha hnyi yite, thluechiy a pi khu taata ziytuv tie kha a pare sa ra yi. 8Ama bangkhuo ta ning yite ama riy a bi, azungpepa kha ama pakhaw ca beke ta zung sariy a bi. 9Cawsaa ca thaw paliy hraw ama ta. Cakhutaacata a pathlie yi. 10Ziytuv tie hneta sawkawpalaw luo kha a catlisa pata kie yite Dalmanutha#8:10 Hluo vie caa-uv lieca Mageda a cuo li kie Magdala a ta. pe luo kha ama si.
Kharuehaa Hmang Tue Riypata Ama Hie
(Mat 12:38-42; 16:1-4)
11Farasi tie chekha a vaw yite Zingsuv hneta bie amaa i. Ama kha ama dyapasya khing nakawta, vuoruo taata kharuehaa hmang suokha ama hie. 12Zingsuv ca a huv kha pa-y te, “Khaapanakawma ata chuo saa zaw ta kharuehaa hmang tue riypa ina hie yi? Biehmisi tana ica chang yi: Tuokhaapa kharuehaa hmang hmuota ata chuo cawsaa zaw hmielie hing tue pata cuo'a vyi,” a ta. 13Iema kha thuse yite, sawkawpalaw chung luo kha a ngie pakhaa te, riyliy huesuo luo kha a vaa.
Farasi Tie Hne Herod Thiynung
14Ziytuv tie ta viechuo vya phyale ama maw nakawta sawkawpalaw chunglie kha tluokha dyi ama hnyi. 15Zingsuv ta, “Farasi tie thiynung hne Herod thiynung kha a raaring ung,” a ta yi.
16Pakha hne pakha kha, “Viechuo ma hnyi li nakawna a cuo,” amaa ta.
17Zingsuv ta amaa ruepa kha a pachang nakawta, “Khaapanakawma viechuo nama hnyi lipa kaw ca namaa rue? Ata tepa hingta pachangpasie khu the va ung cama? Nama palung ma aca paping yi? 18Ming nama hnyi thluo raalaa pata, hmung va ung cama? Naa nama hnyi thluo raalaa pata, thyi va ung cama? A thyi the va tli ung cama? 19Cawsaa thawpangaa cuota viechuo tluo pangaa i chechi ning kha azungpepa beke zung khazaa ma namaa haa?” a ta yi. “Zung hraa hlyihning,” ama ta. 20Cawsaa thaw paliy cuota tluo sariy i chechi ning khahaw azungpepa beke zung khazaa ma namaa haa? a ta yi. “Zung sariy,” ama ta. 21“Cakhutaa, ata te pata pachangpasie khu va ung cama?” a ta yi.
Bethsaida Lie Zingsuv Ta Mingcuepapaa A Patluo Sa
22Bethsaida luo kha ama chiy. Cawsaa chekha ta mingcuepa pakha kha Zingsuv'a luo vya chiykhyi yite a hrie riypata paa ama kie. 23Zingsuv ta mingcuepapaa kha a kuv ta ca-ya te khyle luo kha a pyakhyi. A ming lie kha a paciy a be khu taata, a kuv kha a cunglie khang te, “Suokha chuo na hmung ma? a ta. 24Cawsaapapaa ca vuopaa kya ang te, “Cawsaa kha i hmung khu yi, cuorasala thingkungpa na a cakuole tapa haatana i hmung yi,” a ta. 25Zingsuv ta cawsaapapaa ming kha a kuv ta a taw pakhaa. Cawsaapapaa ca khuosa ta mang te a ming a vya vuo nakawta zezaw bangkhuo kha a siesa pata a hmung. 26Cakhutaata Zingsuv ta ing luo kha padiy sa te, “Khychung luo vaa ngie khya,” a ta.
Peter Ta Zingsuv Kaw A Phu
(Mat 16:13-20; Luk 9:18-21)
27Zingsuv ca ziytuv tie hneta Sisaria Filipi pe khyta luo kha ama tlaw. Luopuv lie kha ziytuv tie kyihuo ta, “Kama hing cawsaa ta ahung ina ta yi ma? a ta yi. 28Iema ta, “Tiynawtuv Johan tana na cuo,” ta yite, a hrangpa tie ta, “Elijah tana na cuo,” ama ta. A hrangpa tie ta, “Profet pakhakha tana na cuo,” ama ta. 29Ama ta, “Niema haw, ahung ina ta ung cama?” a ta yi. Piter ta, “Messiah#8:29 Or Khrih tana na cuo,” a ta. 30Cakhutaa, Zingsuv ta, a kaw kha ahunghmuo chang li riypata a thlu yi.
Zingsuv Ta A Thiyna Hne A Thupakhaana Kaw A Ri
(Mat 16:21-28; Luk 9:22-27)
31Cakhutaacata Zingsuv ta ziytuv tie kha pacuv yite, “Cawsaa Saacapaa ca te-angna khuopuv ta a taw'a te, uvthyi tie, tluobyilepa tie, hne phungbie saya tie ta ama thaw aa, thie'a yite, ningthung khu taata a thupakhaa aa,” a ta yi. 32Hingpa hing a siesa pata a chang yi. Cacuonakaw Piter ta a cawta cakuo khyi te a chuo. 33Cadyiseca Zingsuv ta ziytuv tie'a luo kha a pali te Piter kha a chuo hriy. “Setaa, i hnang luo kha a hnyi,” a ta. “Na ruenapa hing Khazing hmang cunglie chi vaciy, cawsaa hmang cungliena na chi,” a ta.
34Cawsaazaapuv hne ziytuv tie kha ku yite, “Naa ziytuv a cuo khingpa ca ama hne ama kha a thaw sala, a vieluo kha a puv pata na ziy se. 35A hringna kha a khuo khingpa ca a hringna kha aa sung aa, cadyiseca kama cuo hne thuophaabie cuota a hringna a pipa ca a hringna kha a khuo aa. 36Cawsaa pakha ta chuelyi hing a yalya ta cu sala, a hringna aa sung tlung kieca khaapama a thlahne aa? Thlahne'a vyi! 37A hringna kha khaapa hmang tama aa thla khu aa? 38Hingpa a siyhrawpa hne a suepa chuo lie hing kama hne i bie a zaakhyipa ca, Cawsaa Saacapaa ta a Paa rungnaana hne a pathepa avuoming zaw hne aa zuv thueta ama kha a zaakhyi ra aa,” a ta.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Chin Lautu © Bible Society of Myanmar, 2015.